الجزء **133** من واش طيبتي ليوم

[دائمة الحمد]

[قمر 77]

حبيباتي وحشتووووووووووووووووووووووووووووووووووووني قد السما و الارض مواااااااااااااااااااااااااااااااحات
الميكرو خسرلي و كي خدموه ابوبري ما قدرتش ندخل كلمة السر راحت النتدى نساني وش بيه المنتدى راه خالوطة و ثقيل و الاحجام و الخط ما كاش و الرسائل الخاصة ما حبش يتفتح
حبيت نشكر كل اللي راسلوني فرحت برسائلكم و راكم في قلبي و حتى الليما راسلونيش كاملين في قلبي
ههههههههههه راني ربيت عليكم الكبدة
البنات وش دارو بنياتنا فالباك قلبي معاكم
و كاش اخبار
و المنتدى وش بيه و لا غير انا
راه ثقيييل مووووووووووووووووت

[قمر 77]

ام ما سين سامحيني حبيبتي مبروك الكوزينة دخلت ديراكت ما امنتش انو المنتدى قبلني كنت حابة نشارك في كوزينتك و الله غالب ما سمحتش الطروف العاقبة لكوزينات اخر راكي عرفتي الطريق هههههههههههههههههههههه
البنات كاش اخبار كاش زيادت
ام ياسو قالت الاسرار و لا ما زال
بوه عليا فاتني بزاف

[fleur de lili]

sabah el kheir 3alla jamai3
mabrouk oukhti illysabel 3alla zoujek la3kouba hadja oukra in challah
oum siham raiba rabi yradha 3allkheir oua yachfi bentha oua bent wardette chark amine
rabi chafi benti zinebb

[lyzzabel]

صبااااح الخيييير حبييبااتي و نهااركم طييييب

شكرااا غاليااتي الله يسلمكم و يباارك فيكم و في اياامكم العقوبا لنجاحاات وليدااتكم و بنيااتكم تشوفوهم في أعلى المراااتب ياارب
نسييت شكوون لي سقستنيي شا فوت ،، راه جاب الماجيستيييير و ان شااء الله ناوي على الدكتورااااه

قمووووورتييييي عااااش من شاااافك يا الحلاااااوة هدي غيييييبة موااااااااااح

آيااااات تسلميي حبييبتي و باارك الله فيك على البطااقة الجميييلة فرحت بيها بزاااااااف ربي يحفظك

انواااااار كي رااكي يا بسبووووسة بصحتك الرااحة ،، استحقييتك اليوميين لي فااتوو و نتيا اختفييت خخخخخ و الصور راهم فالصفحة102 لاكاان نجمت تشوفييهم انا الصفحاات من ياامس يآفيشولي اول رد فقططططططططط

سمسووومتيي بصحتكم البيض المقليي و ربي يوفق زوجك و يفرحكم بأحلى خبر ان شااااء الله

سكروووورتييي سلمييلي على عجوووزتك و بصحتك الشيااخة كيما تقولوو و ردي باالك مالعجاائن هههه

ام يااسوو بصحتكم الشاورماا ممممممم ،، و ربي يشفيييييك و يخلييييك على الدعااااء و لك بالمثل يا الغاااااالية

ام سراااااج سلمي على ام ماسيييين و قولييلهااكوزيينتهاا فااتت رووووعة و خاااصة اننا سمعنا فييها الأخبااار المفرحة ربي يدومهااا ان شااااء الله

ام الجووود ما باانتش ولا راني غاالطة

حقا داائمة الحمد كنت حااسبة غيير انا لي ما نبغييش مين ن ع يقعدلي فالداار اتاريينا قااع كييف كييف هههه ربي يخلييلنا ازوااجنا و يحفظهم و يحمييهم من كل شر اللهم آمييييين


فطوورنا روووز بالجااااج و سلااطة و الحمد لله على نعمه


اللهم ما أصبح بي من نعمة او بأحد من خلقك فمنك وحدك لا شريك لك فلك الحمد و لك الشكر

[ام سراج وملاك]

صباح الخير عليكم كامل
راني نشوف فيكم مزلتو في كوزينة ام ماسين وينهي الشاطرة لي تحل كوزينة لجديدة ام ماسين راهي في طريق جاية لهنا عندنا تطل على وليد خالتي دار عملية على ظهرو طاح تكسر مسكين الفقرة نتاعو تحركتلو يدريوه كسر عادي دارولو سكنار قالولو لازم عملية مسكين قاعد في لبلاصة وماماه قايمة بيه مينوضش خلاص ربي يشفيه ويشفي جميع المرضى انا ثاني رايحة نطل عليه ليوم ونتلقاو كامل ثم
زينب اختي الحمد الله على سلامتك والله دايما راكي في بالي بالشفا ليك

[أم ياسين الزهراء]

صباح الانوار
دائمة ربي يفرحنا بولادنا احنا بكري نكملو الباك وناخذو طريحة ههههههههههههه بنتي جات كاو وعيات ربي ينجحها وانا ماكلاه نهدر

درتلهم الشوارما وجات امممممممممممممممم بصح ماصورتش كانت اعصابي متوترة كيما يقولو رجع علي الباك هههههههههههههههه المهم تهنينا


كوزينتك كانت روعة وخاصة الاخبار السارة اختي ام ماسين وشكرا على الضيافة

الغداء مازال ماقررتش حتى يدخل سي السيد ونشوف

[أنواار الإيماان]

صباااااااااااااااحوووووووووووووووووووووووووووو
كي راكم حبيباتي
كنت غايبه ان شاء الله ربي ينجح كل الممتحنين المجتهدين ويفرح كل الاباء والامهات خاصة فحلات المنتدى
مازالكم عند ام ماسين شكون مولات الكوزينة الجديدة
راني ندير في قلب اللوز نتاع فرح مانعرف كي يخرج
وغدانا طعام

[Simassim]

صباح الخيرات والربح

ليزا مبروك عل راجلك. ربي يفرحك بولظداتك ان شاء الله

السي السيد اليوم تاني عندو. امتحان. . ربي يجيب الخير ويوفقو وجميع

البارح درت كيك مالح للعشا مع بواقي تاع سيمانة ههه. تهنيت منها


اليوم عاد فهمت بلي ام ماسين قريبتك ام سيراج ربي يشافي مريضكم ويصبر والديه ياربفطوري بيض مقلي راني غي انا والصغار زعمة قلت نخمل شوي من الصباح وانا ندور مادزت والو.

.

شكون مولات الكوزينة الجديدة راه عندنا الرعدوالامطار. وانا نموت بالخوف منهم

[malek firdaouss]

المشاركة الأصلية كتبت بواسطة Simassim

صباح الخيرات والربح

ليزا مبروك عل راجلك. ربي يفرحك بولظداتك ان شاء الله

السي السيد اليوم تاني عندو. امتحان. . ربي يجيب الخير ويوفقو وجميع

البارح درت كيك مالح للعشا مع بواقي تاع سيمانة ههه. تهنيت منها


اليوم عاد فهمت بلي ام ماسين قريبتك ام سيراج ربي يشافي مريضكم ويصبر والديه ياربفطوري بيض مقلي راني غي انا والصغار زعمة قلت نخمل شوي من الصباح وانا ندور مادزت والو.

.

شكون مولات الكوزينة الجديدة راه عندنا الرعدوالامطار. وانا نموت بالخوف منهم

سيما بصحتك كفاش طلعي تصاور من تلفون

[Simassim]

قمر واش راكي ولش راها بنتك ان شاء الله تكون ارتااحت

انوار الايمان نورمالمون يخرج مليح. كانت تخدمولنا بهديك الطريقة بصخ مت بعد مابقاش يخرجلنا مليح ونسيناها حتى شفت ولدي دخل موضوع تاع فرح فكرني بيه

[أنواار الإيماان]

اهلا سمسومة ان شاء الله يخرج مليح راه يطيب
رمضان لي فات كامل اهلنا ذوقتهم وصفة ليليا تهببببببببببببببل الله يبارك فيها
ليزا مبروووووووووووووووووووووووووووووووووك وين راه القاطو لي خدمتييه

[zahra30]

[أم محمد تاج]

صباحوووو حبيبات الروح وجمعة طيبة
رايحة عند عجوزتي الغالية في أمان الله
مواحاااااااااااااتي ليكم اتقاسموهم وماتتدابزووووووش راهم بزاف بالجغابل واللعابااااااااااات
وينهي ام الجووووود ياخي اليووووم الجمعة

[~اسيل ريحانتي~]

صباح الخير مازلتو هنا ؟
لاماتفاهمتوش شكون لي يفتح الكوزينة نفتحها انا والصلاة على النبي واش رايكم