الجزء 181 لكوزينتنا المنورة بالأحباب وأشهى الأطباق

[البدرية]

السلام عليكم ورحمة الله وبركاته

أختي حياة جزاك الله خيرا على الرد حفظك الله من كلل سوء
أختي نهال الحلويات كلها روعة اللهم بارك سلمت يداك من فضلك ممكن تعطيني وصفة القريوش

وأنا في انتظار أفكار لحلويات السبوع لأنني محتاجتها الآن

أخواتي كل واحدة باسمها اللهم بارك على أطيابكم كللها تتشهي

[nihal159]

الله يبارك فيك أختي بدرية؛ لقريوش دارتو أمي ربي يحفظها؛ إن شاء الله في أقرب فرصة نجيبلك الوصفة

[nihal159]

لبنات لي سألو على حلويات السبوع، نضن جنى و البدرية؛ جبتلكم هذو الروابط ممكن يساعدوكم
https://www.djelfa.info/vb/showthread.php?t=2087824

https://www.djelfa.info/vb/showthread.php?t=1332041

[سحابة باردة]

جبتلكم غدانا حريرة ومعقودة اعصرو عليها شوي قارص وأبدو بسم الله

[بيان 5]

اممممم ما شاء الله
خلاص سحوبة ديت كلشي زيدي جيبيلهم دبريي راسك

[سحابة باردة]

البدرية وفيكي بركة أختي القاطو راهي حطتلك نهولة روابط شوفي وذرك تدخل أمنية وحيوتة يفيدوك
ياي ينهولة غيرتيني بلي قاطو يهبل يعطيك الصحة وباين صورتي عند الميمة صح
بيان ياساجية بديتي قاطو العيد شابين الوردات والغدا خفيف كيما يحب خاطري غير بدليلي
ودي الغدا الغربي بصحتك مازال كاين الخير

[قرويجة]

ختي سحابة أنا مدخلتش البارح برك لقيت فاتوني بزاف دروس راني خايفة نعاود السنة

[nihal159]

سحابة غذاك تحفة؛ بصحتكم خاصة المعقودة نموت عليها و تبان مقرمشة كما يحب الخاطر. الصور صورتهم في دارنا هههههههه
قرويجة الكوزينة تمشي فيها الصفحات بالخف مش كما باقي المواضيع؛ راجعي دروسك هههههههه
حيونة و أمينة من فضلكم ساعدوني كيفاش نصغّر الصور و نكتب إسمي عليهم راني نخدم بالطابليت

[سحابة باردة]

المشاركة الأصلية كتبت بواسطة قرويجة

ختي سحابة أنا مدخلتش البارح برك لقيت فاتوني بزاف دروس راني خايفة نعاود السنة

قرويجة مرحبا بيك متخفيش متعاوديش السنة هنا المعاودة غير في الأطباق يالفحلة
حق ذرك نكتبلك عجينة الشخشوخة أهم حاجة السميد يكون ناعم ومن النوع الجيد كيما ماما شمخي العجين وعجنيه خمس دقايق ودخليه في كيس بلاستيكي مبلول وخليه مدة يرتاح وبعد اعجنيه 10 د وشكلي كويرات صغار في بلاطو مدهون بزيت وعاودي غطيهم بغلاف بلاستيك وهوما مدهونين بزيت خليهم يرتاحوا شوي وبعد طيبي في طاجين حديد بلا ما يحماروا وبعد فوريهم 10 وخليهم يبرد وخبيهم في علبة كبيرة إلى الكونجيلاتور وكي تحبي تستعمليهم خرجيهم قبلها بوقت وممكن تخبيهم بلا ما تفوريهم حتى وقت الإستعمال
نتمنى يكون الشرح واضح
نسيت لازم تقطعيهم قطع كبيرة شوي

[قرويجة]

المشاركة الأصلية كتبت بواسطة سحابة باردة

قرويجة مرحبا بيك متخفيش متعاوديش السنة هنا المعاودة غير في الأطباق يالفحلة
حق ذرك نكتبلك عجينة الشخشوخة أهم حاجة السميد يكون ناعم ومن النوع الجيد كيما ماما شمخي العجين وعجنيه خمس دقايق ودخليه في كيس بلاستيكي مبلول وخليه مدة يرتاح وبعد اعجنيه 10 د وشكلي كويرات صغار في بلاطو مدهون بزيت وعاودي غطيهم بغلاف بلاستيك وهوما مدهونين بزيت خليهم يرتاحوا شوي وبعد طيبي في طاجين حديد بلا ما يحماروا وبعد فوريهم 10 وخليهم يبرد وخبيهم في علبة كبيرة إلى الكونجيلاتور وكي تحبي تستعمليهم خرجيهم قبلها بوقت وممكن تخبيهم بلا ما تفوريهم حتى وقت الإستعمال
نتمنى يكون الشرح واضح
نسيت لازم تقطعيهم قطع كبيرة شوي

شكرا حبيبتي سحابة يعني أنت تعجني الشخشوخة بالسميد وحدو متزيديش فرينة بارك الله فيك نجربها و نرجعلك خبر

[حياة نور الدين]

اهلاااا

قرويجة لازم تراجعي دروسك باش تحلالك اللمة ههههه

بيان القاطو روووعة وفطورك خفيف ظربف بصحتكم

سحابة يعطيك الصحة وبصحتكم حبيبتي المونو رمضاني هههه

البدرية دوك نحطلك حصريا في المننتدى قريوش روووعة ومش حتقدر تغمض عينيك

نهال روحي لقسم الطبخ تلقاي موضوع مثبت لاخت ام سراج ملاك فيه طريقة تصغير الصور ولا حملي تطبيق اسمه aviary انا نعمل به نصغر ونكتب الاسم

[حياة نور الدين]

خياتي وكل الي تحوس على حاجة بريزونتابل قريوش رووووعة
راني درتوا موضوع للي ميدخلوش للكوزينة تفضلوا



https://www.djelfa.info/vb/showthread...post3997073078

دعوة خير تكفيني

[بيان 5]

شكرا يا اجمل حياة في الدنيا
ولقريوش رووووووووعة

[أمنية غفران]

السلام عليكم و رحمة الله تعالى و بركاته

دخلت على قريوش حيوتة تبارك الله تحفة بصح ما طحتش فيه موضوع اختنا ام انس يا حوجي و أنا وين كنت صحيتي يا الفحلة
;;;;;;;;;;;;;;;;;;;;;;;;;;;;;;;;;;;;;;;;;;;;

أخواتي تبارك الله عليكم و على الأطايب اللذيذة

;;;;;;;;;;;;;;;;;;;;;;;;;;;;;;;;;;;;;;;;;;;;;;;

سحوبة تفضلي

الكيك بالشابليير (الخبز المحمص) يعجيني خير من نتاع الفرينة

درت فيه زوج حبات بيض ضيفي ليهم كاس الا ربع زيت و كاس الا ربع سكر و فاني او بشور الليمون و خلطي حتى يذوب السكر و من بعد ضيفي خميرة الحلوة و مغرف اكل فرينة راني نقول مغرف فقط و خلطي و من بعد ضيفي كاس شابلير و خلطي فقط بالمغرف و زيدي لاشابليير حتى يجيك الخليط شوية ثقيل و ديريه في مول مدهون بالزيت و مرشوش بالشابليير ودخليه للفرن يطيب عادي كيما موالفيين

كي طاب درت فوقو شوي معجون و دردرت فوقه كوكاو

صدقوني كي تكوني تاكلي فيه ما تحسيهش ناشف هايل اممممممممممم جربوه و ردولي الخبار و بصحتكم



:::::::::::::::::::::::::::::::::::::::::::::::::: ::::::::::::::::::::::::::::::::::::::

عشانا الليلة ان شاء الله طاجين المرقاز الي تحب الطريقة تشوف الرابط

https://www.djelfa.info/vb/showthread.php?t=1808976


في أمان الله

[سحابة باردة]

قرويجة شكرا على الدعوة الجميلة أختي شوفي كي تخلطي السميد مع الفرينة يكون أسهل ليك
وراني نقارع لتطبيقك
حيوتة يسلمك وشكرا والقريوش شكلو تحفة ذرك نروح نشوف الرابط وربي يحفضلك لوليدات
أمنية شكرا على الوصفة إنتضري تطبيقي قريبا وبصحتكم طاجين المرقاز
عشانا روز خو هذا