متجر المنظفات - الصفحة 11

سعيدة8888 · 2013-10-27, 07:45

بنات الله يخليكم حابةمعطر جويكون مليح لأني نحب ريحة غرفتي تكون ديمة معطرة راني نظفها 4مرات يوميا غير على جال الريحة
و حابة كدلك معطر الملابس لي تبقى ريحتو في الملابس ديما مثل داوني
افيدوني الله يخليكم

إلهام07 · 2013-10-27, 09:42

والله أنا مجال المنظفات مانيش فيه حاذقة كيما انتوما الله يبارك
بصح علاه تنظفيها 4 مرات في اليوم على جال الريحة ؟ أشري مباشرة désodorésant هذاك اللي يجي في la prise وأتهناي ولا اشري نتاع air wick يمشي les piles ريقليه كل بضع دقائق يطلق بخة نتاع معطر شفتهم مدايرينهم في المحلات ديما معطرين الجو
اما معطر الملابس ماعنديش فكرة نعرف غير داوني برك مليح

Oum Aness Bba · 2013-10-27, 09:55

السلام عليكم كيف حالكم اخواتي ...أختي سعيدة معطر الملابس كاين واحد تاع الترك مجموعة من المنتوجات اسمها فايكين ومنها تاع الملابس رااااائع ريحته تهبل و تبقى لمدة طويلة تصوري كي ننشر الملابس في السطح تبقى الريحة تعبق حتى بعد ما ينشف ..فيه عدة ألوان وعطور وشريته ب 400دج

سعيدة8888 · 2013-10-27, 09:55

شكرا حنونة
انا شريت نتاع air wick بصح داتها عليا عجوزتي وزدت نوع اخر وداها سلفي خفت نزيد نشري و يدوها عليا راني تعقدت من هاد الناحية
النوع الاول شريتها شوية غالية ب 120 الف و ريحة نتاعها ب 50 الف و زيد البيل كل يومين نشري يعني تكلفتلي بزاف
حبيت نسقسيك على داوني وشحال سعرها انا مالقيتهاش في البلاصة لي ساكنة فيها

سعيدة8888 · 2013-10-27, 09:57

اقتباس:

المشاركة الأصلية كتبت بواسطة oum aness bba

السلام عليكم كيف حالكم اخواتي ...أختي سعيدة معطر الملابس كاين واحد تاع الترك مجموعة من المنتوجات اسمها فايكين ومنها تاع الملابس رااااائع ريحته تهبل و تبقى لمدة طويلة تصوري كي ننشر الملابس في السطح تبقى الريحة تعبق حتى بعد ما ينشف ..فيه عدة ألوان وعطور وشريته ب 400دج

ربي يخليك حنونة ياريت تحطيلي صورته
لأنو في المنطقة لي ساكنة فيها مش كلشي متوفر حابة زوجي يشوف الصورة باش يشري مباشرة

Oum Aness Bba · 2013-10-27, 09:59

اما معطر الجو نستعمل فورس إكسبرس روائح شرقية إذا كنت من محبي العطور الشرقية كاين ألف ليلة وليلة كاين العود رااائع كاين مسك الليل و نستعملهم حتى في الملابس كي نجي نكويهم نرشعليهم و نكوي تبقى الريحة و نرش منه فوق الفراش ايضا وكاين حيلة أنك ترشي مصباح الغرفة بالملطف و هي طافية ولما تشعلي الضوء يسخن المصباح و يطلق الريحة ..نتمنى نكون أفدتك أختي

Oum Aness Bba · 2013-10-27, 10:06

حاليا أختي ماعنديش في الدار لما نشريه نصورهولك إن شاء الله ونفس الماركة منظف المرحاض أكرمكم الله و المغسلة ووو بالامونياك راائع ايضا وريحته هايلة

سعيدة8888 · 2013-10-27, 10:13

شكرااااااااااااااااا بزاف

أم محمد تاج · 2013-10-27, 10:14

حبيبتي سعيدة نشالله يفيدوك لبنات أنا ثاني عندي نفس المشكل ودائما نهوي المنزل ونظف ونبدل ونغسل بصح الريحة ديما في نيفي ومعطرات الجو كل مرة واش نستعمل ونادرا مانستعملهم قالو مايش ملاح للأطفال

~اسيل ريحانتي~ · 2013-10-27, 10:31

انا نستعمل ار ويك بريحة الليمون يهبل شريته ب900دينار حكملي عام

nabila222 · 2013-10-27, 10:31

صباح الخير لبنات ،سعيدة مرحبة بيك هذي غيبة ،اما بنسبة للمعطرات انا حاطة وحدة اير ويش لي بلبيل ومش دايما مشعلتها يعني كي نكون عيانة ومش قادرة نقي الغرفة نشعلها اما اذا نضفتها ما يحتاجش باش تشعل ديجا ريحة النقا كفيلة، وزيد حاطة وحدوخرة في صالون النسا وصالون الرجال ، واذا بيك يدوها خبيها ونهار لي تحبي تشعليها اجبديها وغلقي بيتك ،ونشالله لبنات يزيدو يفيدوك بتجاربهم

سعيدة8888 · 2013-10-27, 11:59

اقتباس:

المشاركة الأصلية كتبت بواسطة أم محمد تاج

حبيبتي سعيدة نشالله يفيدوك لبنات أنا ثاني عندي نفس المشكل ودائما نهوي المنزل ونظف ونبدل ونغسل بصح الريحة ديما في نيفي ومعطرات الجو كل مرة واش نستعمل ونادرا مانستعملهم قالو مايش ملاح للأطفال

شكراااااا
توحشتك كيف حالك

سعيدة8888 · 2013-10-27, 12:02

اقتباس:

المشاركة الأصلية كتبت بواسطة nabila222

صباح الخير لبنات ،سعيدة مرحبة بيك هذي غيبة ،اما بنسبة للمعطرات انا حاطة وحدة اير ويش لي بلبيل ومش دايما مشعلتها يعني كي نكون عيانة ومش قادرة نقي الغرفة نشعلها اما اذا نضفتها ما يحتاجش باش تشعل ديجا ريحة النقا كفيلة، وزيد حاطة وحدوخرة في صالون النسا وصالون الرجال ، واذا بيك يدوها خبيها ونهار لي تحبي تشعليها اجبديها وغلقي بيتك ،ونشالله لبنات يزيدو يفيدوك بتجاربهم

شكرا ياغالية انتي تاني توحشتك كيف حالكان شاء الله بخير
حنونة انا ساكنة عند عجوزتي مش وحدي
علىبيها نحوس على مغطر نديرو بعد الميناج حتى نسكن وحدي