الجزء 95 ** من واش طيبتي اليوم **

[Oum yousra]

بشرى حنونة واش راكي ؟ واش طبتي لعشاك

[mimi-archi]

ربي يعاونك ام يسرى و بصحتكم كلش toppppppppppppppp
https://www.djelfa.info/vb/showthread...post3992024907

[Oum yousra]

ام سراج و ملاك صح عشاكم و التليتلي نتاعك اممممممم يشهي بصحتكم و يعطيك الصحة

[دائمة الحمد]

الصائمين صحة سحور كم وتقبل الله. منكم

[omhadil]

المشاركة الأصلية كتبت بواسطة دائمة الحمد

الصائمين صحة سحور كم وتقبل الله. منكم

صح صحورك دائمة الحمد وربى يتقبل منا جميعا
انا كلييت فلون وحبة بنان وشربت كاس حليب بارد

[kaouka]

صح صحوركم ربي يتقبل

[kaouka]

المشاركة الأصلية كتبت بواسطة oum yousra

الأخت mimi من قبيل ماحبش يفوت الرد أسفة حطيلي رابط الدردشة إذا قدرتي انا عندي 3ايام و انا مع الفريز و الغسيل و الحديد و التسياق راني قريب نطيح و غدوا إنشاء الله يوليو الأولاد يقراو من لي vacances العشاء درت محشي نتاع القرنون و تيراميسو. . .

صباح الخير ام يسرا مممممممممممم اعطيني طريقتك في محشي القرنون يبن يهبل

[ام اماني77]

صباح الخيرات على الجميع

كنت نظن انكم فتحو كوزينة جديدة لكن لقيت كوزينة ام سراج الغالية مازالها
حبيت نقولها بارك الله على الاستضافة الرائعة ربي يبارك فيك وفي اولادك وزوجك

وحبيت نقول كلام ماعلابليش اذا راني صح ولا لا

لاحظت ان المنتدى مابقاش كما الاول نقص نشاط الاخوات اصبح هناك نوع من الركود في قسم المطبخ

واش كنت نفرح كي ندخل ونلقى حمى التطبيقات ومشاركات الاخوات المتواصلة كانت الكوزينة الجديدة 3 ايام ونعاودو نفتتحو ا واحدة اخرى

لاحظت ايضاان الردود في المواضيع الجديدة قليلة رغم المشاهدات كثيرة مش في مواضيعي فقط في كل المواضيع وهذا يخليك تحسي بخيبة انا عن نفسي عندي بزاف مواضيع لكن فشلت

نتمنى يرجع ركن الطبخ كما بكري كل ماندخل نلقى الجديد سواء في المواضيع او التطبيقات ونتمنى من المشرفات الغاليات ام كوثر ام رامي ام انس يرجعو ينورونا من جديد بمشاركتهم ومواضيعهم وتشجيعاتهم من اجل هذا المنتدى الغالي

اسمحولي هذه وجهة نظري قولتها لاني احبكن في الله

راني حابة نفتتح الكوزينة الجديدة اذا ماكانش لي راح تفتحها لكن اصبرو عليا بنتي مريضة نديها للطبيب ونرجع نحمل الصور

تحياتي للجميع

[omsalah]

السلام عليكم وتقبل الله صيام الجميع اختى ام امانى فعلا ما قولتة فقد اصبح ممل نوعا ما ولم يعد كالسابق فارجو تجديد الهمة اماعنك يام امانى فلا مكان للفشل معك ياشمعة المنتدى الى الامام ولله الموفق

[Oum yousra]

ام أماني ربي يشفي بنتك و انا أوافقك الرأي و انا نضن السبب هو المنتدى ولا ثقيل بزاف يعني انا كي نحب نراجع و لا نحوس على و صفة باه نطبقها يقعد ساعة باه يتفتح لي و مرات نكتب الردود مايحبوش يفوتو حتان نكره نولي نروح المهم حنونة رانا في انتضار الكوزينة نتاعك بفارغ الصبر

[Oum yousra]

صباح الخير و نهار كم سعيد واش راح طيبو للغداء نعاند عليكم. . راني مزال ماراجعتش شفت غير الأخير نتاع ام أماني ضرك نراجع و نولي

[kaouka]

صباح الخير ام يسرا ام صﻻح ام اماني عندك الحق بصح المنتدى وﻻ ثقيل بزاف بزاف اما على تطبيق ديما نطبقلك من الوصفات توعك وتاع أخوات ربي يخليكم انا رجلي لي نديرها يقلي تاع ام اماني خخخخخخخخخخخخخ ﻻني ديما يلقاني نشوف في موضيعك رنا نستناو في الكوزينة تاعك قلتي عندك موضيع بزاف حطيهم هك نزيدو نتعلمو منك حوياج بزاف ربي يشفي بنتك

[kaouka]

المشاركة الأصلية كتبت بواسطة ام سراج وملاك

صح عشاكم وصح فطوركم يا الصيمات وينهي مولات الكوزينة الجديدة راكم طولتو وحدة فيكم تتطوع راكم ياسر ربي يبارك

ممممممممممممممممم ام سراج يبان بنين انا نحب نكلو بصح زوجي ﻻﻻﻻﻻﻻﻻﻻﻻﻻﻻﻻﻻﻻﻻﻻ مﻻ ندي هدا وخﻻص متفهمين :d:d:d

[Aya69]

صباح الخير عليكم
ام سراج حبيبتي ربي يجازيك كل خير ان شاء الله على استضافتك
ربي يتقبل صيامكم ان شاء الله
ام اماني رانا تنتظروا في كوزينتك وكلامك كل صح وان شاء الله يرجع منتدى مثل قبل وأحسن
ام يسرى حبيبتي وشراكي لاباس ويعطيك الصحة على المحشي هايل

[أم محمد تاج]

صباح النور ياغاليات ونهاركم مبروك نشالله
دخلت على كلام الغالية ام اماني ونقوللها يسلم فمك وراني معاك في وجهة نظرك واصلا هاذ التساؤل ديما نتساؤلوه حنا لبنات هنا وتجمعو عوامل بزاف منها المنتدى ماحبوش يصلحوه ديما ثقيل وزعمة منتدى بحجم منتدى الجلفة والثاني على مستوى الجزائر ماحبوش يحسنو ويطورو فيه وثانيا راه غياب الشافات تاع الطبخ نتمنى يرجعو ويعملو همة ونشاط للبنات واذا على المواضيع فمواضيعنا كامل نسبة المشاهدة طالعة بصح لاتعليقات ولا ردود وزيد نحاو ايقونات الشكر على الاقل يخليوها المهم كيما قالت الحبيبة ام اماني والله اسباب مخيبة للآمال

ام اماني حنونة الله يشفي بنتك ويعافيها يارب ورانا ننتاظروك تفتحي الكوزينة على بركة الله
ام سراج عشايا كيما عشااااك تليتلي ابيض ممممممممم يهبل يعطيك الصحة