الجزء 95 ** من واش طيبتي اليوم ** - الصفحة 106

أم ماجد · 2014-11-03, 09:30

صباح الخير عليكم راني نراجع في الصفحات المتراكمة هههههههههههههههه
شكرا للفرحة والمساندة

nihale89 · 2014-11-03, 09:36

صباااااح النووووور حبيباتي
اليوم عرضت دار شيخي يفطرو عندي
راني عقابها ههههه

kaouka · 2014-11-03, 09:37

صباح الخير نهال وام تاجو سماسم اﻻمنياتaya ام ماجد وش هد وين نضتو كنتو خخخخخخفشش

أم محمد تاج · 2014-11-03, 09:45

احلى صباح ام الجووووود والله قلنا من الفرحة دخلتي في غيبووووبة خخخخخخخخخخ ومولات الكوزينة راهي الحبيبة ام اماني قالت استناوني

zahra30 · 2014-11-03, 09:52

صباح الخييير وان شاء الله تكونو كااامل بخييير
بغيت نشكر حبيبتنا ام سراااج على حسن الاستضافة وربي يباركلك في دارك واولادك ومالك واهلك كنتي معانا خطوة خطوة ولو بالتشجيع والكلام الحلو يالغالية
راجعت الله يبارك فيكم على واش طيبتو وحطيتو واللي ما حطوش ايضا ربي يبارك في موائدكم يااارب
ام اناسووووو قاطواتك هايليين بصح ساعفي روحك اذا كان انتي اللي راكي تخدمي راح يرجع عليك بعد الزيادة وبصحتكم ومواااح لسلمى والبنات اللاخرين
المازة مواااح على الكلام وعلى الصفحات اللي كثرتيهم ههههه ربي يحفظك ويجيبلك وقفة ساهلة ولكل الحواامل يااارب
البارح واليوم صايمين ولولاد نسقد فيهم على الغدى ههههه وعشانا كان الشخشوخة والسلاطة ووووواللواحق والحمد لله واليوم بغيت ندير الرولي انتاع الدجاج باللحم اذا قدرنا ربي ام سراااااج طريقتك في التلتلي ما شاء الله هااااايل بصحتكم

ام اماني راني معاك في الملاحظات وان شاء الله تتعدل الحالة وحليلنا باب كوزينتك ندخلو رانا كثرنا فيها اهنا هههههه
اللي مريض ربي يشفيييه والحوامل ربي يجيبلهم وقفة ساهلة ياارب واللي مهموم ربي يفرج عليه من باب واسع وانا معاكم محتاجة للدعاء هذا متحرموناش منو في هذيه الايام الفضيلة وربي يقبل منكم ومنا صالح الاعمال والدعاء

kaouka · 2014-11-03, 09:58

ام ماجد معليش تروحي لدردش نحتاجك

lahna moka · 2014-11-03, 10:07

صباح الخيرات حبيباتي الحلوات
أم أماني كلامك كلو صح بارك الله فيك نقص بزااااااف النشاط و المنافسة في أقسام الطبخ نتمنى يعود كلشي كيما كان و أنا أول من يساند هاذي الفكرة , الله غالب برك النت في داري ماكانش بصح فالويكاند ان شاء الله نزهو الحالة بالوصفات الجديدة و التطبيقات باذن الله, أرجو كل الاخوات يتفاعلو و تولي الحيوية لقسم الطبخ الراااائع
راني رايحة دوكا لداري, كنت نتمنى نفتح الكوزينة الجديدة بصح الله غالب أم ماجد على بالها بالقصة زيد اذا حليتها ما نتواجدش معاكم لذا خلوها فالعطلة ان شاء الله
هاذو اللي درتهم لبارح كي تحل الكوزينة تاع أم اماني أمانة نقلوها لتما و قولولها هاذا باروك لهنا لكوزينتك الجديدة
أولا هاذو حلويات جابتهم ماما من وحد العرس ربي يحلي أيامكم

سفنج ممممممم جاني رووووعة

شوفو من الداخل

العجينة المورقة يااااااااااااا شحال فرحت بيها و نستمتع كي نكون ندير فيها صراحة

صابلي بصح مازال ما زينتوش

كاب كاك الشكلاطا ممممم

أغروم اللي هو الكسرة

أيا تهلاو في رواحكم و أستودعكم الله الذي لا تضيع ودائعه

ام سهام 02 · 2014-11-03, 10:26

اقتباس:

المشاركة الأصلية كتبت بواسطة lahna moka

صباح الخيرات حبيباتي الحلوات
أم أماني كلامك كلو صح بارك الله فيك نقص بزااااااف النشاط و المنافسة في أقسام الطبخ نتمنى يعود كلشي كيما كان و أنا أول من يساند هاذي الفكرة , الله غالب برك النت في داري ماكانش بصح فالويكاند ان شاء الله نزهو الحالة بالوصفات الجديدة و التطبيقات باذن الله, أرجو كل الاخوات يتفاعلو و تولي الحيوية لقسم الطبخ الراااائع
راني رايحة دوكا لداري, كنت نتمنى نفتح الكوزينة الجديدة بصح الله غالب أم ماجد على بالها بالقصة زيد اذا حليتها ما نتواجدش معاكم لذا خلوها فالعطلة ان شاء الله
هاذو اللي درتهم لبارح كي تحل الكوزينة تاع أم اماني أمانة نقلوها لتما و قولولها هاذا باروك لهنا لكوزينتك الجديدة
أولا هاذو حلويات جابتهم ماما من وحد العرس ربي يحلي أيامكم

سفنج ممممممم جاني رووووعة

شوفو من الداخل

العجينة المورقة يااااااااااااا شحال فرحت بيها و نستمتع كي نكون ندير فيها صراحة

صابلي بصح مازال ما زينتوش

كاب كاك الشكلاطا ممممم

أغروم اللي هو الكسرة

أيا تهلاو في رواحكم و أستودعكم الله الذي لا تضيع ودائعه

:1 9:

ام سهام 02 · 2014-11-03, 10:09

السلام عليكم ورحمة الله تعالى وبركاته ويوم مبارك وموفق للجميع

حبيت نشكر ام سراج على حسن الاستضافة وربي يعطيك ما تتمناي قمتي بينا ووجبتي معنا بالردودك الطيبة المشجعة الف شكر

منيش مراجعة كنت عند اختي ضيفة حتي البارح في الليل رجعت وكدخلت باه نراجع المنتدى كان ثقيل و اليوم راني صايمة مع زوجي هو ثاني صام البارح وبديت انطيب راه الشربة اطيب ومازال ما عرفتش واش انزيد معها

*سالي* · 2014-11-03, 10:16

rabi ydimha ni3ma 3lina kaaaaaml

الأمنيات · 2014-11-03, 10:16

تبارك الله اختي لهنا يعطيك الصحه كل شيء هايل
ممكن وصفه السفنج خرج هايل

lahna moka · 2014-11-03, 10:31

الامنيات حبيبتي ربي يحفظك ووصفة السفنج بعد ما كانت عقدة منو اليوم الحمد لله بصح قبل ما نتزوج درت بيه حااالة راكم عاقلين؟؟؟ حطتها أم يسرا في وصفات الحراير تفضلي
https://www.djelfa.info/vb/showthread...362108&page=53
أم محمد سكرتي الحلوة عينيك الشاااابين غاليتي و بارك الله فيك على الدعوات الرااااااائعة, وعلى العجينة المورقة درت 1 كغ فرينة و 500 غ زبدة التوريق. و أكيد فرحااااانة بزاااف كي تعيطيلي هاكاك و ان شاء الله من فمك لربي

أم محمد تاج · 2014-11-03, 10:16

روحي لهوووونة ياعروستنا الحلوة الله يوفقك ويهنيك ويمنيك يارب وشي لي حطيتيه رووووعة كروعتك يالغالية وتقرعيجة بريئة شحال نكيلو درتي العجينة المورقة???? وتاعمن الوصفة?????? وحقة راح نبقى نعيطلك عروستنا حتان تجيبي بيبي يااارب ههههههههه

*سالي* · 2014-11-03, 10:18

oum amani m3ak koul l"hak l'montada wla jaaaaf
winhom 3odwatna lfahlat li dima mzahyina

*سالي* · 2014-11-03, 10:27

oum amani m3ak koul l"hak l'montada wla jaaaaf
winhom 3odwatna lfahlat li dima mzahyina