الجزء 78 من واش طيبتي اليوم سموا بسم الله - الصفحة 11

oum anas 69 · 2014-06-12, 14:54

السلام عليكم... دخول سريع و خروج أسرع

حنوناتي لي سألوني أصبروني ممبعد خلاااص كي نقعد مليح نجاوب على تساؤلاتكم بارك الله فيكم

أم ياسين الزهراء · 2014-06-12, 15:08

راني جيت يابطبوطات

الحكاية ومافيها خلاصت النت واحنا مارحلناش حزنت ودرت روحي ماكليتش طبعا كليت بالتخبية وولادي كل واحد يخزر في خوه وهو حزين وزاد لحق وليدي تاع الجزاير والحمد لله ادى لاليسونس ونجح ربي يفرحنا بولاد الغاليات الكل وقعدنا صامطين وزوجي ع مايحملش الصماطة راح شرالنا كارت تاع 50 الف وفرحنا ههههههههههههههه ودخلت طمنت على الحلوين ههههههههههههههههه وادا كتب ربي غدوة نبدا نرحل شكرا لكل من دعاتلي وربي يكملكم ولكم بالمثل

اوريسيا فرحتني رسالتك

ام محمد تعيشي حبيبتي وراني نستى القنادر

ماري الله يشافيك حبيبتي

أم ياسين الزهراء · 2014-06-12, 15:17

لهنة ربي يزين سعدك حنونة

مرام 1987 · 2014-06-12, 15:18

اقتباس:

المشاركة الأصلية كتبت بواسطة النرجووسة

ماري جربي بدقيق الدرى
و ثاني دقيق نتاع الزرع تاكليه نورمال هو مليح انا ختي ك في فرنسا تاكل نتاع الدرى و زرع

كيفاه دقيق تاع الزرع قصدك الشعير
ما خلاتنيش الطبيبة قالتلي والووووووو غير الذرة والروز
درك ناكل غير الكسرة بيهم وتخلطلي ماما الفرينة لي تتباع سبيسيال بدون غلوتين
واش يدير الميت مع غسالو هههههههه
ربي يشافيني ويشافي جميع مرضى المسلمين

أم ياسين الزهراء · 2014-06-12, 15:20

لبنات اتهلاو في روحكم وماتنساوش سلمولي على توتة المحنطة بزاف وعلى بروقة الله يرزقها بالدرية الصالحة وعلى الهام المكشردة

راح يقل دخولي راهي الدار الكل كراطن وفوضى كبيرة وديجا عيت قبل مانبدى ييييييييييييييييييييييييي

مرام 1987 · 2014-06-12, 15:20

أهلا أم ياسووووووو عاش من شافك يا الحبيبة ومبروك على ولدك لعقوبة للخدمة والسوتنونس مالا ما كاش
وربي يعينك على الرحيلة
أم أمنية ضحكتيني هههههههههه يا أختي هو على صلاحك قالك هكذا خلي فترة وتجوز

أم ياسين الزهراء · 2014-06-12, 15:24

ماري الله يخليك تعجبيني رغم مرضك راكي عايشة عادي الله يشافيك هكى خير حتى تدي الاجر والشفاء العاجل يارب

لبنات ادا خرجو النتايج تاع السانكيام حطولنا السيت باش نشوفو

أم محمد تاج · 2014-06-12, 15:26

ههههههه حنونتي ام ياسو والله ضحكت بالدموع على مليتي بالتخبية مصيبة الله يعطيك الربح ههههههههههه وربي يعاونك ويوفقك يارب
لهوووونة واااااع دموعي نزلو يا احلى عرووسة بالتوفيق والله يهنيك ويمنيك يارب

أم محمد تاج · 2014-06-12, 15:33

أم ماجد باني عليك الامان اللومبة تاعك شاعلة والله توحححشناك وكاين التقرعيج غير هو ههههههههه

رياحين الجزائر · 2014-06-12, 15:33

اقتباس:

المشاركة الأصلية كتبت بواسطة mary1987

كيفاه دقيق تاع الزرع قصدك الشعير
ما خلاتنيش الطبيبة قالتلي والووووووو غير الذرة والروز
درك ناكل غير الكسرة بيهم وتخلطلي ماما الفرينة لي تتباع سبيسيال بدون غلوتين
واش يدير الميت مع غسالو هههههههه
ربي يشافيني ويشافي جميع مرضى المسلمين

حبيبتي ماري تفائلي بالخير حبيبتي لازم اكون عندك الكوراج تتفوقي على المرض انتاعك خاصة انو ريجيم لفترو فقط

عازفة الناي · 2014-06-12, 15:35

اقتباس:

المشاركة الأصلية كتبت بواسطة lyzzabel

صباح الانوااااار و البركااااات يا غالياااااات و نتمنالكم يوم سعيييييد

ام انووووووس ممممممم هبلني الرولي تاعك وااااااع ما خليتيش لبنت أختك شوية ؟؟ جيت لقيتهم طارو بيييييه واااااااع

و قاع طيابك يشهي الله يعطيك الصحة طاطايا الغالية

ام امجد الله يبارك عشاك يشهي و المحشي فيييييلم و الترتة و كلشي روووووعة يعطيك الصحة حبيبتي

ام أمنية صباح النور و الورد كي صبحتي ؟؟
داءمة الحمد صباحك اسعد يا الحنينة و بصحتكم الدويدة ،، و ربي يكون في العون راها الحياة بلا ماء ما تصراش

ربي يغيثنا و يسقينا

عازفة الناي الله يسلمك و يبارك فيك حبيبتي ههههه مادا بيا تجي تعاونيني غدوة انشالله نبدأ ندير لي قاتو

و علاش حوحو ،، ديجا الصابلي تاعك راه في لا لييييييست

و بصحتكم المقروظ ممممم

اختي lakhhdar مرحبا بيك معانا و ربي يجازيك بالخير على النصائح لي قدمتيهم لماري انشالله تشوف ردك علابالي غادي تفرح و يطلعلها المورال ،، بصح أعطينا اسم نعيطولك بيه بيلا ما تسجلتي بعضوية اخرى هههه

فطوري مازال ما قررتش واش ندير خخخخخخ

اللهم ما اصبح بي من نعمة او بأحد من خلقك فمنك وحدك لا شريك لك فلك الحمد و لك الشكر

ربي يفرحك حبيبتي دوك نعاونك بدعوات الخير و الصلاح ليك و لوليدك وربي يحفظهولك و تشوفيه عريس يارب
حبيت نقولك برك على الصابلي بلي راه طبقة وحدة مش زوج كي حليت العجين حليت بسمك عالى شوي ودرت فيه جلجلان محمص نمووووووووت عليه جا روعة

fatalim · 2014-06-12, 15:39

سلام بنات شكون ق ريبة من باتيلا تقولنا اذا زيدت ولا مازال

natacabell · 2014-06-12, 15:49

[CENTER]مسائكم سعيد و يعطيكم الصحة على طيابات اللي حطيتو كلكم كل وحدا باسمها بدون استثناء بارك الله فيكم
لهنة الله يسعدك و يهنيك و الله فكرتني في اايام0000واش نقولك متبكيش هاذو دموع الفرحة و فراق داركم و ميمتك لعزيزة راح تقعدي توجور عزيزة يا لعميرة لوكان راكي قدامي نعنقك و نبوسك و نفرحلك و نغنيلك يا احلى صحبة0و انا من عندي نغنيلك هاذ الاغنية:يا لمميــمه بقي بنتك بالسلامة سعدها نداها للعز و الدلال خرجيها بيضه نسري كيف الحمامة فرشي خطوتها بالفل و الغلال ولولي يا لمميـــمه و إدعي بالتبسيــمه وصليها من بيتك لبيت الحلال زينيها وبها زخي على00000000
ياك في هاذ الكوزينة اولاش مسعودة العَوْدا هههه
هاذو طياباتي الايام اللي فاتو و الحمد لله حمدا كثيرا[/CENTER
[IMG]
[/IMG]]

natacabell · 2014-06-12, 15:51

yasmalak · 2014-06-12, 15:53

مسلخييير الكوزينة
ام ميتااا مبرووك الكوزينة و يعطييك الصحة كلش بالظبع و الشان
و هدا الباروك مي من الارشييف ههه راكي تساليلي حاجة جديدة

و الفطور درت بطاطا سوتي و الاجنحة تاع الهام وليت كل يومين تلاتة نديرهم هههههه مي هدا الخطرة خليتهم كبار ما قسمتهمش