الجزء 101 من ركن واش طيبتي اليوم - الصفحة 106

omomnia15 · 2014-12-06, 08:34

صباح الخير عليكم حبيباتي ان شاء الله تكونوا بخير

omomnia15 · 2014-12-06, 08:36

دائمة الحمد خموس على ذيك البوبية ربي يحفضها خلي تخلها اكيد رايها تكون احلى كوزينة كيما تع جداها

عطرالذهب · 2014-12-06, 08:38

ياعمري على اسينات ربي يحفظها
يعيشك دائمة عضيهالي حتى تبكي هكاك يبرد قلبي ومانعاينهاش

ome loudjeine · 2014-12-06, 08:39

دائمة الحمد الله يبارك على هاديك الزينونة وما شاء الله ربي يحفظهالك من كل شر.كون تفتحنا الكوزينة رايحين نشبعو فرحة وزهو ونرجعو دكريات الصغر.
عطر الدهب ربي يعطيك الخير ضحكتيني بحكاية الشد والربط ههههه.

دائمة الحمد · 2014-12-06, 08:40

ربي يخليلكم اولادكم
راهي صورة من قبل راني حتى انا متوحشتها عطورة وين تجي على الدخلة نعضهالك
ام امنية راني كل يوم ندعيلك عزيزتي وسلامي الحار لالمازة راني متخيلتها لي يجي يبارك ليها تقلو اصبر حتى نصور هههههههه

x ام رحاب x · 2014-12-06, 08:42

اقتباس:

المشاركة الأصلية كتبت بواسطة ome loudjeine

ربي يجازيك على وصفة الكرم جربتها شحال من مرة وخرجتلي هايلة حتى لولاد عجبتهم مايحبوش الكرم.بارك الله فيك.

ربي يجازيك كل خير حبيبتي وتسلمي

دائمة الحمد · 2014-12-06, 08:48

ام رحاب حطيلنا الرابط تاع الكرم وبصحتك مسبقا

omomnia15 · 2014-12-06, 08:50

ربي يخليك حبيبتي دائمة بصح المازة راهي في طرف الدنيا وحتى واحد مراح ليها بلاك الحلويات والقاطوات الي مدتهم للناس صحاب زوجها ممكن حتى وراخى واقفة نص وقفة ههههههههههه نعرفها تموت على المنتدى
الفطور تالف وقيلا نصومهم راني عيانا ولازم نخرج نقضي بلاك ندير شربة فاغمسال بصح الكردي الصغير تع وليدي ميكلهاش

x ام رحاب x · 2014-12-06, 08:52

تكرمي دائمة الحمد هاهو الرابط
https://www.djelfa.info/vb/showthread.php?t=1532405

Oum yousra · 2014-12-06, 08:55

صباحكم فل وعطر وياسمين واشراكم لباس ؟؟ انا هاذا وين راني نشرب في قهوتي و نراجع البارح أعييت اسمحولي . الي سالت عليا نقولها ربي يفرحك حنونة و يعطيك الذرية الصالحة و يهنئك مع زوجك و تشوفي ولادك في أعلى المراتب يا رب . و شكراااااا و ألف شكرًا على الباروك الي حطيتوهولي كلش رووووووووووووووووعة من يديكم و الي نشوف طيابها يسخفني والله بدون استثناء كلكم طباخات شاطرات و كل وحدة و لمستها ربي يحفظكم

ome loudjeine · 2014-12-06, 08:56

ام امنية ديري برك حاجة خفيفة كي راكي غلبانة ربي يسلكك على خير.
كشما عنكم وصفة شيفلور في الكوشة....
دائمة الحمد حسبت الزينونة بنتك بحال حفيدتك عليها عزيزة عليك بزاف اعز الولد ولد الولد ربي يحفظهالك ويخليها لوالديها ان شاء الله يفرحو بيها.

راكم كثرتونا الصور تاع البيبيات راكم سخفتوني واقيلا حديرولي الكوراج ونزيد فيها واحد هههههه.

ome loudjeine · 2014-12-06, 08:58

ام يسرى صباح النور واش احوالك اليوم مع لاغريب.اتهلاي في روحك وربي يشفيك ماتزيديش تصورينا من التاقة في هاد البرد راكي مرضتي بسبتنا ههههههه.

Oum yousra · 2014-12-06, 09:05

الغداء راه مودرلي ماعرفتش واش ندير راني نخمم في مورزايم . حقة زهرة راني شفت المحاجب نتاعك واااااااو شكرًا حنونة يهبلو انا الصراحة ندير نتاع المسمنات مانعرفش ندير نتاع البرنوس تسيحلي منو لاصوص و انا نحبهم اممممممممممممم يعطيك الصحة:

Oum yousra · 2014-12-06, 09:13

اقتباس:

المشاركة الأصلية كتبت بواسطة ome loudjeine

ام يسرى صباح النور واش احوالك اليوم مع لاغريب.اتهلاي في روحك وربي يشفيك ماتزيديش تصورينا من التاقة في هاد البرد راكي مرضتي بسبتنا ههههههه.

Ome loudjeine ربي يحفظك حنونة راني شويا خير من البارح . وشكون الي راح تفتح الكوزينة اليوم؟؟؟؟

kaouka · 2014-12-06, 09:17

صباح الخير وشراكم ﻻباس شكون الفحﻻ لي تمدلي ربط تاع العجينة المورقة رهي خدمتها ام تاجو ﻻ مكذبتش تاع يسمين والله منعرف واش اسمها رني نستنا غديا روز و سردين وسﻻطة