وصفات من حراير مطبخ وش طيبتي اليوم

[زينب 83]

وصفة الفطائر تاع louji omri
السلام عليكم اعتذر عن التاخير فطايري بساط وبنان و الاهم خفااااااااااف
نخليكم مع المقادير :انا درت رطل فرينة _نصف كاس نشا _ ملعقة كبيرة سكر _ ملح حسب المعتاد ما ديريهاش مسوسة الملح يبننها _ نص كاس زبيب اختياري و الله غير يواتيها مرطب مسبقا في الماء _خميرة الخبز درت زوج مغارف كبار بيضة _ ماء دافئ للعجن .
الطريقة : نخلط الفرينة والنشا والملح والسكر وندير الخميرة في الوسط البيضة نخلطها في نص كاس ما باش تدخل مليح و تدوب ونعجن بالماء هو في الحقيقة انا ما نعجن ما والو خلطي برك و اخبطي العجين بيدك من تحت لفوق باش يدخل الهوا ونبقى نزيد في الماء حتى تخفاف العجينة وقسمتها على 2 .نصف خلطت معاه الزبيب والنصف الآخر خليتو عادي ونغطيها ونخليها تخمر العجينة لينة طوووووووول وندير الزيت يسخن مليييييييح ومن بعد نبدا نبلل يدي بالما او الزيت انا تساعدني الزيت ونهز طريف عجين ما تكثريش باش ما تجيش معجنة تحطيه في كف يدك مدهون و تبداي تحلي فيها قد ما تحليها قد ما دجيك مليحة ونحط في المقلة الزيت ما تكثريش ونخليه يتنفخ ويحمار ونقلبو للجهة الأخرى يتحمر النار بعد ما تسخن مليح الزيت نخلوها متوسطة من الاحسن طيبوه علي الطابونة خير من الكوشة عن تجربة وراني هنا كشما احتجتوا وبالصحة ويارب ينال إعجابكم صديقاتي .

[idron0]

البطاطا بالبيشاميل عازفة الناي

نقطع البطاطا دوائر ونقليها شوي في الزيت ( تبقى بيضا ماتتحمرش)
نطيب صدر الدجاج مع البصل و الثوم والرند والزعيترة و توابل و ملح وفلفل اسود وكركم معدنوس ونقليهم مليح بعدها نصب الماء الكافي باه يطيب الجاج.
بعد ما يطيب نصفي المرق .
نقطع الدجاج قطع يعني نفتته .
نحضر البيشاميل
2 ملاعق زبدة على النار و نزيد 2 او 3 ملاعق فرينة نحرك ونزيد 2 ملاعق حليب بودرة من بعد نصب المرق ونحرك مليح باه ما يتكتلش ونزيد كمية من الفرماج ونترك الخليط حتى يتخثر .
في القالب اللي يدخل للفرن نضع القليل من البيشاميل في القاع ونستف البطاطا من بعد ندير طبقة من الدجاج وشوي بيشاميل ونغطي الكل بطبقة من البطاطا واذا بقى من الدجاج نزيد طبقة اخرى و نغطي الكل بالبيشاميل كمية معتبرة . نغطي القالب بالمنيوم.
ندخلها للفرن حتى تطيب و نشعل عليها من فوق باه تتحمر
و شهية طيبة .

إضغط هنا لرؤية الصورة بحجمها الطبيعي.

[ام سراج وملاك]

تيراميسو كلاسيكية ايطاليا selmatitta



انا لي درتها شوفي هذا الباكي تاع اقاطو ليدرت بيه



المقادير

6عضمات و كاس سكر وقهوة طايب ولا نيسكافي
البيضات تخبطي بياض البيض وحدوا حتان يولي حاكم روحوا و مبعدا تخبطي صفار مع كاس سكر ومبعد كي يتخلط صفار و سكر ديري 500غ فرماج ابيض تقدري ديري بتيسويس في بلاصة فرماج تزيدي تخبطهم مليح ولا مبعد تضيفيلهم بياض وتخلطي و مبعد تغمسي قاطو فل قهوة وتحطي فوقها لاكرام و ديري نيسكافي بودرة هادا ماكان

[idron0]

بريوش باللحم المفروم amira43100

هاد المقادير اللي رايحة نكتبها تخرجلنا 8 حبات
لعجينة بيضه نصف ملعقة كبيرة سكر نصف ملعقة كبيرة خميرة الخبز ملح نصف كوب حليب ربع كوب زيت و نجمع الكل بالفرينة لازم تكون العجينة طرية نخليها تخمر حتى يتضاعف حجمها انا نستعمل الكيس المبلل باه نسرع العملية اما الحشو لحم مرحي داويه عادي بالملح و الفلفل و التوابل و الثوم و ادا حبيتي البصل انا ما حطيتش و قليه في شوي زيت حتى يتحمر بعدما تخمر العجينة نزليها و ادا عندك ميزان اوزني كويرات نفس الحجم و ادا ما عندكش اقسمي العجينة على ٢ ثم ٤ ثم ٨ اضغطي على كل كويرة باليد و حطيها في سنيوة مرشوشة بالفرينة ثم خدي الكاس و اضغطي في المنتصف و في هذاك الفراغ حطي الكفتة و فوقها جبن مبشور انا ما كانش عندي ادهني الخبيزات بالبيض خليهم ١٠ دقائق او اكثر حتى يخمرو شوية و دخليهم الفرن
هدا ماكان ساهلة و بنينة تهبببببببببببببببببببببببل.


إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[ام طيري الجنة]

الخبز العربي بالزبادي وصفة زينب


هذا اسهل خبز و طري و بينيين
2 علب زبادي يعني ياوورت طبيعي
كاس و نص فرينة ممكن تنقصي او تزيدي حسب الحاجة المهم العجينة جي طرية و شوي ملح و خلاص
يريح 10 دقائق ، اطرحيه رقيق و طيبيهفي مقله يتفاعل او طاجين لفطير يجي هايل و ساهل لا عجين لاتخمار

[ام طيري الجنة]

تارت الموز للاخت تازا

البسكوي

2حبات بيض

60غرام سكر عادي

60غ فرينة

فاني

ملعقة صغيرة خميرة الحلوة

نضرب البيض مه السكر والفاني تحتي يتكاثف الخليط ويولي ابيض ثم نضيف الفرينة مع الخميرة تكون مغرلبة

وندهن السنية بزبدة ونرشوها بالفرينة وسنية مخصصة لتارت


ونكون قد شعلنا الفرن اكون سخون وندخلوها طيب مراحش طوا حوالي 10د

ولكريمة هي كريم باتيسيار نضن كلكم تعرفموها لانكن شفات الله ابارك

والمز انا ستعملت 2حبات علي حسب التارت

بعد ما طيب نحرجها من الفرن ونقلبها ونضع عليها لكريم ونرصو فوقها البنان

وشهية طيبة

[idron0]

مقروط الشهدة ام ملك

أنا الطريقة لي معتمدتها تاع ثلاث كيلات سميد و نصف كيلة فرينة و كيلة سمن مدينة
بصح هدا مقروط الشهدة لقيتهم خادمينو غير بالفرينة وحدها على جال الخدمة باللقاط باه تبقى في السميد ما تقعدش شادة روحها
لكن أنا درت النص بالنص سميد و فرينة قعدتلي مليحة الخدمة ما خسرتش
و الحشو نصفو درتلو التمر و شوية مارغرين و جنجلان و كاوكاو و ماء الزهر و النصف كاوكاو و سكر و ماء الزهر و شوية مارغرين.





إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[أم ملك]

المشاركة الأصلية كتبت بواسطة idron0

مقروط الشهدة ام ملك

أنا الطريقة لي معتمدتها تاع ثلاث كيلات سميد و نصف كيلة فرينة و كيلة سمن مدينة
بصح هدا مقروط الشهدة لقيتهم خادمينو غير بالفرينة وحدها على جال الخدمة باللقاط باه تبقى في السميد ما تقعدش شادة روحها
لكن أنا درت النص بالنص سميد و فرينة قعدتلي مليحة الخدمة ما خسرتش
و الحشو نصفو درتلو التمر و شوية مارغرين و جنجلان و كاوكاو و ماء الزهر و النصف كاوكاو و سكر و ماء الزهر و شوية مارغرين.





إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

شكرا حبيبتي إيدورنو جامي قلت رايحة نلقى وصفة من توعي هنا و الله أعطيتيني إحساس هايل

[ام سراج وملاك]

كرواصون yasmalak

600غ فرينة
زوج حبات بيض
3 مغاف كبار سكر
2 مغارف كبار خميرة
رشة خميرة تاع الحلوى
ملح
حليب دافي
300 غ زبدة التورييق
ديري الخميرة مع مغرف سكر و زوج مغارف حليب و خليها تطلع مليييح



و من جهة وحدوخرا خلطي الفرينة مع الملح و رشة الخميرة و البيض و زيديلهم الخميرة اللي طلعت و لميهم بالحليب و اعجنيهم مليييييييييييييييييييييح حتى تولي عندك عجينة طريييييييية خليها تخمررر ملييييييييييح
اومباعد حليها مربع و حطي فيها الزبدة



و اغلقيها و حليها و اطويها على 3 كيما نديرو للعجينة المورقة و خطيها فالفريجيدار ربع ساعة
هدا العملية ديريها 3 خطراااات وبسسسسسسسسسس





انا هده درتها فالليل و حطيتها في ساشي و غد منداك لقيتها خامرة هاايلة مي نتي تقدري تديريها سير بلااص
و اخدمي بيها واااش حبيتي
الكرواسون و البتي بااان
و اpain suisse حلي العجينة لمستطيل كبيير و ادهنيه بالكريم باتيسياار و رشيه بالفرميسال و الزبيب انا ما كانش عندي و روليه و اغلقيه مليح شمخي صباعتيك بشوية ماء باش ما يتحللكش و قطعيه لاسطوانات انا قطعتو بالخيط
و هبطيهم شوية بيديك و خلييهم يخمرو مليييح

[ام سراج وملاك]

لي شوصون اماني السلام

450 غ فرينة
مغرفة كبيرة خميرة المطلوع
مغرفة كبيرة سكر
5 مغلرف كبار زيت
قرصة ملح
من 18 الي 20 سل ما دافئ اوحليب حسب الفرينة
خلطي كل المقادير ولمي بالماء اعجنيها مليح حتى تتحصلي على عجينة طرية خليها تخمر مليح وبعدها شكليها وادهنيها بالبيض ودخليها طيب
بالصحة والراحة

[ام سراج وملاك]

تارت om radja
انا طريقتي في لي تارت اني نطيب جينواز في المول المستطيل لي مافيهش حواف يعني ندير كيما البيسكوي رولي و نقطع الشكل لي بغيت وطيبت عجينة مورقة تاني وقطعت منها دائرة
ودرتها هي الاولى ودرت فوقها الكريمة و طبقات الجينواز وكل مرة نسقي و ندير كريمة درت 3 طبقات جينواز
وغلفت بالكريمة
ولي بقالي من العجينة المورقة فتته مليح ورجعته للفور زادو تحمصو شوية ودرتهم في الحواف هاذا ماكان و الله جات خير من تاع برا
انا مانبغيش ندير تارت مدورة ونقسمها بهاذ الطريقة تجي الطبقات مسوية ومتحوفة كيما لي يخدموها برا

[idron0]

بيسكوي بالزبيب ام سهام 02

2حبات بيض+كاس سكر خلطي مليح حتى يتغير اللون +كاس نصو سمن ذابي ونصو مارغرين ذايبة انا زدت معهم الزيت +فانيلا+باكي خميرة + رشة ملح + 100غ زبيب منقوع في ماء الزهر و معصور و جمعي بالفرينة حتى تتحصلي على عجينة طرية خليها ترتاح وحد 1/4 ساعة . شكلي كويرات حبطي الكويرة بالكف تاع يدك و حطيها في السكر مخلط بسكر الفانيليا و ديريها اطيب .

إضغط هنا لرؤية الصورة بحجمها الطبيعي.

[idron0]

كعك الشكولاطة oum yousra

إضغط هنا لرؤية الصورة بحجمها الطبيعي.
.
إضغط هنا لرؤية الصورة بحجمها الطبيعي.
.

7 حبات بيض. 1 كأس زيت كأس و نصف كأس سكر نصف كأس حليب. نصف كأس ماء ورد أو زهر. 2مغارف كبار كاكاو 2 باكيات خميرة نتاع القاطو 2 كيسان و نصف كأس فرينة فاني و كي طيب ديري فوقها الشوكولا هاذي الوصفة و انا نتاعي ماكانش عندي الكاكاو نقصت ربع كأس سكر و درت 2 مغارف شوكولا نتاع الغبرة ومن فوق درتلها نيسلي و من بعد شوكولا جات امممممممم

[idron0]

تارت البرتقال ام نهولة

الوصفه اقتصاديه العجينه فيها حبه بيض 2مك سكر فنجان تاي زيت م ص خميره
و لمي بالفرينه ترتاح شويه وحليها في المول تاع تارت و حطيها تطيب
الكريمه نصف لتر عصير البرتقال بالماء 2صفار البيض 4مك مايزينه
السكر حسب الرغبه انا نحبها قارصه شويه وحطيها فوق النار لما تعقد فرغيها
فوق التارت طلعي 2بياض البيض ورشه ملح ثم زيدي 3مك سكر عادي
وفرغيها من الفوق وحمريها من الفوق.

إضغط هنا لرؤية الصورة بحجمها الطبيعي.

[om kamilia]

ام ساجد


[size="6"]خلطة لتقوية الذاكرة وتساعد في الامتحانات[/

size]
3حبات تمر +3حبات مشمش يابس+3حبات برقوق او ماتعرف بالعينة+مغرف كبيرة زبيب ونضع الكل في نص كاس ماء زهر ليلة كاملة في الصباح نجد الفواكه الجافة شربت ماء الزهر نطحنها في الخلاط ونضيف لها الاتي مغرف كبيرة لوز محمص ومرحي خشن ومغرف كبيرة جوزمحمص مرحي خشن ومغرف كبيرة جلجلان محمص حب ومغرف كبيرة عسل وحلوة الترك حسب الدوق نتحصل على عجينة وتوضع في علبة تعطى للاطفال في الصباح على الفراغ وعلى 12 وفي الليل وموفقين كانت وصفة لي حفيظة على راديو البليدة ماتنساونيش بالدعاء امي الشفاء العاااااااااااااااااااااااااااااااااااااااااااجل