الطبعة العاشرة لدورة الرقي بمدبرة منزل مثالية - الصفحة 112

~ حراير ~ · 2012-12-17, 10:07

انا اسمحولي درك نروح نوجد لفطور لمول البيت و نوضو نحكيو شوية هاداك هو يجي وقت المحجوبة
خواتاتي ادعولي ربي يهنيني مع مول الدار و يرزقنا المودة و الرحمة في قلوبنا
شكرا ليكم و ربي يبارك فيكم و ربي يدوم محبتنا و يلاقينا في الفردوس الأعلى مع النبيين و الشهاء و حسن أولئك رفيقا آمين

نافلة · 2012-12-17, 10:08

اقتباس:

المشاركة الأصلية كتبت بواسطة اريج المسك

فطيمة حبيبتي البطاطا الحلوة نديرها بزوج طرق
اما ماندوخش راسي و نلوحها في الفور كيما راهي بقشورها حوالي نص ساعة تطيب طرية كي الزبدة و نسهرو عليها
و الا طاجين حلو نقي البطاطا و نلوحها في ماء فيه قارص او نحكها بالقارص و نزيد نلوحها في الماء بالقارص لأنها سرييييييييييييييعة التأكسد
و نطيب لحم حلو كيما تعرفيه انا والله مانعرف نكيل ندير غير بالوهي يعني عيني ميزاني شوفي نرابي يعني نكرفج البصلة في الكرفاج الرقيق تعود كي شغلت ماء و نحطلها اللحم "انا نفضل صدر دجاج نقطعو مربعات" و الزبدة و رشة الملح و الكركم "خير من الزعفران تجي المرقة تقولها ذهب" و نحط أعواد القرفة باش ما تكحالش يعني تسواد المرقة و كان ماعندكش الأعواد القرفة ديري قطرة فوق اللحم مش البصلة و امبعد كي قريب اطيب زيديلها
لما يتقلى اللحم بالبصلة نمرق و نزيد السكر عينك ميزانك وشي هو هاد الطاجين يجي خفيف مش عاقد بزاف و نلوح معاهم البطاطا انتاعي الي قطعتها مربعات متساوية لما يطيبو نلوح مغرفة ماء زهر و نطفي عليهم يجي بنة عظيمة و كي تحطيه زيني بالي عندك لوز مقشر كاوكاو أو حتى جلجلانية
أنا هاديك النهار زينتو بأنصاف الأناناس و لوز افيلي
ان شاء الله تكوني فهمتيني و الا قوليلي نعاودلك
حاجة برك طاجين القسطل كيفو بعد و لكن تغلي القسطل وحده و تلوحيه في الأخير لما يكون اللحم نصف طياب

يعطيك الصحة ليلى راني فهمتك تقريبا كيما طاجين الحلو نتاع البانان

Minnnaaa · 2012-12-17, 10:14

اسمحولي رحت عجنت باش ندير المحاجب ( راها ليلوشة متلفتلي لعقل باش نحس روحي نفطر عندهاهاهاهاها)
ودرك نكمل شغل الدار ولا شاقلتي استاذتي منونة خير مالا يقول لا هدرة لا شغل الدار,,,,
الى الملتقى حباباتي

نافلة · 2012-12-17, 10:17

منى باينة مشيتي تكاسي لكروت

نافلة · 2012-12-17, 10:20

[color="red"]

مينا مالكي ليو ما صبحتيش عليا
ولا راهي متلفاتك ليلى ياك صايي كملتي معاها لونكات [/colo

r]

نبض الفؤاد · 2012-12-17, 10:32

صباح الخير يا وجوه الخير كي راحت بنتي راني دخلت نطل عليكم
واشنو هذا راكم زاهيين يعطيك الصحة يا منى راكي نحيتي الغبرة على خالاتك راكي قد بنتي الكبرى هدى يعني قوليلي طاطا
ومعليش نتعلم منك راني عارفة بنات البرج شاطرات كانو صحابات بنتي في الجامعة
رجعتينا الحيوية والشباب الله يحفظك
ليلى يعطيك الصحة ما خليتي والو قلتي كل ما نحبو ننصحو بيه وفاء بالحكمة نطقت .بروفيتي قد ما تقدري. يبقى مدة مول الدار باه يروح؟
سمراء الله يتقبل منك وادعيلنا معاك بصلاح الذرية
وليدي من كثرة الاضرابات في الجامعة راهو حاس روحو تايه ما بداوش لحد الان كله قلق وتذمر وداير لي مشكل مع باباه على السيارة مع انه عاقل بصح يبقى مراهق هذا سبب المصران .
كيفك حنونة فاطمة انا راني دايرة مقارون بالبيشاميل

نافلة · 2012-12-17, 10:36

كيراكي حبيبتي نبض الفؤاد و كيدرتي شوية ان شاء الله تكوني احسن
ممم يعطيك الصحة نموت على المقارون بالبيشاميل
ياريت تقوليلي على اسمك لو سمحتي عزيزتي

it's me · 2012-12-17, 10:58

فطوووووووووووووم قوليلي وش هي قارحة حسيت بلي كلمة ماشي مليحة هههههههه نضحك معاك
نحيتيهالي من فمي
كنت رايحة نسقسيها على اسمها هههه اذا حبت

it's me · 2012-12-17, 11:01

اسمحوووووووووووولي راحتلي الكونكسيو و رجعت وشراكم

it's me · 2012-12-17, 11:04

اقتباس:

المشاركة الأصلية كتبت بواسطة فاطمة بشار

ممم يعطيك الصحة نموت على المقارون بالبيشاميل

ياريت تقوليلي على اسمك لو سمحتي عزيزتي

نعطيلك طريقتي في المقرونة باللحم الرحي تجي هايلة
غلي المقرونة عادي و قطريها
دوزني اللحم تاعك و طيبيه و زيدي عليه 2 حبات طماطم مكرفجين مدوزنين مليح و خليه مدة 5 دقائق ثم ضيفيلو كاس ماء و حليها تخثار و مع الاخير لوحي المقرونة تاعك و كي قريب تحطيها حطيلها فروماج روج رابي و دبشة ممممممممممممم طعم رهييييييييييب

نبض الفؤاد · 2012-12-17, 11:21

اقتباس:

المشاركة الأصلية كتبت بواسطة اريج المسك

عندك الحق منى اكلات اختنا مقدسية ساهلين و بنان
و لكن عجبني الرابط انتاع سمراء راح انديرو
حبيت انقولكم حاجة انا في عمري ما هزيت غوسات كيما راهي نهز أفكار و نزيد من عندي
و الحمد لله يصلح فيهم ربي و يجيو املاح
رني على البطاطا بالثوم "رابط سمراء" انا والله ما نحب الثوم بزاف راح نودزنها بالجهة الخضراء تاع البصلة تجي ابن مع المعدنوس ان شاء الله تصلحلي

[size="5"]هذه هي مليح كي تخلي بصماتك على الاطباق نتاوعك

شوفي هما كلهم 4سنات ثوم يعني نقصي خليها 2 لازم الثوم يبنن كيما انا الزوج نتاعي ما يحبوش ندير غير شوية تجي علامة[/size]

نبض الفؤاد · 2012-12-17, 11:27

اقتباس:

المشاركة الأصلية كتبت بواسطة فاطمة بشار

كيراكي حبيبتي نبض الفؤاد و كيدرتي شوية ان شاء الله تكوني احسن
ممم يعطيك الصحة نموت على المقارون بالبيشاميل
ياريت تقوليلي على اسمك لو سمحتي عزيزتي

الله يسلمك اسمي حليمة

it's me · 2012-12-17, 11:28

حليمة حلوومتي اسمك هايل يليق نغني عليه
حليمة حلووومة حلوة كي الحلقووومة هههههههههههههه

نبض الفؤاد · 2012-12-17, 11:38

الله يخليك راني رايحة نوجد الطابلة ضرك يجي البيه والاولاد صحا فطوركم
على فكرة نحيت الشعار نتاع الدورة ما بقات دورة الشغل نغيرو الاسم والشعار وليت نحشم كندخل بيه لكاش بلاصا ويجو يطلو علينا يصيبو حية اخرى امالا يا ريت تخلوها بيناتنا موافقين ولا لالا

it's me · 2012-12-17, 11:46

اقتباس:

المشاركة الأصلية كتبت بواسطة نبض الفؤاد

الله يخليك راني رايحة نوجد الطابلة ضرك يجي البيه والاولاد صحا فطوركم
على فكرة نحيت الشعار نتاع الدورة ما بقات دورة الشغل نغيرو الاسم والشعار وليت نحشم كندخل بيه لكاش بلاصا ويجو يطلو علينا يصيبو حية اخرى امالا يا ريت تخلوها بيناتنا موافقين ولا لالا

صح غداك حلومة
بصح ممكن كي تنحيه تحتسبي ماكيش مشاركة ولا لالا
ماني فاهمة والو من الاحسن نسقسيو طاطا سندس