علوم و تقنيات النشاطات البدنية و الرياضية - الصفحة 11

شـــهاب · 2013-03-20, 17:33

يا أخي أنا حسب النقاط اللي أفيشاوها راني متأكد 97% خرجت السداسي
لكن راني نستنى في المعدل النهائي .

affre-ville · 2013-03-20, 21:17

بالبركة عليك خويا

حنا مازالو 3 مودلات م أفيشاوش

و راني ندور من جوايه الـ 10

علاهاذيك مكاش كيفاش نحكم يلا ندخل راطراباج ولا لالا

نستنا المعدل و خلاص

affre-ville · 2013-03-22, 12:37

وينتا لابورس الثانية خويا ؟ قالولي في أفريل صح ؟؟؟؟؟

شـــهاب · 2013-03-22, 14:24

الله يبارك فيك خويا

مشكل كبير كي تكون شاك في روحك ،،لأنو الراتراباج بعد العطلة مباشرة ،
أولا ما تقدرش تفوت العطلة مرتاح ،
ثانيا ماتعرفش الموديل اللي تبدا بيه اذا دخلت ،
ثالثا ممكن تكون مخرج السداسي و تدخل عادي ،

زاد كمل علينا الاضراب ، و خرجنا نصفرو ، نتمنى يأجلو الراترابج +++راني شاك يبلعوها بعد العطلة
الحل أخي أنك تهبط للجامعة السمانة الجاية و تسقسي ثم على المعدل نتاعك + ممكن يافيشو في العطلة أو بعدها مباشرة

شـــهاب · 2013-03-22, 14:27

اقتباس:

المشاركة الأصلية كتبت بواسطة affre-ville

وينتا لابورس الثانية خويا ؟ قالولي في أفريل صح ؟؟؟؟؟

الثانية أحنا تدخلنا في جوان و الثالثة في سبتمر و الرابعة في ديسمبر
و الله ما علابالي اذا الطلبة الجدد كيما احنا أو لا !!!!!!!

affre-ville · 2013-03-22, 22:44

صحيت خويا

إيه علا هاذيك

باش الواحد يشوف روحو يلا يقرا و لا ماكالاه

مازال إعلام آالي و كرة قدم و تيدي كيمياء

علا هاذي ماقدرتش نحسب المعدل

و السمانة الجاية نروح نشووف كاش جديد

شـــهاب · 2013-03-23, 15:13

ان شاء الله أخي بالتوفيق و يبعد عليك الراتراباج

أنيس 7 · 2013-03-27, 10:51

السلام عليكم
أخيرا منحت معدلات السداسي الاول بالنسبة لجامعة خميس مليانة بعد طول عناء
الحمد للله معدلي 11.91 ولكن نتائج ضعيفة على العموم 36%
92 طالبا استطاع تحصيل 10 فما فوق من مجموع 255 و هذا ما يضع علامة استفهام كبرى في تحصيل الطلبة لهذه النتائج فهناك من يرد ذلك الى المستوى المتدني للطلبة و الاخر يرجعه الى سياسة هذه الجامعة المتشددة في السلم التنقيطي
المهم مازال السداسي الثاني و بالتوفيق انشاء الله

affre-ville · 2013-03-27, 22:29

بصحتك خويا أنيس 7

أنا عندي 10.52

و كيما قلت النتائج كارثية
أنا أعتقد أن السبب هو الذي السياسة التي تعتمدها إدارة المعهد
مثلا لو نظرنا إلى باقى المعاهد نجد معاملات الـ pratique مرتفعة مقارنة بمعهدنا
6 في قسنطينة و 2 في خميس مليانة
92 من أصل 255

و أيضا عقلية بعض الأساتذة
(بالمناسبة دارو إضراب لمدة يومين قبل العطلة . من بين المطالب : طريقة تعامل بعض الأساتذة مع التلاميذ)

على العموم نتمناو باش تتحسن أمور المعهد في القريب العاجل

..

أنيس 7 · 2013-03-27, 23:21

للأسف يبقى الطالب المتضرر الوحيد جراء سياسة هذا المعهد على عكس باقي المعاهد
المهم كما قلت صديقي انشاء الله تتحسن الامور فيما تبقى من العام الدراسي و على الادارة أن تتحرك على الاقل تعطي الطالب حقه
اتمنى لك مجيد ولي و للزملاء التوفيق انشاء الله

شـــهاب · 2013-04-05, 18:24

السلام عليكم و رحمة الله
مبارك لكم أيها الاخوة الكرام نجاحكم في السداسي الأول ،
و لي مثلكم بمعدل يفوق 12/20
و ما أثار استغرابي هو النتائج الضعيفة التي حققها معهدنا بالمقارنة مع باقي المعاهد ،
فهل السبب هو الأساتذة ؟ أم الطلبة ؟ أم المشاكل التي تتخبط فيها الادارة ؟؟

affre-ville · 2013-04-13, 23:17

لابورس الثانية دخلت

بصحتكم خاوتي

..

شـــهاب · 2013-04-14, 15:24

أهلا بيك أخي ،، بصحتكم ..
الموضوع راهو رقد شوية ، واقيلا سخن عليه الحال !!

affre-ville · 2013-04-14, 20:43

إيه راك تشوف راهي حابسة خلاااص

المواضيع خلاصوو "^ ^

شـــهاب · 2013-04-16, 14:52

راح نحيوها من جديد
مازال سداسي كامل من الدراسة و لازم الاجتهاد حتى نحصل معدلات جيدة ، و نفوتو عطلة مليحة !