الجزء 85 من واش طيبتي اليوم يامولات الكوزينة - الصفحة 106

scorpionoir · 2014-08-22, 09:58

lyzzabel · 2014-08-22, 10:04

صباح الخير للملتحقات
ميمتي الحبيبة ام رياض صباحك اسعد
داءمة الحمد الحمد لله ربي يتمملها الشفاء و ترجع احسن من قبل امين
Scorpionoir صباحك فل حبيبتي

فطورنا بإذن الله كالامار بالصلصة و الروز و سلاطة و الحمد لله على نعمه

اللهم انت السلام و منك السلام تباركت يا ذا الجلال و الإكرام
و صل اللهم على سيدنا محمد و سلم تسليما

أنواار الإيماان · 2014-08-22, 10:21

صباح الانوااااااااار حبيباتي

واش راكم ان شاء الله يوم مبارك على الجممممممممممممممميع

غدانا كي العادة كسكس راهي دير فيه امي

أم ياسين الزهراء · 2014-08-22, 10:27

صباح الانوار

دائمة الحمد لله وعلى سلامتها

غدانا طعام بالجاج والحمد لله

جمعة مباركة على الكل

Aya69 · 2014-08-22, 10:42

اقتباس:

المشاركة الأصلية كتبت بواسطة om mita

مساء الانوار
اختي انا نخدمها بالمارغرين لكن لازم تذوبيها وديريها في الكونجلاتور حتى تجمد
لما تجمد راح تصفي الماء
انت نحي الزبدة وخلي الماء في الاسفل
واخدمي بيها عادي وهي باردة
لانو السمن مافيهش الماء
نشاله نكون افدتك حبيبتي

أم ميتا شكرا حبيبتي ربي يحفظك ان شاء الله
صباح االخير عليكل وجمعة مباركة
غدايا سباقيتي والحمد لله

أم هنيدة · 2014-08-22, 10:54

السلام عليكم

اخواتي الحبيبات ان شاء الله صبحتوا بخير

غدانا اليوم تليتلي بالدجاج ولله الحمد على نعمه

اختي دائمة الحمد الله يشفي الوالدة الكريمة طهورا ان شاء الله خرجو عليها صدقة فلها تأثير عجيب في الشفاء باذن الله تعالى

اخواتي لي حطوا وصفات الحلويات والمأكولات كلش يشهي الله يبارك فيكم ويجزيكن خيرا

دائمة الحمد · 2014-08-22, 11:01

صباح الخير لكل الملتحقات يومكن سعيد
مشكورات عزيزاتي
غدايا بحول الله كسكسي والف حمدلله
راني اتصلت بعطر وبنت خوها راهي تحسنت والحمدلله وعطر راهي مروحة

kaouka · 2014-08-22, 11:38

هدا غدانا خبيزا محشية تاع نينا ربي يجزيها كل خير تهبل تهبل تهبل دوك راح ندير كسرت شحما لصحباتي قلولي منعرفوهاش رني راح نديهلهم يضوقوها نشاء الله متصبش لمطر برك صحا غداكم كملين

ام الهضاب · 2014-08-22, 11:52

اقتباس:

المشاركة الأصلية كتبت بواسطة دائمة الحمد

صباح الخير لكل الملتحقات يومكن سعيد
مشكورات عزيزاتي
غدايا بحول الله كسكسي والف حمدلله
راني اتصلت بعطر وبنت خوها راهي تحسنت والحمدلله وعطر راهي مروحة

صباح الخير
أحلى خبر سمعتهولنا دائمة الحمد و الحمد لله و الله غير بقيت متحيرا اعليها و ان شاء العاقبة لامك تزيد تشفى يا رب هكذا تكمل فرحتنا ، لقد أصبحنا عائلة واحدة
غدايا مقرونة بالزبدة و الفرماج و دجاج محمر و الحمد لله

ام الهضاب · 2014-08-22, 11:53

كاوكا امممممم تشهي ربي يعطيك الصحة

rahma2014 · 2014-08-22, 12:30

صباح الخير عليكن جميعا وجمعة مباركة لا تنسو الصلاة على النبي اللهم صلى وسلم على خير خلق الله

ادرارية · 2014-08-22, 12:56

اللهم صلي وسم على سيدنا وحبيبنا محمد

دائمة الحمد الله يشافي ليك الوالدة والله يجعلو من تخفاف الدنوب

الله يشافي ابنة اخت عطر

انا ايضا راهي عندي عمتي الكبيرة التي ربت كل اعمامي وعماتي وربتنا نحن ايضا بحكم كنا نسكن في بيت واحد كبير وما حبتش نقولكم كانت في غيبولة لمدة 12 يوم وكنا مقلقين عليها والله متصوروش واستغفر الله كنا ننتظر ....... لكن بقدرالله وطول عمرها الامس فاقت واكلت وسالت على البعض اللهم لك الحمد حتى ترضى ولك الحمد ادا رضيت ولك الحمد بعد الرضى

ام سراج وملاك · 2014-08-22, 12:57

صباح الخير عليكم جمعة مباركة للجميع يعطيكم الصحة واش طيبتو انا غدايا طعام تبالي رانا تقريب اكل متفاهمين اليوم
ربي يشفي والدة دائمة الحمد امين يارب العالمين

nihale89 · 2014-08-22, 13:19

صحة غداكم حبيباتي
الصباح كان عندي ميناج كبيييييير كملت الحمد لله
غدايا عيش بصح ماصورتش ليبيل ماتو
دايمة الحمد ياربي يشفي الوالدة ويطمنكم عليها

انتصار فاطنة · 2014-08-22, 13:20

السلام عليكم جمعة مباركة للجميع وربي يشفى مرضى المسلمين عامة قولوا آمين