الجزء129من واش طيبتي اليوم - الصفحة 11

دائمة الحمد · 2015-05-04, 08:09

اهلين مياسم البارح كنت نحلم وكانك جبتيلي خبر مليح وانا فرحانة وتقوليلي اني مياسم ربي يحلي ايامنا جميعا ويبشرنا بالخير وهو اسمك فال خير

om assem et loudjain · 2015-05-04, 08:10

صباح الخيرات و المسرات زينب دائمة الحمد وهيبة لعزيزة وكل كل كل الموجودات
نهارهم مبروك و مليء بالمفاجآت السارة
بالأمس درت تليتلي غداء ، علابالي السخانة بالصح مع ضروس زوجي دائما راه يطلب غير في ماكلة الشيوخا هههه

*وردة الشرق* · 2015-05-04, 08:10

صباح الانوار اختي دائمة الحمد كيف الاحوال
رحمة منورة عزيزتى كيفاه حوالك بخير
ام اسلام صباحك فل حطي الصور نشوفو ابداعك تعجبني لمستك في تزيين الاطباق راهي 44444 ربي يعينك حبيبتي ويجيبلك الشفا ياربي
انا خلصت الميناج الحمد لله راجعة للغدا واععع جابلي 2جاجات نروح ننظفهم وبليت الكسرة رايحة نطيبها ونشوف لغدا بالاك نعاند على ام اسلام حميص او ندير بطاطا في الكوشة وفلفل حلو
سلام لبنات راهم ناضو الاكراد يوم موفق للجميع وصباح الخير لكل الملتحقات من بعدي

دائمة الحمد · 2015-05-04, 08:11

wahibaazel · 2015-05-04, 08:13

ام اسلام اممممم سخفتيني وشوقتيني ،راني نستنا ماتخافيش ،ممكن زوجك يخدملك الميكرو ونتمتعو كامل .ان شاء التحاليل تكون مليحة .
رحمة كيف الاحوال .
اختي دائمة ربي يحفظك .
زينب ربي يهنيك ،القطايف انتاع بلادنا ،خلاص حبيبتي نعمل برايك ونطيب اليوم البقلاوة ،انتاع ام انس سهلتها علينا ربي يحفظها ويشفي هديل امين .
عندي فلفل ممكن نعمل حميس ،الان نروح لاشغالي .الى الملتقى.

om assem et loudjain · 2015-05-04, 08:15

رحمة ام اسلام ام ماجد ام عبودة ام وسيم مياسم صباحكم قشطة يا قشطات
وهيبة مقروطك رووووعة تسلم الأيادي وربي يقدرك

مياسم75 · 2015-05-04, 08:16

غدايا بحول الله روز بالدجاج
عندي غسيل الزرابا والسخانة قاوية نحط صور غدايا وعشايا ونروح نزرب باش نكمل بكري
وهيبة ربي يعينك وتنظيم الوقت راهو يسهل الخدمة وانتي راكي فحلة ما شاء الله ما خَص نجيو نعاونوك كيما قالت زينب

wahibaazel · 2015-05-04, 08:17

ام عاصم ولجين اممم تسلم الايادي ،وربي يشفي زوجك .
زينب تعجبني فيك خدمة البكرة ،ماشاء الله عليك تخدمي حوايجك الصباح وتتهناي تفكريني بزوجةخالي ربي يحفظها ،الغدا على العشرة واجد والعشا مع العصر واجد .الثامنة انتاع الصباح ،مسيقين وناصبين والمطلوع يطلع .ماشاء الله .

wahibaazel · 2015-05-04, 08:19

اقتباس:

المشاركة الأصلية كتبت بواسطة مياسم75

غدايا بحول الله روز بالدجاج
عندي غسيل الزرابا والسخانة قاوية نحط صور غدايا وعشايا ونروح نزرب باش نكمل بكري
وهيبة ربي يعينك وتنظيم الوقت راهو يسهل الخدمة وانتي راكي فحلة ما شاء الله ما خَص نجيو نعاونوك كيما قالت زينب

ربي يحفظك مياسيم ،هذا بفضل الله اولا ثم تشجيعاتكم وحبكم لفعل الخير ربي يجازيكم خير .
ربي يعونك في غسيل الزرابا ،وما تهزيهمش وحدك خاصة كي ثقال بلاك .

أم أيوب 11 · 2015-05-04, 08:19

صباح الخير أختي أرزاق مبروك افتتاح الكوزينة ما شاء الله راهم مزهينها لبنات الله يحفظهم

أختي وهيبة باركيلي راني درت برايك وغيرت اسمي الحمد لله لي قبلولي أنا ضيفة الحمان سابقا

مياسم75 · 2015-05-04, 08:20

اختي داءمة بشرة خير يارب ربي يفرحك وينولك الي في بالك تستاهلي كل خير يا طيبة
ام عاصم ولحين بصحتكم التليتلي انا نحبو لاشتا في السخانة

ارزاق · 2015-05-04, 08:23

صباح الخير دائمة الحمد وشكرا علي القهوة تنحي الدوخةههه .صباح الخير مياسم و مبروك علينا كامل الفوز .زينب النشيطة وهيبة ربي يعاونك علابالي بلي راح تكوني في المستوي .رحمة وشراكي وراني غير هنا معندي وين نروح ههه

ارزاق · 2015-05-04, 08:24

اقتباس:

المشاركة الأصلية كتبت بواسطة om assem et loudjain

صباح الخيرات و المسرات زينب دائمة الحمد وهيبة لعزيزة وكل كل كل الموجودات
نهارهم مبروك و مليء بالمفاجآت السارة
بالأمس درت تليتلي غداء ، علابالي السخانة بالصح مع ضروس زوجي دائما راه يطلب غير في ماكلة الشيوخا هههه

يعطيك الصحة ام لجين ولادي يموتو علي التليتلي بصح ظك مع السخانة تحيري وش ديري

ارزاق · 2015-05-04, 08:27

ام ايوب صباح الخيرات مبروك عليك الاسم الجديد

الجمان · 2015-05-04, 08:30

صباح الخير عليكم يا لحراير
غدايا راه مودر خاصة مع السخانة تاع اليوم
نراجع ونرحع