الجزء 30من واش طيبتي اليوم؟؟للفحلات تاع المنتدى - الصفحة 11

tokio hotel · 2013-10-02, 09:26

اللى عندها رابط مقروط القارص تعطهولى و يكثر خيرها

أم ريمة* · 2013-10-02, 09:29

صباح الخير ام محمد قررتى ادير حلوة التاج شكرا على الثقة الرابط من اختصاص الهام انا نجاوبك على الاسئلة نو ادكوكو 150غ كى تديريها فالمول انتاعها ادير34حبة
بصح هايلة للحليب وبريزونتابل كى اديريلها الشيكولا من فوق والبيستاش والبريون من فوق الهام جربتها بص دارتها فى مول القلب صغار جربيها ادعى لاختك ريمة يجبلها وقفة ساهلة راهى قريب ادعولها فى هذه الايام المباركة

إلهام07 · 2013-10-02, 09:30

اقتباس:

المشاركة الأصلية كتبت بواسطة أم محمد تاج

حبيباتي نروح نسوج سوجة ونرجعلكم
لهووومة وراسك حطيلي رابط قاطو التاج راني شريت البارح لي مول ونشالله نديرووو للعيد على خاطر اقتصادي (تزيار العيد) خخخخخ
ورايحة نهبلك بالأسئلة وجدي روحك
شحال تقطعلك الكمية المكتوبة؟؟ وشحال دالك نواد كوكو؟؟؟؟ الخ لي عودة بعد السوجة

هذو كامل أسئلة

هذا الرابط :
https://www.djelfa.info/vb/showthread.php?t=1314758
أنا نوزن الحبات الواحدة والله ماشفيت واقيلا 17غ دارتلي حوالي 55 حبة ( هذا إذا درتيه قلوب كيما أنا لاكان الشكل كيما نتاع أم ريمة يديرلك اقل بكثير لاخاطر الحبة كبيرة )
النواد كوكو ياخي الكيل مكتوب في الوصفة 150غ بصح أنا الكويرة نتاع العجين نزيد نرمدها في النواد كوكو ونقرصها في المول راهي ماتهزش بزاف بصح وكي يطيب يجي لونو برتقالي باهي

برك ماتخدعيهش في الطياب نقصيلو للنار انا طيبتو على 160-140 جا لونو مليح ماشي كيما شفتوه في الصور وزيد النواد كوكو يحمي العجين ماتزربش تتحرق

اقتباس:

المشاركة الأصلية كتبت بواسطة أم ريمة*

صباح الخير لبنات كيف الحال ؟؟ ام ماجد لاه تشوى الطماطم قبل وضعها فالمجمد ؟؟ وفاه تستعمليها؟؟انا نفشرها وننزعلها البذور ونقطعها فى لى بوات ونستعملها فى كل شىء شليطة بيتزا محاجب .......
رانا نستناو فالرفيس انتاعك باش نطبقوه الهام واش درتى البارح ؟؟كاش تطبيقات ؟؟

هههههههههههههههههههههه فقتي بيا ماشي تطبيقات تلبيزات ههههههههههههه

اقتباس:

المشاركة الأصلية كتبت بواسطة أم ماجد

ام محمد والله رفيس ماهوش اقتصادي خلاص
زبيب وسكر وزبدة وتزيين ولبن بعدي عليه خير لك ههههههههه
الهام مافهمتش حكاية تصبير الطماطم كي نرجع
نتفاهموا خارجة الان وبسرعة نرجع باذن الله مانسوقش لكن ربي يخليلي ماجد مهنيني نور العين
اكم الغدا عدس واجد حار وجاهز
كون تخرج صلاة تتغدى قبل مانرجع
حفيظ من الفراش مباشرة جا يجري يصور معاه تعود ههههههههههه
مازال ماغسلش روحه هههههههههه يموت عليكم
الهام راهو بنين ام مرحبا

ياعمري حتى من الفراش طبوز يهبل يهبل مواح مواححححححححح هههههههه نحبك عبدو

راهو رجع نجم مشهور هههههههههه والف الصور خخخخخخخخخخخخخخخخخخ
كي جي نفهمك في التصبير

إلهام07 · 2013-10-02, 09:32

طوكيو أصبري جي أم محمد تاج راهي ماطولش هي اللي داراتو وزيدي شوفي في موضوع الوصفات نتاع بروقة بالاك تلقايه لثمة ؟

شكرا ام أمنياتي

ام عبودة · 2013-10-02, 09:35

صباااح الخير والحب والمودة
بصحتنا الكوزينة جديدة وان شاااء الله عامرة بالتجارب الناجحة
جيتكم بقصعة مردرد سوفي. دارتو عجوزتي البارح برك نسيت ما صورتش البوزلوف على خاطر ساعات نديروه بالحم والاغلب بالبزلوف وامممممم على العيون نموت عليهم واولادي يحبو الرجلين اممممممم

ام عبودة · 2013-10-02, 09:37

هاذا واش طيبتبت البارح الحلوة الرخامية امممم بقلاصاح ام محمد ولامونية تاع الوهرانية اممممممممم

إلهام07 · 2013-10-02, 09:38

لهومة الشعنونة : نقول للقرعاجات واش لبزت البارح وا مانقولش
عقل لهومة : ماتقوليش خلي حتى تكملي وحطيلهم كل شيء مع بعض surprise
قلب اللهلوبة : غاضوني مساكن حابتهم يشوفو واش درت البارح راهي ساهلة ماهلة بنيينة واقتصادية راهم مشومرين مساكن
عقل لهومة : آآآآآآآآآآو نعرفك أنتيا ماتقدريش تحكمي في فمك ياخاه أصبري لغدوة برك

.................... يتبع

أم ريمة* · 2013-10-02, 09:39

صباح الخير امنيات مبروك علينا الكوزينة راهى عامرة بما لذ وطاب الله يبارك

islam1aya · 2013-10-02, 09:42

سلام الهامو واشراكي والهندي عيطلك اليوم
شوفي حبيت نجرب كريمة الزبدة تع ام رامي ويضهرلي جربتيها مالقتهاش حطلي المقادير واظن فيها البيض ماش طايب قوليلي ماجيش فيها ريحت البيض وماتفسدش في مدة قصير وهل هي بنينة بماانك جربتيها

حبيت نجربها اليوم عندي عيد ميلاد بنت اخي باش نعمللها تارت صغيرة بكريمة الزبدة شوكولاتي من فضلك جاوبيني

islam1aya · 2013-10-02, 09:44

صباحكم فل اميمتي ام ريمة وام ابراهيم والاخريات
ام ريمة واش راكي واش راه ريمة

أم ريمة* · 2013-10-02, 09:44

هيا لهومة قولى واش لبزتى رانا نستنو
اذا كانت سهلة روحو نديروها للغدا

إلهام07 · 2013-10-02, 09:45

مممممممممممممممم أم عبودة راكي طالعة صاروخ في التطبيقات ههههههههههههههه شومرتي المخلوق هههههههههه
هذيك الحلوة الرخامية اللي جربها كامل شكر فيها وأنت كيفاش جاتك ؟

الأمنيات · 2013-10-02, 09:45

اقتباس:

المشاركة الأصلية كتبت بواسطة ام عبودة

هاذا واش طيبتبت البارح الحلوة الرخامية امممم بقلاصاح ام محمد ولامونية تاع الوهرانية اممممممممم

يعطيك الصحة يا الفحلة راكي فور جربتهم في زوج

اقتباس:

المشاركة الأصلية كتبت بواسطة أم ريمة*

صباح الخير امنيات مبروك علينا الكوزينة راهى عامرة بما لذ وطاب الله يبارك

صباح المسك يا اختي ربي يجيب لبنتك ساعه ساهلة ان شاء الله

الأمنيات · 2013-10-02, 09:46

اقتباس:

المشاركة الأصلية كتبت بواسطة tokio hotel

اللى عندها رابط مقروط القارص تعطهولى و يكثر خيرها

هاكي الرابط كنت نحوس عليه اختي
https://www.djelfa.info/vb/showpost.p...1&postcount=25

أم ياسين الزهراء · 2013-10-02, 09:47

ام ماجد مانحبش العدس بصح سخفني بصحتكم

انا عطلة مدفوعة الاجر زوجي ووليدي في الجزاير راح ناكلو واش كاين هههههههههههههه تحيا الراحة واوووووووووووووووو

في رايكم واش راني نطبق اللي تعرف نعطيلها دوق هههههههههههه

الهام واش ديري في بريوش ام انس صح