وصفات حراير الكوزينة الجزء الثاني - الصفحة 11

ام سراج وملاك · 2014-12-25, 21:43

المسكوتشو ام محمد تاج

مسكوتة ام تاجوووووو
4 بيضات نفصل الصفار عن اابياض
نخبط الصفار مع اربع مغارف سكر عادي ورشة فاني وزاست برتقالة حتان يبياض الخليط ويصبح كريمي ونضيف كاس حليب ونص كاس زيت وباكي خميرة و8 مغارف معمرين فرينة
نرجع للبياض ننظف مليح لي برا تاع الباتور ونطلع البياض مثل الثلج مع رشة ملح كي بطلع نضيفلو 4 مغارف سكر ونطلع مثل الميرانغ ونضيفو لخليط الصفار برفق وندهن المول بالزبدة والفرينة ونحط الخليط في الرف الوسطاني على نار هادءة وخليها 45 دقيقة حتان تحمار
الكريمة كريمة الغالية ام اماني تاع النيستلي والزبدة

ام سراج وملاك · 2014-12-25, 21:56

المسكوتشو عطر الذهب

الموسكوتشو 6 بيضات مضربين مليح مليح + كاس الا ربع سكر عادي +ثص كاس زيت +علبة ياؤؤرت +باكي خميرة و2 كيسان ونص فرينة
تطيب عادي
خليتها بردت وزينتها بالشونتيي طالعة ضفتلها نص علبة شوكولا نواغ
وبرشت النص الثاني فوقها لزوم التقشف هههه وفي الاخير شرائح اللوز محمرين

ام سراج وملاك · 2014-12-26, 09:59

رولي lyzzabel

5 حبات بيض يكونو دافيين يعني نخليهم في ماء سخوووون هادي نديرها قبل و نروح نوجد اللوازم ،، نطلعهم مع 120 غ سكر عادي حتى يبياض الخليط و فاني انا درت تاع الباكي يعني sucre vanille و و نزيد عليهم 160. غ فرينة مغربلة مع نصف كيس خميرة كيميائية و نخلط بالملعقة la spatule من فوق لتحت حتى يولي خليط متجانس و نفرغ في صينية الفرن على ورق الزبدة في رن سخون مسبقا على 180 درجة و نخليه يطيب 10 دقائق من تحت و نزيد نشعل عليه 5 دقائق من فوق
و الكريمة درت غبة الشانتيي طلعتها بالباتور مع ياووغت ذوق فراولة تاع القرعة yago و حشيت بيها و زينت مالفوق تاني بيها و من بعد رشيتها بشوكولا غبرة nesquik و حطيت أنصاف حبات الكرز المعلب و خليتها فالثلاجة حتى حكمت روحها مليييييح و قطعتها

idron0 · 2014-12-26, 15:02

كوكتيل مركز oum radja

درت كيلو تاع زرودية طايبة ومرحية
6حبات ليمون كبار
4 برتقالات كبار
4حبات بنان
4حبات تفاح مرابيين
ورطل سكر
وخلطت الكل بالميكسور
وخبوه في الفريجيدار
كي تبغو تشربوه ديرو زوج كيسان من المركز مع غراف ما بارد وعلبة ياوورت ولا مغرف بودرة الشانتيي تعطيه ذوق هايل واذا ماتوفروش العصير وحده يجي بنين بالزاف.

إضغط هنا لرؤية الصورة بحجمها الطبيعي.

idron0 · 2014-12-26, 15:37

كيكة الأناناس أم إناس

ناخذ المول لي نحط فيه ورق الزبدة. ونحط. الأناناس مقطع دوائر. ونرش عليه سكر. وندخل الفرن حتى يتحول السكر الى كرمال. وبعد نوجد. الخليط تاع الكيكة. درت ربع بيضات. زائد اقل من كاس سكر. فاني. وقشور القارص. او البرتقال وتخلطي مليح وبعد تضيفي ياغورت باي نكهة انا درت فراولة. مقدار زوج مغارف صغيرة وتخلطي وبعد اقل من كاس زيت وتخلطي مليح وبعد تضيفي. الفرينه. مع مايزينه. وهذي عينك ميزانك . وكيس خميرة الحلوة. ورشة ملح. وبعد. دخليهم الفرن على درجة 180 وانت وحسب الفرن تاعك .
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-12-26, 18:31

وصفة الجاج lyzzabel

بعد ما نقيت الجاج طبعا و قطرته حضرت توابل الجاج لي يتباعو واجدين و درت معاهم زعيترة و الإكليل مرحيين و ملح و زيت الزيتووون و تبلت بيهم الجاج من داخل و برا و حطيته في كيس الشواء و زدت عليه شوية ماء قد كاس او اكثر بقليل و دخلته للفرن سخون 220 درجة
و من جهة اخرى نقيت بطاطا و جزر و لفت و قطعتهم قطع متوسطة و رابيت عليهم حبات ثوم و حطيت ملح و فلفل اسود و بسسسس و خلطت و حطيتهم في كيس الشواء مع شوية زيت و شوييية ماء و غلقت الكيس و ثقبته و حطيته في نفس الصينية لي حطيت فيها الجاج
و تاني قطعت زوج حبات فلفل اخضر حلو و زوج حبات طماطم و رابيت عليهم الثوم و تبلتهم بالملح و الفلفل الأسود و ضفتلهم زيت و شويييييييية تاع ماء و نفس الشيء طيبتهم في كيس الشواء كيما تشوفي فالصورة
و فالتقديم نحط الخضر بجانب الجاج و نسقيها بالصلصة لي طاب فيها الجاج ممممممم ،، على فكرة مين يطيبو الخضر لازم يكونو ناشفيييين .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-12-26, 19:51

وصفة الصابلي lyzzabel

في علبة تاع مارغرين تاع 500 غ ننحي 200 غ منها و نعمرها بالزيت و نحطهم في Bol و نضرب بالباتوغ حتى يتجانس الخليط مليييح و نزيد كاس ناقص زوح أصابع سكر عادي ،، ما نبغيهش حلو بزاف تبغي تزيدي السكر زيدي غير شوية ما تعمريش الكأس ،، و لافاني و نزيد نضرب و نضيف زوج حبات بيض كاملين و ثلاثة صفار و نضرب ،، من بعد نبدأ نضيف الفرينة مغربلة و كيس خميرة كيميائية حتى نلم العجينة ما تكونش ناشفة بزاف و نخليها ترتاح عشر دقائق و نبدأ نحل و نقطع بالطابع لي يعجبني و نطيب في فرن مسخن مسبقا على 180 درجة ،، غير يبدأ يحمار شوية من تحت نحيه باش الذوق تاعه يجي شباب ،، و مين يبرد نلصق بالمعجون ،، بالنسبة ليا معجون المشمش هو احسن معجون يوالم الصابلي ممممم و راه يجي يدووووووب فالفم هههههه .

إضغط هنا لرؤية الصورة بحجمها الطبيعي.

idron0 · 2014-12-28, 13:31

الكيكة الشهوشة lahna moka

كاس بيض (يعني حوالي 3 بيضات أو 4 صغار) _كاس ناقص شوية سكر_ كاس ناقص زيت_ نص كاس حليب_نص كاس عصير برتقال_ فانيلا_ مبشور برتقال_2 كيس خميرة_ 2 كاس فرينة أو 2 كاس و نصف نتي عينك ميزانك
التحضير:
تضربي مليح البيض مع السكر و الفانيلا حتى يولي رغوة و لونو فاتح و تزيدي الزيت ثم الحليب و العصير و المبشور و تضربي و اخيرا الفرينة المغربلة و المخلطة مع الخميرة و اخلطي برفق قيس ما تختفي الفرينة فقط
صبي هاذاك الخليط في مول مدهون و ديريه فالفور يطيب و يتحمر
فور خروجو من الفرن ادهنيه من الفوق بالمربى و زيني بالكاوكاو المرحي او كيما تبغي
مممممممم و تكون طرية من الداخل و ريحة البرتقال الله الله و طبعا شهوشة ههههههه

إضغط هنا لرؤية الصورة بحجمها الطبيعي.

idron0 · 2014-12-28, 13:34

خبز الشعير النرجووسة

دقيق الشعير خميرة فورية ماء ملح تشيشة للتقراص فرينة.
شوفي انا ندير خبز الشعير باش ميجنيش يابس خلطيه بالفرينة يعني دريه نصنص وادا حبيتي يجي اسمر زودي الشعير وعجنيه مليح اعجنيه بماء ساخن متجريهش بزاف ومتخليهش قاسح وخليه يخمر وقريصيه فالتشيشة ومن بعد بسطيه في كتانة تكون مرشوشة بالتشيشة وكي يخمر ويطلع للمرة الثانية تكوني مسخنة الفور لازم يكون سخووووووووووووووووووووووووووووون هدا النوع يحتاج الفرن سخون بزاف .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-12-28, 16:29

الرولى tokio hotel

اول وصفة تعلمتها و بدلتهاش نكيلو بنفس الكاس كاس بيض ضربيه جيدا مع كاس سكر ضفى كاس فرينة مقبب مع 1 خميرة ضفيهم غير بالشوية الا حبيتى طرطة طيبيها فى مول انتاع الطرطات و ادا حبيتى رولى طيبيها فى سنيوة كبيرة ملاحضة فرشى وق الجرائد ماشى مكتوب يتباع عند البقلين بالكيلو روعة خير من المينيوم و ارخص من ورق الزبدة
نسيت لا فاني أو زاست القارص.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

idron0 · 2014-12-28, 16:44

الكراميل lahna moka

انا ندير شوية سكر و معاه شوية ماء يعني مثلا كاس سكر مع 2 ملعقة كبيرة ماء و نخليه على نار و ما نخلطوش أبدا حتى يبدى يميل لون الحواف للذهبي نهز الكاسرونة برك و نراقبو حتى يولي كلو ذهبي ننحيه مباشرة و نستعملو أي نصبو في رامكان الفلان و نخليه يجمد شوية ثم ندير عليه الفلان المغلي و نخليه يبرد يذوب وحدو مع حرارة الفلان.

idron0 · 2014-12-28, 16:50

االفريكاسي دائمة الحمد

لمطلوعة كيما نقولها عنا مؤنثة ههههههه
نبلها عادي سميد وملعقة ك سكر وخميرة فورية ونخليها ترتاح
ثم نبدى نعجن فيها ونزيد الماء دافئ حتى تولي طرية
في الخير نضيفلهاشوي فرينة حتى تولي عجين عادي وملعقة ك سمن ونلمها مليح ونقرصها عادي
الفريكاسي هذا لي عطتهولي حبيبتي نفس الوصفة بالصح المرة الاولى نعمل نصف سميد ونصف فرينة ونكمل بنفس المراحل
من بعد نعمل قرص صغار يرتاحو شوي ونشكلهم ولما يطلعو نقليهم في زيت غزير وجديد
ونستقطرهم لما يبردو شوي نحشيهم وخلاص
والوصفة الاساسية في الحشو لازم بطاطا وهريسة وطن وسلاطة مشوية والاضافات عليك هههههههههههه.

إضغط هنا لرؤية الصورة بحجمها الطبيعي.

ام سراج وملاك · 2014-12-28, 21:33

الدزيريات ام سهام 02

العجينة 4كيلات فرينة +1كيلةماغرين التوريق ذايبة +1مص فانيلا ولمي الماء دافي مذوبة فيه رشةملح وخليهاترتاح

الحشو 3كيلات لوز مطحون رقيق +1كيلة سكر عادي وزاست الليمون ولمي بالبيض وادلكي مليح الحشوباه يذوب السكر وخاليه يرتاح بعد ليرتاح شكلي كويرات بوزن 30غ

الطريقة حلي العجينة بالحلال وجوزيها في االة التوريق الماشينة تع البقلاوة في الرقم 1 4 مرات حتى ترطاب العجينة امنبعد اترقي حتى توصلي لرقم 5

قطعيها دوائر بطابع قطره 10سم وحطي في وسطها كويرة من الحشو وشكليها بواسطة كيردون و خاليها ترتاح ليلة كاملة باه تنشف امبعد طيبها حتى تحمار من الفوق غير تخرجيها اثقبيها من جهة العجينةوديريها في العسل مخلط بالشربات مدة 5 دقائق وديريها تقطر وفي الاخير في ليكسات

idron0 · 2014-12-29, 10:05

الكراميل ام محمد تاج

في كاسرونة حبيبتي حطي 4 مغارف كبار سكر ونقصي خﻻﻻﻻﻻص للنار وخليها حتان تبدا تحمار من الجوانب هذيك الساعة خلطيها وضيفيلها مغرف كبيرة زبدة خلطي بعيدا على النار وسيحيها على المول بسرعة وماتخافيش كي تحطي عليها البرتقال وتدخل للفرن راهي تسخن وتتوزع مليح على المول

nina mama · 2014-12-29, 14:50

Alsalamoalikoum Svp vous pouvez me donnez la recette de Ontario de om Rani Alsalamoalikoum Als