دورة فراشات تزهو بالألوان بيوتهن قمة في النظافة و التنظيم و التدبير و الاتقان

[دائمة الحمد]

احلى صباح فراشات يومكن مفعم بالهمة والنشاط
عندي اشغال كثيرة ومن بينها تطبيق اليوم
صلاة الفجر والورد الحمدلله على نعمة المواظبة وزدت عليهم البارح اني قمت بعض الركعات قبيل الفجر انا وعجوزتي ربي يحفظها
راح نعمل غدى مميز لعجوزتي تحب الشخشوخة تجيها طرية هههه راح نديرهالها
الى الملتقى عزيزاتي
بعيدة المنال احلى صباح كي كنت انت تقلشي في الركوبة تاعك انا جريت ولحقت الطائرة همة كبيرة هههههههه

[*ام ادم*]

سلام يا احلى فراشات
راحو اولادنا الى مدرسة ربي يوفقهم يارب
صباح الخير ام فاطمة صباح الخير دائمة الحمد
بارك الله فيك دائمة الحمد ربي يثبتك في طاعتو يارب
امنيتي نصلي قيام الليل

[أم هبوبة]

صباح الخير
ما شاء الله نشاط و نمة و عزيمة
احتي حبيبة راني متتبعة للدورة في صمت كل مرة ندخل نخطف الاغكار و التطبيقات
برنامجي هده الايام راه مخبل لاني عندي شهر راني في دار والديا راهم غايبين و راني قاعدة في الدار بدالهم
بديت تطبيقات في بيتي قلت اغتنم الفرصة مين داري راه فارغة نعمل تنظيمات و تعدليلات فيها
حفزتيني باش نخمل داري بافكار و تطبيقات تساعدني من الفوضى الي كا نت فبها
انا محبة جدا للنظافة و التنظيف لكني كامل النهار وقفة و دايما نلقى الحالة كيما كانت
طلبت من زوجي انه يخرجلي كل شيئ ما نحتاجوهش من البيت و عملت بلاكارات في الجدران احسن شيئ يلم الفوضى هما الي بلاكار
خليت في داري الحوايج ال نحتاجهوم و نستعملوهم اما الباقي فالى الخارج و ربحت مساحات فارغة في البيت
عندي بيت متكون مت ثلاقة غرف لكن المساحة صغيرة شوية. يعني الفوضى تبان بالخف لهدا جاتني فكرة البلاكارات و لميت كل شيئ
دهنت الجدران و بقالي نمشي ان شاء باش نظف الزجاج و الارضيات و نرجع الملابس لاماكنها قلت بالمناسبة نفرز الكسوة الي نلبسوها و ال ما استعملتش لللبوس نمدها في سبيل الله راهم كاين محاجين الله يعينا على المساعدة
انا مستعدة لاقلاع معكم لكن حملت التنظيفات نعملها معاكم في دارنا لاني ما زال ما نرجعش لبيتي حتى يجو والديا
اما بالنسبة للتخطيطات اليومية و الاسبوعية
انا عاملة نخرج من داري على السابعة و النصف و مساءا و نخرج عاى الرابعة و النصف نفوت لدارنا نهز اولادي قولي نخرج من عندهم لخامسة و النصف نوصل للدار جوايه اليادسة السادسة و النصف
مين ندخل نمشي ديركت للكوزين ندير العشى نبدى قراية وليدي و احيانا نعمل الماشينة تغسل
دايما مورا العشى نغسل المواعن و نخمل الكوزين احيانا نفوت تسييقة خفيفة على الكوزينة و الكولوار حسب الظروف و الحالة الي نكون فيها الميناج الكبير نقسمه بين مرتين الجمعة صباحا و السبت صباخا
ديري الجمعة الصباح نخرج الفراش نمسح الزجاج نظف الارضيات بالحك نبقى هكدا حتى للواحدة وين كملت نحبس ما تبقى نخليه ليوم السبت صباحا
لانه مساء الجمهة احيانا نخرج واو نخاف يحوني ضياف و نحب نقعد مع اولادي هديك لعشية لهدا نحسب نحبس على الواحدة
السبت دايما يبقالي ميناج خفيف نكمله ثاني مورا الغدي و تخمال الكوزينة نحبس ادا خرجنا تبارك اللله و ادا قعدت في الدار نحمم لاولادي بكري نقري وليدي و نريح شوية
الويكاند اغلب الاخيان الي نعمله للغدى نزيد منه للعشى ما نكدبش علبكم نبغي كي نكل الكوزينة و ندير حويجة للقهوة و نخمل كل شيئ نحب نرتاح و ما نعاودش ندخل الكوزينة
تقربيا هدا روتيني اليومي و الاسبوعي. و حسب الظروف
اما بالنسبة لنفسي اهملتها بعض الشيئ لكن رايحة نتهلى فبها مثلا رايحة نبدل قصة الشعر و ندى نعمل ماكياج خفيف جدا و نبدى بنفسيىقبل شغل الدار
عندي مشكل واحد و ادعو الله يعاوني فيه هو صلاة الفجر اغلب الاحيان ما نصليهاش في وقتها و هدا الشي راه قاهرني في نفسي لكن ساجاهد نفسي على التعود عاونوني بالدعاء
هدا ملخصي مع بعض الروتوشات و الان نخليكم نمشي نكمل اشغالي و اول شيئ نمشي نغسل بال الدخلة نتاع دارنا سلام
نطبقىفي دارنا و نعاود التطبيق ان شاء الله مين نرجع لدارنا الله يقدرنا

[lyzzabel]

صباح النوووور على احلى فراشااات
رااجعت شوية يعني الصفحااتلاالاخييرة برك هههه
حبييييبة شكراااا على الاستقباال الحااار حبيبتي و على الدعم المعنويلي راني محتاجاته بزاااف بارك الله فيك

[أم ريتاج زهرة]

صباح النور يا الفراشات بالتوفيق الأخت جيادا ترجعينا بخير الحبيبة توحشناك و الأخوات الكل بدون إستثناء و الله نحس براحة في قلبي مين نحل المنتدى نحس روحي بين خواتاتي ربي يخليكم ليا و لولادكم بالنسبة للتطبيقات درك راني رايحة تدير تطبيق نظافة الباب لي عودة بإذن الله سلام

[lyzzabel]

اسفة حبسلي الكلافيي قبل ما نكمل الرد
ام هبوووبة نحييييك على نشاطك و عزمك رغم ظروفك حبيبتي

ا ما روتيني انا فنقدر نقول ماهوش روتين عاادي و انما متقلب من غير الطيااب تاع الفطور و العشااء ههه اما صلاة الفجر فما نصليهاش دايما فالوقت خاطرش ما نرقدش بكرييي لعدة اسبااب
و لكن كي نفطن في وقتها ما نتهاونش و الحمد لله كيما اليوم صليت فالوقت و سبحت و ذكرت مي ما قريتش الورد خاصني المصحف و ما بغيتش بنقرا مالنت عينيا راهم يوجعوني
الحمامات و نصف الدار نظفتهم يامس الصباح و الحمد لله و اليوم عندي الغسيييل
مازال ما شديتش روحي مليح معاكم حتى نسجل التطبيقاات عندي هاكا تجيتني المهمة اسهل
شكرا على كل مشاركاتكن التي تبعث الهمة و النشاااط مع المتعة في آن واحد ،، سلاااااام حبيبااتيي

[ام هنود]

صباح الخير على كل الفراشات الحلوات اسمحولي اني مدخلتش الايام الي فاتت على خاطر كنت مريضة وجاوني سلافاتي واختي اطلو ا اعليا اما بالنسة لي التطبيقات فراني متاخرة شوية عليكم منعرف لتخليوني نركب امعاكم في الطيارة ولا لالا اما الزربية تاع الصلات فخليولي الي اتحبو المهم النصلي امعاكم جماعة اما بالنسبة لغسل الباب الخارجي والحمام فراحنعملهم اليوم ان شاء الله تعالى اسمحولي راني طولت عليكم بزاف وهذا من اشتياق ليكم جميعا سلام

[ام هنود]

اه انسيت ماقلتلكمش البارح خرجنا الاولاد احوسوا شوية في الغابة

[chahrazed g]

صباح الخير

انا مدايرة تطبيق مواقيت الاذان في الميكرو نضت توضيت و صليت و رجعت رقدت هذا وين نضت الزوج مسافر في العمل و ما عنديش الاولاد علابيها ما نوضش بكري عييت واش ندير باه نوض بكري وجدت فطوري و لقيت الكوزينة تبرق و غسلت الماعن تاع الفطور و راني رايحة للحمام باش نظفو و بيت ندير فيه تغييرات للديكور و عندي منطقة ساخنة جدا هي البلاكار تاع الكوزينة راهو في كارثة لي عندها افكار تساعدني في تنظيمو تنحي عليا الهانة نروح مستعدة باه نرتبو انا نشوفو هكذاك نعاود دوميتور

[ام اكرم31]

صباح الخير عليكم حبيباتي ان شاء الله تكونو بخير راني متبعة معاكم مكنتش برك قادرة نكتب لانو كان عندي ضياف الليوم راح ندير تنضيف الحمام وبعض النقاط الساخنة اخت جيادا تاسفت جدا لغيابك حبيبتي خسارة والفت ندخل ونشوف افكارك ومشاركتك المفرحة
ام فاطمة ودائمة الحمد ما شاء الله على النشاط ربي يبارك
اختي حبيبة سمحيلي مقدرتش نحط تقييمي للاسبوع لي فات لكن الحمد الله حققت هدفي وحفضت الحزب والتحقت بالاخوات والحمد الله

[lalo24]

اختي حبيبة ولا كلمة ترحيب ربما لا يوجد مكان شاغر في الطائرة خدوني معاكم حتى واقفة المهم نكون مع الصحبة الطيبة جمعنا الله في جنة الفردوس ان شاء الله انا استيقضت على 50 4 صليت وقرات الورد ثم تسطحت قليلا وبعدها جهزت الفطور للزوج ربي يحفضو اليوم راح عاى 6 عندو شغل بعدها نوضت الصغار فطرتهم و جهزتهم و اخدتهم للمدرسة لان الوالد عند شغل هو الي مالف يديهم .حبيبة ربي يجازيك كل خير ويحققلك كل امانيك راكي رجعت فيا الروح و حب الحياة من جديد .اختي جيادا صح انتي متعرفينش لكن انا نعرفك غيابك راح يخلي فراغ كبير لعل المانع خير المهم ربي يفرج عليك.

[omomnia15]

صباح الهمة والنشاط يعطيك الصحة اختي حبيبة راكي درتيلنا الدودة بصح المليحة ماشي تع التوسويس الي كانت فينا ممكن نكون معاكم

[oummalak]

السلام عليكم ورحمة الله وبركاته
عدت والعود احمد
الحمد لله انني التحقت بالطائرة بعد انطلاقها ولو بفترة وجيزة
تعلقت بالجناح الايمن وسالتحق بالركب بعد العذر
التسبيح والاستغفار مداومة مع الفراشات في الدورة
التنظيفات معكم باذن الله
تحياتي لكل المشاركات والفراشات ربي يبارك فيكم
حبيبتي حبيبة ربي يبارك فيك ويعلي مراتبك تستاهلي كل الخير لاخدك بيدنا
والله نحس العمل في جماعة روعة وحتى ربي يبارك فيه
اخذت سجادتي
حضرت سلتي والى الامام سر
اللهم بلغنا رمضان
راني حاسة انه رمضان لهذه السنة رايح يكون احلى رمضان معكم
مع انه ستنقصه طلة ابي الغالي رحمه الله
تحيلتي اخواتي ووفقكن الله سلام

[ام الخير 05]

صباحكن سعيد يا احلى الفراشات اختي حبيبة فراشاتي العزيزات انا اسفة جدا وخجلة جدا لهذا الغياب لكن هي ضروف فوق ارا دتي اشتقت لكن كثيرا اتمنى تدارك كل ما فاتني تحياتي للجميع

[om yousra]

السلام عليكم حبيباتي الفراشات اليوم راني نضت صليت الفجر في وقتو بصح ماقريتش ناضت معايا بنتي اللي راهي في الفطام قمت بيها والله نويت ننفض الحمام قبل ماتقول الاخت حبيبة وفرحت كي راني خممت نفس تخمامها المهم قمت بالحالة بيان ووبالكوزينة وشغالها وقلت نضرب طللة على المنتدى ونوض نغسل القش قبل ونبدى ننفض ادعولي ربي يرزقني راحة البال وتحياتي لكن جميعا وللحبيبة حبيبة سلااااااااااااااام