طريقة أكيدة لتصبحي ربة بيت سعيدة

[ام متين]

اصبحنا واصبح الملك لله والحمد لله
اللهم اعنا على ذكرك وشكرك وحسن عبادتك

[ام متين]

الف مبرووووووووووووووووووووووووووووووووووووووووووووووو وووووووووووووووووووووووووووووووووك يا سيييييييييييييييييي
الحمد لله على سلامة الراس
الحمد لله على نعمتو
ان شاء الله بتربى في عز والديه ويكون من الذرية الصالحة يارب تتهناي بيه وان شاء الله تعيشي معاه احلى ايام حياتك
ولعقوبة للبيبي الثاني كي نهار اليوم

[ام متين]

على سلامتك شريكتي والله كنت في بالي والحمد لله ان المشكل في الانترنت
فراشات العمر اشرقت الانوار واشرقت الصفحات بتواجدك
ام تينة اين انت عساك بالف صحة وعافية
ام شمسو صباح الجمال والاناقة
فرحة العمر وباقي الفراشات ان شاء الله راكم بخير كامل

[حياتي كلها امل]

السلام عليكم الف الف مبروك حبيبتي سي والحمد خ على سلامتك ويارب يكون البيبي بالف صحة وعافية
اهلا ام لينا واش راكي
ام صفصف ربي يسرلك امورك كلها
غزالة ام متين والبقية صباحكم سعيد

[ورود الندى]

صبحكم الله بالخير والعافية ،اختنا وحبيبتنا سي الففففف الللففففففف مبروووووووك وانشاءالله يكون من الذرية الصالحة انا امس ماقدرتش ندخل للانترنيت البارح روحت من الخدمة لقيت ضياف في الدار الدار كانت نظيفة وكي روحو غسلت الأواني ولمعت الحوض وصليت العشاء ورقدددددت لاني كنت ميتة بالتعب واليوم تاني راني رايحة للعمل حتى للخامسة مساءاً العشاء عندي الدار شوية مخلطة كي نروح ندير لها 20د وندير برنامج الشهر

[رندة.]

أصبحنا وأصبح الملك لله رب العالمين ، اللهم أعني على ذكرك وشكرك وحسن عبادتك

[رندة.]

السلام عليكم ورحمة الله تعالى وبركاته
صباح الخير، صباح الامل والتفائل، صباح الجمال والاناقة، وأخيرا صباح الطمينة على الاخبار الزينة
مع بداية الشهر الجديد نتمنى ربي يوفق ام صفصف على الشيء الي راهي مقبلة عليه، ويوفق جميع الفراشات في كل مايطمحن اليه، وييسر لهن جميع أمورهن، ونتمنى الشفاء العاجل لااختنا سي وجميع مرضى المسلمين امين يارب العالمين

[arwa alaa]

صباح الخير عليكم
الف الف مبروك عليك يا سيي يتربى في عزك وعز ابوه ان شاء الله

[arwa alaa]

ربي يوفقك ام صفصف ويوفق كل فراشة من الفراشات

[ام شمسو محمد]

اللهم إني أصبحت منك في نعمة و عافية و ستر فأتم علي نعمتك و عافيتك و سترك في الدنيا و الآخرة .
صبحكم الله بخير كل الفرااااشاااات ...صباح الأنوار رندا ، أم متين ، ورود الندى ، حياتي كلها أمل ، حنين فدوى ، حبيبتنا أم صفصف ،أهلا بعودة الغالية غزالة و أختنا فراشات العمر .....نهاركم زين .

[ام شمسو محمد]

رندا و أم متين و أي فرااااااشة تحب تنضم لينا نبداو دورة فيفري لتنظيف منازلنا ؟
مبدأنا العام حسب أسلوب الفرااااااااشة :
لا تنازل عن الروتيناااااات :
الصباحية :
جمع و تنظيف و إعادة كل ما تم استخدامه .
ترتيب السرير .
تنظيف الحمام أجلكم الله .
تفقد الغسيل ( فرز ، تشغيل ، نشر ... ) .
تمرير المنفضة و المكنسة و الممسحة حسب ضرورة و أسلوب كل وحدة .
تنظيف منطقة الأسبوع 20 د .
روتينات المساء :
تبريد نقطة ساخنة لدقيقتين : نشوفو المناطق اللي ترجع ليها الفوضى بسرعة ننظموها : رف في الثلاجة ، في الخزانة ، في المدخل .
ترتيب المنزل : ترتيب غرفة الجلوس ، تفقد الحمام ، اعادة كل شي لمكانو في 5 د.
تلميع الحوض : تنظيف الطاولة ،غسل الأواني و تجفيفهم و إعادتهم لمكانهم ، تنظيف الفرن ، مسح الأسطح ، غسل الشيفونة و تنظيف الأرضية في 20 د .
تفقد الغسيل : طي و كي و حفظ 10 د .
تجهيزات الغد : إعداد الملابس و الملحقات ، تفقد الحقائب و الأغراض ، تجهيز صينية الفطور ، تذويب اللحم و الحليب ..
بالإضافة لساعة التنظيفات الأسبوعية .
و ساعة التنظيف العميق كل أسبوع للي عندها الوقت ( اللي ما عندهاش الوقت تستغنى عليها ) . .
و عندنا دائما جلسات تخطيط أسبوعية : للوجبات ، لقوائم التسوق ، مراجعة و محاسبة لعباداتنا ...
هذا هو نظامنا اليومي و الأسبوعي إذا كنتو جاهزيييييييييين ننطلقو على بركة الله في تحديااااااات يومية لمهمة 20 د حسب المنطقة الأسبوعية .

[ام شمسو محمد]

اليوم الأول من الأسبوع الأول لشهر فيفري منطقة المدخل اللي ما نظفوهاش سابقا فرصة باش يبداو تنظيفاتهم و اللي منظفينها نرجعو ليها بالصيانة أكيد راهي نظييييييفة :
تحدي اليوم :
في 15 - 20 د : ننظف الضو و القواطع و البلاك ، نمسح الأبواب ، نرتب خزانة الأحذية .
تحليق موفق لكن فراااااشااااااات.

[ام متين]

ام شمسو اكيد وباذن الله راني معاكم وراني نحاول الالتزام قدر المستطاع

[ام شمسو محمد]

مع الإنشغاااااال على كل الفراااااااشاااااات الغايبات بدون ذكر أسمااااااء نضم صوتي لصوت أم متين و حنين فدوى و أسأل الله العظيم أنو تكون حبيبتنا أم تينة بخير و إذا كانت تتابعنا نتمنى ترجع تزودنا بالقبسات النورانية اللي تبعث في أرواحنا السلاااااااااام .
حبيبتي أم صفصف أسأل الله لك التوفيق و السدااااااد في شأنك كله .
حبيبتي حنين فدوى كل ما نجي نكتبلك رد ننشغل انشا الله تكوني بخير و ريحتي شوية .
أريج أنا ما عنديش خبرة و لكن كرأي أعتقد أنك لمست أنو صابون دوف يوالم بشرتك ، بالنسبة لكريم نيفيا شوفي مكوناتو باش تعرفي إذا تناسبك ، بالنسبة لماء الورد قالت مرة أم صفصف ( اللي أنا شخصيا نثق في رأيها ) بلي مش أصلي و بالتالي ما عندوش هذيك الفعالية اللي رانا نحوسو عليها ...تبعي معانا بلاك تلقاي أفكار تناسبك .
رندا كيما قلتي نحوسو نديرو برنامج للعناية حبيت قبل نتفقو على المفاهيم و مبعد نحددو العلاجات و كل وحدة تدي وش يناسبها ..بالنسبة للتطبيق نديرو أسلوب الفراشة : نخصصو 10 د يومية للعناية و ساعة أسبوعية للتنظيف العميق ههههه .
أروى في انتظار فكرتك .

[ام شمسو محمد]

بالتوفيق حبيبتي أم متين يا أحلى رفقة