~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سمراء الدنيا]

المشاركة الأصلية كتبت بواسطة جهينة اليقين

السلام عليكم جمعة مباركة انشاء الله اللهم ارحم موتى المسلمين اجمعين واحفظ احياءهم وداوي مرضاهم اللهم وفق كل ذي حاجة الى ما تحبه وترضاه امين

المشاركة الأصلية كتبت بواسطة صابرة محتسبة

اللَّهُمَّ صَلِّ وَسَلِّمْ وَبَارِكْ على نَبِيِّنَا مُحمَّد

المشاركة الأصلية كتبت بواسطة hanamohamed

(إنَّ اللهَ وملائكَتَهُ يُصَلُّونَ على النَّبي يا أَيُّها الذِّين آمَنوا صَلُّوا عَلَيهِ وَسَلِّمُوا تَسْلِيما ً) ، اللَّهمَّ صلِّ على سَيِّدِنا محمد وعلى آل سَيِّدِنا محمد كما صلَّيت على سَيِّدِنا إبراهيم وعلى آل سَيِّدِنا إبراهيم ، وبارك على سَيِّدِنا محمد وعلى آل سَيِّدِنا محمد كما باركت على سَيِّدِنا إبراهيم وعلى آل سَيِّدِنا إبراهيم في العالمين..إنك حميد مجيد .

اللهم صل و سلم على سيدنا محمد عدد ما خلقت من يوم خلقت الدنيا الى يوم القيامة في كل يوم الف مرة

اللهم صل و سلم على سيدنا محمد ملىء السموات و الارض و ما بينهما

اللهم صل و سلم على سيدنا محمد صلاة ترضيه و ترضى بها عنا يا رب العالمين

[سمراء الدنيا]

المشاركة الأصلية كتبت بواسطة ام الابتسامة

انا جديدة معكم هل تقبلوني معكم
كنت متبع لكم من بعد ومعجب باعملكم وفي نفس الوقت متحسىة علي نفسي
انا استاذة في الثانوي لي 3اطفال متكاسلت جدا عن شخل البيت لكن العمل الخارجي اتفاني فيه ك ثيرا
لست ادرى كيف اكون مثلكن

المشاركة الأصلية كتبت بواسطة ام الابتسامة

السلام عليكم
انا جديدة في المنتدى هل من مرحب
اريد الانضمام اليكن
هل تقبلن بي

اهلا و سهلا معانا ام الابتسامة .... جميل اسمك يدعو الى التفاؤل

بالنسبة للكسل الكل نعانيو منو في فترة من الفترات لكن رانا نحاولو ننقذو انفسنا و نخرجو من دائرة الاحباط
تبعينا فقط و طبقي النصائح و ان شاء الله رايح يرجعلك نشاطك من جديد

[جهينة اليقين]

اهلاوسهلا ومرحبا اختنا في الله ام الابتسامة نرجو ان نستفيد من بعضنا ونتبادل الخبرات والنصايح

[سمراء الدنيا]

المشاركة الأصلية كتبت بواسطة ام هزار

مساء الخير حبيباتي
سمراء اختي . ربي يباركلك في صحتك و اولادك و وقتك . و الله مكافحة بجميع المقايس
البارح ما كتبتش تقريري . الحقيقة ما كفانيش الوقت . و اليوم عملت نهار كاامل . مضغوط جدا
تقريري لنهار امس
بعد الصلاة الي متاخرة . نوم ثقيل يطغى علي لا اعلم سببه . خاصة وقت الفجر . ربما هو الارهاق
النهوض في 6 و30 شربت الماء . صليت و اعددت الفطور
7و30 خرج الزوج للعمل . و انا غسلت الماعن و حطيت البطاطا تفور . في هذاك الوقت . غسلت كمية من الملابس مع ملابس ابنتي بيدي و من بعد نشرتهم و ناضت بنتي قمت بيها . ثم رجعت كملت رحيت البطاطا و عملت لا بوري . و حطيت الجاج اللي كان متبل بليلة سابقة في الكوكوط باش يطيب و نعمل بيه الصوص
و رجعت فرزت الغرف و هوتهم و و ريحت شوية و كنت بين الحين و الاخر نطل على لا صوص
تغديت انا و بنتي في 11و من بعد بدلتلها باه تروح عند جداها . وانا حضرت نفسي للخروج للعمل
دخل زوجي في 12 و 30 حطيتلو الغداء و كلفتو بتوصيل البنت . و انا انطلقت للعمل
روحت في 4مساء جبت بنتي . و من بعد جا زوجي طلبت منه اننا نخرجو نشريو هدية لاحى الزميلات في العمل زوجت و انا ما روحتش لعرسها . خرجنا على السريع لقيت مغظم المحلات مغلوقة . اجلت الفكرة لاحقا . شرينا شوي حلويات و رجعنا شربنا الحليب . و رتحت شوية و صليت المغرب و صححت فرض من الفروض و من بعد العشا صليت و رقدنا
جانب الاذكار و التسبيح متقيدة بيه . ما زال جانب برنامج لقراءة و ختم القران الكرم
الجانب الجمالي 0000000000
رايحة نطبق و صفات سمراء . ربي يجازيها خير
بالنسبة لحبيباتي اللي سالوني على الكسبرة و المعدنوس . ممكن تغرسوهم في اصيص يكن عريض و طويل لانو عروقهم يمدو بالعرض و غراستهم تكون ب1 سم تحت التربةو ما يحبوش الماء بزاف
انا عندي حوض في الفناء بابعاد 1 م و 30 سم على 60 سم مقسماتو بيناتهم اما الازهار و الورود في الاصيص . ان شاء الله في ماي نبدا نغرس بذور جديدة . في الحقيقة اخذت الطريقة على امي ربي يشفيها عاجلا غير اجل . اللهم امين
غدا ان شاء الله ممكن ما ندخلش لاني مسافرة لرؤية امي . سلاااااااااام

ربي يعينك اختي ام هزار العمل خارج و داخل البيت مرهق فعلا ..... لكن عاتبا عليك على صلاة الفجر .... هاذي خليها تحدي ليك و قولي نقدر نوض نصلي في الوقت و قبل لا ترقدي ادعي ربي يعينك و يساعدك تنوضي مش راح ينفعنا لا ميناج و لا تعب اليوم كلو كل للي نصيبوه هو صلاتنا ..... اذا بنتك ناضت على الخمسة نتاع الصباح و طلبت منك ماء اكيد راح تنوضيلها و تعطيها ..... اذا روحك ايضا تطلب منك غذاءها و صلتها بربها في هذاك الوقت فما تحرميش نفسك من الخير كلو راح نبحثلك على واحد الكلمات رائعة في هاذ الموضوع ..... ربي يجعلك من الصالحين اختي ام هزار و يجعلك في قلبك نور و حولك نور يا رب

المشاركة الأصلية كتبت بواسطة جهينة اليقين

يا سمورة لو كان جيتي قريبة مني والله غير نعطيك دقيق القمح الكاملوزيد معجون باتلخميرة البلدية يا عيني غلبنة راهم يعطيوني لحباب كل سنة وانا الي نخدمو نرحيه برى فالرحى تاع القمح ونفتل البركوكس كذلك
اما بالنسبة لبنتي فانها جامعية انا كي كنت في عمرها كانت عندي اختها الكبيرة راهي متزوجة وهي كي تقلي البطاطا والا تسيق راهي فحلة بنات اخر زمن ههههه

ربي يعيشك و يخليك حنونة كيما قلت كانو يمدولي لحباب و هاذ العام ماكان والو يا ماما على بركوكس القمح شحال بنين
ربي يحفظلك بنياتك و يفرحك بيهم بنتي راهي في 2 ثانوي و الحقيقة هي راهي معاونتني باش راني نقدر نقعد معاكم

المشاركة الأصلية كتبت بواسطة افكار خياطة

يار يت تقولي لنا كيفاه نبخرو الحبة البركة خطراك عندي ومالقيتش وش ندير بيها نشعل النار ونديرها في بخارة عادي ولا كاين عفصة أخرى

عادي التبخير بالفحم او في اناء حديدي راح نجيبلك الصور باذن الله

المشاركة الأصلية كتبت بواسطة arwa alaa

اختي سمراء شكرا على الرد
والله ميحبو يتحطولي الصور وهذا المشكل عندي في المنتدى ودارلي عقدة ومنتجات التجميل ايفروشي منتجات طبيعية 100ب100ولهذا راهي غالية شوية وراكي هنيتينا بالوصفات الي حطيتيوزوجي فرح راح ينقص المصروف ههه
وفيقور شوفي هو قرعة وكاين بخاخ برتقالية اللون وكتوب فيها
ultra degraissant
vigor au savon noir
la puissance professionnelle
راني من بكري نستعمو ومساعدني بزاف

شكرا عزيزتي على التوضيح .... و حقيقة ماكانش كيما الطبيعي

راح نحوس على منتج فيقور

[سمراء الدنيا]

المشاركة الأصلية كتبت بواسطة جهينة اليقين

صباح كله امل وتفاؤل بهذا اليوم البارك كيفكم يا فراشات ان شاء الله كلو تمام
اليوم نضتلصلاة الفجر ولله الفضل والمنة مع انو النوم راه يحلى لان الليل راه يقصار
شربت الماء وقريت سورة الكهف راح لي التركيز كنت نعسانة ربي يتقبل برك ورجعتساعتين ثم طيبت قهيوة خبزت فطيرة والزوج شرب وخرج والشعب كله راه راقد وشغلت سورة البقرة للسديس وراني مع الملابس مالبارح باش نفرز ونبدل تاع الشتاء بتاع الصيف افففف هبلوني ايا من بعد لبنات

ماشاء الله لا قوة الا بالله ....راني معجبة بنشاطك جهينة

برنامجي لهاذ اليوم
التلاوة قريت 4 صفحات فقط و ناضت الفلوسة نتاع بنتي هههههه....... فطرت العائلة شاي و بيض مقلي و جبن و راح الزوج للعمل و الابن الاوسط راح للمعب عندو تدريب و الصغيرة راحت للمدرسة القرانية و لكبار راقدين
درت غدا كسكس بالفول الفاير
درت بعض الملابس في الغسالة و لميت الحالة شويا كي تنوض بنتي تسيق
اعمال التنظيف لليوم .... تنظيف و تعقيم سلة المهملات و تنظيف سلة الاواني و سلة الخضار فقط
و باقي الوقت للذكر و التلاوة ان شاء الله

[سمراء الدنيا]

[فراشات العمر]

الالسلام عليكم
جمعة مباركة لكن جميعا
راني في حالة رائد كلاني بالعضان يتبت في الضروس صبعية ذرعية وين لقا البلاصة يهبش ههههههه
راني نانقدرش نفطن غير نصلي الفجر نموت بالنعاس لا اذكار ولا قراءة قران
زيد مع ولادي غير يخرجو من المدرسة يهربو هرب يخافو نهدرلهم على لقراية وفي الليل يتفرجو مع والدهم من ثمة للفراش رايحة نهبل معاهم كشما طريقة معتامدينها
بعد التسياق عاودت كل حاجة تقلبت
المطبخ ماعندي ما نقول يعاود يتخلط ويتكركب
نقول ندخل مع الدورة بصح نلقى روحي بعيدة كل البعد
صلاتي نصليها الحمد لله بصح الاذكار والدعاء قراءة القران مازال
الجانب الجمالي شريت زيت البريول ب85الف تاع دهن القنود نفس الصور لي عند سمراء بصح نتاعي مختلف شكون الاصلي نتاعها ولا نتاعي
شؤيت غسول للوجه ضد التجاعيد للبشرة الحساسة راني نستعمل فيه
خدمت لخيار المشور والبطاطا استعملتو مرة برك لقيت روحي مادرتش الزيت فيه

[فراشات العمر]

المشاركة الأصلية كتبت بواسطة سمراء الدنيا

مانعرف منين يجي التجديد في اليل سهران وفي النهار نعسان خلينا ربي يهديك كرهنا من التضحيات

[الأمنيات]

السلام عليكم يومكم مبارك
يوم الجمعه خلوه لصلة الرحم حتى وما خرجتوش فليكسوا وتكلموا مع اهلكم خواتاتكم وخوتكم
المهم تكون صلة الرحم سالي على الاهل حتى وما سولوش عليك ما يهمش
المهم اربحي الاجر خليك ديما سباقه للخير وربي يصفي النفوس

[arwa alaa]

صباح الخير عليكم يا فراشات العمر واش هذا التشاؤم
اسمحيلي اختي امنيات مقصدتش غلط برك في االاسم
سامحيني سامحيني

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

اهلا حبيباتي و مرحبا بالجديدات
سمراء ربي يجازيك خير على ما تقدمينه
انا مثل فراشات العمر كل يوم نقول خلاص لازم نلتزم بالدورة لكن دائما الطوارئ عندي خاصة مع وليدي الصغير كثير المرض مع هذا الحمد لله الصلاة دائما في الوقت الا نادرا نكون هلكانة
اللهم اعنا على ذكرك و شكرك و حسن عبادتك

[غزالة1]

فيما يخص مواد التنظيف مؤخرا جربت شيئين
الاول من هذا المنتدى وهو الخميرة و الجافيل بالنسبة للاحواض سواء في المطبخ او الحمام و كذا المرحاض اعزكم الله لكن حذاري التفاعل رائحته قوية نوعا ما للي عندها حساسية حطيه و اهربببببييييي 10د ثم ارجعي حكي
الثانية من منتدى مملكة التي وضعته الاخت حبيبة في دورة سابقة و هو بيكاربونات و حمض الستريك (اشتريته من عند بائع مستلزمات الحلويات) انا اضيف عليه خل و ما و اضعه و نحك
الوصفتين رائعتين

[arwa alaa]

تقرير يوم امس
الجاني الديني تسبيح واذكار فقط لانو عندي عذر شرعي
الجانب الجمالي ماسك للوجه درت الطفل مع القارص عشرين دقيقة ومنبعد شللت بالماء ومسحت وجهي بالقطن وماء الزهر والرجلين وصفة سمراء
وجانب التنظيف اعمال يومية غسل وترتيب وفرزت خزانة البنات وجبت قش الصيف
درت سباقيتي للغداء وشاورما للعشاء وتارت الفراز لسهرة مع تاي والكوكاو

[arwa alaa]

اختي غزالة انا تان جربت وصفة الخميرة والجافيل في ارضية الكوزينة خرجت تشعل بصح الريحة قاوية وانا عندي الحساسية نحوس على النظافة باقل ضرر