الى ام اسيد1 وكل وحدة حاصلة واش الطيب - الصفحة 105

روح مراد · 2014-12-20, 12:23

صباح الخير أم اسيد واش راكي؟
كيفاش جوزتي الجمعة؟ أنا كيما العادة بين شغل اللي عمرو ما يخلاص فقط البارح غيرت شوية من المعتاد نضت بكري طيبت عدس فطور و عشاء على جيه و حضرت مقروط و مسمن من بعد رحت لدارنا قعدت ساعة فقط و رجعت لداري كملت باقي الشغل من غسيل الملابس و تسياق و كي كملت على العصر قلت نريح شوية سلفتي عيطلتلي نشرب عندها قهوة و من بعد جا راجلي جابلي 2 جاجات نقيتهم غير كملت وقت العشاء و خلاص النهار بلا منغمض عيني راني مديتلك تقرير مفصل
و نسيت باش نقولك تاني بايتة ليل كامل و أنا نضارب على التلفزة أنا نقولو طفيها و هو يقولي لالا هذا نموذج من يومي
أختي أم حمزة يوم سعيد بصحتك التحواس و الححديقة هاذي تبان شابة وين بالضبط

ام حمزة22 · 2014-12-20, 13:05

وعليكم السلام اختي ام اسيد واش راكي واش راهم اطفالك

شكرا حبيبتي روح مراد انا راني في حديق التجارب بالحامة

روح مراد · 2014-12-20, 13:45

بصحتك حوسي مليح اليوم شباب صح نتاع تحواس

ام حمزة22 · 2014-12-20, 19:06

الله يسلمك اختي روح مراد مشكوووووووووورة
راني جبتلكم بعض صور الحديقة درك نبعتهلكم

غزالة الصّحراء · 2014-12-20, 21:24

ويخلق اللّه مايشاء . فسبحانه وحده لاشريك له. هايلة ، روعة. أم حمزة22 الغاليّة إن شا اللّه اتكوني قضيتي أمتع الأوقات في هذيك الحديقة الأكثر من روعة. وأكيد بالك ارتاح وأنتي فيها. وأكيد أديتي معاك الفطور وإلاّ القهوة؟ واش أنقولك يا أم حمزة22 عصير البرتقال والجزر دار حالة في دارنا. من كثرة أعجبهم. أنساو ماخلاوليش حقي. أنا ذقتو برك لما كنت أنحضرو. يعطيك الصحّة على الطريقة. راني أبعثت لك الرّد في قسم التّطبيقات. ربّي يحفظك.

joujou2014 · 2014-12-20, 21:32

يعطيك الصحة على المجهودات ويحفظلك وليداتك ويفرحك بيهم و يرزقك الجنة ان شاء الله راني جربت غراتان الشفلور و البطاطا جا هايل حبيت تقوليلي كيفاه تطيبي السلق فالفور

nina mima · 2014-12-20, 23:17

السلام عليكم شكرا الاخت روح مراد و ارجو من كل اخت عاملة تقلنا كيف تنظم وقتها

صدفات · 2014-12-21, 10:16

صباحكم سعيد حبيباتي توحشتكم بزاف أعتذر على الغياب النت راهي مقطوعة عندي في البيت
روح مراد ما تعبيش روحك بزاف حاولي تستحفضي على روحك راه هذا الجهد كامل تحتاجيه في المستقبل لما ربي يرزقك بالأولاد و هم لمحتاجينك فعلا تلقاي نفسك ستهلكتي كل جهدك و صحتك .
أم حمزة حبيبتي بصحتكم التحويسة ماشاء الله بلادنا فيها أماكن روعة ديما نروح لالعاصمة و لكن عمري ما رحتلها.

و العصير نتاعك راني درته خرج شباب يعطيك الصحة

روح مراد · 2014-12-21, 10:24

صباح الخير لكل الأخوات أم حمزة رجعتيني سنين للوراء أول خرجة لينا مع كل العائلة كانت لحديقة التجارب يوم كنت في السنة الخامسة ابتدائي بابا شرا سيارة و دانا كامل لحديقة التجارب و ين جوزنا نهار كامل و جداتي ربي يرحمها تقولو ازرب رجعني للدار الشجر العالي يخوف هاهاهاهاها
ما خلاتناش كامل ترانكيل في هاذيك كنا صغار غير نجرو برك

ام حمزة22 · 2014-12-21, 13:04

اقتباس:

المشاركة الأصلية كتبت بواسطة غزالة الصّحراء

ويخلق اللّه مايشاء . فسبحانه وحده لاشريك له. هايلة ، روعة. أم حمزة22 الغاليّة إن شا اللّه اتكوني قضيتي أمتع الأوقات في هذيك الحديقة الأكثر من روعة. وأكيد بالك ارتاح وأنتي فيها. وأكيد أديتي معاك الفطور وإلاّ القهوة؟ واش أنقولك يا أم حمزة22 عصير البرتقال والجزر دار حالة في دارنا. من كثرة أعجبهم. أنساو ماخلاوليش حقي. أنا ذقتو برك لما كنت أنحضرو. يعطيك الصحّة على الطريقة. راني أبعثت لك الرّد في قسم التّطبيقات. ربّي يحفظك.

اهلين غزالة شكرا ليك
عودي لالصفحة من قبل تشوفي واش ديت لالنزهة حضرت ساندويتشات و طيبت لاتاي ودينا معانا كوكاو وعصائر
درك نروح نشوف التطبيق حبيبتي بلرك الله فيك

اقتباس:

المشاركة الأصلية كتبت بواسطة joujou2014

يعطيك الصحة على المجهودات ويحفظلك وليداتك ويفرحك بيهم و يرزقك الجنة ان شاء الله راني جربت غراتان الشفلور و البطاطا جا هايل حبيت تقوليلي كيفاه تطيبي السلق فالفور

الله يسلمك جوجو لك بالمتل
مشكورة كل الشكر
شوفي اختي السلق انا ساعات مطيبو مثل غراتان الشفلور يجي هايل وساعات نديرو سوفلي يجي تان روووووووعة

اقتباس:

المشاركة الأصلية كتبت بواسطة صدفات

صباحكم سعيد حبيباتي توحشتكم بزاف أعتذر على الغياب النت راهي مقطوعة عندي في البيت
روح مراد ما تعبيش روحك بزاف حاولي تستحفضي على روحك راه هذا الجهد كامل تحتاجيه في المستقبل لما ربي يرزقك بالأولاد و هم لمحتاجينك فعلا تلقاي نفسك ستهلكتي كل جهدك و صحتك .
أم حمزة حبيبتي بصحتكم التحويسة ماشاء الله بلادنا فيها أماكن روعة ديما نروح لالعاصمة و لكن عمري ما رحتلها.

و العصير نتاعك راني درته خرج شباب يعطيك الصحة

صباحكي اسعد صدفات
حاولي المرة الجاية كي جي للعاصمة زوري الحديقة راهي روووعة هديك الصور جزء بسييييييط من الحديقة

اقتباس:

المشاركة الأصلية كتبت بواسطة روح مراد

صباح الخير لكل الأخوات أم حمزة رجعتيني سنين للوراء أول خرجة لينا مع كل العائلة كانت لحديقة التجارب يوم كنت في السنة الخامسة ابتدائي بابا شرا سيارة و دانا كامل لحديقة التجارب و ين جوزنا نهار كامل و جداتي ربي يرحمها تقولو ازرب رجعني للدار الشجر العالي يخوف هاهاهاهاها
ما خلاتناش كامل ترانكيل في هاذيك كنا صغار غير نجرو برك

انا عكسك روح مراد انا عمري مادخلتلها كان الاب نتاعي ربي يحفضو ما يخرجنا ما يحوس بينا مع ان رانا في قلب العاصمة حتى تزوجت باه وليت نخرج مع زوجي ودرك وليت نروح مع خواتاتي ناخدو ولادنا يحوسو نجوزو نهار كامل

روح مراد · 2014-12-21, 13:23

أنا عكسك تماما كنا نخرجو و نحوسو حتى كي كبرنا بقينا كامل نخرجو و لكن بعد زواجي والو فقط 15 يزم الأولى من الزواج اللي خرجت فيهم و من بعد ملي رجعت للدار و احنا كاش نهار نخرجو كاش نهار نخرجو مازال ما شفناش الخرجة
سلام لكل الأخوات الغايبات

غزالة الصّحراء · 2014-12-21, 13:30

اقتباس:

المشاركة الأصلية كتبت بواسطة ام حمزة22

سلام
واش راكم لبنات مابنتوش اليوم ان شاء الله المانع خير

اليوم طيبت كسكس وفي الغد ماراحش نكون حاضرة لان راح ناخد بناتي يحوسو نروحو للحديقة مع خواتاتي
راح نحضر خبز الهمبرغر باه نوجد ساندويتشات في الغد ونحضر الشاي ونحمص الكوكاو
راح نجوزو يوم كامل في الحديقة
اترككم في رعاية الله وحفضه

ماشاء اللّه عليك ياشاطرة ربّي يحفظك ويصونك ويصون لك أولادك. وبالصحّة والعافيّة عليكم الأكلات ألي صنعتهم يدّ لحنينة لولادها. وان شا اللّه اتسليتوا واستمتعتوا بالقعدات تحت هذيك المناظر الأكثر من روعة. حبيت أنسقسيك، كيفاش اتحضري الهمبورقر. واللّه غير أصباح جربيت طريقة فلة بنصف المقادير ، خايفة ماتنجحليش نظرا لمشكل البرودة راني دخلت الصينيّة داخل الفور ومازال ماطيبتهمش. في رعاية الرحمن

hayette82 · 2014-12-21, 14:25

Ana andi 3 snin man rohtalha hayla nafs amakn mtsawra fihom sawart hda fil whda lhout wkayn blasa banyinha lfransis hayla kolha khadra wlhout mlawan yhabal hadak lam dakhla b 6 alaf lakan mazadouch fiha

صدفات · 2014-12-21, 14:29

اقتباس:

المشاركة الأصلية كتبت بواسطة روح مراد

أنا عكسك تماما كنا نخرجو و نحوسو حتى كي كبرنا بقينا كامل نخرجو و لكن بعد زواجي والو فقط 15 يزم الأولى من الزواج اللي خرجت فيهم و من بعد ملي رجعت للدار و احنا كاش نهار نخرجو كاش نهار نخرجو مازال ما شفناش الخرجة
سلام لكل الأخوات الغايبات

ما تزعفيش روح مراد الأخوات لي بحالك بزاف أنا و أولادي نخرجو في عطلة الصيف و بس نهاية الأسبوع على حساب زوجي لرقاد و لراحة ولادي مساكين حطو السلاح ما كانش لي يهدر على الخرجةربي يهديهم

روح مراد · 2014-12-21, 14:58

هاهاهاها و الله ما زعفت يا صدفاتما نكذبش عليك أنا كنت شابعة تحواس يعني عادي مام إلا ما خرجنيش ما عندي حاجة