سلام حنونة
تفضلي هده بالنسبة لقاطو الشيكولا
المقادير /350غ فرينة -3 مغارف سكر قلاصي- 125 زبدة دايبة – 2 بيض- 1كيس خميرة – ملعقة كبيرة خمارة خبز – قرصة ملح - مربى مشمش – شكولا – كلاصاج ابيض
طريقة التحضير / نضع الفرينة ثم السكر والملح نخلط ميلح المواد الجافة نضع عليها الزبدة الدايبة والفاني ونخلط ايضا ثم نضيف الخميرة ثم الخمارة المدابة في الحليب ونخلط ثم نلمها بالبيض حتى نتحصل على عجينة طرية نقسها على ثلاث كرات متساوية نبسط الاولى بالحلال او الرولو ونضعها في صينية نضع فوقها المربى ثم العجينة الثانية نحلها ونضعها فوق المربى ونضع فوقها المربى ثم العجينة الثالثة نتقبها بالشوكة وندخلها الفرن ولما تطيب من تحت ونشوفو الحواشي تع الصنية بدات تحمار نشعل من فوق
نخرجها تبرد ونحط فوقها الشوكولا ونزينها حسب الرغبة عندما تجف الشوكولا نقطها مربعات ونحطها في اكياس ورقية
ولكن انا درتو قلوب واحدة فوق واحدة
مي الطريقة لي عطيتهالك نتاع مربعات راهي مضمونة قبل درتو وزينتو روعة بالكريمة
مي هادا لي درتو درك مجرد تجريب برك انا طول نديرو ويعجب العايلة نتمنى تجربيه والتزيين حسب ذوقك♥
اما بالنسبة للوردي
تفضلي
المقادير :250 غ مرغرين طرية بحرارة الغرفة ، 03 صفار البيض ،100 غ سكر مسحوق ، كيس فلان فانليا ،1 كيس خمار ، 100غ مايزينة ، فرينة حسب الحاجة الطلاء :3 بياض بيض ،8 ملاعق كبيرة ماء الزهر و 5 ملاعق كبيرة ليمون ،ملعقة فانيليا ، سكر ناعم ملون غذائي حسب الرغبة انا استعملت الوردي ، ملعقة كبيرة زيت و التزيين حسب رغبة .التحضير :في اناء نحلط المرغرين و السكر ثم نضيف 03 صفار بيض و الفلان و المايزينة و خمار ثم نضيف الفرينة حتى نتحصل على عجينة طرية و على طاولة مرشوشة نحل العجينة ونقطع بالقوالب ثم ندخلها الفرن حتى تكتسب اللون الذهبي بعدما تبرد نحضر الطلاء ونزينه حسب رغبة
يجي روعة وهشوش وبنيييييين وشي ماكانش عندي لاجولي باه يولي يلمع الله غالب
نتمنى يعجبك
بالنسبة للكروكي ساهل كيما مالفين ويجي روعة اذا حابة نعطيك الوصفـــة
اسمحيلي طولت عليك كنت نكتبلك ههههههههه
وشهية طيبـــــــــــة♥
( تقرير عن مشاركة سيئة )، و الموجودة أسفل كل مشاركة .
2013-05-30, 12:31
لبنات راني جيت نعاون
العرض العادي
