الجزء 71 من واش طيبتي ليوم؟؟؟..مرحبا بيكم ياأحلى شلة - الصفحة 103

2014-04-30, 10:12

السلام عليكم
رياحين الف مباااااااااااااااااااااااااااااااارك يا غالية والله فرحتنا اليوم كبيييييييييييييييييييييييييييييييييييييييييييييييي يييرة بندى الف الحمد لله والله ربي كريم
طمنينا اول باول والله رانا عايشين معاك معاناة الحبوبة ندى
ام تاج شفتي كوزينتك كيفاه كملت بالفرحة يا طيووووووووووووووبة
بانتظارك في كوزينة اخرى حبيبتي

استغفر الله واتوب اليه

Aya69 · 2014-04-30, 10:13

صباح الخير حبيباتي دخلت على زغاريد رياحين والله غير دمعة عيني ان شاء الله يشفيها وتفرحي بيها ادعي حبيبتي رياحين دعاء الام مستجاب بإذن الله اخر الأحزان غدايا لوبيا

بريق الامل& · 2014-04-30, 10:22

السلام عليكم لبنات وشراكم احلى شلة
ختامها مسك الف مبروك رياحين لعقوبة تبشرينا كتنجح بنتك ولو اني مش عارفة الحالة ربي يهنيك ويفرحك بها
نورمالمون كوزينة بورنانا ضركا بما انها تأخرت تنتقل لام اماني 77
ام اماني تفضلي حلي كوزينتك وعمريها خيرات
ام تاج كوزينتك كانت من اروع ما يكون ربي يهنيك اختي وربي يرحم امك وبابا ووالدة ايزابيل وسهام ووالد ليلو وجميع موتانا وموتى المسلمين شفتكم تبكو فضلت ما ندخلش مورالي كان صفر ونزيد نتفكر بابا الله يرحمو
المهم رايحة نطيب دجاج في الكوشة وبطاطا

ناهدوران · 2014-04-30, 10:22

رياحين صلى ركعتين شكرا لى الله

بريق الامل& · 2014-04-30, 10:25

ام اماني ضوها كان اخضر غير كتبت الرد راحت وضرك شكون تحل الكوزييييييييينة

رياحين الجزائر · 2014-04-30, 10:39

شكرا لكن حبيبات قلبي كل وحدة باسمها كل من فرحت معايا
المهم ندى بعد معانات راح تبدى ثان العمليات ان شاء الله تنجح وتتهنى من العائقالثاني وبعدها اكملو اتمو العملية الثالثة وان شاء الله ماتفوتش الى الرابعة بالنسبة ليها والحمد لله على كل حال

R I A D · 2014-04-30, 10:52

السلام عليكم حبيبااااتي
دخول سريييع و خرووووج اسرررع

هذا وين جيت من برّا
ضربت طلة عليكم لقيت خبر تاع موعد عملية ندى و زغاريد رياحيييين ...الحمد لله ...الحمد لله ...الحمد لله
و ربي ان شاء الله تعمل العملية و تنجح و تتهناو كامل انتم و هي و ربي يفرحك بها
بلاما ننسى باباك العزيز ربي يعيشهولك جاب لك الرونديفو
يعطيه الصحة و الله يبارك فيه ان شاء الله
مبرووووووووووووووووك و الله غير فرحت من قلبيييييي

سلاااااااامي
لا اله الا الله محمد رسول الله

awladi · 2014-04-30, 10:59

بروقة اذا مكاش مشكل نحل الكوزينة
رياحين الف مبروك على البشارة هذي ربي يشفيها واعافيها
واش بكم كلمى تشرف الكوزينة على الانتهاء تتختفو هههههههههه

ام سهام 02 · 2014-04-30, 11:02

الف الف مبروك اختي رياحين رغم اني لااعرف مابها بنتك انشاء الله تنجح العملية وتفرحي بها وتشوفها عروسة.
ربي يخلي لك باباك ويطول في عمره.

ام ندى 87 · 2014-04-30, 11:02

:
صباح الفل والورد والياسمين

من فرحتي برياحيين نسيت نصبح عليكم
بروقة العزيزةاسمحيلي بصح لوكان غير نزيدو نعطو فرصة لامينة بورنان كانت حابة تحل كوزينة مازال الحااااااااااااااااااال
بروقه هههههه

nihale89 · 2014-04-30, 11:06

صبااااااااح الانواااااااااار
رياحين الف مبرووووووووك لندوش
ياربي يشفيها وتشوفيها عروسة

أم ياسين الزهراء · 2014-04-30, 11:07

رياحين الحمد لله ربي ينجح العملية هدي وتشفالك يارب دموع ام محمد هطلت بالخير كالشتاء ههههههههههههههههههههههه الحمد لله الحمد لله لعقوبة كينزيدو نفرحو لبروقة وللبنات اللي معانا يتزوجو ونتهناو منهم هههههههههههههههه

غدايا بيتزا بصح فرطاسة ههههههههههههههه عندي الخير في الثلاجة ومانحبش نبذر والحمد لله غيرنا ماصحتلهمش

lyzzabel · 2014-04-30, 11:08

صباح النووووور حبيباتي الغاليات انشالله تكونو لاباس
رياحييييين الحمد لله والله فرحت بخبر العملية تاع ندوشة الحمد لله انه يمهل و لا يهمل يا حبيبتي بكيتيني معاك و انشالله الرحمن الرحيم تنجحلها العملية و تريح و تتهني ببنيتك ربي يخليهالك و تبشرينا كيما اليوم بنجاحاتها فالدراسة اااااميييين يا رب العالمين
سكرتي الحلوة شفتي كوزينتك اولها حلو و آخرها مسك ربي يحلي أيامك يا الزينة
حبيباتي بارك الله فيكم على طياباتكم كل وحدة باسمها انا الصباح كي راح حفيظ يقرأ رحت للدونتيست الضرسة بيتتني قاعدة حتى للصباح الله لا يبليكم
و مين جيت درت الجاج يطيب و نزيد معاه لي فريت و لقيت عجوزتي دايرة الفول يفور ههههه و الحمد لله

اللهم لا اله إلا انت سبحانك اني كنت من الظالمين
اللهم ارحم أمي و والدة ام محمد و والدة ام سهام و والد ليلوشاف و والد بروقة و موتانا و موتى المسلمين جميعا وسعت رحمتك كل شيء يا ارحم الراحمين

بريق الامل& · 2014-04-30, 11:14

اقتباس:

المشاركة الأصلية كتبت بواسطة awladi

بروقة اذا مكاش مشكل نحل الكوزينة
رياحين الف مبروك على البشارة هذي ربي يشفيها واعافيها
واش بكم كلمى تشرف الكوزينة على الانتهاء تتختفو هههههههههه

ايه تفضلي اولادي اليك الخط

بريق الامل& · 2014-04-30, 11:16

اقتباس:

المشاركة الأصلية كتبت بواسطة المبتدئة

:
صباح الفل والورد والياسمين

من فرحتي برياحيين نسيت نصبح عليكم
بروقة العزيزةاسمحيلي بصح لوكان غير نزيدو نعطو فرصة لامينة بورنان كانت حابة تحل كوزينة مازال الحااااااااااااااااااال

بروقه هههههه

معليش طولت راني مديتها لاولادي المرة الجاية مازال كاين الخير زعما قلنا نعلنو على مولات الكوزينة من الاول باش ما نوقعوش في نفس المشكل ساعة والو خخخخخخخ