كيف تقتصدين في حياتكي اليومية.موضوع متجدد

[ام ياسمين10]

رووووووعة متابعة باذن الله

[جلفااوية]

مشكورين بوركتم

[La perle rare]

السلام عليكم و رحمة الله و بركاته
شكرا لكن على النصائح الاقتصادية، فقط لدي ملاحظة فيما يخص خلط ماء الجافيل بالصابون هذه الطريقة تقضي على فعالية الجافيل و قد ثبت هذا علميا كما أن وضع الجافيل في بخاخات يضر بصحة الجهاز التنفسي فحذاري، و لا ينصح بوضع الجافيل في قارورات شفافة لأن أشعة الضوء و الشمس تقضي على مفعوله.
شكرا على الموضوع و في انتظار المزيد من التدابير الاقتصادية.

[زينب 83]

السلام عليكم
عجبني الموضوع صراحة و انا من محبي الاقتصاد خاصة بعد سياسة التقشف لي دخلنا فيها راح نحاول كل مرة نحط البعض من أفكاري و نأخذ و أستفيد اكيد من افكاركم لكن حبيت نبدأ بأفكار اخروية باه ربي يباركلنا في الدنيوية

اولا انا كل شهر ندي انا و زوجي مبلغ من المال ونشرو الرافيطايمة تاع الشهر كلشي ماتشربش غير اللحم والخضر

كل شهر كي نشروها نحي حاجة و الزوج و لا اكثر حسب واش شريت ، مشلا ساشي سكر ، او علبة طماطم ، قرعة إيزيس،،،،،،،،، ونخبيهم بعد أشهر كي تولي قفة مليحة وتقريبا دايما طيحلي مع المناسبات ، تمد هاذيك القفة لعائلة محتاجة ، و هكذا نفرحو الناس باسهل الطرق

ثانيا في ايام الاسبوع اكيد كل يوم يبقالنا شوي صرف تحت 100دج كل يوم يمدلي زوجي هاذاك الصرف و حتى ابني الصغير ولا يمدلي مصروفو ماشي حاجة كبيرة مرة 20 دج مرة 30دج نطمهم و في اخر الاسبوع نشريهم فواكه و نمدها لابني يروح مع باباه يزور مريض مانعرفوش ، او يديهم لجداه صلة رحم ، او يشريهم كعك و يديه لاصدقاءه في المدرسة او يشريهم هدية لاخوه و هكذا نعلمو اولادنا الاقتصاد و نحيو منهم صفة الأنانية و نرسخو فيهم قيم ممكن هوما يعلموها لاولادهم في المستقبل

ثالثا كل شهر نحي لزوجي مبلغ صغير بين 1000 و 2000دج و نخليه في ضرف كي يكبر هذاك المبلغ نعاونو بيه مريض على العلاج او عريس محتاج او عائلة في عيد او دخول مدرسي

هذي الأفكار خاصة بالعائلات المتوسطة لي مايقدروش يتصدقو بمبلغ كبير دفعة وحدة

هذه الأفكار علمهالي زوجي ، وراني كتبتها هنا فقط للإفادة ، لا لطلب سمعة او رياء و الله عليم

حباباتي اذا أزعجتكم بردي قولولي و سأحذفه على الفور

[زينب 83]

حبيت نمد نصيحة حباباتي اذا كليتو صحي رايحين تقتاصدو مثلا لا للمشروبات الغازية و العصاير المعلبة نشربو الماء احسن ، نقصو من المعلبات مثلا الماسيدوان ديريها في الدار ، الكاشير ديريه في الدار وووووووو، نقصو القليان و نطيبو في الفور رايحين نقتاصدو في الزيت ، انا الزيت ليترا تحكملي قريب شهر، ديرو المطلوع في بلاصة الكسرة او نقصو الزيت في الكسرة و في خبز الدار ، البوراك في رمضان ديروه في الفور و كاين بزاف وصفات

نقصو شوي الحلويات او نعدلو في الوصفات ، نقصو من اللحوم لانها مضرة بالصحة نقصو من الزبدة و السمن و بزاف حوايج ، بهذه الطريقة راح نقصو من زيارة الطبيب و شراء الدواء

في ما يخص التجميل ، نديرو الوصفات الطبيعية لانها أفيد و أرخص ، مثلا الموز الأسود نديروها للشعر
البيض و الشب و الياوورت و ووووووبزاف وصفات طبيعية راهم كائنين في قسم التجميل ملاح لكامل الجسم رخاص و ملاح خير من الكريمات الغالية

نقصو من الماكياج لانو مضر جداً لصحة البشرة و رايحين نقتاصدو ماديا

هاذا واش جا في بالي دوكا ، لي عودة ان شاء الله بعد إذنكم

[عازفة الناي]

الموضوع عجبني بزاف ودخلت على ردود زينوبة الله يبارك فيك واكيد كلامك وافعالك فيه حكمة من تعليم الاولاد مساعدة الاخرين صح مش لازم تكون غني بزاف ولكن من مبلغ بسيط توفر و تجمع وهكذا افعال ياريت تعم ونحاولو نعملوا بيه
انا في دارنا مصروف نقسموه كوزينة وحدها و دراسة وحدها و تاع الانترنت والماء و الكهرباء وحدهم واكيد نحطو مبلغ للضرورة
مصروف الكوزينة نفسمو على 5 اظرفة كل ظرف نحط فيه مبلغ التقسيم ونكتب عليه الارقام من 1 الى 5 وكل اسبوع نجبد الظرف ويبقى الظرف الخامس في اخر الشهر يعني الاسبوع الرابع ونخبيه والشهر اللي بعدو نفس الطريقة ونجمع مبلغ من كل شهر اذا احتجنا لشراء جهاز او اي شيء نلقاو المبلغ
او نعطوه صدقة لاي محتاج
فعلا طريقة جيدة وناجحة

[abdelhadi_73]

شكراااااااااااااااااااااااا

[ران الذكية]

موضوع قيم شكرا على مجهودك

[أم ريتاج زهرة]

موضوع في قمة الروعة يا الله وين راه الحماس

[الرجاء الاماني المجد]

بارك الله فيكم موضوع روعة

[&ام ايوب&]

والله موضوع في القمة قراته صفحة صفحة
شكرا لكم

[zoubidaas]

المشاركة الأصلية كتبت بواسطة زينب 83

السلام عليكم
عجبني الموضوع صراحة و انا من محبي الاقتصاد خاصة بعد سياسة التقشف لي دخلنا فيها راح نحاول كل مرة نحط البعض من أفكاري و نأخذ و أستفيد اكيد من افكاركم لكن حبيت نبدأ بأفكار اخروية باه ربي يباركلنا في الدنيوية

اولا انا كل شهر ندي انا و زوجي مبلغ من المال ونشرو الرافيطايمة تاع الشهر كلشي ماتشربش غير اللحم والخضر

كل شهر كي نشروها نحي حاجة و الزوج و لا اكثر حسب واش شريت ، مشلا ساشي سكر ، او علبة طماطم ، قرعة إيزيس،،،،،،،،، ونخبيهم بعد أشهر كي تولي قفة مليحة وتقريبا دايما طيحلي مع المناسبات ، تمد هاذيك القفة لعائلة محتاجة ، و هكذا نفرحو الناس باسهل الطرق

ثانيا في ايام الاسبوع اكيد كل يوم يبقالنا شوي صرف تحت 100دج كل يوم يمدلي زوجي هاذاك الصرف و حتى ابني الصغير ولا يمدلي مصروفو ماشي حاجة كبيرة مرة 20 دج مرة 30دج نطمهم و في اخر الاسبوع نشريهم فواكه و نمدها لابني يروح مع باباه يزور مريض مانعرفوش ، او يديهم لجداه صلة رحم ، او يشريهم كعك و يديه لاصدقاءه في المدرسة او يشريهم هدية لاخوه و هكذا نعلمو اولادنا الاقتصاد و نحيو منهم صفة الأنانية و نرسخو فيهم قيم ممكن هوما يعلموها لاولادهم في المستقبل

ثالثا كل شهر نحي لزوجي مبلغ صغير بين 1000 و 2000دج و نخليه في ضرف كي يكبر هذاك المبلغ نعاونو بيه مريض على العلاج او عريس محتاج او عائلة في عيد او دخول مدرسي

هذي الأفكار خاصة بالعائلات المتوسطة لي مايقدروش يتصدقو بمبلغ كبير دفعة وحدة

هذه الأفكار علمهالي زوجي ، وراني كتبتها هنا فقط للإفادة ، لا لطلب سمعة او رياء و الله عليم

حباباتي اذا أزعجتكم بردي قولولي و سأحذفه على الفور

جزاك الله خيرا على هذه الطرق المفيدة
تفيدنا دنيا و اخرة

[أم أيمن الحبيب]

السلام عليكم شكرا لجع المشاركات على النصائح القيمة قرأتها كلها واستفدت عندي إضافة وهي الإبتعاد عن الأكل خارج المنزل لأنه يكلف الجيب والصحة أنا موظفة وكان خاليني الأكل خارج البيت لبعد المسافة لكن أصبحت مواضبة على أخذ غدائي جاهزا من البيت ووفرت على نفسي الكثير وتقدري تحضري حتى لزوجك غداه يديه معاه بدل شراء الجاهز
ملاحظة2 كثرة التسوق يعني كثرة الشراء ولذلك تسوقي في يوم محدد بعد تحديد قائمة احتياجاتك وراجعيها جيدا لعلك تحذفين بنزدا لا ضرورة لها وكذلك مصروف البيت اكتبي لزوجك قائمة بعد تفقد البيت.

[miss hapiness]

السلام عليكم ورحمة الله و بركاته
موضوع رائع استفدت منه
و اتمنى افادتكم لاحقا ببعض الافكار التي اتمنى ان تفيدكم

[فاتي تيارت]

لا زم هكا والا راح تروح عليك