من عنده مشكلة في الاجهزة الكهرو منزلية هنا الحل ان شاء الله

[istabrakmemo]

السلام عليكم ورحمة الله تعالى وبركاته من فضلكم حبيت نسال على ثلاجة بيكو ماتبردش مليح ونلقى الحوايج فاسدين بسبب اما نلقا فيهم ماء او بسبب الثلج في داخل الجهاز وحاولت نغير درجة البرودة لكن نفس المشكل درجة واحد او 5 نفس المشكل ارجو افادتي وايضا عندي مشكل في روبو مولينكس (فرنسا)حبس ولما حب اخي يفتحو بش يسوف المكشل ماحبش يتفتح

[hodahodahoda]

عندي مكيف الهواء يخرج الماء من الوحدة الداخلية
رغم انه غير مسدود من الانبوب الذي يخرج الماء الى الخارج
حاول زوجي و لم يستطع هل من حل

[zaki10]

ساجيب علي كل الاسئلة قرب ان شاء الله

[zoubidaas]

السلام عليكم

عندي مشكلة في الة الغسيل whirlpool

في العادة لا تصرف المياه و تحدث مشاكل فأراجع فتحة الفيدونج ان وجد اي معيق للمروحة التي توجد بها فازيله

اما هذه المرة فلم تكن كسابقتها ، العسالة لم تقم بتصريف المياه ، بل قمت بازالتها يدويا ( فتحت الفيدونج و سيقت كامل الما اللي سقط على الارض )

في البداية حاولت تنظيف مروحة الفيدونج لعلني اجد شيئا ما بها و لكني لم اجد اي شيئ

بعدها قمت بقلب الغسالة على الارض لاول مرة و اردت رؤية ما بها فعسى ان اجد المشكلة بسيطة و لكن ما رايته كان بسيطا و لم اتمكن من معرفة سبب الذي جعلها لا تصرف المياه

فقمت بشراء مزيل الرسوبيات و قمت بشتغيلها و المفاجأة ان الغسالة قامت بتصريف المياه بشكل جيد الا ان مشكلة ثانية ظهرت لي و هي ان الغسالة يتسرب منها مياه طفيفة تحت فتح الفيدونج ( غلقتها مليح ) لذلك ساورني شك بان شيئ ما ليس في مكانه

فقمت بقلب الغسالة مرة ثانية و وجدت انبوب الذي يربط مياه كيس تخزين الملابس بالفيدونج غير محكم و لم اكن اعرف اذا كان هذه هي طبيعتها ولا ادري ان كان هو السبب ام ان هناك سبب اخر

[leilaz]

السلام عليكم حبيبت نستفسر عن فرن منتج كاريرا اللي عندو معلومات عن هده النوعية يفيدني او موقع او .........بارك الله فيكم

[zaki10]

المشاركة الأصلية كتبت بواسطة zoubidaas

السلام عليكم

عندي مشكلة في الة الغسيل whirlpool

في العادة لا تصرف المياه و تحدث مشاكل فأراجع فتحة الفيدونج ان وجد اي معيق للمروحة التي توجد بها فازيله

اما هذه المرة فلم تكن كسابقتها ، العسالة لم تقم بتصريف المياه ، بل قمت بازالتها يدويا ( فتحت الفيدونج و سيقت كامل الما اللي سقط على الارض )

في البداية حاولت تنظيف مروحة الفيدونج لعلني اجد شيئا ما بها و لكني لم اجد اي شيئ

بعدها قمت بقلب الغسالة على الارض لاول مرة و اردت رؤية ما بها فعسى ان اجد المشكلة بسيطة و لكن ما رايته كان بسيطا و لم اتمكن من معرفة سبب الذي جعلها لا تصرف المياه

فقمت بشراء مزيل الرسوبيات و قمت بشتغيلها و المفاجأة ان الغسالة قامت بتصريف المياه بشكل جيد الا ان مشكلة ثانية ظهرت لي و هي ان الغسالة يتسرب منها مياه طفيفة تحت فتح الفيدونج ( غلقتها مليح ) لذلك ساورني شك بان شيئ ما ليس في مكانه

فقمت بقلب الغسالة مرة ثانية و وجدت انبوب الذي يربط مياه كيس تخزين الملابس بالفيدونج غير محكم و لم اكن اعرف اذا كان هذه هي طبيعتها ولا ادري ان كان هو السبب ام ان هناك سبب اخر

[color="blue"]لازم اتفتح التيو لي جاي فق المضخة بلاك كاش حاجا راهي تحبس الماء الامالقتش حتي حاجة لازم تتعاود المضخة و ستنتهي المشكلة ان شاء الله[/color]

المشاركة الأصلية كتبت بواسطة leilaz

السلام عليكم حبيبت نستفسر عن فرن منتج كاريرا اللي عندو معلومات عن هده النوعية يفيدني او موقع او .........بارك الله فيكم

ماذا تريد ان تعرف اذا كانت علي العلامة فهي لابئس بها

المشاركة الأصلية كتبت بواسطة hodahodahoda

عندي مكيف الهواء يخرج الماء من الوحدة الداخلية
رغم انه غير مسدود من الانبوب الذي يخرج الماء الى الخارج
حاول زوجي و لم يستطع هل من حل

اما يكون امبزشي التيو لي يخرج الما و لا طالع في السماء و لا تناحا التيو من الدخل

المشاركة الأصلية كتبت بواسطة istabrakmemo

السلام عليكم ورحمة الله تعالى وبركاته من فضلكم حبيت نسال على ثلاجة بيكو ماتبردش مليح ونلقى الحوايج فاسدين بسبب اما نلقا فيهم ماء او بسبب الثلج في داخل الجهاز وحاولت نغير درجة البرودة لكن نفس المشكل درجة واحد او 5 نفس المشكل ارجو افادتي وايضا عندي مشكل في روبو مولينكس (فرنسا)حبس ولما حب اخي يفتحو بش يسوف المكشل ماحبش يتفتح

ما نوعها اذا كانت بالمرولحية و لا من النوع العادي

المشاركة الأصلية كتبت بواسطة mokeddemmostafa

مع العلم انها تعمل بالهواء يعني لا تكدس الثلج تنطفئ لمدة وتصبح لا تبرد ثم تشتغل و الجهة السفلية دائمة ساخنة مع العلم ان نوعيتها سامسونغ

نحيلها لابريز لمدة يومين و يذوب الجليد الي في الداخل و يولي ابرد جيدا

المشاركة الأصلية كتبت بواسطة ام رزيقة

السلام عليكم
عندي مشكل فيالثلاجة راهي عندي مدة عامين تقريبا يتمثل في حدوث ضوضاء وصوت بعدغلق باب الثلاجة يدوم حوالي عشر ثواني ويزول
علما اتها من نوع بيكو وشكرا

شيء عادي الغاز يمشي في التيوات

المشاركة الأصلية كتبت بواسطة بيزة الشاوية

عندي رحاية اللحم sayona



جيت نحط اللحم اليوم نرحي فيه ما بغاش يمشي يصدر منه صوت نضغط على الزر الاصفر نحسو مرخوف و يعمل اهتزازات فقط للقسم العلوي و القسم السفلي لا يحركه
يعني يكون فسد ماخدمت بيه غير مرتين والله غاضني ولا لا

شنوي الله غالب

المشاركة الأصلية كتبت بواسطة amoula linda

selem habit nsaksi 3la haja hna lmachina ta3 larsil marahich kamal tkis fi lma w mathabch ta3sar gololi al hal allah yahfadhkom w merci

لازم تعاود مضخة تسريف المياة و سينتهي المشكلة

المشاركة الأصلية كتبت بواسطة algerienour

مرحبا
عندي مشكلة في cuisiniere شريتها جديدة المشكل في الفور طيبلي من تحت عادي maisكي نروح نعللها من فوق تطفى القفل من فوق ما يحكمش

ترموكبل تعها عيان لازم اتعاود مشي حاجة صعيبة

المشاركة الأصلية كتبت بواسطة amine21dz

السلام عليكم ورحمة الله وبركاته
راح نشري ثلاجة ولقيت وحدة كريستور nd 592ia01 نو فروست السعر تاعها 500000 واش رايك في النوعية وهل هي الاحسن ولا كاين نوعيات احسن؟
محتاج رايك في اسرع وقت من فضلكم

وش راح انقولك منقدرش نعتيلك راي كيف كيف قاع الثلاجات تع هذا الوقت

[houdehoud]

السلام عليكم خويا مادا بيا تفيدني باه ما نخسرش دراهم راجلي يعيشك قولي نشري بلاك شوفونت ماركة ارتير مارتان خير او كويزينيار و واش من نوع نتاع كويزينيار كاين كوندور و انيام و براند و واش رايك في غسالة الملابس سامسونغ 7 كيلو دياموند و كاين ب afficheur او double afficheur واناهي الاحسن ادا سامسونغ ماشي ملاح واش رايك في كوندور نتاع 8 كيلو يعيشك جاوبني لانها بروموسيون جابوهالو في خدمتو و انا لازم نقرر سريعا ههههه و اسمحلي على التعاب

[houdehoud]

السلام عليكم اخي .
مادا بيك تعاوني زوجي جابولهم في الخدمة نتاعو الكترو ميناجار و انا جابلي نخير بصح ما حبيتش نخسر دراهم قلت نشاورك احسن
جابولهم بلاك شوفونت ماركة ارتير مارتان بالفور نتاعها و جابولهم كويزينيار كوندور و انيام و براند واناه الاحسن فيهم يعني البلاك او الكويزينيار و ادا الكويزينيار واناهي الاحسن و جابولهم ماشين الافي كاين كوندور نتاع 8 كيلو و 9 كيلو اوتوماتيك و كاين سامسونغ 7 كيلو دياموند كاين 2 اللي بافيشور واحد و اللي بدوبل افيشور يعيشك خويا عاوني لازم قبل غدوة ان شاء الله

[mariana1]

عندي فور الباب أنتاعو طلق ، أي لما نغلقو ميبقاش يعاود يطيح ثمثم ماذا أفعل حتى نرجعو ؟هو من ماركة سوسلير susler5007
وجزاكم اللّه خيرا وجعل إجاباتكم هذه حسنات في ميزان حسناتكم

[ام امجد و انفال]

السلام عليكم وجزاك الله الف خير
انا عنذي ساماسونغ مبرذ هوائي عاذ راه جذيذ شريناه غي قبلرمضان و ركبه غي راجلي بصح راه يسرب الماء في الغرفة مايخرجهش من الانبوب الي في لبخارج مع العلم انه يبرذ مليح وكان ماشي هاذ المشكل الله يجزيك قولي واش هو الحل
وهل توجذ نتائج سيئة مين رانا نشعلوه

[abdou425]

الرجاء من الأخوات الفضليات مساعدتي في كيفية استعمال الغسالة 7 كغ من نوع ENIEM ، مع العلم أنني لا أملك أدنى فكرة عن كيفية التشغيل
وبارك الله فيكن

[ام رجاء 09]

عندي ديمو كوندور كي نشعلو وحد 1د او دقيقة ونصف ويطفا الله يجازيك جاوبوني ومن قبل كان يشعل عدة ساعات وفجاة ينطفا وحدو اين الحل شركة كوندور عياتني

[halily]

السلام عليكم علامة cristor نقول لك صادق اخي اشترى فرن وثلاجة الفرن به كشكل في شواية الدجاج والثلاجة بدات يصيبها الصدا ولم يمر عليها اكثر من ثلاثة اشهر ووالحديد انتاع الفرن وتاع الثلاجة ضعيف

[Amine456]

شكرا على هذه النصائح بارك الله فيك وجزاك الله خيرا المشكل الذي عندي لدي ثلاجة كوندور فيها الثلج من الاسفل يعني اسفل المروحة وبشكل كبير جدا حوالي 50 سنتيم ولا يبرد جيدا هل المشكل له علاقة بفتح وغلق الباب وكذلك المطاط الباب هل له علاقة هذا مشكل الاول اما الثاني هو غسالة سامسونغ التي تنفتح من فوق الماء لا يخرج حاولنا معها بكل الطرق وحاولت الطرق التي مررت بها في هذا الموضوع لا جدوي عندما يحدث لها هذا المشكل تكتب في اللوحة5e فما هو المشكل واشكركم مسبقا

[Messaouda16]

akhi 3andna koucha mn hadouk jdoud li yji le four w7dou w la plaque w7d'ha . le probleme f four nta3ha ki nch3louh yb9a ydir f w7d zf ya3ni 7es kichoghl vvvvvvvv w maych3alch . t3ich akhi ida 3andek ijaba golit3ich