مــــســـابــــقــة جـــيران...............القائمة الاولى للمستفيدين

[fatma1977]

مساء الخير لبنات واش أحوالكم جوارين البارح للواحدة نتاع الليل وأنا نستنى فى القط تفوت فوق الحيط ولا تروح للاكور ونصبتلها باه تدخل تاكل والو عرفت كاين عفسة فى الماكلة القطوط نتاعنا يخممو هههههههههه وذرك راه قاللكم أخ عمر راهى عندى العديد من الالوان ملغاة والله التصاور فى الليل ما تبانش مليح البارح كان عندى عرس وبعثت على 1 ليلا علابالى ما نلحقش مع ال8 رانى مدقدقة وذرك رانى ما نخدمش مرتاحة نستنى فى ما ستسفر عليه النتائج حنا حمد بوعلام غير بالوصية تجينا غير نقاوس وجوليكس نتاع تيزى هههههههه يا درا واش ألأحوال نتاع زينوبة الرحلة بلا بينا نقول ما تجيهاش مليحة

[*وردة الشرق*]

مساء الانوار كيف الاحوال جاراتي لعزاز راهي سخانة تقتلما يفكها غير لما ومع القرارات الاخيرة ظاهرلي قاع قاعدين في البيوت القصديرية خلي نتونسو وتاكلنا السخانة سلام حبوبات رايحة نخمل الكوزينة

[ام ورود]

المشاركة الأصلية كتبت بواسطة زينب66

صباح الانوار جيراني لعزاز افتقدتكم البارح ومنين رجعت حكمني الناموس انا وللولاد خلصهملي هههههه
الحمد لله بعت التحدي قبل الوقت لكن ما عندناش القازوز ما نشريوهش نشربو غير عصير مصنوع في المنزل
ام بيسان عندي 2 قطط بعت وحدة كون قلتيلي كون بعتلك التانية وحدة سمها ليلي والقط اسمو مييييسي
والجيران التانيين ما بنوش واقيلة مازال راقدين
اختي سطايفية نهارك مبروك
فاطمة اختي ماشفتش سؤالك نظن ما بهمش لمن الثياب المهم تتوفر الشروط
ام ورود مرحبا بيك في البيوت القصديرية اقامة موفقة

المشاركة الأصلية كتبت بواسطة زينب66

مساء الانوار كيف الاحوال جاراتي لعزاز راهي سخانة تقتلما يفكها غير لما ومع القرارات الاخيرة ظاهرلي قاع قاعدين في البيوت القصديرية خلي نتونسو وتاكلنا السخانة سلام حبوبات رايحة نخمل الكوزينة

مساء النور زينب ..البارح مكانش عندي النث..راحت حتى جات اليوم الصباح معلفتش انو الاخ عمر حطني معاكم يعني عندي زوج اصفار

[ام ورود]

وقتاش التحدي اثالث اليوم؟

[باسم وبيسان]

اخى عمر بصح على 12 تاع الليل فى الضلمة حاجة باينةلحمر يبان غوز وانت ماشرتش علينا لكاروووو ولا لغيوغ

[ام ورود]

سلام ام باسم واش راكي...مع القط

[stayfiya]

مساكم بالخير نهاركم مبروك وين راكم يا جيراني. باين رحتو قافله وحده للمعرض.
قالك حطو ماعن. على الكيف
هيا راني جبتلكم سفنج من المقله ديريكت تتقهواو بيه فضيله طيبيلنا شوي حليب نجوزو بيه
هيا اتلمو تراش واش زينوبه. عجباتك سكنة الباطيمات ما قلتيلناش واش عندك اف كات و لا ستوديو
حنا حرقتنا القايله تحت القصدير هذا ام باسم ام ورود وينكم و باقي لبنات ماريا لاحس لاخبر ؟؟

[stayfiya]

هاو السفنج نسيتو رديتو معايا

[stayfiya]

ويييينكم مزال ما بنتوش. طولتو وحده ما طلت ما سقصاات خير رحتو. تباركو لزينوبه و ما ديتونيش معاكم ولا

[fadilasor]

مساء الانوار اممممم سطايفيةيعطيك الصحة يالفحلة والله راكي قايمة بيها انا هم القصدير والسخانة وزاد ازمة حليب ههههه انا مع الخدمة والله ماعندي حتى وقت الله غالب ماقدرتش نشارك بصح راني معاكم نضرب طلة والجماعة الاخرى وين راهي

[*وردة الشرق*]

مساء اللانوار جيراني ظاهرلي ليوم ماكان لا نتائج لا تحدي هههههه انا حتى برد فيا الدم كنت متحمسة بزاف يلا خليونا نزيدو نسناو
سطايفية ختي لعزيزة شكلرا على السفنج امممم رايعع
فضيلة مرحبا بك معانا وربي يعينك اختي

البقية واين راكم .حق شكون صورت القط قولو برك ما ش رايحين تتحسدو بايلي القعدة تاعنا مطولة

[fatma1977]

واش أحوالكم جاراتى رانا مع السخانة اليوم قتلتنا اليوم كانت عندى جنازة جارتى ربى يغفر ليها ويرحمها ما قدرتش ندخل وزيد رحت لمرأة خويا زيدت سيزاريان هذا وين دخلنا ربى يشافيها أدعولها واش أحوالكم مع القصدير أنا اليوم رحت لسبيطار عمرتها بدعاوى الخير بلاك اليوم نرحل عنكم ونخليكم مع القصدير زعما نقدر نخليكم لالا نقول للجنة نروح مع جاراتى ولا رانى هنا نستنا
آه حقة إسمحيلى سطوف شكرا على الاسفنج يبان يهبل لوكان جاء بجنبى حتى متعشية ناكلو بصحتكم العشاء البنات هيا أدخلو

[fatma1977]

صباح الخير لبنات واش جاراتى ما بنتوش ولا قتلتكم السخانة فى البيوت القصديرية ههههههههههه

[stayfiya]

صباح النور فطوم. تبانلي. كامل راهم راحو لماليهم. في السخانه هاذي 40درجة بغينا نموتو ربي يستر برك
انا نضت الربعه تاع الصباح طليت على التحدي. مالقيتش ايا فرحت عندنا ضياف راقدين في الشمبره تاع لخزانه و قعدت نخمم كيفاش ندخل نحوس على لحوايج هاه. و ينهم الباقي ما يدخلو لا في الليل ولا في النهار؟؟؟اين انتم

[*وردة الشرق*]

صباح الانوار اختي السطايفية كيف الاحوال والله انا تاني متلك نظت الصباح بكري نطل ما لقيت والو عسا المانع خير شفتي هاد السخانة والقصدير فوق راسي بلاك غير انا وانت والخت فاطمة الباقي بح هربو ما عجبتهم القعدة في الحي الفوضوي