Mh47 الجزء الــــ84 من واش طيبتي اليوم - الصفحة 105

بشرى2008 · 2014-08-15, 11:15

ليزا جاو البارح لعشية بابا وماما

scorpionoir · 2014-08-15, 11:16

ام ياسو بصحتكم الشخشوخة .وراني نستنى في التصاور قلبي خرج .
مع زادو قالولي الله يبارك حطة .قتلهم تستاهل عطاها ربي على قد قلبها ونيتها

سعيدة8888 · 2014-08-15, 11:22

بنات انا راني مع مهرجان الثوم
جابو سي السيد 3كيلو وقالي نزيدك
جابوهلهم في العمل يبيعو فيه ب 100 دج للكيلو
راهو نتاع البلاد والله ريحتو دوخ وحباتو كبار روعة
ابعثت منو لماما والباقي رايحة نقشرو ونيبس منو طرف و الباقي نخليه كيما هو

سعيدة8888 · 2014-08-15, 11:24

اقتباس:

المشاركة الأصلية كتبت بواسطة lyzzabel

حقاااا سااااارة الله يعطيك الصحة على الشوا لي حطيتيه لنا فالهواء الطلق ممممممم ،، و بصحتك الجاج حبيبتي راني شفته البارح ،، ربي يشفيك و يعافيك و يعطيك وقفة سااااهلة ياااا ربي امييييين

سعيدة صباح النور ارواحي عندي تفطري

ربي يخليك حنونة والله هي
الليلة سي السيد يبات في العمل مايجيش

ام سراج وملاك · 2014-08-15, 11:24

اقتباس:

المشاركة الأصلية كتبت بواسطة scorpionoir

موناليز هاي ليك البطاطا انا زدت معاها الجاج

بطاطا دائمة الحمد
t]البطاطا ]تنقيها وتقطعيها عادي وتحطيها في غميقة وتعمليلها الثوم مرابي الملح التوابل الي]عندك عصرة قارس والموتارد كمية زيت وتخلطيها وتغطيها وتخليها وحدنص ساعة تشر pهذوكالتوابل]
]من بعد حطي فنجان ماء فالكوكوكط وفنجان زيت وخليهم يسخنو وارمي]البطاطا بكلها بلي معاهاوقلبيها مليح وفطعي فوقها حبة والا 2طماطم واغلقي عليها الكوكوط ونقصي النار ربع ساعة وحلي عليها ا ومسيها اذاكان طابت طفي النار والا ما]طابتش رجعيها تكمل ماتحركيهاش كي تطيب صبيها طول من الكوكوط للصحن يعني اقلبي]الكوكوط راهي تعود زبدة باش ما تتفتتش وزينيها بالمعدنوس

يعطيك الصحة حنونة تبان بنينة بزاف الموتارد عندي ميحبوش راجلي كي نديرو فيها يبان الذوق نتاعو واسمحيلي راني نسقسي بزاف

طالبة الجامعة · 2014-08-15, 11:25

اسعدتن صباحا

طالبة الجامعة · 2014-08-15, 11:26

نراجع وانولي

طالبة الجامعة · 2014-08-15, 11:32

اقتباس:

المشاركة الأصلية كتبت بواسطة islam1aya

طالبة جامعية التكوين في متوسطة الهضبة الجديدة بصح مانعرفهاش قالي زوجي انا نلحقك النهار الاول باش يورلي الطريق وقالي بعدين اتكلي على نفسك وخيار الناس ناس بودواو راكي قريبة عليا
ام الهضاب وادرارية شكرا كلامكم شجعني واكيد فترة ونوالف وهو ان شاء الله يوالف وربي يوفقكم
لهنة انجحت في المسابقة الف مبروك حبيبتي وربي يوفقك
ام اناس صح عشاتكم انتوما ايضا والله يسلمك حبيبتي
ام سهام الله يبارك على الطباق ولا الهندي راه شهاني وشكرا على كلامك المشجع حبيبتي طلعتلي شوية معنوياتي ربي يحفظلك الاولاد
ادرارية عجبتني الماكولات الي حطيتهم خاصة هذك ليكورني اممممم
ليزا ربي يحفك على كلامك الطيب يا عمري ربي مايحرمني منك

الله يسلمك يا ام اسلام انا هذه المتوسطة راني نعرفها قريبة من الجامعة اللي نقرى فيها

على كل بالتوفيق

طالبة الجامعة · 2014-08-15, 11:35

جمعة مباركة يا لبنات
اولا صحا فطوركم
للي طيبت الطعام
واللي شرات من برا غير تبعتنا
حنا طيبنا سريدن في الكوشة الفرن
وبطاطا وشلاضة
وشية فواكه كاين الماء البارد تاااااااااااااااااااااان
المهم نروح دك شوية نفطر
ونولي
وما تنساوش تقراو سورة الكهف وتدعيوووووو
ايا سلاااااااااااام

(+___+")

طير الرحمة · 2014-08-15, 12:08

ر
صحى غداااااااااااااكم لبناااااااااااااااااات
راني درت التعمير نتاع ليزا وجانى يهبل كليت منو شوي بنة نتاعه راااااااااااااااائع
شكرا على الوصفة
سعييييييييييييييييدة رابي يعينك على تقشير التوم

scorpionoir · 2014-08-15, 12:11

موناليز .اممممممممممممم بنينة روعة راني تغديت وجيت نقولك بلي الموتارد يعطيها بنة .نتي ديري فيها مغرف صغيرة برك .
جات طايبة زبدة .مالفة نديرها عادي بصح الموتارد والتوابل خلاتها بنينة .جربيها ما تندميش ولا صقصى قولو مافيهاش بلعطيه

omomnia15 · 2014-08-15, 12:31

سلام بنات وصح فطوركم اليوم فطوري رشتة بالجاج الي اجي تتفضل
مزال مفتحتوش الكوزينة

lyzzabel · 2014-08-15, 12:32

صح فطوركم الشيرات ،، انا قلت نلقى طير الرحمة رافدتلكم البالي و تحاوز فيكم هههههههههههههه
رحمة حسبتي منيتي راني غير نقصر مع البنات باش نديرلهم الكوراج و يفتحولنا كوزينة و نتيا طيبة و كلامك حلو يذوب السكر يعني بالمختصر ما تحتاجيييييش للسكر راكي حلاوة على حلاوة موااااااااااح يا كريمة يا أصيلة ،، و بصححححتك التعمييييير يا عمرييييي على ذيك العمر فرحتييييني اليوم ،، طبقتيلي زوج حوايج و عجبوك ،، شكراااا على الثقة و ماكوووول الهنااااااا حبيبتي

حنا فطورنا فيلي و بقاتلي شوية لابيري مالبارح سخنتها و حطيتها للgروp الاول و كانت عندي شوية بطاطا قليتها حطيتها للgروp الزاوج و زدت لي سلاد و الحمد لله على نعمه حمدا كثيرا طيبا مباركا فيه

اللهم لك الحمد. على نعمك و كفى بالإسلام نعمة
و صل اللهم على سيدنا محمد و سلم تسليما

lyzzabel · 2014-08-15, 12:33

اقتباس:

المشاركة الأصلية كتبت بواسطة omomnia15

سلام بنات وصح فطوركم اليوم فطوري رشتة بالجاج الي اجي تتفضل

مزال مفتحتوش الكوزينة

ممممممممم ام أمنية خليلي هذاك الطبسي راني جاااااااااية ،، نمووووت على الرشتة بصحتكم حبيبتي

omomnia15 · 2014-08-15, 12:39

سلام ليزا ان شاء الله راكي بخير انتي والاولاد ماشي خسارة فيك اراحي نديرلك جفنة بصحتهم لgروpالاكل وانت ربي يقاويك ويفرج عليك قريبا