تجهيزاتنا للشهر الفضيل

[arwa alaa]

صباح الخير فراشات

[حياتي كلها امل]

السلام عليكم وصبحكم الله بكل خير اللهم صيبا نافعا
اليوم باذن الله راح نبدا في الصالون راح نغسل اواني البيبيوتاك ونمسحها مليح يومكم موفق

[crono]

السلام عليكم و اسعد الله صباحكم بكل خير واصلو يا بنات في النصح و التذكير

[crono]

عيارة عن طريقة بسيطة لغلق الاكياس البلاستكية الخاصة بالتجميد

نملاء الكيس ب حمص او نوع من الخضار نحاول ان نفرغ منه الهواء و نضع ورق المنيوم على الجانب الفارغ و المفتوح من الكيس و نمرر المكواة الساخنة مرة او مرتين فقط و سوف يغلق الكيس

[arwa alaa]

اهلا فراشات عندنا صبحت الدنيا برد والمطر
درت غداء بركوكس وغسلت العيلة الأولى في المشينة وضرك تفرز شوية الدنيا

[omelbanin]

السلام عليكم ،
انا مازالني مع الخزانات ،اليوم رتبت جهة تاع الزوج ،ولقجور تاع الخزانة.
ودرت الروتين اليومي ،طيبت عدس للفطور راهو البررررد.
زاد جابلي البارح القارص زدت خبيت في المجمد.

[crono]

انا كي نخدم فالدار نردد سبحان الله والحمد لله ولا اله الا الله و الله اكبر ولا حول ولا قوة الا بالله ما نحسش و ما نفيقش كيفاش كملت شغل الدار تعاونك بزاف هذه الحاجة لازمك تطردي الطاقة السلبية من منزلك بالقران و الاذكار و النظافة الدائمة و تحسي بحياتك تغيرت للافضل باذن الله
انا راني نعمل كل حاجة اللي نعجز عليها في ساير ليام كي نظفت الثلاجة ما تتصوروش الفرحة كي نكمل حاجة ربي يعينا و يعينكم
انا نصيحتي كل يوم نقصو حاجة مشغل باه ماتروحلكمش الطاقة قبل رمضان الكريم وأشرو واش خصكم النص ونص لاخر لشهر لجاي باه متتكلفلكمش بزاف فرمضان وربي يرحم موتانا الشهداء يارب

[جهينة اليقين]

السلام عليكم حباباتي اليوم رحت للطبيب مع فرد من العائلة كان عندو موعد الله يشافي الجميع
درت الغدا عدس وجدتو الصباح قبل ما نخرج
وفي طريقي كي جيت شريت صلاديي وثلاث طباسا صغيورين تاع تمر او طرف قلب اللوز عجبوني

[ام هزار]

[COLOR="DarkOrchid"]السلام عليكم و رحمة الله تعالى و بركاته
كرونو بارك الله فيك على النصائح و التوجيهات و حقيقة طريقة غلق الاكياس بالالمنيوم جربتها و النتيجة مضمونة كنت شفتها من قبل في قناة دداح اما الجانب الديني راكي فكرتيني هدو ليامات كان عندي وح الضغط نساني في كلش سبحان الله و راني بديت نسترجع بشوية و الحمد لله
بصحتك لماعن اللي شريتي و ياا رب الشفاء العاجل لمريض تاعكم
اروى بصحتكم االبركوكس هدا هو وقتو انا درت مسفوف بزيت الزيتون و فرزت جزء ثاني من ليليمون و كل نهار و براكتو
ام البنين باو ام هارون بصحتكم العدس انا نشتيه بزاف عكس بنتي و زوجي اما عن القارس اضربي طلة على قناة حنان الجزائرية راهي دارت طريقة مليحة و سهلة في تخزينو في الثلاجة و ليس المجمد بالاك تعجبك و مزيد من التقدم في الفريز بالنسبة للخزانة و ما جاورها
ام هاجر ربي يعينك في الصالون و تنحي عليك
صدقوني راني ندي منكم وحد الطاقة ايجابلية كي نشوف تحضيراتكم و نتغلب على ظرفي الصحي و على طاقتي السلبية واصلو الى الامام بعون الله تعالى /COLOR]

[رندة.]

مساء الخير
يعطيك الصحة كرونو على النصائح والتذكير، ربي يجازيك خير ان شاء الله
ام هاجر كي قريت الصباح بلي راكي حابة تنظفي الصالون درتيلي الحماس وتشجعت ورحت نظفت الصالون تاعي أنا ثاني، بالرغم من أني كنت مأجلة التنظيف العميق حاليا، بصح الحمد لله تهنيت منو.
بقية الفراشات ربي يعينكم ويومكن موفق

[arwa alaa]

اهلا فراشات ربي يعينكم جميعا على التحضيرات
وشكرا كورونا على المعلومات والتذكير

[crono]

مساء الخير على احلى فراشات نشيطات صحة فطروكم حنا عدنا برد والمطر انا اليوم زوجي كان غيب سخنت الفطور تع البارح مسفوف بالبن كنت غير انا مع بنتي
لبنات هذا هو لبرودوي لي نستعملو في مسح الغبرة ينظف ويخلي الموبل يبرق .. مضمون لأنو من مواد طبيعية خاصة لي عندهم حساسية من المواد الكيميائية ولا ما يحبوش ريحتها
واذا تحبي ريحة مليحة ديري الزيوت العطرية تتباع في علب صغيرة وريحتهم مركزة
https://up.djelfa.info/uploads/152371929262181.jpg


براح زوجي راح للسوق الجملة وزاد شريلي الطماطم والثوم راني معها ومع بنتي راهي تعوني فيها زدت خبيت في المجمد


في رمضان كاين اوقات نضيعوها في التفكير في الاطباق الي نوجدوها لذا لو كل وحدة توجد كراس صغير وكلما شافت وصفة عجبتها تكتبها هكذا تكون عندها فكرة للاطباق الي رايحة تحضرها باذن الله

وهادي بعض الصور تحضيراتي
كل مرة نعمل حاجة ونصورها ونخبيï؟½ï؟½ï؟½ï؟½ باه اخوات بزاف يستفادو اكيد الكثيرات يعرفو وما شاء الله عليهم لكن اكيد كاين المبتدئات

[crono]

[crono]

المشاركة الأصلية كتبت بواسطة randa2017

صباح الخير عليكم
الصدقة عندها فضل عظيم، وكيما قلتو كل وحدة تتصدق بالشي الي تقدر عليه، المهم تكون نيتها ابتغاء الاجر من رب العالمين.
انا خرجت البارح العشية شريت البعض فقط من الماعن الي كنت معوّلة نشريهم، شريت صحون للمقبلات والسلطات والشربة كامل من نفس النوع واللون ( أبيض)، كيسان للعصير و كيسان للأتاي، كيسان للحليب وطاس زجاجي كبير للماء، انا عائلتي صغيرة وبالتالي شريت عدد قليل من كل حاجة.
بالنسبة للتنظيف العميق مازال مابديتش لخاتش احنا فصل الربيع يفوت علينا غير بالريح والغبار، يعني روتينات يومية فقط.

جمعة مباركة للجميع

انا تان شريت كيسان للعصير و تع للأتاي، وطاس زجاجي من نفس النوع واللون هما راهم كل بيهم نقطي في احمر و اسود نصور ونحطهملك

المشاركة الأصلية كتبت بواسطة جهينة اليقين

السلام عليكم حباباتي اليوم رحت للطبيب مع فرد من العائلة كان عندو موعد الله يشافي الجميع
درت الغدا عدس وجدتو الصباح قبل ما نخرج
وفي طريقي كي جيت شريت صلاديي وثلاث طباسا صغيورين تاع تمر او طرف قلب اللوز عجبوني

بصحتكم لماعن اللي شريتهم انا شريت هادو كنت كل منخروج نشري حجة


راني حبة نشري طاجين تع الفخار

[حياتي كلها امل]

السلام عليكم يعطيك الصحة كروني راكي ماشاء الله ربي يحفظك وبصحتك المشتريات انت وجهينة وكل واحد اشترى شيء جديد
ام هزار راني شوفت فيديو تاع القارص قلت انجربها ونشوف
انا اليوم خملت البيبيوتاك وغسلت مواعنها ومسحتها مليح الواحد يحس براحة كي كون عامل برنامج ويمشي عليه ربي يوفقكم جميعا