الى ام اسيد1 وكل وحدة حاصلة واش الطيب - الصفحة 112

غزالة الصّحراء · 2014-12-27, 13:58

اقتباس:

المشاركة الأصلية كتبت بواسطة طائرة الشرق

انا انضممت ليكم عندي مدة نجي نطل و نروح انا عروسة جريرة و كل يوم نحب نوع لراجلي و لقيتكم انتم رايعين ام حمزة و روح مراد

ياألف سهلا وسهلا ومرحبا. نوّرتي الصّفحة . وهاذي المرّة ماش رايح اتطلي وتروحي. بالخصوص وأنّك عروسة اجديدة . تصفحي الصّفحة وأكيد رايح اتنوري بيتك بأطباق عضوات الصّفحة . أنا بدوري استفدت كثيرا. تحيّة خالصّة لكلّ من تساهم في أثراء الصّفحة بطبخات مفيدة وناجحة.
أمتع الأوقات بين ثنايا هذه الصّفحة.

غزالة الصّحراء · 2014-12-27, 14:03

اقتباس:

المشاركة الأصلية كتبت بواسطة روح مراد

صباح الخير عليكم واش راكم
راني سقسيت كامل عليكم كل وحدة باسمها
أم حمزة قريب جيت نفطر عندك الخميس جزت من حومتك لوكان غير جيت نربح فطور باطل
غزالة راكي نورتي المنتدى و زدتي إضافات جديدة و العروسة الجديدة ربي يهنيك و إنشاء الله تكوني في القمة إذا طيبتي فقط أطباق أم حمزة
و المنتدى راهو مليئ بالأطباق غير ديري الكوراج و طيبي

ياصباح النّور والورد والياسمين عليك يا أختي روح مراد . ايسقسي عليك الخير . وياربّ اتكوني أنتي والعائلة كامل أملاح. بدون ماننسا أيّ عضوة . وخصوصا أم حمزة22 . راهي طولت الغيبة. بالاك عجبتها السّكنة انتاع أختها ، وقالت ألها : من هنا مانتحرّكش.
أتمنّى للجميع أسعد الأوقات. البارح طبقت ميلفاي + درت المبرجة . واليوم راني انطبق في كرواسون أنتاع لينا. راني غير مع الكوزينة . مانعرفش كامل الرّاحة . هذا كلّ في خاطر أولادي لعزاز بسلامتهم وزوجي الغالي.

روح مراد · 2014-12-27, 14:13

يعطيك الصحة يا غزالة ربي يكون في العون
و الله أنا كي يكون عندي غير شوية وقت يكون للمطبخ
أنا البارح درت جاجة محمرة في الفرن مع أرز
و العشية درت بغرير و العشاء تعشيت في دارنا دارو شربة و رشتة بالجاج و اللمة كانت فوق الرائعة
ما أحلى ذكريات الطفولة ماكانش كيما لمة العايلة شيء رائع ربي يرزق كل واحد بحلاوة العائلة المتماسكة

غزالة الصّحراء · 2014-12-27, 16:14

اقتباس:

المشاركة الأصلية كتبت بواسطة روح مراد

يعطيك الصحة يا غزالة ربي يكون في العون
و الله أنا كي يكون عندي غير شوية وقت يكون للمطبخ
أنا البارح درت جاجة محمرة في الفرن مع أرز
و العشية درت بغرير و العشاء تعشيت في دارنا دارو شربة و رشتة بالجاج و اللمة كانت فوق الرائعة
ما أحلى ذكريات الطفولة ماكانش كيما لمة العايلة شيء رائع ربي يرزق كل واحد بحلاوة العائلة المتماسكة

يعطينا كامل الصحّة ويكون في عوننا.
واش انقولك يا أختي ألي عندها لولاد دائما مشغولة.
أنا البارح درت خبز سوريا، وزدت درت عصير أم حمزة22. واللّه غير اتوحشت البغرير . راكي سخفتيني. بالخصوص لمّا ايكون اسخون ونزيدلو الزبدة واشويا أنتاع لعسل الحرّ. أنومت أعليه. هاذي مدّة مادرتوش. راكي فكّرتيني . حتّى اولادي ايحبوه. وقيل غدوا انشاء اللّه انديروا.
عندك الحّق فيما يخصّ ذكريات الطفولة. لمّا انكمّل شغلي نقعد اشويا مع اولادي ونبدا أنذكرهم بمرحلة طفولتهم، ثمّ اندخّل طفولتي اشويا في القصّة. واللّه في بعض الحالات غير ايشبعوني الضّحك. وانقول ألهم ، الخير إن شاء اللّه هاذي مدّة ماضحكتش مثل هاذي الضّحكة. وما أحلى لمّة العايلة ( الإخوة والأخوات ) بصّح كلّ واحد ووحدة وين راه. غير في العطلة ألي نتلاقاو . والبركة في النت والهاتف على الأقلّ نسمعوا اشويّة أخبار.
يعطيك الصّحة والعافيّة أختي روح مراد راكي رجعتيني اشويا للماضي والذّكريات.

*أم جابر* · 2014-12-27, 16:32

السلام عليكم و رحمة الله و بركاته
غزالة الصحراء بار ك الله فيك و جزاك الله خيرا و الله راكي نشطتي الموضوع بحضورك الراقي الله يحفظك

mon espoir · 2014-12-27, 19:29

السلام عليكم فحلات بلادي.. انا ثاني جديدة .. راجلي مشراط في الماكلة و كاين حوايج بزاف ما ياكلهومش .. كل يوم و انا مع التخمام و كارهتو معايا واش ندير غدا واش ندير عشا .. دايما ندخل للركن هذا ,, ساعات نلقى الحل هنا ساعات ندبر راسي.. كل خطرة كيفاش.. درت من قبل موني تاع 2 سمانات.. و راحلي و ذرك راني نخمم نعاودو ..هكداك نربح الوقت و ما ندوخش.. يعطيكم الصحة اتحفتونا

ام حمزة22 · 2014-12-27, 20:36

سلام
واش راكم غالياتي ان شاء الله تكونو كامل بالف خير
يعطيكم الصحة على احياء هاد الصفحة
روح مراد لوكان جزتي للبيت ماتلقاينيش بصح نهار اخر جوزي مرحبة بيك
غزالة ان شاء الله مايحرمناش من طلتك علينا ربي يحفضك ويخليك
الجدد مرحبة بيكم الدار داركم وان شاء الله ستفيد من بعضنا البعض
لبنات سامحوني ما قدرتش نقرا كامل الردود دخلت نطل طلة صغيرة ونروح
غزالة والله عندك الحق جوزت ليلة هايلة مع خواتاتي حتى اختي الصغيرة جات وضحكنا بزاف
وكي وليت الداري ما لقيت لا ولادي ولا زوجي خديت خلعة صحيحة زوجي طلعتلو لاطونسيو بعيد الشر عليكم قعد فالمستشفى نهار كامل وهما يحبطولو فيها وانا لاخبر
ما حبوش يفقولولي باه ما يخلعونيش والان والحمد الله تحسن
عشيتو ورقد قلت نضرب طلة فيكم توحشتكم وما نقدرش نصبر عليكم
صامحوني على عدم الرد على ردودكم
ومرحبة بكل وحدة جديدة
ومرحبة باطباقكن وافكاركن

mon espoir · 2014-12-27, 21:22

الله يشافي. كل مريض و يرجع كل غايب حبيب. هذا. عشانا. مي. ماتضحكوش راني تعبانة غير نسقد

ام حمزة22 · 2014-12-27, 21:48

اقتباس:

المشاركة الأصلية كتبت بواسطة mon espoir

الله يشافي. كل مريض و يرجع كل غايب حبيب. هذا. عشانا. مي. ماتضحكوش راني تعبانة غير نسقد

ماشاء الله
يعطيك الصحة بصحتكم
مشكورة على المشاركة بارك الله فيك

ام حمزة22 · 2014-12-27, 21:56

طبقي اليوم كان بطاطا مقلية وبدنجال بالبيشاميل والطريقة فالصفحو24
وطيبت حساء الخضر لزوجي وسلطة البيتراف بللثوم باه تحبطلو لطونسيو
ودرت سلطة البطاطا والطريقة فالصفحة 1

غزالة الصّحراء · 2014-12-27, 22:08

اقتباس:

المشاركة الأصلية كتبت بواسطة ام اسيد1

السلام عليكم و رحمة الله و بركاته
غزالة الصحراء بار ك الله فيك و جزاك الله خيرا و الله راكي نشطتي الموضوع بحضورك الراقي الله يحفظك

وعليكم السّلام ورحمة اللّه وبركاته
العفو يالغاليّة. هاذي ثاني دارنا . ومولاتها هي أم حمزة22 . وهي راهي غايبة واحنا اضيافها . ماتقولش غير رحت كامل راحوا وخلاو الدّار فارغة. لازم انرحبوا بالضّيوف كيما لازم . ونقدموا واش نقدروا عليه. نوّرتي .

غزالة الصّحراء · 2014-12-27, 22:11

اقتباس:

المشاركة الأصلية كتبت بواسطة mon espoir

السلام عليكم فحلات بلادي.. انا ثاني جديدة .. راجلي مشراط في الماكلة و كاين حوايج بزاف ما ياكلهومش .. كل يوم و انا مع التخمام و كارهتو معايا واش ندير غدا واش ندير عشا .. دايما ندخل للركن هذا ,, ساعات نلقى الحل هنا ساعات ندبر راسي.. كل خطرة كيفاش.. درت من قبل موني تاع 2 سمانات.. و راحلي و ذرك راني نخمم نعاودو ..هكداك نربح الوقت و ما ندوخش.. يعطيكم الصحة اتحفتونا

وعليكم السّلام أختي =mon espoir ويارب كلّ آمالك تتحقّق. وراجلك يرجع يستعرف بشطارتك. ماعليك غير تدخل لهاذي الصّفحة رايح اكثير تستفادي. أهلا وسهلا ومرحبا بيك بيناتنا. أنا ثاني راني اجديدة في هاذي الصّفحة وتعلّمت اكثير أكثير منها.

غزالة الصّحراء · 2014-12-27, 22:19

اقتباس:

المشاركة الأصلية كتبت بواسطة ام حمزة22

سلام
واش راكم غالياتي ان شاء الله تكونو كامل بالف خير
يعطيكم الصحة على احياء هاد الصفحة
روح مراد لوكان جزتي للبيت ماتلقاينيش بصح نهار اخر جوزي مرحبة بيك
غزالة ان شاء الله مايحرمناش من طلتك علينا ربي يحفضك ويخليك
الجدد مرحبة بيكم الدار داركم وان شاء الله ستفيد من بعضنا البعض
لبنات سامحوني ما قدرتش نقرا كامل الردود دخلت نطل طلة صغيرة ونروح
غزالة والله عندك الحق جوزت ليلة هايلة مع خواتاتي حتى اختي الصغيرة جات وضحكنا بزاف
وكي وليت الداري ما لقيت لا ولادي ولا زوجي خديت خلعة صحيحة زوجي طلعتلو لاطونسيو بعيد الشر عليكم قعد فالمستشفى نهار كامل وهما يحبطولو فيها وانا لاخبر
ما حبوش يفقولولي باه ما يخلعونيش والان والحمد الله تحسن
عشيتو ورقد قلت نضرب طلة فيكم توحشتكم وما نقدرش نصبر عليكم
صامحوني على عدم الرد على ردودكم
ومرحبة بكل وحدة جديدة
ومرحبة باطباقكن وافكاركن

زارتنا براكة ، زارنا الخير والعزّ. أهلا بيك. والحمد للّه على سلامة زوجك. واللّه ايطوّل في عمركم. قوليلي كيفاش ماتطلعلوش لاطونسيو وانت غايبة على الدّار كان ايخمّم عليك. ومن كثرة التّخمام طلعتلوا. شوفي ياحنونة مرّة أخرى لازم وين أتروحي اديه أمعاك. يعني باختصار روحي اصباح وولي لعشيّة. كيما أندير انا . منقدرش أخلاص أنخليه وحدو. لمّا أنحبّ أنروح عند أهلي . يديني أصباح ويرجعني لعشيّة.
عشيتو ورقد قلت نضرب طلة فيكم توحشتكم وما نقدرش نصبر عليكم. شفتي ياحنونة أشكون ايعشيه كيما أنتي . وكيفاش مايوليش ابخير. أكيد غير كيشافك أرجع شاب أنتاع 20 سنة . ربّي ايخليكم لبعض ويحفظ لكم ذريتكم. ياربّ. وشكرا جزيلا على الوصفات اشهيوا. عن قريب رايح أنجربهم. ألف شكر.
أنا ثاني قلت نضرب طلّة. والحمد للّه القيتك. نتمنّى الكلّ ايكون بخير. ومرحبا بكلّ عضوة جديدة.

غزالة الصّحراء · 2014-12-27, 22:26

اقتباس:

المشاركة الأصلية كتبت بواسطة mon espoir

الله يشافي. كل مريض و يرجع كل غايب حبيب. هذا. عشانا. مي. ماتضحكوش راني تعبانة غير نسقد

ماشاء اللّه راكي اتسلكيها. واش أنقولوا لما تتصفحي هاذي الصّفحة أكيد رايح أتوليّ طباخة بامتياز.

mon espoir · 2014-12-27, 23:19

الله الله عليك اختي ام حمزة .. بصحتكم العشاء,, خسارة راجلي ما يحبش طواجن sinon راني نقلت عليك لغدا غدوة

غزالة الصحراء ربي يخليك كلامك يطلع المورال.. لو كان علابالي راني دخلت من زمان... ربي يحفظكم كامل و يحفظ ازواجكم و اولادكم