للإجابة عن استفساراتكم حول السنة الأولى '' تخصص الطب '' و كذا '' الطب العسكري ''

[جوجيتي]

المشاركة الأصلية كتبت بواسطة romi rosa

السلام عليكم ربي يجازيك على هذه النصائح القيمة والله استفدت كثيرا انا اعشق الطب بمعنى الكلمة تحصلت على 15.90 في الباكالوريا شعبة رياضيات فهل يمكن قبولي !! ....وعن الدراسة سادرسها في البليدة باذن الله فهل لديك معلومات تخص الطب في البليدة !!..
وانا مستواي متوسط في الفرنسية اما عن الحفظ فالحمد لله ....كما انني اخذت نظرة سطحية على البرنامج وانا متشوقة جدا لدراسته فيا تري ان تعبت واجتهدت هل اتميز في هذا المجال !!..وسؤال اخير عن رابط تحميل الدروس اتمنى ان يكون فعالا لاطول وقت ممكن لاني احتفظت بالرابط الى حين ولا يمكن ان احمل كل الدروس الصخمة في وقت واحد فهل سيدوم الرابط !!..كثرت عليك الاسئلة يعطيك الصحة وربي يجازيك ان شاء الله ....سلام

سلام اختي

انا ان شاء الله ندرس في البليدة

من اي ولاية انت ؟

[.زَيْنْ الْدِيِنْ.]

المشاركة الأصلية كتبت بواسطة جوجيتي

السلام عليكم ورحمة الله تعالى و بركاته
بارك الله فيك اخي والله استفدنا من اجاباتك على اسئلة الزملاء و لي اسئلة اخرى
- بخصوص معاملات المواد اللي نقراوها اي المواد اهم؟
- كنت سامعة بلي نقراو رياضيات لكن مالقيتهاش في الموقع اللي في توقيعك؟
- بالنسبة للاحصاء هل له علاقة بالاحصاء لي قريناه فالليسي لاني نكرهو بزااف و كنت نشوفو حفيظة ماشي فهامة والان نسيتو !!
- ماذا عن درس الاحتمالات !! يقولو نحتاجوه لكن حنا ماقريناهش!
-سمعت على ناس بزاف في وسط العام يحبو يابوندونيو !! خفت ! في رأيك ماهو السبب لتفاديه ان شاء الله؟
- واش عن اصحاب القلوب الضعيفة؟ انا كانو يقولولي ماتقدريش ديري مدسين لكني مصرة باذن الله وزعمة شفت اوتوبسي فاليو تيوب و ماصرالي والو مع اني على يقين ان الواقع شيء مختلف تماما !
- هل ممكن تسأل الاستاذ عن مصطلح ما و تقلو ترجمولي بالعربية مثلا p: ؟؟ اذا كان يعرفها !
- بخصوص المحاضرات فهمت انك ماكنتش تحضرها لكن ان شاء الله عندك فكرة راني نحوس طريقة مليحة باش تستوعب اثناء الدرس يعني واش رايك كي يكون الاستاذ يشرح نتا تكتب كل كلمة يقولها -يعني واش كابتيت اكتب- او tenregistré e'son !! ماهي احسن طريقة وهل الاولى ممكنة ؟؟

و مشكور مسبقا اخي

مرحبا بك اختـــــي
- بخصوص المعاملات ،، كل المواد 2 عدا : l'embrio _ l'histo _ l physio _ deonto _ informatique
- الرياضيات مآكاش ،، كاينة الاحصاء ــ تشبه بززاف للي قريناها فالليسي ،، ماتقلقيش روحك معاها بزاف ،، ساهلة
- درس الاحتمالات '' الثلاثي الثاني '' مام حنا ماقريناهش لكنو ساهل والله غير ساهل ،،، يومين تقرايه بشكل ممتاز ،، لأنو ماش راح يعطيك تمرين كيما فالباك ــ مجرد حسابات خفيفة برك
- بالنسبة للناس اللي تابوندوني ،، هاذوك اللي مادخلوش عن قناعة نظن يكرهوا و يملو ،،، نعطيك نصيحة ،، جيبي اكبر معدل تقدري عليه فالثلاثي الاول و راح تقضي العام مرتاحة نفسيا مالgري التعب و كثرة الدروس "" مجربة ""
- عن موضوع القلوب الضعيفة ،،، ديري في بالك اختي بلي كل شيئ راح تتعودي عليه بمرور الوقت ، سواءا ريتم الدراسة ، العمل ، الجراحة ،،، كل شيئ ...
- بخصوص سؤال الاستاذ عن مصطلح بالعربية ،، لا أظن ذلك لأني ماشفتش حالات كيما هاذي ،، لكن اساتذة الاعمال الموجهة رايعين ،، تقدرو تحكيو معاهم بالعربي عادي جدا ،، يساعفوكم
- بالنسبة للمحاضرات ،، نعطيك حل ،، قبل ماتدخلي لللمحاضرة لازم تكوني حضّرتيه الكور وحدك ولو قريتيه برك ،، أولا عليك بالصفوف الاولى في المدرج لأنو فالاخير ماكاش تركيز تقريبا ،، الناس كامل تحكي ... ،، سجلي المحاضرة و في نفس الوقت اكتبي وش قدرتي تسمعي و لا تشوفي ،، مباعد كي تحبي تراجعي ،، اسمعي الصوت و اقراي فنفس الوقت من الورقة اللي كتبتيها

[Milano8011]

شكرا لك اخي عندي اقامة في العاصمة فهل هدا يسهل الامور ؟ و بخصوص السنوات القادمة اين يتم دراستها هل في

درقانة ام تكمل في بن عكنون ؟

[هوارية 123]

سلاااام اخي

انا كون نختاااار الطب نقرااااااا في وهراان وهي قريبة ليناا يعني حولي 2 ساعات بالكثير

بصح انا راني حاابة الجزائر العاصمة لانوو تباالي القراية فيها مشي كيف مع وهران هل هذا صحيح ؟؟ واش تنصحني انت

شكرااا

[الصفاوالمروة]

نزيد نهبلك ماعليهش ... و الله انا حيرة كبيرة ... نفس الحيرة الي كانت عندك بين الطب و جراحة اسنان ؟؟؟؟؟؟
انصحني و بكل موضوعية مش فقط لانك تحب الطب او تفوقت فيه

[soumaya08]

سلام عليكم

انا متحصلة على بكالوريا 2014 بمعدل 15.25 ولي ميول علمية بالدرجة اولى فهل ساقبل في كلية الطب؟

نصحني الكثيرون بتخصص الطب ولن اخفي عليك اني احب مهنة الطبيب ففيها من الانسانية و الاجر الكثير لا ارى ان هنك افضل منها حاليا

ما هي الصعوبات التي يواجهها طالب الطب ؟

وللعلم انا من الاغواط وقد تم افتتاح الكلية رسميا هده السنة بجامعة الاغواط فهل برايك ان الدراسة بها والمستوى سيكون جيد بحكم انها جديدة؟ وهل يفضل ان انتقل الى جامعة البليدة افضل في حالة قبولي

جزاك الله خيرا

ربي يتقبل منا ومنكم صالح الاعمال

[romi rosa]

المشاركة الأصلية كتبت بواسطة جوجيتي

سلام اختي

انا ان شاء الله ندرس في البليدة

من اي ولاية انت ؟

انا من ولاية المدية ماذا عنك !!

[romi rosa]

لك جزيل الشكر الاخ زين العابدين بورك فيك وربي يكثر من امثالك

[abdelkader1996]

هل على التسجيل من موقع وزارة الدفاع الوطني؟؟؟
الان لاني قد سجلت

[.زَيْنْ الْدِيِنْ.]

المشاركة الأصلية كتبت بواسطة milano8011

شكرا لك اخي عندي اقامة في العاصمة فهل هدا يسهل الامور ؟ و بخصوص السنوات القادمة اين يتم دراستها هل في

درقانة ام تكمل في بن عكنون ؟

اذا كآن عندك اقامة نظن راح تكون الامور سهلة جدا
بالنسبة للسنوات القادمة والله ماعندي ولا فكرة ،، نسقسي و نقولك

سلاااام اخي

انا كون نختاااار الطب نقرااااااا في وهراان وهي قريبة ليناا يعني حولي 2 ساعات بالكثير

بصح انا راني حاابة الجزائر العاصمة لانوو تباالي القراية فيها مشي كيف مع وهران هل هذا صحيح ؟؟ واش تنصحني انت

شكرااا

أنا شخصيا نشوف فالفرق الوحيد بين العاصمة و باقي الكليات فالجانب التطبيقي برك ،، و هذا راح يبدا فالسنة 3
و عندي ايمان بأنو التكوين النظري ،،، يتوقف على مجهودات الطالب كما قلت في ردود سابقة ،،،
أنا شخصيا مستحيل نروح للعاصمة قبل السنة الرابعة '' هذا اذا قررت نبدل ''
رأيي أن تكملي السنة الأولى في وهران و تبدلي فالسنة الثانية لأنو التغيير راح يكون سهل شوي ماكاش طلبات بززاف كيما السنة الثالثة و ...

نزيد نهبلك ماعليهش ... و الله انا حيرة كبيرة ... نفس الحيرة الي كانت عندك بين الطب و جراحة اسنان ؟؟؟؟؟
انصحني و بكل موضوعية مش فقط لانك تحب الطب او تفوقت فيه

ههه مرحبا بك اختي ،،، والله راكي في حيرة و حيرتيني معاك
طب الاسنان ،،، فيه الجانب التطبيقي بززاف "" بعد السنة 2 '' '' ،،، بالنسبة لدرجة الصعوبة فشـأنها شأن الطب لأنو كاين نآس تهرب ليها ظنا منها أنها أسهل ،،،
طب الاسنان ،،، تقدري بعد 6 سنوات ،،، تفتحي وحدك عيادة ،،، على عكس الطب لازملك 11 سنة على الاقل ...
بالنسبة لحظوظ العمل فالمستشفيات ،،، فاللأطباء أكثر من جراحي الاسنان ...
،،، اختي نتي بينك بين نفسك بعيدا عن كل الضغوطات ،،، وش راكي حآبة تكوني ؟ طبيبة أم طبيبة اسنان ؟

سلام عليكم

انا متحصلة على بكالوريا 2014 بمعدل 15.25 ولي ميول علمية بالدرجة اولى فهل ساقبل في كلية الطب؟

نصحني الكثيرون بتخصص الطب ولن اخفي عليك اني احب مهنة الطبيب ففيها من الانسانية و الاجر الكثير لا ارى ان هنك افضل منها حاليا

ما هي الصعوبات التي يواجهها طالب الطب ؟

وللعلم انا من الاغواط وقد تم افتتاح الكلية رسميا هده السنة بجامعة الاغواط فهل برايك ان الدراسة بها والمستوى سيكون جيد بحكم انها جديدة؟ وهل يفضل ان انتقل الى جامعة البليدة افضل في حالة قبولي

جزاك الله خيرا

ربي يتقبل منا ومنكم صالح الاعمال

و عليكم السلام ،، اختي بالنسبة لقبولك في كلية الطب ،،، فحظوظك كبيرة جدا ،،، تدخلي ان شاء الله
بالنسبة للصعوبات التي يواجهها طالب الطب ،،،
كثافة الدروس ،،، و النفس الطويل الذي يتطلبه هذا التخصص ،، يعني لازم ماتخلي حتا حاجة تفشلك مهما تعثرتي ،،، '
'' من أراد العلا سهر الليالي ''
فمهنة الطبيب تحتاج الانسان يكون بحجم المسؤولية اللي تفرضها عليه
:d:d:d
امممم بحكم انو الكلية جديدة ،،، نظن من الجانب التقني راح تكون مليحة '' التجهيزات ، ... الخ ''
اذا كان حبيتي تنتقلي للبليدة ،، نقولك جربي السنة الاولى فالكلية الجديدة و اذا ماعجباتكش تقتدري تغيري فيما بعد

[حمودي نسرين]

اليوم ذهبت للجامعة للتسجيل بعد ذلك كان هناك اساتذة الطب فذهبت اليهم و يا ليتني لم اذهب هناك واحد منهم قال لي الافضل لكي ان تكوني منظفة على ان تدرسي طب و ايضا حياتك ستذهب هباءا و ستندمين اشد الندم و لا اخفي عنك اني انزعجت للغاية من حديثه حتى كدت ان ابكي لقد تحصلت على معدل 17 لكن اين و كيف يمكن ان تنجح في بلد استاذ بنفسه يكسر احلامك بكلمات لا معنى لها و لا انسى انه احبرني ان الدراسة جد صعبة و قد تؤدي للجنون ارجوك ماذا يجري في بلادنا اخبرني

[.زَيْنْ الْدِيِنْ.]

المشاركة الأصلية كتبت بواسطة حمودي نسرين

اليوم ذهبت للجامعة للتسجيل بعد ذلك كان هناك اساتذة الطب فذهبت اليهم و يا ليتني لم اذهب هناك واحد منهم قال لي الافضل لكي ان تكوني منظفة على ان تدرسي طب و ايضا حياتك ستذهب هباءا و ستندمين اشد الندم و لا اخفي عنك اني انزعجت للغاية من حديثه حتى كدت ان ابكي لقد تحصلت على معدل 17 لكن اين و كيف يمكن ان تنجح في بلد استاذ بنفسه يكسر احلامك بكلمات لا معنى لها و لا انسى انه احبرني ان الدراسة جد صعبة و قد تؤدي للجنون ارجوك ماذا يجري في بلادنا اخبرني

نعطيك une vérité general في بلادنا ،،،
الأستاذ يقولك ماديرش التعليم ،،، الطبيب يقولك اخطااااك من الطب ،،، المهندس يقولك دير اي حاجة بخلاف الهندسة .. ..

كون تبعيهم ماتفرآآآش
وهل كل الاطباء مجانين .. ؟؟ يعني ماكيش نتي أول و آخر وحدة راح تقرا الطب ،،، القراية عادية فيها تعب و تحتاج تضحيات لكن توالفي الريتم العالي بكل بساطة ،،،
اختي اذا كان حبيتي تكوني طبيبة فماتخلي حتا انسان يأثر عليك ،،، لأنو مستقبلك و هي حياتك

[الطموحة نانا]

اهلا انا تحصلت على معدل 15.33 لكن هل يقبلوني في كلية الطب كي زدت شفت المعدلات كلها عاليــــــــــــــة
و هل الطب يمدولك النقطة تاعك عادييي لانوا المعريفة تقلقني و صح تحفظوا برك ماكانش الفهامة
و مادا عنه في العاصمة شويا مخوفتني الدعوة لهيه

[.زَيْنْ الْدِيِنْ.]

المشاركة الأصلية كتبت بواسطة الطموحة نانا

اهلا انا تحصلت على معدل 15.33 لكن هل يقبلوني في كلية الطب كي زدت شفت المعدلات كلها عاليــــــــــــــة
و هل الطب يمدولك النقطة تاعك عادييي لانوا المعريفة تقلقني و صح تحفظوا برك ماكانش الفهامة
و مادا عنه في العاصمة شويا مخوفتني الدعوة لهيه

يقبلوك ان شاء الله ،،،
احنا في قسنطينة ،،سيستام QCM و الاوراق تصحح بالحاسوب ،، يعني الاستاذ ليس له دخل ،،، مايقدرش يزيدلك ولا ينقصلك ،،، غير انهم كي يحبو يتلاعبوا بالنتائج يرتكبوا اخطاء متعمدة فالتصحيح النموذجي ،،، و هاذي اللي هلكونا بيها فالثلاثي الاخير
بالنسبة للحفاظة ،،، و الله لازم تفهمي و ممبعد تحفظي ،، مي ماش كل المواد حفاظة كاين اللي تحفظي و تفهمي ،، و كاين اللي تحفظي حرفيا باه تجيبي نقاط مليحة لانهم يركزو على التفاصيل '' و هاذي تختلف من كلية لأخرى ''
بالنسبة للعاصمة يقولو صعيبة شوية فالسنة الأولى لأنهم يخدمو بنظام synthese يعني يتوجب عليك تكتبي ،، و منه لازم تكوني حافظة ملييييييييح ،،،

[Ryu Zaki 10]

المشاركة الأصلية كتبت بواسطة .زَيْنْ الْدِيِنْ.

بالنسبة للعاصمة يقولو صعيبة شوية فالسنة الأولى لأنهم يخدمو بنظام synthese يعني يتوجب عليك تكتبي ،، و منه لازم تكوني حافظة ملييييييييح ،،،

histo-embryo - biochimie
و في الفصل الاول anatomie
فقط الباقي كله qcm او qcs
انا طالب في كلية الطب بالعاصمة و نجحت في عامي الاول و الحمد لله