الجزء 101 من ركن واش طيبتي اليوم

[omomnia15]

شكرا ليك ام سهام امالا علاش تبان رطبة

[دائمة الحمد]

ام اسينات واش غداك انا راني عملت خبز الفيسال وجلبانة وسلاطة مشوية

[x ام رحاب x]

المشاركة الأصلية كتبت بواسطة omomnia15

بصح ام رحاب السميد مولا متوسط وفاش نسيرو

تسيريه في السيار الرقيق تا الفارينة باه اتنزل كامل الرقيق وتقعد صافية من الرقيق ماجيكش معجنة انا شريت لختي كيما انت وسيرتو وانحيت كامل الرقيق

[دائمة الحمد]

ربي يخليك ام يسرى ويشفيك

[x ام رحاب x]

المشاركة الأصلية كتبت بواسطة دائمة الحمد

ام اسينات واش غداك انا راني عملت خبز الفيسال وجلبانة وسلاطة مشوية

ام اسنات بنتك ولا وخدوخرة جات جديدة مافهمت والو

[ام سراج وملاك]

اهلا اسينات نورتينا متقوليليش بلي نتي هي ام هاذيك الشاطرة لي رايحة تحل الكوزينة ربي يحفظهالك من كل شر قلها راكي طولتي راهم قريب يقفلولنا الكوزينة وحنا نستناو فيها باش تحلها

[assinet]

دائمة الحمد أنا راني درت قراتان الجريوات تع أم ماجد و أو ردوفر و تارتينيلو تع السبانخ

[x ام رحاب x]

المشاركة الأصلية كتبت بواسطة kaouka

صباح الخير دائمة الحمد ام سراج ام لوجين قمر assinet omomnia ام يسرا ام رحاب وشراكم ﻻباس ام امينة ربي يجيبلك وقفة سهلة ونشوفة بنوته تاعك ﻻتنسيني بدعاء

صباحك اسعد حبيبتي واش راكي واش راه انسيبي ياك راكي توكلي فيه في الردين ولا لالا

[chez biba]

مرام وشاوية حرة ربي يحفظكم كي سقسيتو على راني لا باس الحمد لله ساعات ما يصلحليش ندخل مع البيبي والدار والله ما نلحق على حاجة الوقت يجري.... السوال عليكم انتوما ان شاء الله راكم لا باس؟؟؟

دائمة الحمد فرحتيني كي عجباتك المفاجأة والله حبيت نفكركم باليامات اللي فاتو واكيييييييييييد عندكم فيهم ذكريات ولو أني ما لحقتش على الكوزينات الاولى ...... بارك الله فيك على كتاب سنة أولى أحلى ذكريات
وخالتي اسينات ربي يحفظها ان شاء ما خلاتش بوسيهالي على يديها نموت عليهم كي يكونو مكعبرين

صباح الفل والورد والياسمين على كل الحاضرات

[دائمة الحمد]

ام رحاب اسينات راهي بنتي ام اسينات كانت معانا وحد الوقت ومن بعد مع الحمل والنفاس ماعادتش تدخل وراحت عضويتها ما نعرف كيفاش استرجعتها

[assinet]

أم سراج إيه أنا هي أم هذيك شطورة وقاتلكم صباح الخير كامل

[x ام رحاب x]

المشاركة الأصلية كتبت بواسطة ام سهام 02

صباح الخير على وجوه الخير


ام يسرا شكرا ليك على الاستضافة الطيبة كما انت ربي يفرخك ويعطيك ما تتمناي


ام امينة هذاك هو السميد لنستعملو في الطمينة وما كاش لياكل ظمنتي وما تعجبوش وثاني السميد انفورو قبل ما نحمصو باه تظمني كامل حبيبات السميد طايبة وباه ما نحمصوهاش بزاف لازم يكون ذهبي والزبدة والعسل يكونو دافيين

صباح الخير حبيبتي واش راكي واش راهم الدراري واصبعك ريحت منو ولا مزال

[دائمة الحمد]

تعيشي حبيبتي بيبا
ام اسينات بصحتك
روحي لهيه وجاوبيني

[x ام رحاب x]

المشاركة الأصلية كتبت بواسطة assinet

أم سراج إيه أنا هي أم هذيك شطورة وقاتلكم صباح الخير كامل

اهلا وسهلا باسينات العزيزة بنت العزيزة واش راكي وماشاء الله على بنوتك ربي يخلي هالك حنونة خموس عليها

[ome loudjeine]

صباح النور اسينات وربي يحفظلك هاديك الزينونة.
صباح النور كوكا ونهارك سعيد.
ام سيراج وقمر يعطيكم الخير حبيباتي واسمحولي علبالي مع الصباح تكونو مشغولين.راني درت صوص بيضاء بالجاج وغليت الشيفلور درك نشوف كيفاش نديرو شكرا.
ام امنية ربي يسلكك ان شاء الله حنى في الشرق نديرو البسيسة تجي بالقمح نقليوه في الطاجين ونرحيوه ونديروها بالزبدة والعسل.