~¤ô¦¦§¦¦ô¤~ بيتك جنتك و رضاء ربك مبتغاك 5 ~¤ô¦¦§¦¦ô¤~ - الصفحة 11

it's me · 2014-04-23, 10:36

تمرينات لشد وتصغير الصدر

it's me · 2014-04-23, 10:38

it's me · 2014-04-23, 10:39

it's me · 2014-04-23, 10:40

it's me · 2014-04-23, 10:40

it's me · 2014-04-23, 10:41

it's me · 2014-04-23, 10:42

Oum Aness Bba · 2014-04-23, 11:06

السلام عليكم كيف حالكم اخواتي البارح عييت نحاول وضع الصور ما قدرتش ..الله المستعان
ملخص البارح ..
الجانب الديني ..الصلاة في وقتها الاذكار .. اللهم أعنا على ذكرك وشكرك و حسن عبادتك
الجانب التنظيفي ..عادة نعمل التنظيف العميق يوم الخميس لاني الجمعة لا أعمل شئ نخليه غير للزوج .. وباقي الاسبوع تنظيف خفيف مسح و كنس ..
الجانب التربوي .. راجعت للاولاد القرآن أما الدروس من الفصل الثاني خليتهم يعتمدو على انفسهم انا فقط غير لما ما يفهموش حاجة و الح)مد لله جابت نتيحة .
الجانب التجميلي .. عملت حمام زيت بزيت جوز الهند الراااائع يرطب ما شاء الله حتى أن شعري أصبح أكثر سوادا * كنت صورنو مع مجموعة مواد الجميل * وعملت حمام مغربي ..الكحل و العطر و ملمع الشفاه نسبق فيهم هوما الاولين هههه .. حكيت حوافري و رطبتهم و كي يروح الزوج للعمل نلبس تقشير و حذاء العجايز أكرمكم الله ههه و هذي الطريقة جابت نتيجة ما شاء الله

عطرالذهب · 2014-04-23, 11:09

السلام عليكم
الحمد لله كي لحقتكم ما على باليش اذا لحقت في الوقت بالصح نحاول نواكبكم والمهم الصفحة الاولى المتميزة اللي لقيت فيها كل مااريده خصوصا الرياضة والخلطات
عندي عتاب فقط وعلاش مااعلنتوش على انطلاق الدورة لاني كنت عارفة رايحة تبدا في شهر مارس وكنت نطل مرة على مرة مالقيت والو قلت بالاك تاجلوها حتى يقرب رمضان
المهم ان شاء الله تكون دورة ناجحة ونافعة للجميع وبالتوفيق

Oum Aness Bba · 2014-04-23, 11:09

آآآآآآآه نسيت بديت شرب ال 8 أكواب من الماء و الرياضة اليوم ان شاء الله

Oum Aness Bba · 2014-04-23, 11:13

طريقتي في الحمام المغربي ... نأخذ كمية من الصابون البلدي + كمية من الحنة الباردة +القليل من الخزامى تخلط المكونات و توضع على الجسم لمدة ثم تشطف بالماء و استعملي ما يسمى عندنا بالكاسة و سترين النتيجة .. لكن من الضروري جداااااا ترطيب الجسم بعد الحمام لان كل المكونات تجفف البشرة .

oum radja · 2014-04-23, 13:28

السلام عليكم
اليوم درت حالة بالما
الصباح غير راحت بنتي تقرا رحت للكوزينة درت طاجين جلبان يطيب و خليت الكوزينة كيما هي
ورحت للصالة رفدت الطابي ماعنديش بالزاف من لي غسلته كنسته بالمكنسة الكهربائة هو و لي كاش ريدو ما نقدرش نحيهم
رفدت كل القش لي في الارض غست التاقة و نظفت الزجاج تاعها
حكيت الارض بالازيس و جافيل دوز
شللت و نشفت
مسحت الحيطان و قواطع الكهرباء
ومسحت الغبرة من البيبليوتاك و التلفاز و المدفأة
درت الصانيبو المركز قطرة في كل زاوية و خليت التاقة مفتوحة باش تنشف الارض
كملت سيقت الكولوار و الاوول حتى وصلت للكوزينة
غسلت مواعين الفطور و وحكيت الارض تاع الكوزينة و خرجت للحوش
حكيت التوالات و الدوش و سيقت الدروج و نشفت الما
غسلت يديا مليح و رجليا ورحت كملت الغدا
درت ترطيب لليدين و الرجلين راكم تعرفو الصابون و الجافيل واش يديرو
جات رجاء من المدرسة فرحانة صوروهم
عطيتها تغدات هي وخوها حتى تلمت كل العايلة و تغدينا
غسلت المواعين و توضيت و جيت نكتب تطبيقي حتى يأذن الظهر نصليه
ونشكر الاخت لي ذكرتنا بصلة الرحم رايحة نحاول باش نتصل بكل اهلي وخاصة لي بعاد و لي قراب نزورهم في اخر الاسبوع اذا كتب ربي

oum radja · 2014-04-23, 14:27

تدبيرة اليوم
اكيد كل مرأة عندها طقم قهوة او شاي عزيز عليها تحطه غير كي يجوها ضياف وبعد ما يروحو الضياف تغسل هاذاك السارفيس و تخبيه
انا جبت ليكم اليوم تدبيرة باش كي تخبي التارموس تاعك يبقى نقي و ما فيهش الريحة

بعد ما تغسلي التارموس تاعك نشفيه مليح و ديري فيه قطعة سكر و حطي عليه اللغطاء مقلوب يعني ما تغلقيهش مليح و رايحة تلاحظي بعد مدة طويلة انو التارموس تاعك قعد نقي وما فيهش الريحة لي موالفة تبقى فيه و لي كنا نظطرو اننا نغسلوه قبل الاستعمال بالصابون و الجافيل

الأمنيات · 2014-04-23, 14:52

السلام عليكم جبت لكم فايدة مانيش مشاركه معاكم في الدورة بصح ماعليش الافادة

فوائد الفازلين المتبقية:

- لو كنتي تعاني من أكواع جافة دلكيها بشوية فازلين في الليل ورح تصير ناعمة
- عشان تمنعي أعقاب قدميك من التقرح والآلام عند المشي إدهنيها بالفازلين.
- عشان يدخل الحلق في أذنك بسهولة ونعومة ضعي فازلين على ثقب الأذن.
- ضعي قليلاً من الفازلين على حاجبيك وبعدين إمسحيهما بواسطة فرشاة أسنان نظيفة..هالعملية بتسوي الحواجب حلوة ومرتبة وعشان ما تخرب..
- دلكي أظافرك بالفازلين ليلاً لو كانت بسرعة تنكسر أو مقصفة فالفازلين يقويها.
- ضعي الفازلبن على عيونك في الليل عشان تأخر التجاعيد والخطوط.
- قبل وضع صبغة الشعر أو كريم الفرد ضعي القليل من الفازلين على فروة الرأس عشان ما تسببلك المواد الكيميائية الموجودة فيها أي تهيج في الفروة..
- لتعالجي الحروق البسيطة ضعي فازلين عليها طبعاً بعد غسل مكان الحرق بالماء البارد..
- الفازلين يضفي على البشرة النعومة والرطوبة.
.وخاصة عن التهاب الحفاضات لطفلكله مفعول عزل ومعالجة

شموخ امرأة · 2014-04-23, 18:00

السلام عليكم
اللهم صل و سلم على سيدنا محمد
... بارك الله فيك أختي سمراء الدنيا
مبروك الافتتاح ان شاء الله فاتحة خير على الجميع .........
كي شفت تطبيق الاخوات قلت علاه ما ستنيتش سمورة وبديت معاها ...........
انا سبقتكم ودرت حملت تنظيفات مع الحمل الانتخابية هههههه
ربي يقدر الجميع وبتوفيق لكل الاخوات