موضوع مميز صور لبعض حلوياتي - الصفحة 11

oummariam · 2013-06-20, 13:42

رووووووووووووووووووووعة اختي الله يبارك في هدوك اليدين ما شاء الله

ام مهدي2010 · 2013-07-03, 15:03

واااااااااااااااااااااااااااااااااااااااو روعة كيما انتي

*أم ثازيري* · 2013-07-03, 18:04

لي عودة بمجموعة من التطبيقات لك حنوووونة
رووووووووووووعة

biba318 · 2013-07-03, 18:50

الله يبارك مزيدا من التألق سلمت يداك

بسملة توحيد · 2013-07-05, 19:25

ماااشاء الله كلها اعمال رااائعة بوركت

البوسعادية · 2013-07-05, 19:45

اقتباس:

المشاركة الأصلية كتبت بواسطة ladymillion

الى الاخوات لي حبو الوصفة 12
جينواز العسل والجوز
مقادير الجينواز :
250 غ زبدة
1 كاس سكر
3/4 كاس عسل انا درت عسل المرجان فيه نكهة العسل الحر واذا ملقيتيهش ديري اي نوعية نتاع عسل وزيدي ملعقة كبيرة عسل حر
5 بيضات كاملة
كأس جوز مرحي
2 ملاعق كبيرة كاكاو اسود
2 كيسان ونصف فرينة
2 ملاعق صغيرة بيكاربونات أو خميرة القاطو

في الخلاط حطي الزبدة + السكر + العسل واخفقي مليح وزيدي المكونات الباقية
جيبي 2 صينيات ادهنيهم بالزبدة والفرينة
وقسمي الخليط على 2 بالتساوي
وحطيهم اطيبو على درجة 180°

تحضير الكريمة
250 غ زبدة + 250 غ سكر ناعم + فاني
اخفقيهم مليح وخليهم على جنب
حطي 3/4 كاس حليب في وعاء على نار متوسطة + 1 ملعقة صغيرة سكر + 2 ملاعق كبيرة سميد وخلطي حتى يطيب السميد في الحليب
جيبي كريمة الزبدة وخلطي معاها الحليب والسميد وزيدي اخفقيهم شوي برك باش يتخلطو مع بعض

كي يطيب الجينواز وتخليه يبرد حطي الكريمة على طبقة وهي في الصينية متنحيهاش وزيدي حطي فوقها الطبقة الثانية نتاع الجينواز

وحضري كلاصاج الشوكولا
استعملس شوكولا منى أنا نحبها هههههههههه بنينة ذوبي 600 غ في حمام مائي + صفار بيضة + باكي من قهوة نسكافي وتحركي ملييييح الشوكولا من بعد زيديلها الماء أو الحليب كيما تحبي أنا ندير الماء باش تبقى طرية وتبرق زيدي الماء وابقاي تحركي وتحركي كي تشوفيها سايلة شوي نحيها من الحمام المائي
ملاحظة : الماء استعملي من نتاع الحمام المائي
وسيحي الكلاصاج فوق الجينواج ومشيه شوي واعدليه وخليه يشيح
التزيين : ذوبت الشوكولا وحدها من غير أي زيادات وجبت قوالب الورقة عمرتهم بالشوكولا ونحط في الكونجيلاتوغ تجمد شوي ونحيها وندير فوقها البريون الرطب بالبانسو

وكي يشيح الكلاصاج هاديك الغدوة قطعيه مربعاة وحطي في الكيسات ولازم يتخبى في الثلاجة
الصينية 25سم نصف القطر يعني كامل 50 سم دور نتاعها

هذه هي الوصفة انشاء الله نكون عند حسن ضنكم وادعولي ولولديا

يعيطك الصحه اختي
قوليلي تعيشي انت قلت السميد تقصدي بيه الدقيق يخي ..ولا حاجه اخرى ؟؟
وتسلم الايادي حبيبتي

ladymillion · 2013-07-05, 22:32

اقتباس:

المشاركة الأصلية كتبت بواسطة البوسعادية

يعيطك الصحه اختي
قوليلي تعيشي انت قلت السميد تقصدي بيه الدقيق يخي ..ولا حاجه اخرى ؟؟
وتسلم الايادي حبيبتي

نعم اختي السميد لي نديروا بيه المطلوع

إلهام07 · 2013-07-06, 11:59

والله يعجز اللسان عن التعبير
رووووووووووووووووووووووعة
يعطيك الصحة
فعلا فنانة من الطراز الأول
ماشاء الله عليك وربي يباركلك
عندي 100000 سؤال خلي برك مانصدعلكش راسك