اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 11

دائمة الشكر · 2015-09-21, 08:01

نشكركم على تحظيراتكم اللي راهي من قلب الحدث
ام تاجو حبيبتي سجلي حضورك اختي ربي يعطيك وقفة ساهلة
اللي مريض ولا ولادو أمراض ربي يشافيهم ويعافيهم اللهم امين
واللي مهموم ربي يزيل عليه الهم والغم في هذه الأيام المباركة
أطباق روعة ونصائح اروع راكم تقدمو فيها في ميزان حسناتكم اخواتي
نكمل اشغالي اللتي لا تنتهي هههههه

ام عبدو و ملاك · 2015-09-21, 08:10

صباح الخير يا وجوه الخير
دائمة الشكر صباح الانوار
ام باسم وبيسان القاطو خرجلك يهبل بصحتك
ام وابنة صباح الانوار
ام جوجو صباح الخير والحمد لله كي رتاحو اولادك
ام امينة ام اماني وعبدو ميزو فضيلة و ام سراج و ملاك و ام ياسين عازفة الناي ليزابال زينب و كل الحراير صباح الخير
واللي نسيتها تسمحلي
غدايا راهو تالف

omomnia15 · 2015-09-21, 08:12

صباح الانوار
سماح مبروك الكوزينة وان شاء الله تكون فال خير على الجميع في هذه الايام المباركة وهذا باروكي نتمنى تقبليه

أم ياسين الزهراء · 2015-09-21, 08:12

صباح الانوار وصلت وليدي وقضيت وقلت نطل عليكم قابلتني بيتزا حبيبتي ام باسم هداك واش يحب الخاطر هايلة والقواطو تحفة تعيدي بالصحة اهلا بيك معانا وجدي روحك مقاسك اللي متعود تخيطي عليه غير زيدي راح تولي وزن الدببة هههههههههههههههه اهلا بيك

ام محمد يالجايحة هدي اول ولادة راح تسهال انت سهليها برك وشدي في ربي

شفت كلش يعطيكم الصحة وبصحتو توم القط ام سراج هههههههههههههه كلش بالطبع يعطيكم الصحة

لحد الساعة مازالني خايبة نعول اليوم ونبدا

سخفني عيش ام اسمهام راح نديرو للغداء والزوج صايم والحمد لله

رنيم اختي ربي رحيم كريم رانا ندعولك والله المجيب ماتتقلقي ماتخمي ماتعياي تقوليلنا واش ندر لولادي هبلوني كاليوم حنونة

اهلا رفيف ليك وحشة

نزنق شوي

أم محمد تاج · 2015-09-21, 08:16

صباحووووووووووو

الله يخليكم حبيباتي على الدعاء وعلى السوال والله ماننسى خيركم لابد الابدين

بما انو زوجي ح صايم راح نتغدى بوخفييف مع الاولاد وللفطور راح ندير بروكلو صوص حمرا ورخساس وديسار وبسسسسس
نكمل سوجاتي الخفيفة لي غلبتني
سلامي لي من بعدي والله يعاونكم
هههه دائمة الشكر

أم ياسين الزهراء · 2015-09-21, 08:22

واخيرا قبل المركز التحميل بريوش ام اماني بتحريفاتي تفضلو للخايبات اللي ينوضو على 10 يشرب القهوة بيه هههههههههههه

ام عبدو و ملاك · 2015-09-21, 08:27

هدا مقروط بطريقة ام اماني جاني يهبل

hab12456 · 2015-09-21, 08:30

اقتباس:

المشاركة الأصلية كتبت بواسطة yasmalak

هي الوصفة تاع حرة الاغواطيات و القلاصاج انا ندير تاع اماني
كيلو كاوكاو مرحي رقيق و مغربل خلطيه مع زوج حبات بيض و كاس سكر و كاس حليب و تلت ارباع كاس زيت و وحدة خميرة تاع الحلوى و فاني و زاست تاع حبة قارص و 200 غ زبدة دايبة و لاغوم تاع اللوز مر و لمي ب 500 غ نوادكوكو مرحي و اعجنيييه ملييييح بيدك باش يدوب السكرو خليه على الاقل زوج سوايع باش تبداي تخدمي فيه و شكلي الشكل اللي تحبي و طيبيه بين10 و 15 دقيقة
القلاصاج كيما قتلك ندير هدا قدمااا يبقعد ما ييبسش و يجي يبرق بلا ناكحي كيما هنا مادرتش الناكخي ديري كيلة صغيييييييييييرة تاع قارص مصفي و نفس الكيلة حليب و كيلة زيت و كيلة ماء زهر وزيدي معاهم الكولوغون اللي تحبي و زيديلهم السكر مغربل وخلطي بالمغرف حت يتقاال ما لازمش يكون خفيييييف باش ما تتعراش الحبة

و ادا الحلوى هي فالصج عيطتلي عجوزتي اتلي حرزي تديري بالصح جاتني عيب مانديرش سما راح ندير صابلي في مول السيليكون و تشاراك

اقتباس:

المشاركة الأصلية كتبت بواسطة idron0

https://www.djelfa.info/vb/showthread...583943&page=96
رقم المشاركة : 1440

https://www.djelfa.info/vb/showthread.php?t=1373804

https://www.djelfa.info/vb/showthread.php?t=1485768
سيقار الكاوكا

https://www.djelfa.info/vb/showthread.php?t=1310550

و اسمحيلي هدا واين شفت سؤالك.

اقتباس:

المشاركة الأصلية كتبت بواسطة أم ماجد

انا عجبني واحد تمنيت نديرو للاسف الوقت ماشي في صالحي

خلاص معه الخدمة والدار العيا خخخ تحبي نعطيهلك

المهم طلبت مقرقشات من عند جارة تبيعها ولله الحمد وعندي مقروط وبقلاوة

سماح يخي ذقتيها في عرس روزا واش رايك؟للاسف ماكانش صور تاعها عندي

في العرس انشغلت بزاف وماصورتش كل شئ

ام ماجد هاتي مافي جعبتك هههههه مذابيك حطي الوصفة نستفادو ولكي جزيل الشكر

اقتباس:

المشاركة الأصلية كتبت بواسطة um alaa

جوهرة تفضلي رابط الوصفىة
https://www.djelfa.info/vb/showthread.php?t=1867873

يعطيكم صحة خياااااي ربي سحفضكم شكرااااااااااااااااااااا

hab12456 · 2015-09-21, 08:32

صباح الخير علي الجميع يوم موفق

الله أكبر الله أكبر الله اكبر
لا اله الا الله
الله أكبر الله أكبر
ولله الحمد

لينا11 · 2015-09-21, 08:40

الله أكبر الله أكبر الله اكبر
لا اله الا الله
الله أكبر الله أكبر
ولله الحمد

سماح هذا باروكي
صباحو على الجميع دون استثناء وعواشركم مبروكة وربي يشفيني ان شاء الله

hab12456 · 2015-09-21, 08:40

ابنات اماااااانة تدعوا لمن ليس له اولاد ولكل محروم من الذرية ولا يعرف قدر هذه الامنية الا من حرم منها امانة اخواتي وربي يفرج علي الجميع ويعطي كل واحدة واش متمنيا في هذه الايام المباركة وخاصة يوم عرفة ربي يتقبل من الجميع قاستني الاخت اروى بكاتني بكلامها

أم محمد تاج · 2015-09-21, 08:44

اختي الحبيبة رنيم اروى روحي الله يعمر حجرك ويرزقك الذرية الصالحة وتقر عينك بضناك يالله يا حي يا قيوم
رفيف حنووونة الله يناولك واش في بالك يالحبيبة

hab12456 · 2015-09-21, 08:51

ام تاج محبوبة الجميع ربي يعطيك وقفة ساهلة وماتنسايش دعاء وحنا رنا ندعولك

scorpionoir · 2015-09-21, 08:57

صباحو حبيباتي
نهاركم مبروك ان شاء الله كامل الحاضرات والغايبات لي ملحقناش عليكم
رفيف ربي يهنيك ويفتحها عليك ان شاء الله .حقا تفكرتك عندي يومين. نمت روحي جبت طفلة وسميتها رفيف ههههههههه
رنيم حبيبتي رانا حاسين بيك وربي يعمر حجرك بالذرية الصالحة وكي اليوم ان شاء الله تدخلي وتبشرينا .رانا ندعيو لكل وحدة ربي يفرج عليها .واكثري من الاستعفار .

ام ريان عبدالله · 2015-09-21, 08:59

اصبحنا و اصبح الملك لله
كفاش صبحتو ليوم
سهام 2 قوليلي لاروسات تاع صابلي بلعسل