|
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
حمزة المجتهد مستعد للاجابة على استفساراتكم ~ الى التميز ~ متجدّد ~
|
أدوات الموضوع | انواع عرض الموضوع |
2015-05-02, 21:08 | رقم المشاركة : 1651 | ||||
|
السلام عليكم ورحمة الله تعالى وبركاته .... سلام للجميع ولصديقاتي الغاليات ...حبيبتي Creative chaos ...و sozii و اسيل منة الله وrorororoوsali bsb pop..... نتمنى تكونوا بالف خيير ....صديقاتي والله تعرفو راني البارح كنت شوي مريضة ماقدرتش نطل على اسئلتكم وليوم ماكنتش في الدار وهذا وين جييت ميتة بالتعب ..المهم انا جيت نضرب عليكم طلة ونشوف احوالكم ...وباذن الله في الغد نجاوب على اسئلتكم ..انا المهم نقلك ضرك كلمتين ...عليكم بالثقة .....ثم الثقة ...اولا الثقة بالله عز وجل وقدرته التي ليس حدود ...وثانيا الثقة بالنفس ...وبالتالي تفاؤلوا خيرا وستصلون الى مبتغاكم عاجلا ام اجلا ولا تدعوا أي حاجز يثنيكم ويعيقكم عن تحقيق اهدافكم ... بالتوفيق لكم وجميعا وسادعو لكم دائما بالنجاح والتوفيق ... في حفظ الرحمان صديقاتي الغاليات ....
|
||||
2015-05-02, 21:09 | رقم المشاركة : 1652 | |||
|
العفو حبيبتي بلا مزية ..انا في الخدمة دائما باذن الله ...موفقة ...
|
|||
2015-05-02, 21:11 | رقم المشاركة : 1653 | ||||
|
اقتباس:
مرحبا حبوبتي الغالية هاجر كيف حالك؟؟ .....لي عودة باذن الله وسأرد على رسالتك الرائعة ......ربي يخليك حبوبتي ...وانا نطمئنك على حالي راني الحمد لله بخير ...ومع السلامة حبيبتي ..الى اللقاء ان شاء الله.. ...
|
||||
2015-05-02, 21:58 | رقم المشاركة : 1654 | |||
|
طهههههههههههههههههههههههور ان شاء الله عزيزتي |
|||
2015-05-03, 14:19 | رقم المشاركة : 1655 | ||||
|
اقتباس:
وعليكم السلام ورحمة الله تعالى وبركاته ... حبيبتي سوزي يا شعلة الامل ..يا صلبة الارادة ...اتعلمين انا اراك الان في القمة ...فليس عليك اذا ان تنظري الى الاسفل وتسمعي الكلام التافه من التافهين ...فبدلا من ان يهتم كل شخص بنفسك وحاله ...ترينهم يلتفتون الى الاخرين ويعلقوا عليهم ..اقول لك غاليتي لا تهتمي بهم واعلمي انهم قد اصابهم الغرور منك ما جعلهم يتحدثون عنك ..انت لا تفكري فيهم دائما حاولي ان تسدي اذنيك عن سماع هذا الهراء ... ليس لديك الوقت عزيزتي كي تضيعيه في الالتفات اليهم والاصغاء الى مايقولون ...وحتى صديقتك التي جاءت وأوصلت لك الخبر انصحك ان تقولي لها مهما سمعت من اخبار عنك فاطلبي منها ان لاتخبرك بها ....قولي لها لا يهمني هذا الكلام ...... واذا كانوا هم يريدون ان يحسدوك*** ويضربوك بعين بين قوسين *** نتي سكارة فيهم اقراي مليح باه تجيبي مليح وتخليهم مغتاظين ... كل ماتجيك هاذيك الافكار استغفري ربي سبحانه وقولي في قلبك وش راح تفيدي هذا الافكار برك راح تضيعلك الوقت وتحققي لهم مبتغاهم .. نتي حبيبتي اقراي عادي بالشوي بالشوي ..شوفي الحوايج لراكي ناقصة فيهم باه تستدركيهم ....افهمي كلش فوقيا اما باه تفهميهم مليح لازمتلك حبيبتي تكثري من حل التمارين تع البكالوريات وخلاص ..حاولي تنوضي بكري وكي تقراي وتحسي بالتعب ريحي شوي قدر 5 ولا 10 دقايق ...ومن بعد من 1 حتان2 ولا 3 ..ماذابيك ديما تضربيها برقدة ..باه تحسي روحك في كامل نشاطك وتقدري حتى تسهري في الليل بسهولة ... وبالتوفيق حبيبتي الغالية ..اتمنى لك النجاح من كل قلبي ...باه تفرحي وتفرحي والديك وتفرحينا كامل اولا وتحمصي هاذوك الحسادين ثانيا.. بالتوفيق حبيبتي ..وتفكرت ثاني ماذبيك ديما تقراي المعوذات ...باه تحمي روحك من العين والحسد ان شاء الله .. وفي امان الله حبيبتي ... |
||||
2015-05-03, 14:22 | رقم المشاركة : 1656 | |||
|
مرحبا حبيبتي سوزي ..ربي يخليك يا عمري ...والله راني ضرك الحمد لله غاليتي ...شكرا لك وعفاك الله وادام لك الصحة باذنه تعالى ..وموفقة حبوبتي ..سلام ..
|
|||
2015-05-03, 14:37 | رقم المشاركة : 1657 | |||
|
................................
|
|||
2015-05-03, 14:38 | رقم المشاركة : 1658 | ||||
|
اقتباس:
مرحبا حبيبتي رورو ...كيف حالك ؟؟ انا يا غاليتي عطاوني في البداية كل الخيارات ..والخيارات لرفضت لي من العشرة لاخترتهم هي الصيدلة والطب وطب الاسنان ... موفقة ... |
||||
2015-05-03, 14:44 | رقم المشاركة : 1659 | ||||
|
اقتباس:
سلام غاليتي ... ممممممم بصراحة حبيبتي ماننصحكش ديري نقاطي كمقياس لك..بويسك انا درت اخطاء واخطاء ..وندمت عليها وان شاء الله نتوما ماتزيدوش توقعوا فيها كيما التسرع وقلة التركيز ....هاذوا كانوا اهم سببين في نزول نقاطي للاسف ....رغم انكم كما تلاحظون بالتقريب ماكانش اسهل من باك نتاعنا ..على كل حال .. انا اخذت في الرياضيات 16 ....وقد ارتكبت بعض الاخطاء التافهة بسبب تسرعي اولا ..وكان خطئي الاول انا اخترت الموضوع الاول وبدئت الاجابة فيه وبعد مرور اكثر من ساعة قررت تبديل الموضوع وصارلي ارتباك وكدت حقيقة ان افقد الامل ..ولكنني تمسكت بالله وتوكلت عليه ..والحمد لله لم يخذلني ..... بالنسبة للفيزياء للاسف اخذت 12 ..رغم انه لم يكن صعب لكن مشكلتي انني بدئت بداية بطييييييييييييييييئة جدا ولم اشعر بالوقت يمر ...وفجأة عندما نظرت الى الوقت وجدت انه بقيت اقل من ساعة وامامي 3 تمارين كاملة ..وزيد هذاك الجدول في الفيزياء اخذ مني الوقت ..وكان خطئي الاكبر انني اسأت اختيار الموضوع صراحة هذا العام بعدما اعدت حل الموضوع الاخر جدتها سهلا جدا ..وانا هربت منو لانو كان فيه استرة وحنا ماقريناهاش خسارة ولكن كون خيترو كنت راح نضمن على الاقل 16 ...يعني ضيعتو من يدي خسارة ..ولكن الحمد لله على كل حال .. بالنسبة للشريعة عادي اخذت 20 ....وبالرغم من انني انا كنت عندما احفظ اشعر انني نسيت كل شئ ..ومع ذلك في الباك اجبت بكل سهولة ..والحمد لله .. بالنسبة للاجتماعيات اخذت 17 ...وكنت كذلك نحفظ ونحس اني ماحفظتش بصح يبقى هذاك مجرد شعور ..يعني نقلك كي تكوني تحفظي وتحسي روحك نسيتي را ه امر عادي طول ..وننصحك كذلك ديري الوضعية على شكل فقرة مش على شكل نقاط .. بالنسبة للعلوم حقيقة لن الوم نفسي ..لانني اجبت على جميع الاسئلة وفي وقت قصيرة وكنت متأكدة ان نقطتي لن تقل على 18 ..وعندما رايت الاجابة النموذجية زاد فرحي لانني قارنتها باجابتي فوجدت تقريبا كل شئ صحيح ماعدا بعض الاسئلة الطفيفة ....يعني العلوم ماكنتش خايفة منها خلاص وخاصة ان نقاطي في الفصول كانت فوق 18 ..بالرغم من تشديد الاستاذ ..ومن بعد في الاخير ما عرف وش صرا دييت خسارة 12 ....وكلي ثقة ان هاذي مش نقطتي اظنو كان خطأمن عند لي صحوا..ولكن على كل حال الحمد لله .... بالنسبة للانجليزية دييت 17...وارتكبت خطأ بسيط بسبب تسرعي ...بالاضافة الى انهم ظلموني في الوضعية الادماجية ... بالنسبة للفرنسية ...ماكانتش مركزة عليها لخطراه راني ناقصة فيها صراحة ....بالرغم من اني فهمت النص جيدا وفهمت الاسئلة الا ان اجوبتي كانت خاطئة...على كل حال اخذت 11.5 ..ونصيحتي ليك انك كون تصيبي ماديريش //كومبت روندي// لخطراه مايمدوش فيه وانا ندمت كي مادرتش التعبير خسارة بالرغم من ان الاستاذة نصحنتي بيه ... بالنسبة للادب ...كانت اجوبتي تقريبا معظمها صحيحة لكن وبسبب تسرعي فقدت للاسف 3 نقاط في التلخيص ماعرف وش صرالي بدل من ان الخص قمت بشرح القصيدة ..وقد اخذت 14.5... بالنسبة للفلسفة كانت علامتي 11.5 وبصراحة كان مقالي يفتقر للمقولات ولم تكن مقدمتي قوية ..اضافة الى انني لم اقم بتحضير ذلك الموضوع الذي اخترته ... بالتقريب قتلك كلش ومانسيت والو ..ان شاء الله تستفادي من اخطائي وماتوقعيش فيها ...وربي يوفقك الى المعدل للتتمنايه .. بالنسبة للعلوم ننصحك فقط بالتمارين وكيما تفهميش حاجة ارجعي للدرس .. وننصحك تعاودي تحلي كل اختبارتك وفروضك ....وتحاولي تكتشفي الاخطاء لارتكبتيها من قبل باه ماتعوديهاش ان شاء الله . بالنسبة للمتتاليات راها ابسط مايكون تقدري تداركها بسهولة ..بالنسبة للميكانيك الجزء الاول تع الاقمار سهل جدا وتقدري تتمكني منو ..مي ميكانيك نيوتن صعيب صح ...بصح بالعمل والاجتهاد ان شاء الله تتمكني منو .. |
||||
2015-05-03, 14:45 | رقم المشاركة : 1660 | ||||
|
اقتباس:
السلام عليكم ورحمة الله تعالى وبركاته .. مرحبا بصديقتي الغالية والرائعة هجورة ..كيف حالك حبيبتي ؟؟ باذن الله تكوني بالف الف خيير .... وشكرا لك حبوبتي وثاني نتي والله يا عمري مكانتك وحدها في قلبي ...وانا فرحانة صح لانني اول صديقة لييكي ..افتخر بهذا حقا حبيبتي ... وشكرا جزيلا على الدعاء ..وماتخفيش راني ديما ديما ندعليك حبوبتي والعكس نتي مش طماعة بصح تستاهلي كل الخيير يا قلبووو... .... حبيبتي بالنسبة لفكرة التنافس فهي افضل واروع فكرة ...لذلك انصحك دائما بها .... الحقيقة انا كنت العام لفات من النوع لما نديرش برنامج لخطراه كل يوم يخرجلي ظرف يبدلي كل قراراتي ..على هذيك كل يوم والبرنامج نتاعو ...المهم برك حاولي ماتضيعيش وقتك ..وحاولي تحسي روحك في اليوم الواحد قريتي ياسر مواد ..ومختلفة يعني علمية وادبية ..حفظ ولغات ...ولازم تسقسي روحك كل يوم وش استفدتي وش هي اخطائك باه ماتعاودهاش .. ..ههههه ربي يخليك حبوبتي ....والله كيما دائما نقول راني كي نكون معاكم نحس بفرحة ..ونحب دائما نشوف معنوياتكم مرتفعة ..ونحب دائما نسمع عليكم الاخبار المفرحة والسعيدة ...وبالتوفيق ليكم كامل ...ومش عارفة علاه حاسة باذن الله هاذي الشلة مش راح تخيب وباذن الله كامل راح تجيبوا الباك وتحقو احلامكم ....اامين يا رب هذا ما نتمناو ... .... بالنسبة لنصائحي ....انا نقلك اول حاجة وقبل كل شئ لازمتلك تثيقي في ربي سبحانه وتتاكدي انه مش راح يخيبك ظنك مهما كان .. وثانيا تثيقي بروحك وبقدراتك التي ستمكنك باذن الله من النجاح وتحقيق كل احلامك واهدافك .. ونقولك خلي ديما الخوف جانبا لخطراه ما فيه حتى فائدة .وعلى العكس الخوف راح يخليك دائما في الوراء لانه سيرسم لك حاجزا ليمنعك من التقدم ..فلا تتركي الخوف يفعل هذا بك وحاولي التغلب عليه بثقتك الكبيرة وارادتك الصلبة وبشعلة الامل التي لا تنطفئ وبالتفاؤل وعدم التشاؤم مهما كان ... وهذا الوقت بالنسبة للمراجعة كيما ننصح دائما لازم الملخصات ...وخليك من الدروس تع الكراس لخطراه تضيع الوقت ..الا اذا قررتي مثلا تفهمي درس معين ..بصح بالنسبة للمراجعة النهائية ماذابيك غير الملخصات وحل البكالوريات السابقة .. وماتنسايش الراحة يعني مابين مادة ومادة لازم تكون كاينة راحة ولا كي تقراي 2 سوليع بدون راحة راكي تتعبي على الاقل ارتاحي 5 او 10 دقائق كل ماشعرتي بالتعب .. وانصحك بالنهوض على 5 صباحا ..اما في الليل ..ماذابيك تسهري حتان 10 وكاقصى حد على12... وننصحك كي تكوني ماتقرايش في الليسي تضربيها برقدة من 1 حتان 2 ولا 3 ..لخطراه هاذيك الراحة راها وحدها وراح ترجعلك طاقة كبيرة ونشاط فائق.. هذا ما استطيع قوله حاليا ... واذا جاتني نصائح .... اخرى راح نحطهالك باذن الله واذا كان عندك استفسار في اي شئ تفضلي ..لانو انا الكلام راحلي هههه..... المهم حبيبتي نتمنالك النجاح من كل قلبي ...وتوكلي على ربي سبحانه .واقراي على حساب مجهودك لي تقدري عليك ... وباذن الله راح تكوني من الناجحين ...وتتهناي من هذا العام ...بالسلامة حبيبتي . والى اللقاء القريب ... في حفظ الرحمان ... |
||||
2015-05-03, 14:55 | رقم المشاركة : 1661 | ||||
|
اقتباس:
السلام عليكم حبوتي اسولة كيف الحال ؟؟؟
بصراحة كتاب احمد امين خليفة به عدد كبير جدا من التمارين ..وانا كنت العام الماضي دائما اقوم بحل اكبر عدد منه ..بحيث انني اقول مثلا لازم ليوم في الليل نحل خمس تمارين ..وهكذا واستطعت ان احل منه معظم التمارين بالنسبة للجزء الاول ..اما الجزء الثاني بصراحة ماكانش عندي مالا كنت نحل من مواضيع اخوتي ....وحليت اختبارات تع العام نتاعنا ...المهم بالنسبة كيما قتيلي راكي تحلي شفهيا هذه الطريقة ماتساعدكش ياسر ...لازمتلك تحلي كتابيا باه تقدري تقولي انك حليت تمارين ...حاولي حبيبتي كل مرة تهزي موضوع تع باك مثلا باك تع 2013....وحاولي تخيري موضوع منو وتحليه في 3ساعات ....كل مرة ديري هك ..وباذن الله راح تحسي روحك تحسنتي طول في العلوم ...ودائما كي تشوفي الاجابة النموذجية قارنها باجابتك وشوفي وين الغلطة نتاعك ..اسئلي نفسك وين ارتكبتي الاخطاء وعلاه ارتكبتيها ... سلام جمييييل ...اما بالنسبة للسلاسل لقولتيلي عليها بصراحة مانعرفهاش ...مي تاكدي انو مهما كانت التمارين فستكون مفيدة اذا كانت هذه السلاسل مرفقة بالحل ...فلابأس ركزي عليها ..ليس المهم المرجع بقدر مايهم فهمك الجيد لكيفية حل التمارين .. مممممممم حبيبتي ننصحك ماتهتميش بزميلاتك لراهم يحلو عدد كبير ..وماتخليش هذا الامر يحطكمك ..اذا كان هذا يخليك تنافسيهم باه تحلي اكبر عدد من التمارين فلا باس ولكن لا تجعليه ابدا يشعرك باليأس ..ربما هم يقومون بحل التمارين بسرعة او ربما حتى يحفظون الحلول دون فهم ..الفهم الجيد لبعض التمارين افضل بكثير من حل عدد كبير منها دون استيعاب اي شئ .. وعزيزتي لا تدعي اي افكار سلبية تشعرك بالاحباط ..لماذا هذا التشاؤم على العكس تفائلي وقولي انه راح يجيك الباك اسهل مايكون ..هذي حاجة ..وحاجة اخرى ماتخميش خلاص في المعدل والله تعرفي المعدل راه غير بالمكتوب ....ساعات تلاميذ يكونو متفوقين وينزلو وساعات تلاميذ ضعفاء ولكن يدو مليح ..وساعات التلميذ يبقى مستواه نفسه كل هذا بالمكتوب فدعيك من هذا التفكير وكل ما تفكري هك استغفري ربي سبحانه وتعوذي حبيبتي .. حقيقة انا العام لفات كنت ساعة نتفاءل وساعة نتشائم ..وصراحة انا في الفصل الاول وبعد ما مرضت وفاتتني الاختبارات والدروس شعرت بالاحباط واليأس وقلت هاني في اخر المطاف راح ينزل مستوايا ...ولكن كنت استغفر الله عز وجل دائما واقول مادام انني ادرس بجد فليس علي الخوف ....ودرست بوتيرة ثابتة في الفصل الثاني عندما اخذت 14 ..حزنت قليلا لانني اول مرة في حياتي اخذ هذا المعدل يعني كان اضعف معدل ليا 16 ...ولكن حمدت الله عز وجل على كل حال وقلت ندي هك خيير من ننزل اكثر ..ومن بعد في الفصل الاخير كنت متفائلة الى ان اقترب وقت امتحان الباك هذاك الوقت كنت حاسة روحي نسيت كلش ..قريب نستسلم لكن كل ما نتفكر انو الله عز وجل معي نتقوى ...وكان على لساني دائما قوله صلى الله عليه وسلم ..تفاؤلوا خيرا تجدوه ....يعني المهم كان دائما تفائلي يغلب تشاؤمي .. اذا في الاخير اقول لك حبيبتي لا تستسلمي مهما كان فلتبقى روحك التنافسية دائما عالية ...وثقتك بالله يجب ان تكون كبيرة .. وبالتوفيق ..سادعو لك بالنجاح وتحقيق كل احلامك .. |
||||
2015-05-03, 15:27 | رقم المشاركة : 1662 | |||
|
شكرا اختي بصح مفهمتنيش |
|||
2015-05-03, 15:29 | رقم المشاركة : 1663 | |||
|
شكرا اختي بصح مفهمتيش سؤالي |
|||
2015-05-03, 15:34 | رقم المشاركة : 1664 | ||||
|
اقتباس:
حبيبتي يخي نورمالمون قصدك كي نجحت الباك مباشرة وش هوما الاختصصات لي عطاوهملي ؟؟؟
اذا كان هذا قصدك ..فانو حبيبتي كل ناجح يعطوه كتيب ..فيه جميييييييييييييييع التخصصات وعلى حساب المعدل ...مثلا لعندهم 10 وش هي التخصصات نتاعهم ...ولعندهم 12 كيفكيف ..لعندهم 14 ..وهكا ...بالنسبة ليا انا دييت 14 ...لقيت كلش في هذاك الكتيب مقبول حتى الطب ...وخيرت من الكتيب 10 خيارات ....ومن بعد هوما راح يديرو احصائيات يعني ممكن الطب معدلو يكون اعلى كيما العام لفات 15. وممكن حتى يولي 12 كيما 2008 على ما اذكر ..يعني مانقدرش نحدد بالضبط شحال تخصص مقبول فهمتيني ؟؟؟؟ |
||||
2015-05-03, 15:58 | رقم المشاركة : 1665 | ||||
|
اقتباس:
|
||||
الكلمات الدلالية (Tags) |
2015, مجموعة, لطلاب, التسائلات, اجابة, بكالوريا, نصائح |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc