دورة خطواتي الواثقة لأصبح ربّة بيت متألّقة

[أم بسملة]

المشاركة الأصلية كتبت بواسطة فراشات العمر

السلام عليكم
نصائح الفراشة لي ماعرفتش تدير برنامجها اليومي والاسبوعي الشهري مثل السطح كل شهر والاسبوعي ثلاجة واليوم ترتيب وغسل الاواني وتلميع الحوض نمدلكم مثال
انا عندي زوج بيوت وهول ومطبخ وحمام صالون في الاسفل وزيد المدخل بما فيه الدروج والسطح سبع حوايج
نكتب في الغرفة واش فيها واش تستحق نعمللها مثلا غرفتي فيها سرير وخزانة و فراش رؤودي نقسمها على خمس مرات باه نخلي الجمعة ولخميس الراحة
زيد المطبخ فيه ثلاجة وكويزينيار وغسالة وبوتاجي ايضا نقسمها على خمس
غ
وهكذا حتى نكملو كتابة جدول نتاعكم كل يوم تخدمو في كل الدار وبالعقيلة وبدون جهد او وقت طويل

فكرة ذكية جدا شكرا ساطبقها ان شاء الله

[جهينة اليقين]

السلام عليكم ما شاء الله الصفحات كثرو كنت غير نقرا اليوم نضت شربت الماء راكم نسيتوه كامل وصليت وقريت الورد ومشطت شعري ياااا سلام مسكين كان غير تحت الفولارة يطل وما غطيتوش وغسلت بغسول ابنتي اظن يسموه فولي فول جاي بنفسجي ودرت مسك للابطين وانطلقت درت القهوة تطيب والى الغسالة ورجعت شربت انا والزوج صدقوني على السابعة والنصف كنت مكملة النشير ثلاث حبال وغسلت الماعن وسيقت الهول والغرفة والدروج والمطبخ ودرت الفطور راني قريب نطفي عليه والله روعة النهوض باكرا

[حياتي كلها امل]

انا هذا وين كملت شغلي اليوم نضفت ارضية المطبخ والكولوار تنضيف عميق
اختي ام تغاريد اناافضل ان نبدا التنضيف مع بعض يعني نبدا المطبخ كامل مع بعض باه واحدة تحفز اخرى ونتبادلو الافكار
انا منتجات التنضيف التي استعملها
عملاق
جافيل سيدهم هو جافيل ورغوي وريحتو مليحا
الفور استعمل ديكاب فور
للملابس استعمل اريال او صابون ساءل وهو مارساي
كاين الي خلاصتلي راح انصور الي عندي

[خوخة02]

راكم تكتبوا بالخف ماشاء الله
ام البنين اختي صح يقولو الدش ايام الدورة ماشي مليح
فراشات العمر صح برنامج مليح ان شاء الله تشوفو ام تغاريد ونطبقوه كامل
جهينة اليقين هذيك الفولارة احرقيها هههههههههه خلاص كلشي تبدل اخلعي زوجك شوية ههههه
صح النهوض باكرا هايل كلشي تقضيه فوقتو

[omelbanin]

يعطيك الصحة اختي أسيل، كاين منتوجات راني مستعملتهم من قبل، مثل عملاق، جافيل d, oz،bref.
قوليلي على action، ultra dégraissant كي جربتيه ،مليح؟ %

[حياتي كلها امل]

[omelbanin]

اختي أم تغاريد، انا راني موافقتكم بانو نبداو التنظيف العميق بالمطبخ، لانو ياخذ وقت. كل يوم نظفوا جزء منو.
بالنسبة للاعمال لي قمت بيها اليوم، نضت مع الفجر قمت بالواجب الديني ديالي.
غسلت وجهي بغسول للوجه، وغسلت اسناني. حطيت كريم مرطب، انا نستعمل، oe، مشطت شعري، كحلت عينيا، حطيت ماكياج خفيف. ودرت ديودوغو.
غيرت ملابسي.
عندي شوية ملابس حطيتهم في الغسالة، نضفت المرحاض والدوش.
فتحت النوافذ ،غملت الغرف، رحت للمطبخ غسلت الاواني، نضفت الفرن، وفرغت الثلاجة، مسحتها من الداخل، وعاودت رتبتها. ومسحتهامن الخارج.
وكنست لبيوت لاني كنت مسحتهم البارح مساءا.
سيقت الهول والمطبخ والصالون.
درت لغدا يطيب. رحت نشرت الملابس، وسقيت نباتاتي.
الحمدلله على نعمة الصحة.

[حياتي كلها امل]

هاذو جداول الروتينات اليومبة مانعرف اذا يبانولكمIMG)G]

[غزالة1]

يا سلام عالصفحات
بالعقل يا فراشات راكو طرتو و انا الغزال مسكين تعبت و انا نجري مع الصفحات:d لا اريد ان اترك اي مشاركة دون ان اقراها

[omelbanin]

ياعمري غزولة تاعنا عييناها هههه.
شفتي الله يبارك النشاط، شحال نفرح كي نتحط مع مجموعة نشطة كيما هاذي.

[mariamalak]

راني معاكم فالتنظيفات نبداو بالمطبخ نقضو عليه مع الحماس تاع بداية الدورة
انا اليوم عملت تنظيف يومي خملت الغرف و نظفت الحمام و المطبخ و درت فطور و عشاء هكا فالمساء نلها مع بناتي نديهم يديرو سبور و كي يرجعو نديرلهم الواجبات و نعشيهم رانا نتعشاو على 7 ونص باش يكفيني الوقت نلم الكوزينة و نسيقها

[أم بسملة]

راكم نشطتوني بزاف و هادي اول مرة ندخل في مجموعة
شكرا

[ام صفصف]

صباح السعادة و النشاط و الحيوية لاجمل فراشات
راكم ماشاء الله هربتو فالصفحات
على حسب الشوفة راكم اصبحتو كامل عرايس ربي يبارك
فيما يخص مواد التجميل نعتمد بكثرة على المواد الطبيعية مثل الزيوت وماء الورد والعسل، ايضا منتوجات yves rocher
غسول الوجه حقيقة نستعمل دوف هووالي يناسبني

[ام صفصف]

بالنسبة للتنظيفات، اختي ام تغاريد احسن شيء نكونوكامل مع بعض احسن

[~اسيل ريحانتي~]

المشاركة الأصلية كتبت بواسطة omelbanin

حبيبتي أسيل، اتحملينا شوية انا نسقسي بزاف،هداك كريم فالز واش يدير.

اختي ام البنين سمحيلي طولت عليك هداك كريم فالز يستعمل تحت الابطين وفي المناطق الحساسة وفي اي بلاصة تعرق