~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[سيرين 5]

اليبارح جربت عصير حكاولي عليه جربتو و جا مليح

حبة قارص خضراء كونجلي كبيرة نوعا ما (هوما قالولي قطعيها قطع صغيرة أنا بسرتها) + شويا نعناع + 2 كاس صغار ماء + 2 م ك سكر

و نميكسي مليح

نصفيه في طاس بالصفاية و نعصر مليح باش ما نضيعو والو


هنا زدتلو مكعب ليمون كونجلي نحبو قارص هههههه

[روضة 88]

راني جيت نطل عليكم قبل ما نروح ندير الحرب مع البساطات و المديتي لي فيهم.
سرين الله اعلم بصح شافية عليك يا كنت في دردشة حوامل يا كنت في كن حوامل الى امهات الموضوع انتاع سرين نور هيني على خاطر علابالي بلي بنتك صغيرة على بني ربي يكبرهم و يعقلهم .

حياتي كلها امل شكرا على الاجابة حفظك الله.

[روضة 88]

بالنسبة لموضوع الضياف عموما ازا ساكنة مع عجوزتي وعند مرت سلفي
لما يجي ضيف تقعد معاهم لعجوز .حنا نروحو للكوزينة نوجدو الديسار والفاكهة نقدموها و نقعدو نشايخو شوي حتان يلحق موعد القهوة و نفس الطريقة بالنسبة للعشاء نوجد انا ومرت سلفي .

نحبو نخليو لعجوز براحتها مع الضياف خاصة اذا كانو اخواتها او اقاربها باه تكون عندهم حرية التكلم .

في بداية زواجي واجهت بعض الصعوبات تتمثل في انه اهل زوجي متقبلوش فكرة اني منسلمش على اقاربهم الرجال بصح من بعد والفو

كذلك لحد الان زوجي رافض اني نضع الخمار قدام اقاربهم الرجال بصح الحمد لله منتزينش ونلبس المستور .

المهم الضيف يدي حقو من الترحيب و حسن الضيافة .

ايه تفكرت ساعات الضيف قبل ما يروح قصدي النساء تضرب طلة على الكوزينة مثلا تشرب الماء ولا ....و ساعات تكون الكوزينة فيها شوي فوضى بسبب الماعن لي جبدناهن انتاع الضياف و الساشيات انتاع الديسار .... .

[ام صفصف]

السلام فراشاتي
البارح ماشاركتش معاكم لكن طليت عليكن وانشاء الله يكونو اوليداتكم من الاوائل
البارح كنت معروضة للعقيقة عند جارتي المغربية ما فهمت فيها والو قعدت غير نتفرج وحدي في وسطهم

[hanamohamed]

[صح غذاكم والحمد لله على اللمة الرائعة وجمال موضوع النقاش الضياف هذه الكلمة عندي نسمعها في اي وقت افطار الصباح غداء قهوة او شاي المساء العشاء اذا مكانش اثنين منهم تكون واحدة الصالة متفرقش كامل مع انه عندي الضيق الصالة نعتبرها غرفة العيلة حتى ويكون الغداء او العشاء عادي مفهش اللحم يقولي سي السيد حطي لي عشايا في الصالة نحطل اما ضياف اللي نعرضههم مع التوجاد كثار ايضا والحمد لله ولفنا هذا [/b][/SIZE]

[سيرين 5]

المشاركة الأصلية كتبت بواسطة روضة 88

راني جيت نطل عليكم قبل ما نروح ندير الحرب مع البساطات و المديتي لي فيهم.
سرين الله اعلم بصح شافية عليك يا كنت في دردشة حوامل يا كنت في كن حوامل الى امهات الموضوع انتاع سرين نور هيني على خاطر علابالي بلي بنتك صغيرة على بني ربي يكبرهم و يعقلهم .

حياتي كلها امل شكرا على الاجابة حفظك الله.

كنت في دردشة حوامل هههههههههههههه فكرتيني الله يفكرك في الشهادة

[arwa alaa]

واش راكم يا لبنات
نبدا بطلب هناء الصفحة الي حطو فيها ترقاد الفلفل 72

[arwa alaa]

بالنسبة للضياف انا دايما عندي الضياف بصح كامل رجال يجيو دايما عاى غفلة دايما لازم تكون عندي شخشوخة ولا تريدة في الدار وندير الشباح نحطها في الكونجيلاتور

[حياتي كلها امل]

انا قبل ماندزوج دارنا عمرها ولا تفرغ من الضيف كيما قالت هنا محمد في اي وقت وكانت عايشة معانا جدة ربي يرحمها يجوليها بزاف وفي المواسم منهدرش تقوشي عرس الصالو معمر رجال وصالو معمر نساء بصح عمري ولاشفت او سمعت يما الله يرحمها تقلقت منهم تلقاها تضحك في الوجه طيب وتحط اذا بات الضيف قد ما يقعد متتقلقش.
كي تزوجت عمبالي كما دارنا القيت العكس يتقلق من الي يجي واذا سمعو الواحد جاي خلات وشمن تشناف وشمن خبيط علما انه قليل وين يجيهم الضيف حتى في العياد تقوشي ماشي عيد واحد مايجي حتى بناتهم كي يجو يتقلق منهم

[omelbanin]

الضياف والله غير ملاح،الدار لي تكون فيها بزاف الضياف ،تكون فيها البركة،بكري في دارنا كي كانو بابا ويما حيين دارنا كانت ما تفرغش من الضياف و بابا الله يرحمو كان يخدم في البلدية كان يعيط لصحابو كامل يجو يفطرو والله غير ساعات يلقاهم في الطريق يدخلهم ،واش طيبنا عادي نحطولهم ،...بصح كي راحو لكبار دارنا والت ما يجوهاش الضياف ،راحت البركة مع الضياف.
وانا نحب يجوني ضياف ، بصح قليل وين يطل عليا واحد .

[فراشات العمر]

احنا قبل الزواج في دارنا لما يجو الضياف والله ماما بعد مانضيفوهم توريلها كلشئء جديد ولكان برمة كاين لي نورمال وكاين لي يعاف ويعكي ويعلق حتى الذبان يعلقو عليه حنا عندنا بزاف من هذا النوع كرهونا في الضياف يخرجو علينا هدرة تحيري قلنا لماما ماتزيديش تخرجي واحد من الصلون خليهم فيه حتى يخرجو بصح حدث ولا حرج كلي ماهدرناش وراكم تعرفو ضياف كي يجو لماعن اكثر من العرس واحنا نزربو باه ما يقولوش طولو علينا المهم لماعن من بعد ما يخرجو الضياف نغسلوهما بصح خلينالهم الفرصة
ضرك انا مايجونيش الضياف بزاف ولما يجو من الوحدة لي راني فيها نقعد معاهم نسقسي على حوالها ونضحك خايقة من القعاد وحدي مانلقا ما نحطلهم لا جي ولا مشروبات غازية الفهوة والحليب يقولو مانشربوش وزيد ناقصة في لماعن نحشم بيهم
بالمناسبة من منكن تحطلي لماعن لي مخليتهم للضياف واش راهي مخبية ووين مخبيتهم

[سرور2]

سلام لبنات

سيرين هذا البرنامج نبقى ناكل نفس الاكل يوميا ولا نغير فيه وكم المدة

بالنسبة لضياف انا يجوني غير مرة في الغرة واذا كانو جيين اكيد يكلمو ونكون موجدة اللازم يعني مكانش لا احراج ولا مشاكل

[حياتي كلها امل]

هذو ماعني تاع ضياف تاع القهوة ودايرتهم في لزيليمو تاع الكزينة معنديش بيبيوتاك في الصالو وتاع الاكل تاع الضياف في كرطونتهم فوق ليزيليمو ياام لينا كون جيتي قدامي والله نتقاسم معاك المواعن قطعتيلي قلبي كي قلتي ماعنديش ونحشم نحط بلي عندي

[omelbanin]

ام لينا حبيتي تضحكي اضحكي ،انا لماعن مخبيتهم في لخزانة،ليزينيمو صغير وليت درتهم في الخزانة.بالكراطن نتاوعهم.

[فراشات العمر]

المشاركة الأصلية كتبت بواسطة حياتي كلها امل

هذو ماعني تاع ضياف تاع القهوة ودايرتهم في لزيليمو تاع الكزينة معنديش بيبيوتاك في الصالو وتاع الاكل تاع الضياف في كرطونتهم فوق ليزيليمو ياام لينا كون جيتي قدامي والله نتقاسم معاك المواعن قطعتيلي قلبي كي قلتي ماعنديش ونحشم نحط بلي عندي

ابعثيهم مع مول الكار ابعثيلي لادراس تاعك ولا مل التاكسي هههه شكرا حبيبتي بقداه يستقامو باه نلم ونشريهم لا حب ربي

المشاركة الأصلية كتبت بواسطة omelbanin

ام لينا حبيتي تضحكي اضحكي ،انا لماعن مخبيتهم في لخزانة،ليزينيمو صغير وليت درتهم في الخزانة.

الله لا يوصلني للنهار ولا ساعة لي نضحك على بني أدم
مخبيتهم في لخزانة خيرمن ماعندكش