~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

[عائشة حسان]

صبااااح الخيييييير يا غاليات
يومكن موفق وسعيد

[wahibaazel]

صباح الخير عليكم كامل ،الغدا راني نخمم

[wahibaazel]

قمر ربي يجازيك على وصفة الجبن لالمازة ،ام سهام ربي يحفظك ،بناي راهي شوية شوية راني نمدلها تعمل وضعيات في الفرنسية واللغة تقدريةتشاركي في موضوع :همزة وصل بين التلميذ والمعلم ،راهم الاساتذة يحطو وضعيات والتلاميذ يحلوها ثم يصحوها الاساتذة ربي يجازيهم .

[زينب 83]

حبيبتي ام الورود ، ما شاء الله ، و انا نقول منين جبتي هذي الضرافة و الكلام العسل ، و انت من ناس جيجل أهل الكرم و الجود و الأخلاق و الحشمة ، انا نعرف جيجل مليح حنونة لآني كل صيف نروح ليها ، فعلا فيها طبيعة خلابة و كرام ربي يحفظك و يحفظ كل الجزائر

حبيبتي الله يرضى عليك نحي صورة التمثال ، يكمن مانتبهتيش حبيبتي ، و حبيت نسألك على المكان لي قبل الكهوف العجيبة انا ماعرفتوش اذا ممكن تقوليلي اسمو



الأخت كرونو نورت كوزينتي يا غالية و زدتلها شرف على شرف تسلمي على الزيارة حبيبتي

إيمان صباح الخير ، انا لي كليت الكاجو هههههههه نموت عليه و اطباقك جمييييييييلة

وهيبة صباح الخير ، عائشة يوم اسعد لك حبيبتي

[أم هبوبة]

صباح ااخير على الجمبع و بوم موفق بادن الله

[oum islem]

صباح السعادة والتفاؤل والاخبار السعيدة
كيف احوالكم
غدانا جلبانة وقرنون وكسرة او مطلوع مازلت ما قررتش
سخفتوني نشأرك في مسابقة التطبيقات لكن عندي مشكل عويص في الصور
لكن اخترت هاذو يا زينب
فطائر اللحم والجبن
العجينة 250 غ فرينة 2م ك زيت ملح 1م ص خميرة رشة خميرة الحلوى نصف م ص سكر
الحشو حوالي 200 غ لحم مفروم بصلة ملح فلفل اسود معدنوس وقطع جبن الخاص بالدهن
للتزيين جنجلان وصفار بيضة
اصابع البطاطا والمرقاز
بطاطا مطهية على البخار بيضة جبن طري ملح فلفل أسود رشة بودرة الثوم 1 م ك فرينة 2م ك شابلير
مرقاز طايب مقلي او مشوي نغلفو بالبطاطا نديرو في الشابلير ونقليه
والتحضير تاع الوصفتين فيه عدة اشكال وحشوات
نحطهم مواضيع في وقت لاحق ان شاء الله
نلتقي بعد الغداء سلامي

[om kamilia]

السلام عليكم ورحمة الله وبركاته
صباحكم مبرووووك لبنات ويوم موفق للجميع عيد ميلاد بنتي الثاني قرب وانا عيييييييييت بصح حبييييت نفرحها حابة نديرلها جينواز بكريمة الزبدة على شكل مستطيل محشية بالفواكه نص بالشكولاطة و الآخر بالفانيلا والفوق ندير دائرة ولا وجه هلو كتييي بعجينة السكر و اش رايكم
ونعرض فميليا راجلي للقهوة ناوية باذن الله ندير مسمن تشاراك ام اماني وصابلي
وهل يمكن تعويض الزبدة في كريمة الزبدة بالماغارين

[rahma2014]

صباح الخير عليكم يا حراير واش راكم
وهيبة واش احوالك
زينب ربي يعينك حبيبتي
او اسلام يعطيك الصحة
اسمهان ربي يشفيك حبيبتي
ام هبوبة عائشة صباحكم فل
ام كاميليا صباح الخير وكل عام وبنتك بالف عافية وصحة

[om kamilia]

واش من الخير لي صبحت عليه ام سلام مممم

[om kamilia]

زينوبة راكي تحفتي الكوزينةةوعطيتيلها روح جديدة يعطيك الصحة

[طير الرحمة]

صباحكم فل وياسمييييييييييييييييييييييييييييين
اليوم عندنا ميناااااااااااااااج كبيييييييييييييييييييييير
الغبار دار فينا حالة امس ردم عليما كلش شيئ
اردت ان اسالك زينب عن التدبيرة نقدر نشارك ولالا ولا مرة اخرى ان شاء الله
وادا نقدر
حطيلي هده زوج تدبيرات فى المسابقة
تخزين الخضروات والفواكه
بعض أنواع الفواكه والخضراوات يتغير لونها بسرعة وتكون سريعة العطب ولكن هناك بعض الطرق قد تساعدنا في الحفاظ عليها لمدة أطول مثلا :

حفظ الموز في البراد لمدة خمسة أيام بحيث يتغير لون القشرة مع بقائه
طازجا من الداخل .

ولحفظ الجزر اقطعي رؤوسه وضعيه في كيس نايلون في البراد .

أما رؤوس القرنبيط فيفضل الاحتفاظ بورقها لتبقى مدة اسبوعين في البراد..اما اذا تم ازالتها فيجب استهلاكها خلال ايام قليلة.

وللاحتفاظ بأوراق النعناع والكزبرة طازجه لفيها بقطعة قماش من الموسلين أو شاش قبل وضعها في البراد.

صلصة البشاميل:
* حتى تتجنبي تكتل الطحين أثناء إعداد صلصة البشاميل استخدمي في التقليب شوكة طعام مثبتا في طرفها ثمرة بطاطس نيئه مقشرة بدلا من الملعقه الخشبية التقليديه .
* إذا حصلت على صلصة مملحة أكثر من اللازم يمكنك اضافة ملعقه من السكر البودرة للتخلص من هذا العيب واستخدام الصلصة رغم كل شيء.

* إعداد صلصة البشاميل في وقت مبكر يؤدي إلى ظهور قشره غير مرغوب فيها على سطحها ولتجنب ذلك يكفيك بعد الانتهاء من إعدادها تغطيتها بورق الزبد.

[om kamilia]

اكيد حطيتو وتحفتو الكوزينة باروع الاطباق في غيابي مشكل النت يهبل وخاصة راني نحكم بالويفي

[natacabell]

صباح النور وهيبة.زينب.عيشا.ام هبوبة. ام اسلام كنت راح نسقسيك على الفطائر صبتك حطيتيهم يعطيك الصحة يوم موفق للكل فطوري اليوم قعدلي من البارح متعشاوش بيه (عدس) نزيد كاش منزيد حبيت فريكاسي و مانعرف....سلامي للملتحقات.
ام ورود حوستي بينا على صباح الله يفتح عليك و يخليك كي الوردا اللي يشمك ما يرميك دعوة مليح على صباح.
رحمة كامي طير الرحمة صباحكم ورد و ياسمين

[زينب 83]

المشاركة الأصلية كتبت بواسطة om kamilia

السلام عليكم ورحمة الله وبركاته
صباحكم مبرووووك لبنات ويوم موفق للجميع عيد ميلاد بنتي الثاني قرب وانا عيييييييييت بصح حبييييت نفرحها حابة نديرلها جينواز بكريمة الزبدة على شكل مستطيل محشية بالفواكه نص بالشكولاطة و الآخر بالفانيلا والفوق ندير دائرة ولا وجه هلو كتييي بعجينة السكر و اش رايكم
ونعرض فميليا راجلي للقهوة ناوية باذن الله ندير مسمن تشاراك ام اماني وصابلي
وهل يمكن تعويض الزبدة في كريمة الزبدة بالماغارين

و عليكم السلام و رحمة الله و بركاته
ام كاميليا شفت زينب66 حطت كريمة في الصفحات السابقة فيها كريمة قالت انها كيما كريمة الزبدة من دون زبدة شوفيها

المشاركة الأصلية كتبت بواسطة rahma2014

صباح الخير عليكم يا حراير واش راكم
وهيبة واش احوالك
زينب ربي يعينك حبيبتي
او اسلام يعدين الصحة
اسمهان ربي يشفيك حبيبتي
ام هبوبة عائشة صباحكم فل

صباح الخير رحمة

[طير الرحمة]

اردت اسال عن العجيمة الخارجية المستخدمة فى حلوى المخبز وكم هو سعرها
والغلوكوز والديكوجال تاني شو اسعارها
سامحوني على هده الاسئلة يمكن تعتبروها سخيفة
لكن انا تهمني ولكن الف شكر