الجزء 136 من واش طيبتي اليوم *فلنغتنم عشر المغفرة*

[wahibaazel]

السلام عليكم
حبيبااااتي كيف الاحوال توحششششتكم النت انقطعت وراني من الهاتف كيف الاحوااال ،الحواااااااامل كيف حااالكم مع السخاااانة ربي يقدركم كااامل.
حبيباتي كاش رويات انتاع لي قاتو ،والله ماني حابة ندير العشر الاواخر ونزيد الهرج انتاع القاطو ،جاييني ضياف بعد العيد ،ولازم نعمل شوية قاطو لوالدتي جاية من العمرة لكن بعد العيد ،اما ليا البنات طلبو بقلاوة وتشاراك والنقاش وخممت في قاطو الكورني لام اماني ونخمم .
هل من وصفات اواقتراحات ساهلة غير مكلفة وتحمر الوجه راني نطلب في السهل الممتنع.
صح فطوركم لي عودة باذن الله ،

[الرجاء الاماني المجد]

مبروك ام طيري الجنة نجاح ابنتك وعقبال للبكالوريا وربي دائما تبقى متالقة وناجحة وصح فطورك

[ارزاق]

مساء الخير اختي وهيبة عندك الحق انا كل رمضان يروحو العشر الاواخر غير مع الحلويات وهما ايام لا تعوض لذا قررت انو نعمل 2او 3 انواع فقط و في القائمة تشاراك او عرايش بالعجينة السحرية صابلي ام اماني بالنيسلي وقاطو المنقوشة ايضا لام اماني المهم نوعو في الحلوي بين المعسل والمطلي و بالكوكاو لا غير والصح في البنة

[حياتي نبع امل]

شكرا ام ياسو بارك الله فيك
اللي ماجربوش القوارب تاع الهام يجربوهم خرجو يهبلو

[حياتي نبع امل]

وهادى تارت الفلان تاع فلة فود ارت. روووعة وخاصة كى تبات تصبح تحفة

[ladymillion]

السلااااااااااااااااام حبيباتي خلصت الفطور مزال البوراك برك راهو يطيب في الفور درت اليوم جاري فريك+ كسرة خميرة+ اوردوفر+زدت درت معقودة بصوص بلونش ههههه ودرت حميص ويديا راهم يحرقوووووووووووووو من الفلفل حار وااااااااااااااااااااااااااااااااااااااع
المهم لبنات بصحتكم واش طيبو وصح فطوووووووووووووووووووركم الصور مايبانوليش كامل
حياتي كلها امل سخفتيني في تارت فلون تهبل ماشاء الله تاكلوها بالصحة ايعثيلي طرف خخخخخخخخخ

[om kamilia]

السلام عليكم ورحمة الله وبركاته
دخلت مع العرووسة ليدي ايمانو ,, و الله ماعلبالي ,الف مبرووووووك ومبروووووووك الحمل رب يتمم لك بخير

[om kamilia]

[color="rgb(75, 0, 130)"]حياتي امل بصحتك التارت و قوارب , دوك نحمل صور ونولي نشوف اخباركم[/color]

[أم ياسين الزهراء]

اممممممممممم حياتي التارت تهبل تعرفي كل مانديرها زوجي يقلي خير من تاع برى الف مرة فعل روعة وبنينة وهايلة بصحتكم

اهلا ليدي صحى فطوركم يديك ادهنيهم بزيت الزيتون

ام كاميلا ليك وحشة واش راكي

الرجاء وهيبة وارزاق وكل البنات صحى فطوركم

سماح بنتي كوزينك هايلة وخفيفة وحرت كيفاش كملت بلخف الله يكملك ولعقوبة لكوزينة دارك وربي يجعلها عامرة بالخيرات


وردة كنت حابة تفتحي كوزينا يالله غاولي رانا في الزنقى نطايشو

[أم أيوب 11]

السلام عليكم ان شاء الله تكونو كامل بخير ولي مريض ربي يشافيه

اختي حياتي كلها امل الله يعطيك الصحة وياليت تحطيلي رابط تارت الفلان

[om kamilia]

[COLOR="rgb(75, 0, 130)"]هذا خبز الفوكاشيا لزينوبة رائع وجبة كاملة مليح للتحويسات و الخرجات قدام لبحر و يشبع لذيذ[/COLOR]

[ladymillion]

ام كاميليا بارك الله فيك الله يهنيك حبيبتي
ام ياسو مالا كي نكمل ندهنهم وزيد السخانة ياشومي تشويت المهم مشكورة لحبيبة وبصحتك المحشي وقلب اللوز ممممممم
صح فطوركم كااااااااااااااااامل لبنات

[om kamilia]

وهاذو قوارب الهامو الحبوبة بنان يعطيهك الصحة و عجينة لي بقات درت ميني بيتزا و الاخرى خبيتها في المجمد جبدتها درت بيها افخاذ كذابة , دوك شوية نقليهم باه يقعدو مقرمشين

[om kamilia]

راجعت يعني شوية شوية يعططيييكم الصحة كلشي فور
اكيد راكو مع نجاحات ولادكم رب يبارك و يزيد يفرحنا بصحاب الباك
عرايس الحوامل ربي يهنيكم و يفرحكم
حوامل ياحوامل بلعقل ربي يقدركم على الصيام ربي يشافي عطورة ووالديها
اورييسيا واش اخبار جدك ان شاء الله تحسن
ام آية مرحبا بيك واهلا راكي طولتي علينا وومببرووك ععليءك الحمل ربي يتمم لك بخير , هههه بقيت غير انا وام نسرين ربي يرزقنا ويولي قسم مطبخ الحوامل ههههه
الهام اهلا بعودتك وعودة قوية ربي يرزقك الزوج الصالح انت وعزوفة وبشرى وكل العازبات

[حياتي نبع امل]

وعععععععع ليدي مالقيتى ما تتشهاي تتشهاي ف تارت الفلان دوك تبقى ف رقبتى ،نظن ام ياسو تسكن قريبة ليك ،ونعرفها مولات واجب دوك تديرها وتبعتهالك. ،ياك هكدا ام ياسو ،صح بنتها تهبببببل يعطيها الصحة فلة وربي يجازيها
ام كاميليا بالصحة والراحة
ام ايوب دوك نجيبلك الرابط