وصفات حراير الكوزينة الجزء الثاني

[racha2015]

روووووووووووووووووووعة

[أم محمد علي]

الحلقومة :حبات ليمون نأخذ العصير (أو برتقال لك الإختيار أنا نحب الليمون )
+2بشور تع الليمون
+لتر ونصف ماء عادي
+200غ ميزينة (حوالي 10 ملاعق كبار)
+سكر عادي حسب الذوق
حركي كل المقادير
وضعيها فوق النار وحركي بملعقة خشبية حتى تعقد
فرغيها في صينية
وخليها تبرد مليح
ثم ضعيها في الثلاجة
حتى تبرد
أنا شخصيا استعملت نصف المقادير ودارت خير ربي
ها هي الصورة والمول الذي استعملته
حقيقة رووووووووووعة
بزاف حتى أصبحت نحبها بزاف
خاصة لمحبي الليمون

[idron0]

تبيخة الفول والبدنحال ام حمزة 22

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.


إضغط هنا لرؤية الصورة بحجمها الطبيعي.

[idron0]

الروز بالحليب lyzzabel

[idron0]

خبز المطلوع ام رحاب

كيلة سميد رطب و2 كيلات فرينة و3مغارف زيت و2 مغارف لحضة وانحط شوية سانوج وشوية حبة حلاوة وانعجنهم مليح وانخليهم يخمرو وكي يخمر انعاود انحبطلو الخميرة وانعاود انقرصو وانخليه يخمر وكي يخمر انحط الطاجيت تاع الطين وانطيبو وهادا مكان وايلا عندك البيتران اعجنيه بالبيترا اجيك خفيف تاني .

[idron0]

الزرودية المشرملة ام رحاب

انقي الزرودية وانقطعها مدورة
انجيب طنيجرة انحط فيها الدرسة حمرا يعني الثوم وفلفل ادريس والملح وانحط العكري وورقة رند وحدة وانحط كمون وانقلي مليح وانحط طماطم مصبرة مغرفة كبيرة وانخليهم يتقلاو غير شوية وانحط الزرودية وانغلق عليها وانخليها اطيب وهي لازم ماتمرقيش بزاف الزرودية ماتشربش الماء مرقي عادي وخليها اطيب وكي اطيب قطعي فوقها الحشيش المقطفة وشهية طيبة لازم اتكون المرقة عاقدة باه اجيك بنينة.

[idron0]

تشكشوكة بالفلفلة lyzzabel

[كريمة الجزائرية 48]

كلكم رووووووووعة انتو واطباقكم هههههه

[idron0]

السباغيتي انا هي رزيقة

في مقلاة تيفال عميقة نحط فيها نصف راس كبير ثوم مدقوق مع فلفل اكحل و شوي فقط قرفة و ملح و راس ملعقة صغيرة زعتر مطحون مع راس نفس الملعقة فلفل عكري و زيت و ورقتين رند و نقلي الكل بصح قيس برك ما تشمي ريحة الثوم بلاكي تخليه يتحرقلك..خخخخ ثم ثم زيدي عليه ملعقة كبيرة و نص طماطم مصبرة (هنا على حساب كمية السباغيتي انا دي فوا ندير ملعقتين كبار او اكثر كي نطيب بزاف). و زيدي قلي شوي هذيك الطماطم مع الثوم ، حقا النار تكون من البداية قليلة و هذا هو سر الصلصلة كي تقلي الثوم مع الطماطم المصبرة (تقدري تزيدي حبة طماطم مرابيا كي تقلي الثوم مع الطماطم المصبرة) بعدها مرقي بكاس ماء و خلي الصوص تخثار هي ما تطولش بزاف باه تشوفيها ولات صوص خاثرة و جميلة و مشهية. تكوني طيبتي سباغيتي تاعك في ماء و ملح وشوي زيت و ما تخليهش يطيب بزاف . تصفيه في كسكاس و تفوتي عليه شوية ماء بارد باه يورح النشا الزايد و تم تم رميه في الصوص و خلطيه مليح فيها حوالي دقيقتين و هي على النار . و هكذا يكون عندك سباغيتي تاع الزربة ساهل و بنين و صدقيني حتى أطفال العائلة يعجبهم بزاف. دي فوا نرميلو حباة زيتون اسود في الاخير يعطيلو نكهة خاصة .

إضغط هنا لرؤية الصورة بحجمها الطبيعي.

[idron0]

صابلي اقتصادي oum islem

2بيض و1 م ك مرغرين طرية وكاس ناقص سكر كريستاليزي
نضربهم مليح بالباتوغ ونضيف كاس زيت بالتدريج زاست ليمونة وفاني
وكاس نشاء ورشة بيكاربونات وكيس خميرة ونجمع الخليط بالفرينة
نلصقهم بخليط معجون وحلوة الترك وكوكاو محمص ومرحي وندير الشكولا للتزيين.


إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.



إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

تارتولات بكريمة الليمون chez biba

مقادير العجينة (هزيتها من مدونة ام أماني وجاتني هايلة)
نحتاج الى 250غ فرينة
و125غ زبدة او مرقرين باردة ومقطعة الى مربعات صغيرة
م ك 2 سكر رطب
م ك 2 زيت
م ك 2 حليب
صفار بيضة
فاني

الطريقة:
في جفنة نضع كمية الفرينة والزبدة ونبسسها جيدا ثم نضيف ثم نضيف السكر والزيت والفاني ونحرك ثم نجمع العجينة بصفار البيضة والحليب دون عجنها.
نغطي العجينة ونتركها ترتاح في الثلاجة.
بعدها نبسطها في القوالب الخاصة بالترتولات ونثقبهاثم ندخلها للفرن تنضج على 180درجة.

اما مقادير الكريمة:
2 كيسان حليب
مبشور 2 حبات ليمون
ربع كاس سكر عادي
نغليوهم في كسرونة ونصفيوه
من جهة اخرى نخلطو
4 صفار بيض
ربع كاس سكر عادي
عصير 2 حبات ليمون
4 م.ك مايزينة
نخلطو هم مليح ونصبو عليهم خليط الحليب الساخن بالتدريج ونرجعوهم فوق المار حتى يعقدو وكي طفي ديري قطعة صغيرة زبدة وخلطي مليح
عمري لي تارتولات تاعك بالكريمة وخليهم يبردو
زينيهم من فوق بميرانق لي هي عبارة عن: 4بياض بيض كالثلج + 8 م.ك سكر قلاص خلطيهم مليح بالباتور حتى يحكم روحو .. ديريه في لا بوش ادوي وزيني حسب الرغبة
قدميها باردة وبالصحة ولهنا .

إضغط هنا لرؤية الصورة بحجمها الطبيعي.

[كريمة الجزائرية 48]

بارك الله فيكم على الوصفات

[souso07]

صباح الخير تعيشو خياتي كانت وحدة حاطة و صفة تاع بسبوسة بالياؤرت تاع لفراز لي عندها تحطهالي محتاجتها شكرا

[idron0]

تارت التفاح انا هي رزيقة

انا استوحيت الوصفة من اختنا ام سهام البيسكوي هو مبدئيا كيك الياوررت لي فيه 3 بيضات و باطة يا وورت و بنفس مكيال الياوورت تزيدي في البيض مكيال و نصف سكر و تخلطيهم مليح و كانها جينواز هنا سر البيسكوي ثم تزيدي نفس الكيلة ناقص اصبع زيت ثم الياروورت دائما مع الخلط ثم بالسباتولا تزيدي 3 كيلات(اي باطة الياوورت) فرينة مغربلة مع باكي خميرة كيميائية
تكوني وجدتي المول تاعك فرشي القاع تاعو بالكراميل و ستفي ساير داير شرائح التفاح تكون خشينة شوي و فرغي عجينة البيسكوي عليه انا استعملت مول 26 سم باه ما يجيش البيسكوي عالي كي يطيب البيسكوي و يتحمر من فوق تم تم لازم تقلبيه على طبسي مسطح بشوي برك باه ما يعقدش الكاراميل انتي و شطارتك ... خخ
و بعد ما يبرد زيدي زينيه بالكراميل و هو فعلا بسكوي بنين جدا سورتو كي يكون بارد اممم

إضغط هنا لرؤية الصورة بحجمها الطبيعي.

[idron0]

المشاركة الأصلية كتبت بواسطة souso07

صباح الخير تعيشو خياتي كانت وحدة حاطة و صفة تاع بسبوسة بالياؤرت تاع لفراز لي عندها تحطهالي محتاجتها شكرا

ماشي هادي

https://www.djelfa.info/vb/showthread...12996&page=103
رقم المشاركة : 1537