الجزء 101 من ركن واش طيبتي اليوم - الصفحة 103

omomnia15 · 2014-12-06, 08:36

دائمة الحمد خموس على ذيك البوبية ربي يحفضها خلي تخلها اكيد رايها تكون احلى كوزينة كيما تع جداها

عطرالذهب · 2014-12-06, 08:38

ياعمري على اسينات ربي يحفظها
يعيشك دائمة عضيهالي حتى تبكي هكاك يبرد قلبي ومانعاينهاش

ome loudjeine · 2014-12-06, 08:39

دائمة الحمد الله يبارك على هاديك الزينونة وما شاء الله ربي يحفظهالك من كل شر.كون تفتحنا الكوزينة رايحين نشبعو فرحة وزهو ونرجعو دكريات الصغر.
عطر الدهب ربي يعطيك الخير ضحكتيني بحكاية الشد والربط ههههه.

دائمة الحمد · 2014-12-06, 08:40

ربي يخليلكم اولادكم
راهي صورة من قبل راني حتى انا متوحشتها عطورة وين تجي على الدخلة نعضهالك
ام امنية راني كل يوم ندعيلك عزيزتي وسلامي الحار لالمازة راني متخيلتها لي يجي يبارك ليها تقلو اصبر حتى نصور هههههههه

دائمة الحمد · 2014-12-06, 08:48

ام رحاب حطيلنا الرابط تاع الكرم وبصحتك مسبقا

omomnia15 · 2014-12-06, 08:50

ربي يخليك حبيبتي دائمة بصح المازة راهي في طرف الدنيا وحتى واحد مراح ليها بلاك الحلويات والقاطوات الي مدتهم للناس صحاب زوجها ممكن حتى وراخى واقفة نص وقفة ههههههههههه نعرفها تموت على المنتدى
الفطور تالف وقيلا نصومهم راني عيانا ولازم نخرج نقضي بلاك ندير شربة فاغمسال بصح الكردي الصغير تع وليدي ميكلهاش

x ام رحاب x · 2014-12-06, 08:52

تكرمي دائمة الحمد هاهو الرابط
https://www.djelfa.info/vb/showthread.php?t=1532405

ome loudjeine · 2014-12-06, 08:56

ام امنية ديري برك حاجة خفيفة كي راكي غلبانة ربي يسلكك على خير.
كشما عنكم وصفة شيفلور في الكوشة....
دائمة الحمد حسبت الزينونة بنتك بحال حفيدتك عليها عزيزة عليك بزاف اعز الولد ولد الولد ربي يحفظهالك ويخليها لوالديها ان شاء الله يفرحو بيها.

راكم كثرتونا الصور تاع البيبيات راكم سخفتوني واقيلا حديرولي الكوراج ونزيد فيها واحد هههههه.

قمر 77 · 2014-12-06, 09:32

اقتباس:

المشاركة الأصلية كتبت بواسطة ome loudjeine

ام امنية ديري برك حاجة خفيفة كي راكي غلبانة ربي يسلكك على خير.
كشما عنكم وصفة شيفلور في الكوشة....
دائمة الحمد حسبت الزينونة بنتك بحال حفيدتك عليها عزيزة عليك بزاف اعز الولد ولد الولد ربي يحفظهالك ويخليها لوالديها ان شاء الله يفرحو بيها.

راكم كثرتونا الصور تاع البيبيات راكم سخفتوني واقيلا حديرولي الكوراج ونزيد فيها واحد هههههه.

ام لجيين انا البارح درت نتاع ام ميثاراااااااااااااااااااائع و ايلا تاكلو المقلي نتاع ام تاجو رااااااااائع

ome loudjeine · 2014-12-06, 08:58

ام يسرى صباح النور واش احوالك اليوم مع لاغريب.اتهلاي في روحك وربي يشفيك ماتزيديش تصورينا من التاقة في هاد البرد راكي مرضتي بسبتنا ههههههه.

kaouka · 2014-12-06, 09:17

صباح الخير وشراكم ﻻباس شكون الفحﻻ لي تمدلي ربط تاع العجينة المورقة رهي خدمتها ام تاجو ﻻ مكذبتش تاع يسمين والله منعرف واش اسمها رني نستنا غديا روز و سردين وسﻻطة

ام سراج وملاك · 2014-12-06, 09:23

صباح الخير عليكم كامل
دائمة الحمد ربي يحفظلكم اسينات من العين وقلها تحلها من عندي امانة عليك بوسيهالي انا حنينة منيش شريرة هههههه كيما عطورة عندك الحق اعز الولد ولد الولد تتربي في عز والديها وعزكم وان شاء الله تكون من الذرية الصالحة
راني نشوف قريب يقفلولنا الكوزينة وينهم الشاطرات
حقا لبنات علاه متشاركوش في احسن ديكور انا علابالي بلي كوزيني متبانش قدام كوزينة لبنات بصح حبيت نشارك علجال الركن نتاعنا واش طيبتي سيرتو كي عادت المسابقة باسمو
ام يسرا حبيبيتي شكراااا على حسن الضيافة كوزينتك فاتت ثمثم خفيفة ومفقناش كيفاه خلاصت

omomnia15 · 2014-12-06, 09:24

سماسم روحي لدردشة الحوامل

omomnia15 · 2014-12-06, 09:27

راني حمصت الطمينة بسميد مولا متوسط كيما قلتيلي ام سهام بصح قالتلي ماما واختي تبان رطبة زعما من السميد ولا من الشاربات سخونة ممكن اتجاوبوني ام رحاب انت درتي الطمينة لاختك واش من سميد درتي والشاربات والزبدة سخونة ولاباردة

x ام رحاب x · 2014-12-06, 09:31

اقتباس:

المشاركة الأصلية كتبت بواسطة omomnia15

راني حمصت الطمينة بسميد مولا متوسط كيما قلتيلي ام سهام بصح قالتلي ماما واختي تبان رطبة زعما من السميد ولا من الشاربات سخونة ممكن اتجاوبوني ام رحاب انت درتي الطمينة لاختك واش من سميد درتي والشاربات والزبدة سخونة ولاباردة

السميد لازم تغربيليه باه اتنحي منو الرطب ويقعد هادك الخشين شوية والعسل لازم ايكون صخون هادي هيا الطمينة