الجزء 139 من واش طيبتي اليوم ……كوزينة الهمة والنشاط من جديد…… - الصفحة 111

Mizou123 · 2015-08-20, 18:21

وين رحتوا يا الغاليات.... ما بنتوش نهار كاااامل خييييييييييير. انا راني مغموووووومة و قريب نطرطق بالقنطة شكون تجي نجمعوا في كراج الهام او الرجاء الأماني...

ساجده 82 · 2015-08-20, 18:41

سلامام جوجو سيماسيم سوسو المغتربه ميزو ، يسلمكم شوفوانا مش بنت لبحر بالصح هدا اجتهاد فورتهم لمده 10د مع رشه ملحلازم يتغسلو ويتنقاو من برا باش تقدرو تحتافظو بالماء لصنع الباييلا او سباثيتي بفواكه البحر او.. من بعد درتلهم رشه ثوم مرحي لان رائحتهم كانت قاشحه شويه ثم في مقلاه شحري حبه بصل متوسطه في قليل من الزيت تكون مقطعه شرائح رقاق وتتحصلي على بصل مكرمل انا كان عندي خل التوت جاي شوي حامض وحلو وثقيل كبيت شوي وقطعت فلفل احمر واخضر حلو شرائح رقاق وزدت شحرتو مع خليط البصل واضفت سنه ثوم اسود وشويه ملح وفلفل غبره احمر حار وكل مره نضسف القليل من الماء كل ماينقص نضيف القليل من بعد ماطاب عندي الفلفل قطعت حوالي 3 حبات طماطم صغيره وكملت الطياب ثم ضفت ملعقه فرينه ورحيت الخليط لاكن خليت شوي يعني مش مرحي مليح يبقي شوي خليط حاكم روحو ونعاود نضيف شوي طماطم جاهز الخاص بالبيتزا مش شرط وشويه ماء ونخليه يعقد شوي ونطفي من بعد .نحط شوي فرينه مع شويه خمسره حلوى وملح وبيضه وقليل من الماء ونخلط من بعد نغطس حبه المحار في الخليط ونرفعها بملعقه القهوه ونقلي لازم ملعقه صغيره لان من بعد الحبات بتنفخو نقطرهم من الزيت نرجعهم للقشره ونزينهم بالصلصه ورشه معدنوس اودبشه ولمحبي الحار رشه خفيفه

Mizou123 · 2015-08-20, 18:46

اخي ساجدة يعطيك الصحة جاو ك يشهو يعطيك الصحة و الراحة حبيبتي

ساجده 82 · 2015-08-20, 18:51

الله يسلمك حبيبتي كنت نعجل في الاخطاء لانني نكتب بالهاتف من بعد ماخلصت راح الرد .يالله مليح راه مفهوم

Mizou123 · 2015-08-20, 18:53

حتى انا حبيبتي راني غير بالهاتف و الله غير عياني

ساجده 82 · 2015-08-20, 18:55

مانعرفش نقتبس المشاركه كتت حطيتهم في اخر الصفحه ،106 مفو رين وحطيت عليهم بصل طماطم فلفل اخضر واحمر مقطعين رقاق وممكن بيض مغلي مع صلصه خل موطارد زيت زيتون ونعمرهم

الرجاء الاماني المجد · 2015-08-20, 19:00

مساء الخير كيف حالكن عزيزتي

ساجده 82 · 2015-08-20, 19:32

ساجده 82 · 2015-08-20, 19:33

سلام الرجاء الاماني المجد كيف حالك

omjoujou · 2015-08-20, 19:33

مساء الانوار الرجاء الاماني كيفك حبيبتي ان شاء الله استمتعي بتبحيرتك لعقوبة ليا الاسبوع الجاي
عشايا ليوم لابيري وكان عندي لحم خروف قطعتو قطع متوسطة ضفتلو الملح والفلفل لالاسود و الزبدة و شوي زيت ودرتو في كيس الشواء و حطيتو في الفور يطيب

الرجاء الاماني المجد · 2015-08-20, 19:47

والله لاباس ياساجدة توحشتكم خرجت بدلت الجو واستمتعوا لبنات ام جوجو كيف حالك وعطلة ممتعة

ساجده 82 · 2015-08-20, 20:53

الله يبارك بصحتكم الدعوه راهي فارغه الزاهر غير انا اللي راني في الدار

ساجده 82 · 2015-08-20, 20:55

للاسف انا حاليا مانقدرش نفتح كوزينه ان شاء الله كاش واحده من الاخوات يفتحوها لانصبحو صايمين واجرها على الله

omjoujou · 2015-08-20, 21:26

هذا عشايا تصبحن على الف خير

الرجاء الاماني المجد · 2015-08-20, 21:32

بصحتك العشاء ام جوجو