الجزء 85 من واش طيبتي اليوم يامولات الكوزينة - الصفحة 103

ام سراج وملاك · 2014-08-21, 19:52

اقتباس:

المشاركة الأصلية كتبت بواسطة lyzzabel

ام سراج حبيبتي فقط بغيت نقولك هذا راه قاتو ساك يعني يصلح للقهوة او لضياف خفاف ،، من رايي ما يجيش للفاتحة و طبعا انت و ذوقك

ام ملك انا تاني راني حاصلة فالعشا خخخخخ كانت عندنا ضيفة و غير كيما روحت واااااع ،،،،،، الحمد لله على كل حال

اللهم صل و سلم و بارك على سيدنا محمد و على ال سيدنا محمد كما صَلَّيْتَ و سلمت و بَارَكْتَ على سيدنا ابراهيم و على ال سيدنا ابراهيم في العالمين انك حميد مَجِيدٌ

ليزا حنونة الفاتحة نتاع خويا انشاء الله راح يديرها غير في الجامع مناش رايحين لدار لعروس حتان نهار يقرب العرس وانا رايحة ندير حبات قاطو سامبل برك لدارنا مناش عارضين الناس نتقهواو بيهم حنا برك شكرا على الوصفة يعطيك الصحة و عجبتني لغروبية نتاع ام محمد تاج واش رايك واش تقتارحي عليا نزيد معاهم

شاوية حرة 05 · 2014-08-21, 19:52

ليزابيل راني جاية نهجم على القاطو والوصفة تاعك راح نديرها انشالله مدام اقتصادية ههههههههه

شاوية حرة 05 · 2014-08-21, 19:57

ام سراج شوفي وصفات ام اماني وصفاتها ملاح وتناسب للخطوبة

tokio hotel · 2014-08-21, 20:01

مساء الخير عليكم كامل ام ملك اشربى كاس حليب بارد مليح ]

ام سراج وملاك · 2014-08-21, 20:02

اقتباس:

المشاركة الأصلية كتبت بواسطة شاوية حرة 05

ام سراج شوفي وصفات ام اماني وصفاتها ملاح وتناسب للخطوبة

شكرااااااا حنونة انشاء الله ندير منهم خممت ندير لاشة نوع واحد من عندها والباقي انشاء الله نخليه نهار العرس خطراه مناش عارضين خواتتي برك ورجالا يروحو لجامع

Simassim · 2014-08-21, 20:09

هههه شاوية حزري واش راح نتعشى ؟؟؟؟؟؟؟

شاوية حرة 05 · 2014-08-21, 20:12

سماسم بصحتك واش راكي تتعاشي ماتقوليش طعام انت تاني ههههههههههههههه اذا ماشي طعام حطيلي راني نعيط هههههههههههههه

إلهام07 · 2014-08-21, 20:12

معكم مراسلتنا من عين المكان ( المطبخ ) راني نجرب في وصفة أرز برياني نتاع ملوكة وراهي خلات عليها لو كان ماجيش مليحة ونباتو بلا عشاء ( الحاضر يعلم الغايب )
الريحةراهي مليحة ومانعرف

شاوية حرة 05 · 2014-08-21, 20:14

ههههههههههههه الهام ربي يعاونك

شاوية حرة 05 · 2014-08-21, 20:15

ام ملك ربي يشافيك اختي ويشافي جميع مرضى المسلمين يااااااااارب

Simassim · 2014-08-21, 20:24

الهام تجئ هايلة متخافيش خدمي وهاتي ندوقوا
ههههه شاوية انتي عليك الطعام وانا الحليب

شاوية حرة 05 · 2014-08-21, 20:26

سماسم راني نستنى جيبي الحليب وارواحي اوووووووووووووووكي

أم محمد تاج · 2014-08-21, 20:48

سلام حبيباتي وصح عشاكم
عسلايتي فيييييلم قاطووووك وحنا نسميوه les gros yeux الله يبارك ممممممممم
ام انوووستي الحلوة لي بتي فوووور روووعة بصحتكم والله يشافيك ويعافيك يارب
ماري حنونتي طريقتي مختلفة تماما على طريقة فلة وضرك نحطها لعيون ام ملك وام ياسو حبيباتي

إلهام07 · 2014-08-21, 20:48

ياسو حبيبتي سقسيتيني على تجمار التريدة ، قاتلك ماما :
أدهنيها بالشوية بالزيت بين يديك أدهنيها مليح
ومن بعد حطيها تفور وكل مرة نحيها من الكسكاس وحليها غير بالمغرفة كيما نبردو الماكلة للاولاد وبخي برك بالماء ماتكثريش ورجعيها تفور وهكذا أبقاي عاودي فيها بالشوية حتان تطرالك
وقاتلك كي تكون مازالت يابسة عاوديها غير بالشوية لاخاطر تتكسر
ومن بعد : فرغيها في صينية نتاع زجاج نتاع الفور وصبي عليها المرقة وحطي قطع صغار نتاع زبدة وغطيها بورق الالمنيوم ودخليها للفور وماتحركيهاش خلاص حتان تشرب المرق وتطرى
هذي راهي طريقة جديدة في تجمار التريدة باش ماتتفتتش تبقى كيما راهي ولاو يجمروها هكذا في الشرق ( راهي كل ماتروح لدار جدي في تاجنانت جيبلنا عفايس جدد من عند خالاتي :d:d:d:d)

أم محمد تاج · 2014-08-21, 20:56

عش العصفور على طريقتي لعيونك ام ياسوووو وام ملك حبيباتي

العجينة:
3كيلات فرينة وكيلة سمن نصها مارغارين ونصها سمن ورشة ملح وزوج مغارف سكر قلاصي وبيضة ونلم بماء الزهر نلوزها ونخليها ترتاح مليح كل مارتاحت كل ماتعبكش في الخدمة نحلها ماشي رقيقة وماشي خشينة ونحطها في لي مول
الحشو: 200غ كاوكاو مقلي بالقشور و600غ مقشر ومقلي وثلاث مغارف سكر عادي وزوج مغارف مارغارين طرية وفاني ومغرف كبيرة اكستري تاع الكارامال ونلم بالبيض ومالازمش تجي جارية ولا يابسة ونخليها ليلة تبات وباقي الطريقة راهي موضحتها الحبيبة فلة في الرابط وكي طيب نعسلها مرتين وكي نحط المكسرات في التزيين نسخن شوي جولي وندهن برفق من فوق ونذرذر شوي بريو دوري وخلالالالالاص ولا نذرذر حبيبات فضية الصغيرة

او ملك حنونتي سامحيني طولت عليك
لهاليبوووو مادامها الريحة مممممممممممم فالبنة ممممممممممممممممممممممم