وصفات حراير الكوزينة الجزء الثاني

[idron0]

المشاركة الأصلية كتبت بواسطة مريم ريمة

شكراااااا ليك على الوصفات بارك الله فيك كون تقدري تحوسيلي على مسكوتة بالبرتقال حطتها وحدة ما عرفتش اسمها ودارت فيها فلان كراميل من فوق دارت شكولا حوست مت لقيتهاش شكرااا ثانية سلامي

اسمحيلي اختي الحبيبة و الله مالقيتها حوست عليها دون جدوى حاولي تطرحي سؤالك في الكوزينة بلاكش يعاونوك الاخوات.

[oum islem]

سفنج المغرفة فضيلة 34


3 بيضات ..نصف كاس حليب نخلطهم.3 م ك فرينة .وشوية ملح
4 م ك دقيق .1 م ص خميرة الحلويات ونحرك مليح
نسخن الزيت مليح ونفرغ الخليط مباشرة بالمغرفة وكي ينتفخو الحبات نقلبهم بالفرشيطة حتى يتحمرو نحيهم ونسقيهم بالعسل

يطيب مباشرة يعني ما يخمرش ومليح لضياف الغفلة

[مريم ريمة]

شكرا اختي ايدورنو على المحهود

[nadiem]

يعطيكم الصحة

[litcoin]

يعطيك الصحة

[selma81]

ماشاء الله عليكم روعة

[selma81]

روعة روعة ماشاء الله

[selma81]

روعة ربي يبارك

[idron0]

جينواز في المقلة crono

في الأول جربتها في مقلة كبيرة ماصدقتليش عاودت جربتها في مقلة صغيرة و جات ماشاء الله الأولاد حبوها و عجبتهم بزاف
الكيك فيها 2 حبات بيض 2بيض نخلطهم جيدا
ثم نضيف6 ملاعق زيت..6 ملاعق حليب.4 ملاعق سكر 1 ملاعق خل 8 ملاعق فرينة1 خميرة كيميائية
نسخن المقلاة جيدااااااااااااا ..
نقسم الخليط على 4كؤوس ثم انطيبوا بالوحدة
و اذا حبيتو اديروا 2 بيضاء و 2 بنية أضيفوا الكاكاو للكاسين بعد إنقاص كمية الفرينة…
الخليط اكون نوعا ما ثقيل راح انطيبوه كالغرايف …
لاززززززم تسخن مليح المقلاة ثم نقصوا خلاص
ضعوا ألكاس الأول مع نزع المقلاة على النار و تدويرها باش يتحرك الخليط و غطي كل المقلاة ثم رجعيها باش أطيب
أنا درت غطا تاع ااكوكوطة و إذا شفناها طايبة من تحت و فوق اللهم بارك و إلا قلبوها شوي على الوجه الثاني و نحيوهم…
لما اتكملو زينوا كما تردون لكن لازم اديرولهم إما شاربات أو مربى كيما درت أنا مربى و لصقوهم فوق بعض
أو نقوم بتجهيز كريمة وندهن بين الطبقات والجوانب.

[idron0]

بيسكويي خفييف lyzzabel

2 حبات بيض كااس سكر و ضربي مليييييح ملييييح بالباتووغ حتى يبياض الخلييط و زيدي نص كااس زييت و ضربي و كااس حليب و ضربي و نص كاس مايزينة و ضربي خخخخخ و عصيير نصف ليموونة مع الزااست و 2 كيساان فريينة و 2 خمييرة كيمياائية ،، و طيبييه فالفرن على 180 درجة ،، التزييين حسب الضوق انا دهنت الوجه بشوية مربي المشمش مخفف بشوية ماء و دردرت الشوكولا الأبيض راابي
هدا البيسكوي اخدمييه بالباتووغ من الأول للأخييير يعني حتى الفرينة خلطيها بييه بصح ما تطولييش غي قيس ما تختفي و تعرفييها بلي الخلييط راه متجاااانس
تنجمي تبدلي الموول و تنجمي تااني تديريه في لي كيساات تاع المادلاان والله رووووعة
على فكرة السكر نقصت قيس 2 صبااع ما نبغييش الحلااوة بزاف و ما درتش زااست الليمون على جاال الأولااد درت غي العصييير .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

الزيتون الحار دائمة الحمد

إضغط هنا لرؤية الصورة بحجمها الطبيعي.

[idron0]

المرقة الحمراء om joujou

بعدما نغسلي اللحم تاعك سواء احمر او تاع دجاج رابي عليه حبة بصلة متوسطة و 3 حتى 4 سنينات تاع ثوم حبة طماطم متوسطة ملح فلفل اسود كسبر فلفل صباغ زيت خلطي كلش وحطي فوق نار هادية وخليهم يتقلاو بعقلهم وامبعد نمرق بماء سخون ونخلي اللحم يطيب
كي نشوف اللحم طاب نضيف الطماطم المصبرة وقرن فلفل حار ونخليها تغلي شوي ونطفي هاذ المرقة تقدري تلوحي فيها الزاليقو كيما تقدري تلوحي فيها لي بات كيما المقرونة والسباقيتي بعدما تغليهم شوي في الماء كيما تقدري تلوحي فيها الخضرة تعود عندك مرقة تاع خضرة كيما تقدري تلوحي فيها الروز وتطيبيه في لاكوكوت تقدري تلوحي فيها الخرسف والزيتون لكي الاختيار.

[idron0]

المرقة البيضاء om joujou

انا شخصيا نحبها بالجاج
بعدما تشوطي الجاج تاعك وتنقيه انقعيه سع في الماء والملح والخل نص ساعة
وامبعد رابي عليه حبة بصلة كبيرة شوي معدنوس فلفل اسود وملح شوي زبدة شوي زيت خلطلي وحطي القدرة تاعك فوق النار تتقلى وامبعد امرقي شوي برك بالماء وخلي اللحم تاعك يطيب
هاذ المرقة نستعملها مع الجلبانة الكفتة الشيفلور واي حاجة تجي بالمرقة البيضاء وفي الاخير رافقيها ديما بعصرة ليمون ورشة معدنوس
اما طاجين الزيتون نتبع نفس المرقة البيضاء نضيف الزيتون الاخضر بعدما نحيلو الملوحية تاعو ونداوي الكفتة عادي ونشكلها دي بولات ونرميها في المرقة البيضاء.

[idron0]

الشفلور مغلف باللحم المرحي oum islem

غلي الشوفلاغ في الماء والملح ولي تحب تزيد ثومة وتوابل وقطعة خبز حتى يطيب قطريه من الماء ملييييح مليييح
تبلي اللحم المرحي بالتوابل لي تحبيها مع شوية شابلييغ وصفار بيضة ومعدنوس ولا كسبر مقطع وأعجنييه ملييييح وغلفي الزهرات تاع الشوفلاغ خخخخ وكلما تكون الزهرة صغيرة تخرج مليحة وما تعبكش في القلي رمديهم في الخبز اليابس حطيهم شوية في الثلاجة واقليهم في زيت ساخن وحطيهم في المرق لي حضرتيه من قبل وخليهم يتشربو الصلصة شوية
وتقدري تعوضي اللحم بالدجاج مرحي او البطاطا المرحية .

[idron0]

طبق ام عبدو و ملاك

توجدي صوص طوماط
رابيت زوج حبات طماطم و زوج سنات ثوم ومغرفة طماطم مصبرة وملح وهريسة و كسبر و مغرفة صغيرة سكر يتقلاو و نزيد كاس ما و نخليه يطيب ,
ندير لحم مرحي وشوي روزطايب و 2 مغارف كبار شابلير ودبشة وملح وكسبر وفلفل اكحل وهريسة و بيضة ونخلط ونشكل سيقار وتحطيهم يطيبو مع الصوص وتحطي غطا كي يطيبو نحط من الفوق فرماج رابي ونحط الغطا قيس ما يدوب الفرماج ونطفي و تديري الدبشة مقطعة رقيق.