عندي فكرة ارواحو نخيطو مع بعضانا - الصفحة 11

لينة المتفائلة · 2014-06-01, 15:48

[IMG][/IMG]
[IMG][/IMG]

[IMG][/IMG]

لينة المتفائلة · 2014-06-01, 15:49

بقالها غير تفوت على الماشينة هههههههه وتتلبس

صفوة عايش · 2014-06-01, 18:32

تسلمي اختاه فكرة هايلة

جومانة فلة · 2014-06-01, 19:53

شرح ساهل وواضح ربي يخليك استاذة

جومانة فلة · 2014-06-01, 19:55

حابة في الشرح الجاي تفصلينا هذه الروبة لانها تناسب الممتلئات الاولى عجبتني لكن لا تناسبتي

douda21 · 2014-06-01, 20:03

اقتباس:

المشاركة الأصلية كتبت بواسطة لينة المتفائلة

[img]

[/img]
[img]

[/img]

[img]

[/img]

يعطيك الصحة اختي بصح نضن عندك خطا جهة الارداف راكي مشكلتهم بشكل غير متناسق

takwaaa · 2014-06-01, 20:35

مساء الخير عليكم
وش بيك لينا كي درت الدرس قلتي فهمت درك حصلتي؟
هادي الطريقة مي كيما قاتلك دودا الارداف خارجين بزاف الا اذا كان هداك قياسك هاديك حاجة اخرى
نقلك ما تقصيش خيطي تبان امبعد ساهلة كان جاتك عريضة زيدي دخلي فيها فاضل و لا مخصوص خير من تنقصي و تفسد

takwaaa · 2014-06-01, 20:36

كاوكا عندك مشكل فالصدر القطعة تاع الصدر و التحت مش طايحين مع بعضاهم

kaouka · 2014-06-01, 20:42

Oustada derthoum gad ba3dahoum basah fasdhali bni chayitni anz ngoulak fhamt mlih mlih sars rai3 ya3tik sahtek worabi yarzkak douriya salha fahmtina mlih

takwaaa · 2014-06-01, 21:29

بسم الله الرحمان الرحيم

نبدو على بركة الله اليوم قندورة soradz

الصورة

نحتاجو

1 : 3 متر من القماش للطول العادي مثال انا طولي 165 تجيني 3 متر الا عندك شك قيسي طولك من الكتف للقدم و اضربيه في 2 خاطر لقماش بش نطبقوه على 2

2 : 7متر بيي

3 : قندورة قياس

ملاحظة : لقماش اذا كان فيزكوز حطيه يترنخ في الماء و يشرب مليح اذا خفتي يطلق زيدي الخل مع الماء امبعد اعصريه عادي و طبقيه على 4 و انشريه كي يعود قريب يشيح يعود مندي نحيه طبقيه خليه يكمل يشيح .

هذا مخطط القندورة

الصورة رقم 1

نقيسو من خلف الرقبة حتى للمرفق ولا لوين حابين توصلو اليدين احتفضو بالرقم و الا كيلي

الصورة رقم 2

نجيبو لقماش

الصورة 3

نطبقوه على 2

الصورة 4

درك نحتاجو لهداك الرقم اللي احتفضنا بيه او الكيلو نقيسوه من طرف الكتان حتى القيس المطلوب في الجهة المغلقة من الكتان هذا راح يكون كتف و مراوح في نفس الوقت الصورة 5

الصورة 5

و نطبقو في هداك الحدالصورة 6

الصورة 6

نقصو الزايد الصورة7

الصورة 7

هدي القطعة اللي بش نخدمو بيها الصورة 8

الصورة 8

نجيبو لقياس تاعنا نطبقوه على 2 بالطول و نحطوه على لقماش لكتف مع الكتف و نرسمو لاطاي تاعنا لقماش يكون على وجو كي ترسمو لاطاى نحتاجو الرسم امبعد كيما فالصورة 9

الصورة 9

نجو للمراوح نرسمو من الفوق نهبطو قدقد قيمت شبر و نبدو نقوسو حتى نوصلو للخصر كما في الصورة 10

الصورة 10

نقسو الزايد من تحت و المراوح الصورة 11

الصورة 11

نرسمو الرقبة مدورة ولا v كيما تحبو انا درتها مدورة و قصوها الصورة 12

الصورة 12

نتحصلو على هاد الشكل الصورة 13

الصورة 13

نحلو القندورة الصورة 14

الصورة 14

و نطبقوها بالطول الصورة 15

الصورة 15

نرسمو الرقبة تاع الصدر الصورة 16

الصورة 16

نقصوها نتحصلو على هاد الشكل الصزرة 17

الصورة 17

ما تنسوش تفصلو الدوبلير تاع الرقبة و الظهر يجو قطعة وحدة و هك القندورة اصبحت جاهزة و هك نكونو كملنا التفصال الصورة 18

الصورة 18

نكملو نرسمو لاطاي تاع الجهة الاخرى الصورة 19

الصورة 19

نجو للخياطة

1 : نركبو الدوبلير تا الرقبة و نقلبوه ونرقدوه
2 ّ: نجيبو البيي و نغلفو بيه هاديك الدائرة الصغيرة اللي في الرقبة

3: نغلفو فوقها بالبيي كيما فالقندورة

4 : نجيبو بيي 2 متر او اكثر نحكمه من النص و نبدو من الظهر نركبوه و نمشو خت نعدو على الصر و ندير التقويسة اللي فالصدر و نحبسو امبعد نكمله

5 : ديري البيي للمراوح

6 : نقلب القندورة من داخل و نخيطو الجناب من نهاية لمراوح للتحت

7 : نرجعو نقلبو القندورة على وجها و نتبعو هداك الخط اللي رسمناه فالاول تاع لاطاي ما تقفلوش بزاف نوصلو للصدر و نحبسو بش ماتجيش المراوح مهزوزين

8 : روحي قيسيها و شوفي لاطاي و الحلة تاع الطابق قبل ما تركبي عليهم البيي و الا جاتك مليحة ارجعي كملي لصقي البيي فوق الخياطة تاع لاطاي
9 : نجيبو طرف بيي نكفوه و ندخلوه فهاديك الدائرة و نعقدوه و نخيطو طرف في الجهة و الطرف لاخر في الجهة لخرى

10 : كفيها على قدك ولا ديري سيرفلاج كيما تحبي
11 : نظفيها من لخيوط و حديها بصحتك

هك نكونو كملنا ان شاء الله الشرح وافي وكافي و فهمتوني كاين اللي يقصلو لمراوح وحدهم و يركبوهم مي انا اعتمدت طريقة الفراشة اسهللكم
كاش سؤال راني في الخدمة

kaouka · 2014-06-01, 21:43

Merci oustada charahtiha mlih rah yafrho bazaf 3ajbathoum hadi rouba oustada saaltek 3la lkatan lazem yikoun kima hada wala ndiro bark ana 3andi tarf machi mlih rah njarab fih mandonech yikoun 3m

لينة المتفائلة · 2014-06-01, 21:44

الف شكر لكي استاذة تقوى ربي يجازيك او يعطيك على قدر نيتك ايه استاذة غلطت مجيهة الارداف راني راح نعاودها او ان شاء الله نجيبها رسمت ببيستي عندي يجيني قد قد والله ساهلة او ان شاء الله غدوة نجربها او نحطلك الباترون استاذة ربي يجازيك

kaouka · 2014-06-01, 21:46

Hna hna makanech tissu wo lahwayij ta3lakhyata hna takarhi hyatek thebi takhdmi haja matalgayich viva bladi kolech kayin

لينة المتفائلة · 2014-06-01, 21:50

استاذة حبيت نديرها لماما هادل القندورة قاتلي كي راكي حابة تتعلمي نشريلك حتى قماش رخيس او ديريلي ههه استاذة بصح ماما جايا بطبوطة شوية هادل القندورة مليحة بصح استاذة والله مافهمت كيفاه شبر يعني شحال بالسونتيمتر

لينة المتفائلة · 2014-06-01, 21:52

اقتباس:

المشاركة الأصلية كتبت بواسطة kaouka

hna hna makanech tissu wo lahwayij ta3lakhyata hna takarhi hyatek thebi takhdmi haja matalgayich viva bladi kolech kayin

ايه ختي كاوكا وش راح ديري اصبري صابر ينال ايه عودي كي تهبطي للبلاد جهزي روحك بهاذ الحوايج ههههه :d