السلام عليكم و رحمة الله تعالى و بركاته
صحا فطوركم أخواتي كامل بدون استثناء الأخوات الي هنا في الكوزينة و الزائرات بما فيهن العضوات
[/font][/size]
ربي يجازي كل أخت دعاتلي و يهنيها و يرزقها من نعيمه
.................................................. .................................................. ........................
اليوم فطورنا كان مبطن الليبي درته مكان البوراك حاجة فور مع شربة فريك و حميص و سلطة فواكه و كسرة رخساس او رخسيس بمقادير مضبوطة بعد عدة تجارب لي هههههه هاكة وليت نتحكم في الخبز باش ما يضيعيش
و لله الحمد و الشكر و المنة
هاد المبطن الحق خفيف ظريف و مايديش الوقت الله يبارك تحية عطرة لاخوتنا الليبيين و ربي يكون معاهم
الطريقة ساهلة ممكن تكونو تعرفوها تقطعي البطاطا دوائر ماشي رقاق و انقعيهم في الما المملح مدة نصف ساعة هاد
العملية ضرورية باش تتنحا هاديك القصوحية نتاع البطاطا كي تجي تخدميها مبطن
و من بعد تحكمي البطاطا المقطعة بالوحدة بالوحدة و تحليها بالموس بلا ما توصلي للحافة شغل تعملي جيب و تحشيها بالكفتة الي تكوني داويتيها بالملح و التوابل حتى تحصلي على الشكل كيما في الصورة و من بعد تغطسيهم في البيض و تمرمديهم في شابلير و تقليهم لازم في البداية سخني الزيت مليح و كي تجي ترمي المبطن نقصي النار و خليهم يتقلاو في غرضهم مع التقليب المستمر ما تخافيش رايحة طييب البطاطا و اللحم و من بعد حطيهم فوق ورق ماص
اليوم قدمته عادي مكان البوراك و ممكن ترافقيه بصوص بيضا بالحميصة هنايا يولي طاجين مبطن حطي الحبيبات و سقيهم بالصوص
و بصحتكم احلى مبطن
صحا صحوركم