دورة خطواتي الواثقة لأصبح ربّة بيت متألّقة

[جهينة اليقين]

السلام عليكم شكرا لكل واحدة سقسات علي شكون الي تقدر تستغنى على هذه اللمة المباركة الا اذا كانت عندها ما يشغلها مالبارح وانا غير مع الفريز تاع الملابس حطيت تاع الشتاء وخبيت تاع الصيف والي ما يتلبسش خليتو على جهة ل...... ومع الروتينات اليومية ثم خرجت لصلة رحم وركايبي وااااااااااح والحمد لله

[~اسيل ريحانتي~]

المشاركة الأصلية كتبت بواسطة ام شمسو محمد

السلام عليكم
الله يمسيكم بالخير غالياتي ريحانة،ام هاجر ،ام هارون،خوخة،ام محمد و الطائعة لزوجها
ريحانة خطك الأزرق المميز هذاك وحدو يديرلي النشاط كي نشوفو
ام هااجر و ام هارون والله انكم أجمل زهرتين في بستان المنتدى إلتزامكم و همتكم و نشاطكم و إخلاصكم هو اللي كان سبب في قيام الدورة من البداية ثم حضوركم و تفاعلكم و إبداعكم هو اللي نجحها و أعطاها قبول و تميز الله يجعل أعمالكم في بيوتكم و على الشبكة في ميزان حسناتكم قد ما حركتو نساءمن كنباتهم الوثيرة
خوخة حنونة كيتلقاي الصفحات فارغة و التطبيقات غايبة حطي انت تطبيقاتك و عمري الصفحات حتى حنا كي نشوفو مشاركاتك نفرحو و كي مانشوفوهاش نفشلو يكون الواحد فاعل مش برك منفعل

حبيبتي ام شمسو ربي يخليك لينا ويفرحك كيما تفرحينا بردودك لي انا شخصيا طلعلي المورال شكرا اختي

[~اسيل ريحانتي~]

اهلا وسهلا اختي جهينة وخوخة نورتو الغرفة مرحبا بيكم معانا

[الطائعة لزوجها]

اهلا بكم اخواتي انا اليوم غاديا ندير الرقاق للعشاء شكون الي يجي يتعشى عندي

[الطائعة لزوجها]

المشاركة الأصلية كتبت بواسطة omelbanin

ام شمسو شكراً لك على المعلومات لي تفيدينا بيهم.
الطائعة لزوجها مرحبا بك معنا

الله يسلمك اختي ام البنين اهلا

[~اسيل ريحانتي~]

اخواتي عندي تدبيرة صغيرة نظن سبق وقلتهالكم وهي لما تخرجو الفراش للشمس راح تقعد فيه ريحة تاع الشمس الحل ترشيه بمعطر الملابس مخلوط بالماء والله الريحة تبقى يامات
حتى المخايد والاغطية لما تغسلوهم وينشفو وتعاودو تغلفو مخايدكم وترجعو الاغطية رشوهم بالمعطر ورشو ايضا الستائر الملونة وحتى الطابيات والمطارح انا مجربتهم عندي مدة والله روووعة


وايضا لما تسيقو الارضية وتكملو حكمو قارورة الديودوريزو ورشوه وراء البيبان وراء سرير وراء لي طابل دونوي والكوافيز يعني في الخشش لي مايبانوش ههههالريحة تبقى طوووول اليوم

اخواتي لي عندها تدبيرة تقولهالنا تفيد وتستفيد ان شاء الله نتعلمو من بعضانا

[غزالة1]

السلام عليكم ورحمة الله وبركاته
اختي ام ☀ شمسو و اسيل( ريحانة) @):- رانا غير هنا و كيما قالت جهينة من التي تنقطع عن هذه اللمة الطيبة الا لظروف
انا كانت عندي طوارئ لذا كل يوم تقريبا محافظة على الاعمال اليومية و فرطت في التنظيف الاسبوعي لهذا احس نفسي لا انجز
المنزل يحتاج مني لاعمال كثيرة و متواصلة و صحتي لم تسمحلي لذا وجدت نفسي ( قف مكانك سر ) لذا لم اكتب عن يومياتي
سلامي لكن حبيباتي وحدةوحدة و لكل الغائبات

[omelbanin]

اختي ام شمسو، الله يبارك، والله غير غيرتيني، انا للأسف نهار كامل يا مع الشغل، يا مع الأولاد
بصح راني نحاول على الأقل نوصل لاهدافي لي درتها من اجل الاسرة تاعي.
ختي ام محمد ربي يشفيلك ميمتك، ويشفي حبيبتي اروى وجميع مرضى المسلمين ان شاءالله.

[غزالة1]

ام محمد 123ربي يشافي الوالدة
يا ربي اشفي اختنا اروئ و يا ربي تطلي و طمنا عليك

[ام شمسو محمد]

خوخة بصحتك العناية و الدلال اللي قدمتيهم اليوم لنفسك......
و على ذكر الجمال هل تعرفون المعايير العالمية للجمال ....يعني وقتاش نقولو "فلانة جميلة"
طبعا احنا مقياسنا كيما يقولو (شعرها صفر وعينيها زرق.....)هههههه
أما عالميا فتعتبر المرأة جميلة إذا:
كانت تتقن لغتين عالميتين بجانب لغتها الأصلية
تجيد التعامل مع الآخرين،لبقة،على قدر كبير من الذكاء و الجاذبية ،متميزة، رقيقة و ذات شخصية محبوبة و اجتماعية تمتاز بتفاعلها المجتمعي
مع العلم انو شرط الجسم لا يهم...يكفي أنو يكون تناسب بين الطول و الوزن المعتدل و تناسق في شكل الجسم و ملامح الوجه
و الوجه لا يجب أن يكون جميلا جدا ...المهم ما تكونش فيه عيوب و إذا كانت يكفي إخفاءها بالماكياج
و يجب أن تكون لهاشخصية و مشية جذابة و تعرف فنون الإتكيت

[غزالة1]

المشاركة الأصلية كتبت بواسطة ~اسيل ريحانتي~

وايضا لما تسيقو الارضية وتكملو حكمو قارورة الديودوريزو ورشوه وراء البيبان وراء سرير وراء لي طابل دونوي والكوافيز يعني في الخشش لي مايبانوش ههههالريحة تبقى طوووول اليوم

اخواتي لي عندها تدبيرة تقولهالنا تفيد وتستفيد ان شاء الله نتعلمو من بعضانا

[b]شكرا ريحانة لكن الامهات اللواتي لديهن اطفال صغار ارجو ان تتجنب هذا لانه يضر الجهاز التنفسي يعني نعملوه في حالة استقبال الضيوف لانو معطرات الجو قوية/b]

[ام شمسو محمد]

ريحانة و اش هو معطر الملابس اللي تستعمليه

[omelbanin]

شكراً ختي اسيل على تدبيرة، انا مشكل عندي وليدي عندو حساسية ما لازمش كامل يشم الريحة، كي نسيق ندير صانيبو برك وتم تم تروح الريحة.
ختي الطائعة لزوجها، نجي انا وراجلي وولادي، هههه، باش نتهنا من لعشا تاعهم.

[غزالة1]

المشاركة الأصلية كتبت بواسطة ام شمسو محمد

حكمة
"مأساة الحياة لا تكمن في عدم وصولك إلى الهدف و لكنها تكمن في ألا يكون لك هدف تحاول الوصول إليه"
أوردت هذي الحكمة باش نذكركم بأنو الغالية أم تغاريد كانت وضعت لنا من ضمن التطبيقات "في كل مشروع خطوة"و أنا كنت بديت في مشروع حفظ الزهراوين و ما يخفاش عليكم طبعا فضلهم و مع الانشغالات اليومية و العراقيل و العوائق و الفتور .....وصلت الحمد لله للصفحات الأخيرة من سورة آل عمران حفظا متقنا متمكنا ...رغم الوقت الطويل اللي استغرقتو و الصعوبات اللي ضروري نواجهها ...حققت نتيجة تسعدني مهما كانت بسيطة لأني على الأقل كنت ما نحفظش آل عمران و ذرك راني حافظة منها نصيب مهم مع مافيها من خيرات و بركات القرآن
حبيت نقول كثرة مسؤولياتنا و انشغالاتنا ما لازمش تمنعنا من انو يكون عندنا جانب إبداعي نحققو بيه ذواتنا

احييك ام شمسو و رزقك الله بركة الحفظ و التطبيق
مبارك و العاقبة لكل الفراشات

[غزالة1]

المشاركة الأصلية كتبت بواسطة الطائعة لزوجها

اهلا بكم اخواتي انا اليوم غاديا ندير الرقاق للعشاء شكون الي يجي يتعشى عندي

حبيبتي انا مع المعروضات هههه
ربي يفتح عليك