الجزء 164 من كوزينة واش طيبتي اليوم (لمة الاحباب)

[اريج 07]

صحى عشاكم حبايبي
دخلت على جال طاطاتي حبيبتي راني هنا لامبا ديما شاعلة غير كي نطفي الويفي
متزعفيش مني يا امر انا مادرش على زعلك ياجميل خخخخخ يؤبرني الزعلان لي يفاشي حبايبو هههه
راني مدخلتش لخاطر انا و بنات عمي كل لويكاند نجملو في دار و اليوم دالتي درتلهم الغداء حصوة حاااارة امممم و لعشية ديتهم complexe حمام الصالحين تقهوينا تما و و وجدت حوايج العشاء صباح و كي جيت طيبت و مخليت حتى وحدة تدخل للكوزينة حتى ماما و وجدت تشيز كيك صباح للسهرة
كي نقعد في ليل ولا غدوا نحط كلشي مواااااااح طاطاتي بجغابل على قولك خخخخخخ
تصبحن على خير حبيباتي كي نحكم بلاصتي في ليل راجع دروسي هههه
طاطاتي بوسيلي مريومة

[اريج 07]

ام هدول راني هنا حبيبتي مرسي كي تفكرتيني

[كوثر التائبة]

صراحة ملقيت عليمنا نعلق كل شيء يشهي يعطيكم الصحة ربي يدومها نعمة

[كوثر التائبة]

والحمد لله على النعمة

[ام هدول]

تفكرت رجعت..... حيوتة ولا فضيلة ولاام سيدرة ولاااخت ام كوثر..كي تدخلو شوفو موضوعي للدرس الخامس لكان بانو الصور عاودت حملتهم في الصفحة الاخيرة والف شكر
اريج بصحتك القعدة مع بنات عمك والخرجة في اتضار الصور
كوثر بصحتك لعشا ..شكرا على الدعاء
سلالالالام

[جازيا ام البنات]

المشاركة الأصلية كتبت بواسطة حياة نور الدين

اهلاااااا كوزينة وصباح مساء الانواااار
كلشي حطيتوه روووووعة ولي عودة بالردود على كل واحدة ويا درا جازية عحباتك تحلية الفراز بصرااااااحة منزعفش هههه
انا راني صايمة والبنات مازللهم العدس بصحتكم واش راح تفطروا

اكيد عجبتني وبدون مجاملة رووووووووووووووووووووووووووعة

[اريج 07]

حبايبي كلشي يشهي رووووووعة
اعذروني منقدرش نرد على كل وحدة شفت كلش tooooooop تفضلوا قعدة مع لحباب ربي يدوم المحبة بين كل الناس
هذا غدانا امممم حصوة لعيون حبيبتي ام اسلام

و هذا عشانا مقدرتش نصور كلشي كنت لاتية وغير بنت عمي صورت


وهذا سهرتنا درت زوج تارت الكبيرة لينا و الصغيرة لصحاب خويا

[@رنيم الأمل في الحياة@]

الله يبارك أريج الطبق الأول وسمو
و انت شحال في عمرك

[اريج 07]

المشاركة الأصلية كتبت بواسطة @رنيم الأمل في الحياة@

الله يبارك أريج الطبق الأول وسمو
و انت شحال في عمرك

هاااي الطبق الاول اسمو الحصوة و هو طبق تقليدي تقريبا كيما الشخشوخة انا شخصيا نفضلوا على الشخشوخة
ههههه قالك مرة نساء عندهم جلسة في المحكمة قعدوا غير يتعايطو و القاضي يسكت فيهم مبغاوش يسكتو ايا قالهم الكبيرة فيكم تهدر سكتو قاااااع هههه عقلية dz النساء في الجزائر ميحبوش لي يسقسيهم على عمرهم خخخخ هههههه
نضحك معاك اختي عمري 23 مي كي تشوفيني تقولي عندها 15 عام ❤❤loooool

[اريج 07]

ليزااااتي مبانتش انشاءالله تكوني لباس حنونة

[oum islem]

أريج شكرا حبيبتي على الطبق يسلمو ماتزاوديش الحااار

شفت كامل واش حطيتو يعطيكم الصحة كامل فحلات ربي يبارك في صحتكم

أم تاجو ما درتش كمية كبيرة بزاف بعثتلها 80 مستطيل و60 عريس و40 عروسة والباقي خليتو لوليداتي

أريج تحريفاتي في قلوب المحبوب العجينة طبقتها حرفيا فقط زدت 1 م ك نيسكافي أما الحشو درت رطل معجون مشمش و2 م ك شكولا الطلي
وكمية مليحة حلوة الترك وكاس نواد كوكو مرحي في الرحاية تاع القهوة حتى رجع كي العجينة خلطتهم مليح مليييح وزدت الكوكاو محمص ومرحي
حتى اصبح عندي خليط ثقيل
ما جانيش الصابلي مبطبط فلصقت حبة بحبة بالخليط وما تستعمليش الملعقة مع الهشاشة تاع الصابلي يتكسرو الحبات ديري الحشو بلادوي ولا كيس بلاستيك احسن وهدو الصور لي لقيتهم اما شكولا التزيين فدرت طبقة رقيقة باه ما جيش يابسة بزاف والحشو درت شكولا للطلاء وشكولا كرمال وفيهم لي بالحلقوم واللوز يعني حسب ذوقك المهم ذوقو يهبل يهبل

[x ام رحاب x]

السلام عليكم ورحمة الله وبركاته
كي اصبحتو ان شاء الله ربي يفتح عليكم في هادا اليوم المبارك وجمعة مباركة
القيتكم مزالكم راقدين انحطلكم فطور الصباح باه تفطنو
مسمن الي اتحب تشرب القهوة
كيكت دانات
صبيعات لعروصة

[x ام رحاب x]

ام اسلام صباح الخيرات حنونة واش راكي

[oum islem]

صباح الخير يا بطات وسمينات باستثناء أريج الأنيقة

غدانا اليوم بربوشة والحمد لله

تفضلو تفطرو بسم الله





قولولي أي تزيين هو الأجمل؟؟؟



صباح المحبة لكل الأحبة الملتحقات والقرعاجات

يومكن موفق وسعيد غالياتي

[om kamilia]

السلام عليكم ورحمة الله وبركاته
صباح الخير يا احلة شلة
نهاركم مبرووووك و يومكن موفق





جبتلكم قهوة مع لخفاف جارتي و مطلوع الزيت تقهواو بيه







اليوم عندي زيارة مريضة و كذلك نهني لاخت زوجي طهرت وليدها للاسف ما حضرتش اي قاطو


البارح حطيت المواضيع و روّحت ماقدرتش نعلق و لآ نراجع , عندي مشكل الأرق
وهذو ورود ليكم يا وردات المنتدى , غدوى عيد ملادي جبتلكم الورود باذن الله