اقتباس:
المشاركة الأصلية كتبت بواسطة lyzzabel
اختي فضولة تفضلي الوصفة الثانية تاع الحريرة
في قدر حطي قطع اللحم الغنمي تتلقى مع شوية زيت و حطي عليه زوج حبات بصل مشي مقطعين خليهم صحاح و تكوني موجدة خليط من التوابل لي هي زوج م ص كروية،ربع م ص كبابة مطحونة،ربع م ص كركب مطحون ،ربع م ص فلفل اسود ،تقريبا م ص قرفة مطحونة ،نص م ص قصبر يابس و مطحون تلقيه عند العطار و إذا ما عندكش ما تديريش،نص م ص زعفران ،هاذو كامل تخلط يهم و تحطي منهم زوج م ص في القدر و زيدي الملح ،ثلاث أغصان كرافس و ربطة قصبر و تكوني موجدة حفنة عدس طايب على جهة مممم
مرقي بالما و خلي اللحم يطيب
مين يطيب اللحم صفي المرق تاعه و ديري في نفس القدر م ك سمن ولا مارغرين تذوب و رابي عليها اربع حبات طماطم و م ك طماطم مصبرة قليهم شوية و عاودي فرغي عليهم المرقة لي صفيتيها و ضيفيلها لتر ماء و زوج مغارف ص من باقي خليط التوابل و خليها تطيب ربع ساعة ،و ما تنسيش تذوقي الملح و في وعاء ديري نص لتر ماء تقريبا أو اكثر على حساب كمية الحريرة لي راكي باغيتها ديري فيه حوالي خمس مغارف كبار فرينة مغربلة و خلطي مليح بالفوي و فرغي على الحريرة غير بالشوية مع الخلط المستمر باش ما تديرش كويرات بعد ما تكوني نحيتيها من فوق النار خلطي مليح و رجعيها على النار تغلي و ضيفيلها العدس الطايب و اللحم مقطع قطع صغيرة نقصي عليها النار وخليها ربع ساعة و من بعد أرمي عليها كمشة تاع فارميسال و حركي و خليها تطيب عشر دقائق اخرى و طفي و قطعي فوقها قصبر رقييييق و زيدي عصرة ليمون مممممم
بنتها رووووعة هاذي تاني نديرها بزاف
نتمنى تكوني فهمتي و اي حاجة ما فهمتيهاش قوليلي برك و بالتوفيق حبيبة
|
شكررررررررر حبيبتي على الوصصصصفة وبارك الله فيييك والله كل ما تقولي درت حريرة نحب نسالك على الوصصفة واليوم جابها ربي هه اكييد نجربها قريبا
بصصصح حبيبتي قلتي هذي الوصفة الثانية وين راهي الوصفة الاولى ؟وهل ممكن ندير بالدجاج ؟ شكرا غاليتي
( تقرير عن مشاركة سيئة )، و الموجودة أسفل كل مشاركة .
2014-04-11, 11:30
العرض العادي
