دورة خطواتي الواثقة لأصبح ربّة بيت متألّقة

[الطائعة لزوجها]

المشاركة الأصلية كتبت بواسطة حياتي كلها امل

صبحكم الله بكل خير ونور ايامكم وجعلها ملها امل وتفاؤل وخير
اختي الطاءعة لزوجها اكيد رغم شقاء الام وتعبها وكثر اشغالها في كل مجالات اسرتها لكن لها اجر كبير عند الله عز وجل وهذا الي يخليها رغم الشقاء ماتفشلش وتلقايها كل يوم تقوم باعمالها المتعدد من تربية والخ

بالتأكيد حبيبتي

[حياتي كلها امل]

الامس نضت للصالون
نحيت الشورا وليستور وبدلتهم باخرين وغسلت الي نحيتهم
مسحت الغبرة وغسلت بلايص في الحيطان كانو مسخين
وكنست وسيقت تسياق عميق
ثم عاودت خملتو كامل
اما اليوم بعد الصلاة والاذكار راحو الاولاد يقراو خملت مخايد كنت فرغتهم البارح غسلتهم وخملت البيوت وغسلت الاواني وخملت المطبخ وسيقت كل شيء والفطور راه اطيب لوبيا

[~اسيل ريحانتي~]

بالنسبة لتنظيف الصالون غدا لاكتب ربي ناويا نغسل الفوتاي راه مسخ

وبعد غدا نمسح الغبرة من الببليوتاك مع الحيطان

ومسح زجاج النوافد وتسياق عميق يعني نجر الفوتاي ونسيق ونعاود نرجعو لمكانو وراح نغير مكان الببليوتاك نحط الطابيات ونعطر الفوتاي ان شاء الله

نروح نكمل اشغالي الى اللقاء حبايب قلبي

[الطائعة لزوجها]

نظفي بيتك و افتحي كل النوافذ و الابواب و شغلي سورة البقرة تزيدكي نشاطا و بركة و بهجة بوركتم حبيباتي
سوف اكمل التنظيف اما بالنسبة للغذاء راني درت طاجين الشوفلور بالحمص و اللحم رايحا نقلي الشوفلور بالبيض السلام عليكم

[~اسيل ريحانتي~]

ام هاجر اهلا بيك حبيبتي الله يبارك راكي ماشاء الله يعطيك الصحة ماتنسيش تبلغي سلامي لام البنين ان شاء الله تكون بخير وكل الفراشات الغايبات

اهلا بيك اختي الطائعة لزوجها مرحبا بيك معانا نورتي الدورة

[omelbanin]

السلام عليكم، كيف حالكم، شكراً حبيبتي ام شمسو واسيل على السؤال علي، انا البارح كنت في زيارة ما جيناش حتى للمغرب.
واليوم الدار كانت ما تنشافش، راكم تعرفو بعد نهاية الأسبوع الفوضى لي يخلوها الأولاد
نضت بكري كالعادة، بعد تحضير فطور الصباح، درت الملابس يتغسلو في الغسالة.
سرجت لبيوت وخرجت الفراش للشمس، رحت للمطبخ غسلت الاواني وكان عندي السلق قطعتو وغليتو.
سيقت كلش ،قليت بطاطا ودرتها مع السلق ودرتلهم البيض.
والان راني نرتااااح حتى يجو الأولاد، ونحط الفطور

[omelbanin]

ام شمسو شكراً لك على المعلومات لي تفيدينا بيهم.
الطائعة لزوجها مرحبا بك معنا

[ام تينة]

اركبي اختي بسرعة
اركبي في قطاااااااااااااااااااااااااااااااااااار الضحى قبل ان يغاااااااااااااااااااااااااااااااادر
صلاة الضحى 360 حسنة ترسلينها الى حصاله الاخرة

[Oum Mohamed123]

تحية لكل الفراشات

[~اسيل ريحانتي~]

المشاركة الأصلية كتبت بواسطة oum mohamed123

تحية لكل الفراشات سمحولي انا مانقعدش ماما مريضية ونروح عندها علبيها مانيش نشارك

اختي ام محمد ربي يشافيلك ميمتك ويقومها بالسلامة ويشافي اختنا اروى وجميع مرضى المسلمين امين يارب العالمين

[خوخة02]

السلام عليكم كيف احوالكم
والله غير كنت ندخل ولما مانلقاش تطبيقاتكم نكره لخطرش والفتكم انتم درتولي الحماس باه ننشط ونقوم بواجباتي على اكمل وجه
اليوم نضفت الصالون ورتبتو ورتبت غرفة النوم ورحت غسلت الماعين وكنست برك لانهم نظاف البارح سيقت كلشي
ورحت درت فيها دوش جميل ودرت قوماج الوجهي بمقشر ديرموفيفا والله غير هايل ولما كملت رحت جهزت الفطور ليا برك مع ولدي لانو زوجي اليوم يخدم حتى للصباح باه يجي
فطرت وصليت الظهر ودرت قناع لوجهي حسيتو صفا وراني معاكم

[خوخة02]

ام محمد حبيبة ربي يكون مع ميمتك ويشافيها يارب العالمين ويشافي اختنا اروى
يارب الناس اذهب الباس ويشفي انت الشافي شفاءا لا يغادر سقما
امين

[خوخة02]

ام شمسو شكرا ليك على النصائح صح لازم نتعلمو نسقوا في الاثاث

[ام شمسو محمد]

السلام عليكم
الله يمسيكم بالخير غالياتي ريحانة،ام هاجر ،ام هارون،خوخة،ام محمد و الطائعة لزوجها
ريحانة خطك الأزرق المميز هذاك وحدو يديرلي النشاط كي نشوفو
ام هااجر و ام هارون والله انكم أجمل زهرتين في بستان المنتدى إلتزامكم و همتكم و نشاطكم و إخلاصكم هو اللي كان سبب في قيام الدورة من البداية ثم حضوركم و تفاعلكم و إبداعكم هو اللي نجحها و أعطاها قبول و تميز الله يجعل أعمالكم في بيوتكم و على الشبكة في ميزان حسناتكم قد ما حركتو نساءمن كنباتهم الوثيرة
خوخة حنونة كيتلقاي الصفحات فارغة و التطبيقات غايبة حطي انت تطبيقاتك و عمري الصفحات حتى حنا كي نشوفو مشاركاتك نفرحو و كي مانشوفوهاش نفشلو يكون الواحد فاعل مش برك منفعل

[ام شمسو محمد]

حكمة
"مأساة الحياة لا تكمن في عدم وصولك إلى الهدف و لكنها تكمن في ألا يكون لك هدف تحاول الوصول إليه"
أوردت هذي الحكمة باش نذكركم بأنو الغالية أم تغاريد كانت وضعت لنا من ضمن التطبيقات "في كل مشروع خطوة"و أنا كنت بديت في مشروع حفظ الزهراوين و ما يخفاش عليكم طبعا فضلهم و مع الانشغالات اليومية و العراقيل و العوائق و الفتور .....وصلت الحمد لله للصفحات الأخيرة من سورة آل عمران حفظا متقنا متمكنا ...رغم الوقت الطويل اللي استغرقتو و الصعوبات اللي ضروري نواجهها ...حققت نتيجة تسعدني مهما كانت بسيطة لأني على الأقل كنت ما نحفظش آل عمران و ذرك راني حافظة منها نصيب مهم مع مافيها من خيرات و بركات القرآن
حبيت نقول كثرة مسؤولياتنا و انشغالاتنا ما لازمش تمنعنا من انو يكون عندنا جانب إبداعي نحققو بيه ذواتنا