دورة خطواتي الواثقة لأصبح ربّة بيت متألّقة

[فراشات العمر]

السلام عليكم
كتبت ردا لكن نفس المشكل للتابلات والتطبيقات تاوعنا
المهم شكرا اسيل عمل الخير جميل شكرا مرة اخرى
انا اليوم مرالمو نتاعي راه زيرو البارح حرمت ابني من للرضاعة قررت نفطمو راني مقكعة عليه مسكين يجي يقلي بكل هدوء امي زيزي نولي مانسماعهاش نكتب ونبكي
ماقدرتش ندير التطبيق اسفة شعري والله ما لميتو غير لميت الدار وعدلتها رانا صائمين نوض كشما ندير ضرك

[أم بسملة]

أختي تغاريد و الله فتحت عيناي و جعلت يومي منظما بارك الله فيك
انا كنت احب التاجيل كثيرا بخكم مشاغلي هذه الايام ( تخضير لمناقشة رسالة الدكتوراه ادعولي ربي يسهلها و نعاود نتهلى في روحي و بيتي)
انا اليوم ما نضتش بكري بت نخدم حت 2صباحا و نضت على السادسة
غسلت وجهي سرحت شعري درت شوية غوج ( يطلعلي المورال كي ندير الغوج و الكحل) وصليت طيبت القهوة و درت الفطور على النار يتقلى من ذاك لذاك نطل عليه ( درت ارز بطلب من ولدي)
فطرت ولدي ولبس حوايجو و الصغير ناض بعدها نقيتلو و شرب حليبو وشربنا قهوة انا وزوجي
كملنا حوالي 7.30اذهب ولدي للمدرسة و االزوج للعمل ( متعودة نوجدلو حوايجو و صباطو وكل شيء في الليل لكن هذه الايام كل شيء بالمقلوب)
ومبعد خرجت الحوايج لتشميس و دخاتهم خفت النو
سيقت غير خفيف
رتبت الغرف و المكتب
و الان تفرغت ليكم و للخدمة
شكرا لكم كنت محتاجة لاحد لينظم لي وقتي
بالنسبة لمواد التجميل راه لازملي التجديد راني متابعكم دائما

شكرا لكم

ا

[فراشات العمر]

ام البنين ايك والدش في اثناء الدورة او النفاس راه جسمك كامل مفتوح راح يسكنك البرد وتمرضي روحك والمرض راه يسبب العضال والعياذ بالله لحكاية خمس ايام اغسلي الابطين رجليك وجهك يديك شعرك

[mirikholyo]

حفضك الله يا ام تغاريد كل هذا نعرفه لكن لم نجد من يشجعني متلك

[فراشات العمر]

السلام عليكم
نصائح الفراشة لي ماعرفتش تدير برنامجها اليومي والاسبوعي الشهري مثل السطح كل شهر والاسبوعي ثلاجة واليوم ترتيب وغسل الاواني وتلميع الحوض نمدلكم مثال
انا عندي زوج بيوت وهول ومطبخ وحمام صالون في الاسفل وزيد المدخل بما فيه الدروج والسطح سبع حوايج
نكتب في الغرفة واش فيها واش تستحق نعمللها مثلا غرفتي فيها سرير وخزانة و فراش رؤودي نقسمها على خمس مرات باه نخلي الجمعة ولخميس الراحة
زيد المطبخ فيه ثلاجة وكويزينيار وغسالة وبوتاجي ايضا نقسمها على خمس
غ
وهكذا حتى نكملو كتابة جدول نتاعكم كل يوم تخدمو في كل الدار وبالعقيلة وبدون جهد او وقت طويل

[أم بسملة]

المشاركة الأصلية كتبت بواسطة فراشات العمر

السلام عليكم
نصائح الفراشة لي ماعرفتش تدير برنامجها اليومي والاسبوعي الشهري مثل السطح كل شهر والاسبوعي ثلاجة واليوم ترتيب وغسل الاواني وتلميع الحوض نمدلكم مثال
انا عندي زوج بيوت وهول ومطبخ وحمام صالون في الاسفل وزيد المدخل بما فيه الدروج والسطح سبع حوايج
نكتب في الغرفة واش فيها واش تستحق نعمللها مثلا غرفتي فيها سرير وخزانة و فراش رؤودي نقسمها على خمس مرات باه نخلي الجمعة ولخميس الراحة
زيد المطبخ فيه ثلاجة وكويزينيار وغسالة وبوتاجي ايضا نقسمها على خمس
غ
وهكذا حتى نكملو كتابة جدول نتاعكم كل يوم تخدمو في كل الدار وبالعقيلة وبدون جهد او وقت طويل

فكرة ذكية جدا شكرا ساطبقها ان شاء الله

[جهينة اليقين]

السلام عليكم ما شاء الله الصفحات كثرو كنت غير نقرا اليوم نضت شربت الماء راكم نسيتوه كامل وصليت وقريت الورد ومشطت شعري ياااا سلام مسكين كان غير تحت الفولارة يطل وما غطيتوش وغسلت بغسول ابنتي اظن يسموه فولي فول جاي بنفسجي ودرت مسك للابطين وانطلقت درت القهوة تطيب والى الغسالة ورجعت شربت انا والزوج صدقوني على السابعة والنصف كنت مكملة النشير ثلاث حبال وغسلت الماعن وسيقت الهول والغرفة والدروج والمطبخ ودرت الفطور راني قريب نطفي عليه والله روعة النهوض باكرا

[omelbanin]

يعطيك الصحة اختي أسيل، كاين منتوجات راني مستعملتهم من قبل، مثل عملاق، جافيل d, oz،bref.
قوليلي على action، ultra dégraissant كي جربتيه ،مليح؟ %

[omelbanin]

اختي أم تغاريد، انا راني موافقتكم بانو نبداو التنظيف العميق بالمطبخ، لانو ياخذ وقت. كل يوم نظفوا جزء منو.
بالنسبة للاعمال لي قمت بيها اليوم، نضت مع الفجر قمت بالواجب الديني ديالي.
غسلت وجهي بغسول للوجه، وغسلت اسناني. حطيت كريم مرطب، انا نستعمل، oe، مشطت شعري، كحلت عينيا، حطيت ماكياج خفيف. ودرت ديودوغو.
غيرت ملابسي.
عندي شوية ملابس حطيتهم في الغسالة، نضفت المرحاض والدوش.
فتحت النوافذ ،غملت الغرف، رحت للمطبخ غسلت الاواني، نضفت الفرن، وفرغت الثلاجة، مسحتها من الداخل، وعاودت رتبتها. ومسحتهامن الخارج.
وكنست لبيوت لاني كنت مسحتهم البارح مساءا.
سيقت الهول والمطبخ والصالون.
درت لغدا يطيب. رحت نشرت الملابس، وسقيت نباتاتي.
الحمدلله على نعمة الصحة.

[حياتي كلها امل]

هاذو جداول الروتينات اليومبة مانعرف اذا يبانولكمIMG)G]

[غزالة1]

يا سلام عالصفحات
بالعقل يا فراشات راكو طرتو و انا الغزال مسكين تعبت و انا نجري مع الصفحات:d لا اريد ان اترك اي مشاركة دون ان اقراها

[omelbanin]

ياعمري غزولة تاعنا عييناها هههه.
شفتي الله يبارك النشاط، شحال نفرح كي نتحط مع مجموعة نشطة كيما هاذي.

[~اسيل ريحانتي~]

المشاركة الأصلية كتبت بواسطة omelbanin

يعطيك الصحة اختي أسيل، كاين منتوجات راني مستعملتهم من قبل، مثل عملاق، جافيل d, oz،bref.
قوليلي على action، ultra dégraissant كي جربتيه ،مليح؟ %

هدا اكسيون سمعت وحدة في محل التنظيفات تشكر فيه سقسيتها عليه قالتلي مليح ايا شريته والصراحة انا كي نحب نسيق نخلط شحال من حاجة في الماء ونسيق مثلا خطرات نخلط اكسيون مع معطر الليمون مع جافيل دوز كل مرة وكيفه

[~اسيل ريحانتي~]

بالنسبة للخلطة لي هدرت عليها عندي غير يومين ملي خدمتها شفت الناس تشكر فيها قلت نجربها ونشوف ههههه

وصفة قوية لازالة الدهون :

ملعقة كبيرة بكاربونات
قارورة ماء الأكسجين الخاص بالجروح تركيزه 30%
كأس سائل غسيل الأواني أو الملابس
ملعقة كبيرة ملح الليمون
كأس خل أبيض
كأس جافيل اختياري
تقدرو تضيفولو معطر الملابس يعطي ريحة هايلة اثناء التنظيف
تخلط المكونات وتوضع في قارورة سبراي او قارورة عادية وترشي مثلا الحائط او الفايونس او حوض الاستحمام صالح لكلش



ويالنسبة لتبييض الملابس تضيفي مع مسحوق الغسيل خل وبكربونات وكاين لي يزيد ملح الليمون
وتاني هدي وصفة لتنظيف الفوتاي تاع القماش انا عندي فوتاي ابيض متعبني يتوسخ بلخف لقيتله هدي الوصفة ولي نفعتني بزااف بزاااف
كأس خل +نصف كأس بكربونات+ربع كأس سائل غسل الملابس او الاواني انا نستعمل الخاص للملابس
وربع كأس معطر ومنعم الملابس تكون بريحة لي تعجبكم

وهدي وصفة لتنظيف الحمامات
تحكمي قرعة تعمريها للنصف ماء تضيفي لها نصف سائل تاع الاواني او الملابس وتضيفي نصف كاس خل وملعقة كبيرة او اثنين بكاربونات
تخلطي المكونات وتحطيهم في سبراي وترشي المكان المراد تنظيفه تخليها عشر دقائق وتحكي وتشللي

[~اسيل ريحانتي~]

بالنسبة لنهار اليوم بعد مااهتميت بنفسي طيبت قهوة الصباح حطيت معاها مادلين وممبعد راحو الاولاد والزوج
فتحت النوافد لتهوية البيت ورتبت الشومبرة وممبعد رتبت شومبرة الاطفال كل حاجة رجعتها لمكانها الخاص
بعدها رتبت الصالة مسحت الغبرة ورحت للكوزينة غسلت الماعين ووجدت الغدا
ودخلت الملابس في الغسالة وشغلتها لمدة٥٤ دقيقة
ورحت سيقت البيت كلو ونظفت الدوش والمرحاض اعزكم الله تنظيف خفيف لاني لبارح في الليل لمعتهم مليح صبحو نظاف
وكي كملت غلقت النوافد وعطرت المنزل بعطر الليمون
وبعدها نشرت الملابس والحمد لله يارب