موضوع مميز حمزة المجتهد مستعد للاجابة على استفساراتكم ~ الى التميز ~ متجدّد ~ - الصفحة 106

ورود العلم · 2015-04-30, 11:42

اقتباس:

المشاركة الأصلية كتبت بواسطة حنين15

مرحبااا كيف الاحوال اشتقتلك يا ورود هه ممكن تخبريني من أين كنتي تحفظين الشريعة ؟

اهلا حبوبتي وحنونتي ..وشراكي ان شاء الله راكي بالف خيير ...

بالنسبة ليا انا كنت نحفظ من ملخص عطاهولنا استاذنا لخطراه هو كان مايكتبلناش الدروس ...يفهمنا برك ويقلنا احفظو من هذاك الملخص ...وانا ايضا استعملت حوليات سلسلة مستقبلي في الشريعة وقد افادتني كثيرا .....وكذلك قمت بحل البكالوريات السابقة ...

اسيل منة الله · 2015-04-30, 15:24

سلام اختي وردة العلم
انا في يخص كيفية مراجعة مادة العلوم اقوم مراجعة نشاطات الكتاب ونجاوب على اسئلة ثم نقارن اجوبة استاذ مع اجوبتي ومن بعدها نعاود تمارينات لي حلهم استاذ ونظيف بعض تمارينات واش رايك طريقة مليحة ولا لا ؟؟؟؟؟؟؟؟؟؟؟

ورود العلم · 2015-05-01, 10:29

اقتباس:

المشاركة الأصلية كتبت بواسطة اسيل منة الله

سلام اختي وردة العلم
انا في يخص كيفية مراجعة مادة العلوم اقوم مراجعة نشاطات الكتاب ونجاوب على اسئلة ثم نقارن اجوبة استاذ مع اجوبتي ومن بعدها نعاود تمارينات لي حلهم استاذ ونظيف بعض تمارينات واش رايك طريقة مليحة ولا لا ؟؟؟؟؟؟؟؟؟؟؟

اكيد حبوبتي اسيل طريقتك صحيحة 100/100 تابعي فقط على هذا المنوال وباذن الله راح تتحصلي على وش تبغي..المهم برك ماتنسايش اذا بقالك وقت حاولي تحلي بعض من البكالوريات السابقة ..وبالتوفيق..

اسيل منة الله · 2015-05-01, 17:28

شكراااااااااا اختي ربي يحفضك و يوفقك

ورود العلم · 2015-05-02, 21:09

اقتباس:

المشاركة الأصلية كتبت بواسطة اسيل منة الله

شكراااااااااا اختي ربي يحفضك و يوفقك

العفو حبيبتي بلا مزية ..انا في الخدمة دائما باذن الله ...موفقة ...

sozii · 2015-05-01, 18:21

السلام عليكم
اليوم جئت اشكوا لكي همي .عسي ان اجد عندك نصائح
اليوم سمعت خبرا حقا هبطلي المورال
في هذا الفصل الثالث لم اذهب يوما الي الثانوية ادرس وحدي في البيت
المشكلة ان الكل يتحدث عني في القسم اذ قالت لي صديقتي انه لا يمر يوم دون ان يسألوا
هل انهت البرنامج ! اكيد كل يوم دراسة اكيد تدرس دون توقف
ستاخذ اعلي معدل المهم تعرفين نظرات الحسد
حقا تعبت عندما سمعت هذا
مع العلم انني لا زلت متاخرة في مواد كثيرة
خاصة المواد العلمية لكن كل يوم احاول ان اتعامل مع الوضع لكي لا استاء و اكمل مشواري دون خيبات امل
لكن اليوم.... حتي انني ضيعت ٤ ساعات في التفكير
اعرف انه لا يجب ان افكر فيما يتحدثون و ان هدفي واحد هو الباك لكن لا استطيع منع نفسي :/
من فضلك اريد نصائح منك و شيئا يوقظ فيّ الامل من جديد

اسيل منة الله · 2015-05-01, 20:11

اقتباس:

المشاركة الأصلية كتبت بواسطة sozii

السلام عليكم
اليوم جئت اشكوا لكي همي .عسي ان اجد عندك نصائح
اليوم سمعت خبرا حقا هبطلي المورال
في هذا الفصل الثالث لم اذهب يوما الي الثانوية ادرس وحدي في البيت
المشكلة ان الكل يتحدث عني في القسم اذ قالت لي صديقتي انه لا يمر يوم دون ان يسألوا
هل انهت البرنامج ! اكيد كل يوم دراسة اكيد تدرس دون توقف
ستاخذ اعلي معدل المهم تعرفين نظرات الحسد
حقا تعبت عندما سمعت هذا
مع العلم انني لا زلت متاخرة في مواد كثيرة
خاصة المواد العلمية لكن كل يوم احاول ان اتعامل مع الوضع لكي لا استاء و اكمل مشواري دون خيبات امل
لكن اليوم.... حتي انني ضيعت ٤ ساعات في التفكير
اعرف انه لا يجب ان افكر فيما يتحدثون و ان هدفي واحد هو الباك لكن لا استطيع منع نفسي :/
من فضلك اريد نصائح منك و شيئا يوقظ فيّ الامل من جديد

مطلعيهالهمش ديري واش في راسك

وخليك منهم غيارين

sozii · 2015-05-02, 13:16

اقتباس:

المشاركة الأصلية كتبت بواسطة اسيل منة الله

مطلعيهالهمش ديري واش في راسك

وخليك منهم غيارين

نعم عنذك الحق الباك قريب و هما مزالهم يعسوا فالناس

ورود العلم · 2015-05-03, 14:19

اقتباس:

المشاركة الأصلية كتبت بواسطة sozii

السلام عليكم
اليوم جئت اشكوا لكي همي .عسي ان اجد عندك نصائح
اليوم سمعت خبرا حقا هبطلي المورال
في هذا الفصل الثالث لم اذهب يوما الي الثانوية ادرس وحدي في البيت
المشكلة ان الكل يتحدث عني في القسم اذ قالت لي صديقتي انه لا يمر يوم دون ان يسألوا
هل انهت البرنامج ! اكيد كل يوم دراسة اكيد تدرس دون توقف
ستاخذ اعلي معدل المهم تعرفين نظرات الحسد
حقا تعبت عندما سمعت هذا
مع العلم انني لا زلت متاخرة في مواد كثيرة
خاصة المواد العلمية لكن كل يوم احاول ان اتعامل مع الوضع لكي لا استاء و اكمل مشواري دون خيبات امل
لكن اليوم.... حتي انني ضيعت ٤ ساعات في التفكير
اعرف انه لا يجب ان افكر فيما يتحدثون و ان هدفي واحد هو الباك لكن لا استطيع منع نفسي :/
من فضلك اريد نصائح منك و شيئا يوقظ فيّ الامل من جديد

وعليكم السلام ورحمة الله تعالى وبركاته ...

حبيبتي سوزي يا شعلة الامل ..يا صلبة الارادة ...اتعلمين انا اراك الان في القمة ...فليس عليك اذا ان تنظري الى الاسفل وتسمعي الكلام التافه من التافهين ...فبدلا من ان يهتم كل شخص بنفسك وحاله ...ترينهم يلتفتون الى الاخرين ويعلقوا عليهم ..اقول لك غاليتي لا تهتمي بهم واعلمي انهم قد اصابهم الغرور منك ما جعلهم يتحدثون عنك ..انت لا تفكري فيهم دائما حاولي ان تسدي اذنيك عن سماع هذا الهراء ...

ليس لديك الوقت عزيزتي كي تضيعيه في الالتفات اليهم والاصغاء الى مايقولون ...وحتى صديقتك التي جاءت وأوصلت لك الخبر انصحك ان تقولي لها مهما سمعت من اخبار عنك فاطلبي منها ان لاتخبرك بها ....قولي لها لا يهمني هذا الكلام ......

واذا كانوا هم يريدون ان يحسدوك*** ويضربوك بعين بين قوسين *** نتي سكارة فيهم اقراي مليح باه تجيبي مليح وتخليهم مغتاظين ...

كل ماتجيك هاذيك الافكار استغفري ربي سبحانه وقولي في قلبك وش راح تفيدي هذا الافكار برك راح تضيعلك الوقت وتحققي لهم مبتغاهم ..

نتي حبيبتي اقراي عادي بالشوي بالشوي ..شوفي الحوايج لراكي ناقصة فيهم باه تستدركيهم ....افهمي كلش فوقيا اما باه تفهميهم مليح لازمتلك حبيبتي تكثري من حل التمارين تع البكالوريات وخلاص ..حاولي تنوضي بكري وكي تقراي وتحسي بالتعب ريحي شوي قدر 5 ولا 10 دقايق ...ومن بعد من 1 حتان2 ولا 3 ..ماذابيك ديما تضربيها برقدة ..باه تحسي روحك في كامل نشاطك وتقدري حتى تسهري في الليل بسهولة ...

وبالتوفيق حبيبتي الغالية ..اتمنى لك النجاح من كل قلبي ...باه تفرحي وتفرحي والديك وتفرحينا كامل اولا وتحمصي هاذوك الحسادين ثانيا..

بالتوفيق حبيبتي ..وتفكرت ثاني ماذبيك ديما تقراي المعوذات ...باه تحمي روحك من العين والحسد ان شاء الله ..

وفي امان الله حبيبتي ...

rorororo · 2015-05-01, 19:27

سلام اختي
حبيت برك نسقسيك عدد اختيارات لي عطاوهملك في باك شحال وشحال مسموحلك تخيري منهم ؟!

sali bsb pop · 2015-05-01, 19:42

اختي ورود ممكن نقاطك في البكالوريا . ممكن تنصحيني بخصوص العلوم فانا تهاونت في مراجعتها هذه المدة و بخصوص المتتاليات و الميكانيك لم اتمكن منها بعد هل استطيع تداركها..........ارجوكي انصحيني

ورود العلم · 2015-05-03, 14:44

اقتباس:

المشاركة الأصلية كتبت بواسطة sali bsb pop

اختي ورود ممكن نقاطك في البكالوريا . ممكن تنصحيني بخصوص العلوم فانا تهاونت في مراجعتها هذه المدة و بخصوص المتتاليات و الميكانيك لم اتمكن منها بعد هل استطيع تداركها..........ارجوكي انصحيني

سلام غاليتي ...

ممممممم بصراحة حبيبتي ماننصحكش ديري نقاطي كمقياس لك..بويسك انا درت اخطاء واخطاء ..وندمت عليها وان شاء الله نتوما ماتزيدوش توقعوا فيها كيما التسرع وقلة التركيز ....هاذوا كانوا اهم سببين في نزول نقاطي للاسف ....رغم انكم كما تلاحظون بالتقريب ماكانش اسهل من باك نتاعنا ..على كل حال ..

انا اخذت في الرياضيات 16 ....وقد ارتكبت بعض الاخطاء التافهة بسبب تسرعي اولا ..وكان خطئي الاول انا اخترت الموضوع الاول وبدئت الاجابة فيه وبعد مرور اكثر من ساعة قررت تبديل الموضوع وصارلي ارتباك وكدت حقيقة ان افقد الامل ..ولكنني تمسكت بالله وتوكلت عليه ..والحمد لله لم يخذلني .....

بالنسبة للفيزياء للاسف اخذت 12 ..رغم انه لم يكن صعب لكن مشكلتي انني بدئت بداية بطييييييييييييييييئة جدا ولم اشعر بالوقت يمر ...وفجأة عندما نظرت الى الوقت وجدت انه بقيت اقل من ساعة وامامي 3 تمارين كاملة ..وزيد هذاك الجدول في الفيزياء اخذ مني الوقت ..وكان خطئي الاكبر انني اسأت اختيار الموضوع صراحة هذا العام بعدما اعدت حل الموضوع الاخر جدتها سهلا جدا ..وانا هربت منو لانو كان فيه استرة وحنا ماقريناهاش خسارة ولكن كون خيترو كنت راح نضمن على الاقل 16 ...يعني ضيعتو من يدي خسارة ..ولكن الحمد لله على كل حال ..

بالنسبة للشريعة عادي اخذت 20 ....وبالرغم من انني انا كنت عندما احفظ اشعر انني نسيت كل شئ ..ومع ذلك في الباك اجبت بكل سهولة ..والحمد لله ..

بالنسبة للاجتماعيات اخذت 17 ...وكنت كذلك نحفظ ونحس اني ماحفظتش بصح يبقى هذاك مجرد شعور ..يعني نقلك كي تكوني تحفظي وتحسي روحك نسيتي را ه امر عادي طول ..وننصحك كذلك ديري الوضعية على شكل فقرة مش على شكل نقاط ..

بالنسبة للعلوم حقيقة لن الوم نفسي ..لانني اجبت على جميع الاسئلة وفي وقت قصيرة وكنت متأكدة ان نقطتي لن تقل على 18 ..وعندما رايت الاجابة النموذجية زاد فرحي لانني قارنتها باجابتي فوجدت تقريبا كل شئ صحيح ماعدا بعض الاسئلة الطفيفة ....يعني العلوم ماكنتش خايفة منها خلاص وخاصة ان نقاطي في الفصول كانت فوق 18 ..بالرغم من تشديد الاستاذ ..ومن بعد في الاخير ما عرف وش صرا دييت خسارة 12 ....وكلي ثقة ان هاذي مش نقطتي اظنو كان خطأمن عند لي صحوا..ولكن على كل حال الحمد لله ....

بالنسبة للانجليزية دييت 17...وارتكبت خطأ بسيط بسبب تسرعي ...بالاضافة الى انهم ظلموني في الوضعية الادماجية ...

بالنسبة للفرنسية ...ماكانتش مركزة عليها لخطراه راني ناقصة فيها صراحة ....بالرغم من اني فهمت النص جيدا وفهمت الاسئلة الا ان اجوبتي كانت خاطئة...على كل حال اخذت 11.5 ..ونصيحتي ليك انك كون تصيبي ماديريش //كومبت روندي// لخطراه مايمدوش فيه وانا ندمت كي مادرتش التعبير خسارة بالرغم من ان الاستاذة نصحنتي بيه ...

بالنسبة للادب ...كانت اجوبتي تقريبا معظمها صحيحة لكن وبسبب تسرعي فقدت للاسف 3 نقاط في التلخيص ماعرف وش صرالي بدل من ان الخص قمت بشرح القصيدة ..وقد اخذت 14.5...

بالنسبة للفلسفة كانت علامتي 11.5 وبصراحة كان مقالي يفتقر للمقولات ولم تكن مقدمتي قوية ..اضافة الى انني لم اقم بتحضير ذلك الموضوع الذي اخترته ...

بالتقريب قتلك كلش ومانسيت والو ..ان شاء الله تستفادي من اخطائي وماتوقعيش فيها ...وربي يوفقك الى المعدل للتتمنايه ..

بالنسبة للعلوم ننصحك فقط بالتمارين وكيما تفهميش حاجة ارجعي للدرس ..

وننصحك تعاودي تحلي كل اختبارتك وفروضك ....وتحاولي تكتشفي الاخطاء لارتكبتيها من قبل باه ماتعوديهاش ان شاء الله .

بالنسبة للمتتاليات راها ابسط مايكون تقدري تداركها بسهولة ..بالنسبة للميكانيك الجزء الاول تع الاقمار سهل جدا وتقدري تتمكني منو ..مي ميكانيك نيوتن صعيب صح ...بصح بالعمل والاجتهاد ان شاء الله تتمكني منو ..

وبالتوفيق غاليتي ارجو لك النجاح من كل قلبي ..

sali bsb pop · 2015-05-03, 15:58

اقتباس:

المشاركة الأصلية كتبت بواسطة ورود العلم

سلام غاليتي ...

ممممممم بصراحة حبيبتي ماننصحكش ديري نقاطي كمقياس لك..بويسك انا درت اخطاء واخطاء ..وندمت عليها وان شاء الله نتوما ماتزيدوش توقعوا فيها كيما التسرع وقلة التركيز ....هاذوا كانوا اهم سببين في نزول نقاطي للاسف ....رغم انكم كما تلاحظون بالتقريب ماكانش اسهل من باك نتاعنا ..على كل حال ..