الى ام اسيد1 وكل وحدة حاصلة واش الطيب - الصفحة 109

غزالة الصّحراء · 2014-12-23, 08:54

اقتباس:

المشاركة الأصلية كتبت بواسطة ام حمزة22

سلتم
واش راكم مع هاد الشتا ء والبر د ان شاء الله يكون غيتا نافعا غير ضارا
آمييييييييييييين
ام سوهيل انا تان طيبت العدس اليوم وقتو في هاد البرد
روح مراد يسقسي عليك الخير واش من اختبارات الا على دراست الاولاد بنتي الصغيرة شوية شوية ومازال النتائج وبنتي لي فالسنة الولى ثانوي جاتها القرايا صعيبة شوية وزيد الاساتدة في ثانوية عائشة ما يرحموش تصوري بنتي باسم الله ماشاء الله عليها كانت من الاوائل خاصتا فالرياضيات كانت جيب 19 و20 من 20 ودرك حبطت خاصتا فالفروض جابت تحت المعدل كانت استادة الرياضيات تقوللهم طيرو وتنزلو ما تلحقوش تحلو هاد التمرين في ساعتين ونساو المعدللت لي كنت جيبوها فالمتوسط
بهاد الكلام رايحين اكيد يياسو ويخافو

ام اسيد شقيتي باطل مع الشتاء ربي يكون فالعون اختي ما كتبش باه ديريلهم اليوم الفاكسان ربي يحفضهملك

صباح سعيد أم حمزة وكلّ عضوة تشتكي من النّتائج الدّراسيّة لأبنائها.
لاداعي للقلق الكبير. صحيح كلّ أم تتمنّى أن يكون أبناؤها في القمّة. لكن هناك أسباب قد تحول دون تحقيق ذلك. وكم هي كثيرة.
كلّنا مرّرنا بنفس المراحل. أنا شخصيّا عانيت الكثير. في بعض الحالات كما قالت إحدى الأخوات أصاب بالقلق وكاّني أنا من يجتاز الإمتحان.حتّى الآن مازال القلق يراودني. وحتى وهما في الجامعة بسلامتهم لما ايجوا للدّار انسقسيهم على لقراية. ويقولوالي مازلتي اتسقسي. أنقول لهم : إيه انسقسي ونزيد. على خاطر اقرايتكم هي الصّح. باش تضمنوا المستقبل لرواحكم. الدّنيا بزاف اصعيبة . والمعيشة ولات غاليّة لازم كلّ واحد يتكلّ على روحو. . والآن الحمد للّه رسالتي وصلتهم . وماعندي ايّ مشكلّ الآن . والحمد والشّكرللّه الّذي منحني القوّة لمواجهة إعصار تعليم أولادي.
لكن صراحة لايجب أن نلقي دوما اللّوم على الأساتذة. على الأولياء أيضا أن يهتمّوا بأبنائهم ويشدّدوا الرّقابة عليهم. لا أقول إلى حدّ أن يشعر الإبن انّه في الخدمة العسكريّة. لكن أقول تعليم الإبن أو البنت كالّذي يشرع في البناء. كلّما كان الأساس صحيحا كلّما كان البناء ثابتا. حتى وإن زلزلت الأرض يبقى البناء متماسكا إلى حدّ بعيد. ايّ كلّما علّمت ابنك أسّس الحياة وكنت تراقبه من قريب أو بعيد فالنّتائح التّي سيتحصّل عليها في نهايةّ الموسم ستكون مرضيّة . وإن كان فيه نوع من الخلّل في البداية فالأمر طبيعيّ جدا لأنّه فيه تغيّر جديد يجب أن يتأقلم معه لكنّ أيضا لابدّ من وقت. ولابدّ من زيارة المؤسسة التيّ يدرس فيها الأبناء للتطلّع على كلّ جديد. إذا كان هناك خلل نسترشد بذوي الخبرة . وإن كانت الأمور تمام على التّمام نشجّع أكثر الأبناء ونعدهم بهديّة مع نهاية الفصل فهذا سيعطيهم الطّاقة على العطاء أكثر.
أتمنّى أن أكون أفدتكم بتجربتي مع أبنائي. واش رايكم؟
ملاحظة لأم حمزة22 ولكلّ العضوات. يظهر انّ صفحة الطّبخ انحرفت قليلا عن العادة.
الشّكر لأم حمزة22 فالحياة ليست أكلا فقط. كما نفكّر في تغذيّة الجسم لابدّ ايضا من تغذيّة العقل. وخاصّة إذا كان الأمر يتعلّق بتغذيّة عقول أبنائنا. فالأم تشتري بروحها متطلبات هذه الطّبخة التّي تجعل من ابنها أو ابنتها في قمّة الرّوعة، لتشعر بالسّعادة والرّاحة. وكم هي رائعة الحياة لمّا تجدّ الأم في نهاية المطاف أن تعبها لم يذهب هباء مع الرّياح. حين تتحدّث نشعر بافتخارها من خلال نبرة حديثها.
شوفوا راني اتعبت وأنا نكتب ، لازم اتقيموا هاذا لكلام ألي اكتبتو. . سلام.

ام سراج وملاك · 2014-12-23, 09:56

صباح الخير عليكم كامل نتمنى اني منكونش عضوة دخيلة عليكم راني كل صباح ندخل نشوف كشما جديد في الطبخ من عند ام حمزة ربي يحفظها

ام سراج وملاك · 2014-12-23, 09:58

اقتباس:

المشاركة الأصلية كتبت بواسطة غزالة الصّحراء

صباح سعيد أم حمزة وكلّ عضوة تشتكي من النّتائج الدّراسيّة لأبنائها.
لاداعي للقلق الكبير. صحيح كلّ أم تتمنّى أن يكون أبناؤها في القمّة. لكن هناك أسباب قد تحول دون تحقيق ذلك. وكم هي كثيرة.
كلّنا مرّرنا بنفس المراحل. أنا شخصيّا عانيت الكثير. في بعض الحالات كما قالت إحدى الأخوات أصاب بالقلق وكاّني أنا من يجتاز الإمتحان.حتّى الآن مازال القلق يراودني. وحتى وهما في الجامعة بسلامتهم لما ايجوا للدّار انسقسيهم على لقراية. ويقولوالي مازلتي اتسقسي. أنقول لهم : إيه انسقسي ونزيد. على خاطر اقرايتكم هي الصّح. باش تضمنوا المستقبل لرواحكم. الدّنيا بزاف اصعيبة . والمعيشة ولات غاليّة لازم كلّ واحد يتكلّ على روحو. . والآن الحمد للّه رسالتي وصلتهم . وماعندي ايّ مشكلّ الآن . والحمد والشّكرللّه الّذي منحني القوّة لمواجهة إعصار تعليم أولادي.
لكن صراحة لايجب أن نلقي دوما اللّوم على الأساتذة. على الأولياء أيضا أن يهتمّوا بأبنائهم ويشدّدوا الرّقابة عليهم. لا أقول إلى حدّ أن يشعر الإبن انّه في الخدمة العسكريّة. لكن أقول تعليم الإبن أو البنت كالّذي يشرع في البناء. كلّما كان الأساس صحيحا كلّما كان البناء ثابتا. حتى وإن زلزلت الأرض يبقى البناء متماسكا إلى حدّ بعيد. ايّ كلّما علّمت ابنك أسّس الحياة وكنت تراقبه من قريب أو بعيد فالنّتائح التّي سيتحصّل عليها في نهايةّ الموسم ستكون مرضيّة . وإن كان فيه نوع من الخلّل في البداية فالأمر طبيعيّ جدا لأنّه فيه تغيّر جديد يجب أن يتأقلم معه لكنّ أيضا لابدّ من وقت. ولابدّ من زيارة المؤسسة التيّ يدرس فيها الأبناء للتطلّع على كلّ جديد. إذا كان هناك خلل نسترشد بذوي الخبرة . وإن كانت الأمور تمام على التّمام نشجّع أكثر الأبناء ونعدهم بهديّة مع نهاية الفصل فهذا سيعطيهم الطّاقة على العطاء أكثر.
أتمنّى أن أكون أفدتكم بتجربتي مع أبنائي. واش رايكم؟
ملاحظة لأم حمزة22 ولكلّ العضوات. يظهر انّ صفحة الطّبخ انحرفت قليلا عن العادة.
الشّكر لأم حمزة22 فالحياة ليست أكلا فقط. كما نفكّر في تغذيّة الجسم لابدّ ايضا من تغذيّة العقل. وخاصّة إذا كان الأمر يتعلّق بتغذيّة عقول أبنائنا. فالأم تشتري بروحها متطلبات هذه الطّبخة التّي تجعل من ابنها أو ابنتها في قمّة الرّوعة، لتشعر بالسّعادة والرّاحة. وكم هي رائعة الحياة لمّا تجدّ الأم في نهاية المطاف أن تعبها لم يذهب هباء مع الرّياح. حين تتحدّث نشعر بافتخارها من خلال نبرة حديثها.
شوفوا راني اتعبت وأنا نكتب ، لازم اتقيموا هاذا لكلام ألي اكتبتو. . سلام.

عندك الحق اختي في الهدرة لي هدرتيها ربي ينجح ابناءكم وابناءنا ومنكم نستفيد بارك الله فيك اختي ان شاء الله ولادي يكبارو ويفرحوني في قرايتهم

روح مراد · 2014-12-23, 10:15

صباح الخير للجميع و تحياتي الحارة لكل الأخوات كل وحدة تحية خاصة ليها
أختي تنظيم الوقت لازم عند العاملة و الرقاد أنسايه
أنا نعطيك كيفاش ندير على كل حال أنا ماعنديش أولاد و لكن أنا عندي بزاف مسؤوليات على بيها ديما نجري
أولا لازم تنوضي بكري و تكوني من قبل حددتي اشغالك تكوني علابالك واش يلزملك الديري في هذاك النهار مثلا ندي نهار يكون لازم نغسل فيه الحوايج و لازم ندير عشاء يحكم الوقت ... في هذاذاليوم النوض بكري إما نغسل الحوايج صبح من بعد الروح للخدمة لعشية يبقالي العشاء و إما العكس نطيب الصباح و كي نجي لعشية الحوايج و التسياق
الميناج الكبير ديما خليه إما الجمعة الصباح و إما السبت إلا ما تخدميش
أنا نخدم السبت أحيانا ديما الميناج الكبير نديرو الجمعة و حاولي مثلا تستعملي فقط بيتك و البيوت الأخرين تخليهم مقفولين غير تسيقي برك مرة في السمانة و بيتك و المطبخ و الحمام كل ما يكون عند الوقت و الحمام و الكوزينة إما في الليل بعد العشاء و إما صباح
و تأكدي كي تنوضي صباح ديما الديري بزاف أمور زيادة تقدري حتة الديري حلويات خفيفة صباح و تقدري طيبي في راحتك

ام حمزة22 · 2014-12-23, 11:46

سلام
لبنات واش راكم
انا والله راني مدبدبة مازالت فيا الخلعة نتاع الزلزال
ان شاء الله تكونو كامل بالف خير بالخصوص لي ساكنين فالعاصمة والبليدة
غزالة ان شاء الله تكوني بخير اضن انك في البليدة وسمعت ان ناس البليدة راهم كامل فالخارج
ربي يستر الجميع

ام حمزة22 · 2014-12-23, 12:12

اقتباس:

المشاركة الأصلية كتبت بواسطة غزالة الصّحراء

صباح سعيد أم حمزة وكلّ عضوة تشتكي من النّتائج الدّراسيّة لأبنائها.
لاداعي للقلق الكبير. صحيح كلّ أم تتمنّى أن يكون أبناؤها في القمّة. لكن هناك أسباب قد تحول دون تحقيق ذلك. وكم هي كثيرة.
كلّنا مرّرنا بنفس المراحل. أنا شخصيّا عانيت الكثير. في بعض الحالات كما قالت إحدى الأخوات أصاب بالقلق وكاّني أنا من يجتاز الإمتحان.حتّى الآن مازال القلق يراودني. وحتى وهما في الجامعة بسلامتهم لما ايجوا للدّار انسقسيهم على لقراية. ويقولوالي مازلتي اتسقسي. أنقول لهم : إيه انسقسي ونزيد. على خاطر اقرايتكم هي الصّح. باش تضمنوا المستقبل لرواحكم. الدّنيا بزاف اصعيبة . والمعيشة ولات غاليّة لازم كلّ واحد يتكلّ على روحو. . والآن الحمد للّه رسالتي وصلتهم . وماعندي ايّ مشكلّ الآن . والحمد والشّكرللّه الّذي منحني القوّة لمواجهة إعصار تعليم أولادي.
لكن صراحة لايجب أن نلقي دوما اللّوم على الأساتذة. على الأولياء أيضا أن يهتمّوا بأبنائهم ويشدّدوا الرّقابة عليهم. لا أقول إلى حدّ أن يشعر الإبن انّه في الخدمة العسكريّة. لكن أقول تعليم الإبن أو البنت كالّذي يشرع في البناء. كلّما كان الأساس صحيحا كلّما كان البناء ثابتا. حتى وإن زلزلت الأرض يبقى البناء متماسكا إلى حدّ بعيد. ايّ كلّما علّمت ابنك أسّس الحياة وكنت تراقبه من قريب أو بعيد فالنّتائح التّي سيتحصّل عليها في نهايةّ الموسم ستكون مرضيّة . وإن كان فيه نوع من الخلّل في البداية فالأمر طبيعيّ جدا لأنّه فيه تغيّر جديد يجب أن يتأقلم معه لكنّ أيضا لابدّ من وقت. ولابدّ من زيارة المؤسسة التيّ يدرس فيها الأبناء للتطلّع على كلّ جديد. إذا كان هناك خلل نسترشد بذوي الخبرة . وإن كانت الأمور تمام على التّمام نشجّع أكثر الأبناء ونعدهم بهديّة مع نهاية الفصل فهذا سيعطيهم الطّاقة على العطاء أكثر.
أتمنّى أن أكون أفدتكم بتجربتي مع أبنائي. واش رايكم؟
ملاحظة لأم حمزة22 ولكلّ العضوات. يظهر انّ صفحة الطّبخ انحرفت قليلا عن العادة.
الشّكر لأم حمزة22 فالحياة ليست أكلا فقط. كما نفكّر في تغذيّة الجسم لابدّ ايضا من تغذيّة العقل. وخاصّة إذا كان الأمر يتعلّق بتغذيّة عقول أبنائنا. فالأم تشتري بروحها متطلبات هذه الطّبخة التّي تجعل من ابنها أو ابنتها في قمّة الرّوعة، لتشعر بالسّعادة والرّاحة. وكم هي رائعة الحياة لمّا تجدّ الأم في نهاية المطاف أن تعبها لم يذهب هباء مع الرّياح. حين تتحدّث نشعر بافتخارها من خلال نبرة حديثها.
شوفوا راني اتعبت وأنا نكتب ، لازم اتقيموا هاذا لكلام ألي اكتبتو. . سلام.

عندك الحق في كل كلمة قلتيها
وانا هادا هو برنامجي لي نمشي عليه والدليل نجاح ولادي ربي يحفضهم يحفض وليدات المومنين
كنت دايما كي يجو ولادي من المدرسة يشربو قهوتهم من بعد نبدا نراجع دروس هداك اليوم ونحضر دروس الغد وهادا مطبقاتو على جميع اولادي وكانت نتيجة مليحة لاكن ما فهمتش بنتي لي فااثانوية تراجعت عن مستواها كانت هي الاولى فالمتوسطة وفي الثانوية تتراجع لمعدل 12 ما عرفتش وين الخلل كل الاساتدة قالولي عادي ان شاء الله في الفصل الجاي تكون عرفت اخطائها وتولي مثل ماكانت
مشكورة اختي على كل كلمة قلتيها بارك الله فيك

ام حمزة22 · 2014-12-23, 12:14

اقتباس:

المشاركة الأصلية كتبت بواسطة ام سراج وملاك

صباح الخير عليكم كامل نتمنى اني منكونش عضوة دخيلة عليكم راني كل صباح ندخل نشوف كشما جديد في الطبخ من عند ام حمزة ربي يحفظها

صباح الخيرات ام سراج وملاك ومرحبة بيك في اي وقت الدار دارك
سعدت بمرورك ربي يخليك ويحفضك

روح مراد · 2014-12-23, 12:15

ربي يجعل خير يا أم حمزة الزلزال راهو كل مرة يخلعنا ربي يستر

nina mima · 2014-12-23, 12:41

السلام على الكل ربي يحفظ كل الجزائر من كل شر اما يااخت روح مراد تنظيم الوقت هذا كيكون ماكانش الاولاد انا عندي 5 اطفال

ام حمزة22 · 2014-12-23, 12:43

اقتباس:

المشاركة الأصلية كتبت بواسطة روح مراد

ربي يجعل خير يا أم حمزة الزلزال راهو كل مرة يخلعنا ربي يستر

مانكدبش عليك روح مراد والله اليوم ماقدرت نكمل شغلي رفدت حجابي وقعدت ندور كي المهبولة فالدار هاد المرة طولت بزاف كنت نشهد ونستنى واقتاه تريب الدار
ربي يستر ويتبتنا على الشهادة

ام حمزة22 · 2014-12-23, 12:46

اقتباس:

المشاركة الأصلية كتبت بواسطة nina mima

السلام على الكل ربي يحفظ كل الجزائر من كل شر اما يااخت روح مراد تنظيم الوقت هذا كيكون ماكانش الاولاد انا عندي 5 اطفال

اختي نينا ربي يحفضلك ولادك استهدي بالله حبيبتي وكوني قوية انت نوضي بكري قبل ما ينوضو ولادك ورايحة تكملي شغالك على البكري وبارتياح

روح مراد · 2014-12-23, 14:07

عند الحق أم حمزة احنا رجعنا خبراء في الزلزال بعد زلزال 2003 عشنا الويل الأسود هاذاك العام و ضرك غير نحسو برك بحاجة نبداو نجرو أنا عادتي مانخافش و لكن الموت واعرة و الخسارة واعرة ربي يسترنا
وحدة قريبتي في الدويرة صباح كانت في الدوش خرجت الدور عريانة فالدار حتى دخلوها بناتها

صدفات · 2014-12-23, 15:19

مساء الخير للجميع
أم حمزة و كل لبنات ليسكنو في العاصمة ما تخافوش و ديرو ربي في خاطركم و إنشاء الله ما يكون حتى شئ
غزالة الصحراء حبيبتي ما شاءالله وليداتك كبار سلكتيهم أنا كنت حاسباتك طالبة تقراي

صدفات · 2014-12-23, 16:09

أين أنتم يا بنات وين راكم أم حمزة المهم تصبحون على خير

ام حمزة22 · 2014-12-23, 16:11

اقتباس:

المشاركة الأصلية كتبت بواسطة روح مراد

عند الحق أم حمزة احنا رجعنا خبراء في الزلزال بعد زلزال 2003 عشنا الويل الأسود هاذاك العام و ضرك غير نحسو برك بحاجة نبداو نجرو أنا عادتي مانخافش و لكن الموت واعرة و الخسارة واعرة ربي يسترنا
وحدة قريبتي في الدويرة صباح كانت في الدوش خرجت الدور عريانة فالدار حتى دخلوها بناتها

ربي يتبتنا ان شاء الله

اقتباس:

المشاركة الأصلية كتبت بواسطة صدفات

مساء الخير للجميع
أم حمزة و كل لبنات ليسكنو في العاصمة ما تخافوش و ديرو ربي في خاطركم و إنشاء الله ما يكون حتى شئ
غزالة الصحراء حبيبتي ما شاءالله وليداتك كبار سلكتيهم أنا كنت حاسباتك طالبة تقراي

مساء الانوار صدفات واش راكي
والله ياصدفات دايرين ربي في قلبنا وملي بدات تضربوانا رافدة صبعي ونشهد بصح كي طول فالاهتزاز تدبدبي وتلقاي كلش تالفلك غير هديك الخلعة واش تسوى
ربي يتبتنا بادنه تعالى